saabaramati aashram

saabaramati aashram

saabaramati aashram Bhaarat ke Gujarat raajya Ahmedabad jile ke prashaasanik kendra Ahmedabad ke sameep saabaramati nadi ke kinaare sthit hai. satyaagrah aashram ki sthaapana san 1917 mein Ahmedabad ke kocharab naamak sthaan mein mahaatma Gandhi dvaara hui thi. san 1957 mein yeh aashram saabaramati nadi ke kinaare vartamaan sthaan par sthaanaantarit hua aur tab se saabaramati aashram kahalaane laga. aashram ke vartamaan sthaan ke sambandh mein itihaasakaaron ka mat hai ki pauraanik dadheechi rishi ka aashram bhi yahi par tha.

anukram

sthiti

aashram vrukshon ki sheetal chhaaya mein sthit hai. yahaaain ki saadagi evam shaanti dekhkar aashcharyachakit rah jaana padta hai. aashram ki ek or central jail aur doosari or dudheshvar shmashaan hai.

itihaas

aashram se praarambh mein nivaas ke liye kainavaas ke kheme aur teen se chhaaya hua rasoighar tha. san 1917 ke ant mein yahaaain ke nivaasiyon ki kul sankhya 40 thi. aashram ka jeevan Gandhi ji ke satya, ahinsa aatmasasanyam, viraag evam samaanata ke siddhaanton par aadhaarit mahaan prayog tha aur yeh jeevan us saamaajik, aarthik evam raajaneetik kraanti ka, jo mahaatma ji ke mastishk mein thi, prateek tha.

saabaramati aashram saamudaayik jeevan ko, jo bhaarateeya janta ke jeevan se saadruya rakhata hai, viksit karne ki prayogaashaala kaha ja sakta tha. is aashram mein vibhinn dharmaavalabiyon mein ekta sthaapit karne, charkha, khaadi evam graamodyog dvaara janta ki aarthik sthiti sudhaarane aur ahinsaatmak asahayog ya satyaagrah ke dvaara janta mein svatantrata ki bhaavana jaagrat karne ke prayog kiye gaye. aashram bhaarateeya janta evam bhaarateeya netaaon ke liye preranaashrot tatha Bhaarat ke svatantrata sangharsh se sambandhit kaaryon ka keindrabindu raha hai. kataai evam bunaai ke saath-saath charkhe ke bhaagon ka nirmaan kaarya bhi dheere-dheere is aashram mein hone laga.

aashram mein rahate hue hi Gandhi ji ne Ahmedabad ki milon mein hui hadtaal ka safal sanchaalan kiya. mil maalik evam karmachaariyon ke vivaad ko sulajhaane ke liye Gandhi ji ne anaan aarambh kar diya tha, jiske prabhaav se 21 dinon se chal rahi hadtaal teen dinon ke anaan se hi samaapt ho gayi. is safalta ke pachaat Gandhi ji ne aashram mein rahate hue kheda satyaagrah ka sootrapaat kiya. raalet samiti ki sifaariaaon ka virodh karne ke liye Gandhi ji ne yahaaain tatkaaleen raashtreeya netaaon ka ek sammelan aayojit kiya aur sabhi upasthit logon ne satyaagrah ke pratijnyaa patra har hastaakshar kiye.

saabaramati aashram mein rahate hue mahaatma Gandhi ne 2 March 1930 E. ko Bhaarat ke vaaisaraaya ko ek patra likhkar soochit kiya ki vah nau dinon ka savinya avajnyaa aandolan aarambh karne ja rahe hain. 12 March 1930 E. ko mahaatma Gandhi ne aashram ke anya 78 vyaktiyon ke saath namak kaanoon bhang karne ke liye aitihaasik dandi yaatra ki. iske baad Gandhi ji Bhaarat ke svatantr hone tak yahaaain lautakar naheen aae. uparyukt aandolan ka daman karne ke liye sarkaar ne aandolanakaariyon ki sampatti jabt kar li. aandolanakaariyon ke prati sahaanubhooti se prerit hokar, Gandhi ji ne sarkaar se saabaramati aashram le lene ke liye kaha par sarkaar ne aisa naheen kiya, fir bhi Gandhi ji ne aashramavaasiyon ko aashram chhodkar Gujarat ke kheda jile ke beerasad ke nikat raasagraam mein paidal jaakar basane ka paraarma diya, lekin aashramavaasiyon ke aashram chhod dene ke poorv 1 August 1933 in. ko sab giraftaar kar liye gaye. mahaatma Gandhi ne is aashram ko bhang kar diya. aashram kuchh kaal tak janashoonya pada raha. baad mein yeh nirnaya kiya gaya ki harijnon tatha pichhde vargon ke kalyaan ke liye shiksha evam shiksha sambandhi sansthaaon ko chalaaya jaae aur is kaarya ke liye aashram ko ek nyaas ke adheen kar diya jaae.

raashtreeya smaarak

Gandhi ji ki mrutyu ke pachaat unki smruti ko nirantar surakshit rakhane ke uddeya se ek raashtreeya smaarak ki sthaapana ki gayi. saabaramati aashram Gandhi ji ke netrutv ke aarambh kaal se hi sambandhit hai, at: Gandhi-smaarak-nidhi naamak sangathan ne yeh nirnaya kiya ki aashram ke un bhavanon ko, jo Gandhi ji se sambandhit the, surakshit rakha jaae. isliye 1951 E. mein saabaramati aashram suraksha evam smruti nyaas astitv mein aaya. usi samay se yeh nyaas mahaatma Gandhi ke nivaas, hrudayakunj, upaasanaabhoomi naamak praarthanaasthal aur magan nivaas ki suraksha ke liye kaarya kar raha hai.

