rudaaki

abdulla jafr ibn muhammd rudaaki (859-941) faarasi ke sabse pramukh kaviyon mein se ek hain. inhein aadhunik faarasi bhaasha ke pravartak kavi ke roop mein bhi jaana jaata hai. us samay jab faaras (Iran) par arabon ka adhikaar ho gaya tha aur saahityik jagat mein arabi ka prabhutv badh gaya tha, rudaaki ne faarasi bhaasha ke navodaya karavaaya tha. unhonne arabi lipi ke nae sanshodhit sanskaran mein likhna chaaloo kiya jo baad mein faarasi bhaasha ki lipi ban gayi.

rudaaki ki janm aadhunik taajikistaan mein maana jaata tha jo us samay faarasi saanskrutik kshetr ke andar aata tha. kaha jaata hai ki ve janmajaat andhe the par unke dvaara rangon ka itna sanjeeda chitran kiya hai ki yeh vishvaas karna mushkil lagta hai. yeh janashruti hindi kavi sooradaas ki kahaani jaisi lagti hai.