rupaya

rupaya (Ru.) (hindi aur urdoo: rupaya, sanskrut: roopyakam se utprerit jiska arth chaandi ka sikka hai) Bhaarat, Pakistan, Sri Lanka, Nepal, maureeshas aur seshals mein upayog me aane waali mudra ka naam hai. Indonesia ki mudra ko rupiya jabki maaladeev ki mudra ko rufiyaah, ke naam se jaana jaata hai jo asal me hindi shabd rupaya ka hi badla hua roop hai. bhaarateeya aur Pakistani rupaye me sau paise hote hain (ekavachan paisa) mein, shreelankaai rupaye mein 100 seint, tatha nepaali rupaye ko sau paise ya chaar sookon (ekavachan sook) ya do moharon (ekavachan mohar) me vibhaajit kiya ja sakta hai.

"rupaya" shabd ka udgam sanskrut ke shabd rup ya rupyaah me nihit hai, jiska arth kachchi chaandi hota hai aur roopyakam ka arth chaandi ka sikka hai. "rupaya" shabd ka prayog sarvapratham sher shaah soori ne Bhaarat me apne sankshipt shaasan (1540-1545) ke dauraan kiya tha. sher shaah soori ne apne shaasan kaal me jo rupaya chalaaya vah ek chaandi ka sikka tha jiska vajan 178 gren (11.534 gram) ke lagbhag tha. usane taaainbe ka sikka jise daam tatha sone ka sikka jise mohar kaha jaata tha ko bhi chalaaya. kaalaantar me mugl shaasan ke dauraan poore upamahaadveep me maudrik pranaali ko sudrudh karne ke liye teenon dhaatuon ke sikkon ka maanakeekaran kiya gaya.

sher shaah soori ke shaasanakaal ke dauraan shuroo kiya gaya 'rupaya' aaj tak prachalan me hai. Bhaarat me british raaj ke dauraan bhi yeh prachalan me raha, is dauraan iska vajan 11.66 gram tha aur iske bhaar ka 91,7% tak shuddh chaandi thi. 19veen shataabdi ke ant me rupaya prathaagat british mudra vinimay dar, ke anusaar ek shiling aur chaar peins ke baraabar tha vaheen yeh ek pound starling ka 1 / 15 hissa tha.

unneesaveen sadi me jab duniya mein sabse sashakt arthavyavasthaayein svarn maanak par aadhaarit theen tab chaandi se bane rupaye ke moolya me bheeshan giraavat aayi. sanyukt raajya America aur vibhinn Europeeya upaniveshon mein vishaal maatra me chaandi ke srot milne ke parinaamasvaroop chaandi ka moolya sone ke apeksha kaafi gir gaya. achaanak Bhaarat ki maanak mudra se ab baahar ki duniya se jyaada khareed naheen ki ja sakti thi. is ghatna ko 'rupae ki giraavat "ke roop mein jaana jaata hai.

pehle rupae (11.66 gram) ko 16 aane ya 64 paise ya 192 pai mein baanta jaata tha. rupaye ka dashamalaveekaran 1869 mein seelon (Sri Lanka) mein, 1957 mein Bhaarat me aur 1961 mein Pakistan mein hua. is prakaar ab ek bhaarateeya rupaya 100 paise mein vibhaajit ho gaya. Bhaarat mein kabhi kabhi paise ke liye naya paisa shabd bhi istemaal kiya jaata tha. Bhaarat me bhaarateeya reserve bank dvaara mudra jaari ki jaati hai, jabki Pakistan me yeh state bank of Pakistan ke dvaara niyantrit hota hai.

ve desh jahaaain rupaya raashtreeya mudra hai

asam, tripura aur pashchim Bengal mein boli jaane waali asamiya aur baangla bhaashaaon mein, rupaye ko taka ke roop mein jaana jaata hai aur bhaarateeya bank noton par bhi isi roop mein likha jaata hai. Bhaarat aur Pakistan ki mudra 1, 2, 5, 10, 20, 50, 100, 500 aur 1000 rupaye ke moolyavarg mein jaari ki jaati hai, vaheen Pakistan me 5000 rupaye ka not bhi jaari kiya jaata hai. rupaye ki badi moolyavarg aksar lakh (100000) karod (10000000) aur arab (1000000000) rupae mein gine jaate hain.

bhaarateeya rupaye ka sveekrut prateek chinh

san 2010 mein bhaarateeya sarkaar dvaara ek rupaye ke liye prateek chinh nirdhaarit karne hetu ek raashtreeya pratiyogita ka aayojan kiya gaya^[1]. joori dvaara sabhi pravishtiyon mein se paaainch dijaainon ko chuna gaya^[2] jinmein se antim rup se aaiaaiti ke pravakta udaya Kumar ke design^[3] ko chuna gaya.

1. ↑ http://finmin.nic.in/the_ministry/dept_eco_affairs/currency_coinage/Comp_Design.pdf
2. ↑ http://timesofindia.indiatimes.com/India/Cabinet-decides-on-rupee-sign-today-/articleshow/6084121.cms
3. ↑ http://www.scribd.com/doc/34336047/Non-eligible-Candidate-In-Indian-Rupee-Symbol-Design-Competition

• rupae ka itihaas
• khaadi rupaya

• bhaarateeya mudra ke nirmaan ki kahaani
• chaandi se taanka raha hai hamaare rupaye ka (arthakaam)
• paison ke baare mein mahaan vyaktiyon ke vichaar