hrudayakunj mein Gandhi ji evam kastooraba ne lagbhag 12 varshon tak nivaas kiya tha. 10 May 1963 E. ko shri javaaharalaal ne hrudayakunj ke sameep Gandhi smruti sangrahaalaya ka udghaatan kiya. is sangrahaalaya mein Gandhi ji ke patra, fotograaf aur anya dastaavej rakhe gaye hain. yang India, navajeevan tatha harijn mein prakaashit Gandhi ji ke 400 lekhon ki mool pratiyaaain, bachapan se lekar mrutyu tak ke fotograafon ka bruhat sangrah aur Bhaarat tatha videshon mein bhraman ke samay diye gaye bhaashanon ke 100 sangrah yahaaain pradarshit kiye gaye hain. sangrahaalaya mein pustakaalaya bhi hain, jismein saabaramati aashram ki 4,000 tatha mahaadev Desai ki 3,000 pustakon ka sangrah hai. is sangrahaalaya mein mahaatma Gandhi dvaara aur unako likhe gaye 30,000 patron ki anukramanika hai. in patron mein kuchh to mool roop mein hi hain aur kuchh ke maaikrofilm surakshit rakhe gaye hain.

jab tak saabaramati aashram ka darshan na kiya jaae tab tak Gujarat ya Ahmedabad nagar ki yaatra apoorn hi rahati hai. ab tak vishv ke anek deshon ke pradhaanon, raajaneetijnyaon evam vishisht vyaktiyon ne is aashram ke darshan kiye hain.

nivaas sthaan

Bapu ji ne aashram mein 1915 se 1933 tak nivaas kiya. jab ve saabaramati mein hote the, to ek chhoti si kutiya mein rahate the jise aaj bhi "hradaya-kunyaj" kaha jaata hai. yeh aitihaasik drushti se amoolya nidhi hai jahaaain unka desk, khaadi ka kurta, unke patra aadi maujood hain. "hradaya-kunyaj" ke daain or "nandini" hai. yeh is samay "atithi-kaksh" hai jahaaain desh aur videsh se aae hur atithi thaharaae jaate the. vaheen "vinoba kuteer" hai jahaaain aachaarya vinoba bhaave thahare the.

yahaaain vibhinn gatividhiyon ke liye kai kuteer banaae gaye hain, jo is prakaar hain:

hrudaya kunj

hrudaya kunj naamak kuteer aashram ke beecho beech sthit hai, iska naamakaran kaaka saahab kaalekar ne kiya tha. 1919 se 1930 tak ka samay Gandhi ji ne yaheen bitaaya tha aur unhonne yaheen se aitihaasik daandi yaatra ki shuruaat ki thi.

vinoba-meera kuteer

isi aashram ke ek hisse mein vinoba-meera kuteer sthit hai. yeh vahi jagah hai, jahaaain 1918 se 1921 ke dauraan aachaarya vinoba bhaave ne apne jeevan ke kuchh maheene bitaae the. iske alaava Gandhi ji ke aadarsho se prabhaavit british yuvati medaleen sled bhi 1925 se 1933 tak yaheen raheen. Gandhi ji ne apni is priya shishya ka naam meera rakha tha. inheen donon shakhseeyaton ke naam par is kuteer ka naamakaran hua.

praarthana bhoomi

aashram mein rahane vaale sabhi sadasya pratidin subah-shaam praarthana bhoomi mein ekatr hokar praarthana karte the. yeh praarthana bhoomi Gandhi ji dvaara liye gaye kai aitihaasik nirnayon ki saakshi rah chuki hai.

nandini atithigruh

aashram ke ek mukhyadvaar se thodi doori par sthit hai-guest house nandini. yahaaain desh ke kai jaane-maane svatantrata senaani jaise- pan॰ javaaharalaal Nehru, dau॰ raajeindr prasaad, si.raajagopaalaachaari, deenabandhu endrayooj aur raveendranaath Tagore aadi jab bhi Ahmedabad aate the to yaheen thaharate the.

udyog mandir

Gandhi ji ne hastanirmit khaadi ke maadhyam se desh ko aajaadi dilaane ka sankalp liya tha. unhonne maanaveeya shram ko aatmanirbharata aur aatmasammaan ka prateek banaaya. yahi vah jagah thi, jahaan Gandhi ji ne apne aarthik siddhaanton ko vyaavahaarik roop diya. yaheen se charakhe dvaara soot kaatakar khaadi ke vastr banaane ki shuruaat ki gayi. desh ke kone-kone se aane vaale Gandhi ji ke anuyaayi isi aashram mein rahate the aur yahaan unhein charakha chalaane aur khaadi ke vastr banaane ka prashikshan diya jaata tha. aashram mein udyog mandir ki sthaapana 1918 mein Ahmedabad ke teksataail mil ke karmachaariyon ki hadtaal ke dauraan ki gayi thi. iske alaava kastooraba ki rasoi is aashram ke aakarshan ka mukhya kendra hai. yahaaain unki rasoi mein istemaal kiye jaane vaale choolhe, bartanon aur alamaari ko dekha ja sakta hai.

baahari kadiyaaain