rudrat

rudrat alankaar sanpradaaya ke pramukh aachaarya. inhonne alankaar shaastr ke siddhaanton ki vistrut evam vaigyaanik drushti se vivechana ki hai. kaavyaalankaar naamak granth ke rachayita sanskrut saahitya ke ek prasiddh aachaarya jo 'rudrabh' aur 'shataanand' bhi kahalaate the.

parichay

alankaaron ke kramavikaas ke saath rudrat ne unka chaar vargon mein vibhaajan kiya hai aur is vargeekaran ke auchitya ka vijnyaaanasammat pratipaadan kiya. rudrat ne kaavya mein rasadosh ko 'virs' naamase abhihit kiya hai. unke granth ka naam 'kaavyaalankaar' hai jo vishay ki drushti se atyant vyaapak hai. ismein kaavya ke praaya: sabhi angon par vichaar kiya gaya hai. granth solah adhyaayon mein poorn hai. prathamaadhyaaya mein kaavyaprayojan aur kaavyahetu, dviteeya mein kaavyalakshan, reeti, bhaashaabhed, vakrokti aadi teen shabdaalankaar, truteeya chaturth mein kramash: yamak aur shlesh, paaainchavein mein chitrakaavya, chhathe mein shabdadosh evam unka parihaar, saat se das tak ke chaar adhyaayon mein arthaalankaar niroopan, 11vein mein arthaalankaar niroopan, 11vein mein arthaalankaar dosh, baarah se pandrah tak ke chaar adhyaayon mein ras aadi ka niroopan vivechan aur solahavein adhyaaya mein mahaakaavya, prabandh aadi ka lakshan vivechan kiya gaya hai. granth ki padyasankhya 734 hai aur granthaagat sabhi udaaharan granthakaar dvaara swayam nirmit hain.

rudrat ne alankaaron ke chaar mool tatvon ke vaastav varg mein 23, aupamya varg mein 21, atishya varg mein 12 aur shlesh varg mein 1 alankaar maana hai. is prakaar bhaasha vrutti, reeti evam rasaadi sambandhi meemaansa se yukt hone par bhi alankaaron ka suvyavasthit varnan aur unki sameeksha hi granth ka mukhya uddeshya prateet hota hai.

alankaaravaadi hote hue bhi aachaarya rudrat rasauchitya ke siddhaant ke sameekshak roop mein saamane aate hain. ras ke paritosh ke liye hi inhonne alankaaron ki satta maani hai. kaavyaalankaar ke doosare adhyaaya mein anupraasalankaar ki paaainch jaatiyon ka vivran aur kaavya mein unke prayogavaale prakaran mein unhonne mukhyat: auchitya ki satta ko sveekaar kiya hai.

kaavyaalankaar mein ek shlok aaya hai jise shataranj ke itihaasakaar Bhaarat mein shataranj ke khel ka sabse puraana ullekh tatha 'ghod ki chaal' (knight's tour) ka sabse puraana udaaharan maanate hain-

sena leeleeleena naali leenaana naanaaleeleeli .
naaleenaaleele naaleena leeleeli naanaanaanaali . 15 .

bhaamah, dandi aadi ki tarah rudrat ne bhi vibhinn kaavyadoshon ki gunatvaapatti ki charcha ki hai. chhathe adhyaaya mein ispar vishesh vivechan kiya gaya hai jisse pata lagta hai ki graamya, punarukt aadi dosh kis avasthaavishesh ko praapt karne par gun ke roop mein maanya kiye ja sakte hain. anukaranaavastha mein kaavya ya naatak ke samast dosh dosh na rahakar gun svaroop ho jaate hain- yeh maanyata bhi rudrat ki abhivyakti hai.

rudrat Kashmiri the. inka kuchh parichay 'kaavyaalankaar' par likhi hui namisaadhu ki teeka dvaara praapt hota hai. paaainchavein adhyaaya ki teeka mein chitrakaavya ke antargat nibddh "shataanand parakhyen bhattavaamuk soonuna. saadhitan rudratenedam saamaaja dheemataan hitm." shlok ke aadhaar par itna hi gyaat hota hai ki rudrat saamavedi the. inka ek naam 'shataanand' tha aur inke pita ka naam 'bhatt vaamuk' tha. raajashekhar, mammat aadi anek aachaaryon ne inka ullekh kiya hai aur inke vichaaron ki aalochna bhi ki hai. is aadhaar par inka samay E. 900 se poorv nishchit hota hai. inhonne apne sambandh mein kuchh aisa naheen likha hai jisse inke samay, raajyaashraya, guruparanpara aadi ka vishesh gyaan praapt ho sake.

baahari kadiyaaain