rubidiym


rubidiym / Rubidium
raasaayanik tatv
Rb5.JPG
roobidiym ka ek namoona
raasaayanik chinh: Rb
parmaanu sankhya: 37
raasaayanik shrunkhala: kshaar dhaatu
Rb-TableImage.png

aavart saarani mein sthiti
Electron shell 037 Rubidium.svg
electronic dhaancha
anya bhaashaaon mein naam: Rubidium (angreji)

roobidiym (Rubidium) ek raasaayanik tatv hai. yeh aavart saarani ke pratham mukhya samooh ka chautha tatv hai. ismein dhaatugun vartamaan hain. iske teen sthir samasthaanik praapt hain, jinki dravyamaan sankhyaaeain kramash: 85, 86, 87 hain. is tatv ki khoj bunsan tatha kirkhahauf ne 1860 E. mein spektramadarshi (spectroscope) dvaara ki thi. spektramadarshi dvaara prayogon mein do nai laal rekhaaeain mileen, jinke kaaran iska naam 'roobidiym' rakha gaya.

lepidolaait ayask mein roobidiym ki maatra lagbhag 1 pratishat rahati hai. iske atirikt abhrak tatha kaartelaaid mein bhi yeh nyoon maatra mein milta hai. potaishiym tatha roobidiym ke plaitinik kloraaidon ki vileyata bhinn bhinn hai, jiske kaaran in donon ko pruthak kiya ja sakta hai.

gunadharm

roobidiym ke yaugikon ko kailsiym athva vidyut dvaara apachayit karaakar dhaatu praapt ki jaati hai. yeh chamakadaar dhaatu hai.[1] iske gun ye hai :

  • sanket : Rb
  • paramaanusankhya 37,
  • paramaanubhaar 85.47,
  • galanaank 38.9 sein.,
  • kvathanaank 688 sein. tatha
  • ghanatv 1.53 gram prati ghan seinmi..

roobidiym ki vaayu mein sheegra okseekaran ho jaata hai. yeh jal ka sheeghrata se vightan karta hai. iske lavan rangaheen tatha jalavileya hain aur inke gun praaya: potaishiym lavanon se milte julate hain.

inhein bhi dekhein

sandarbh

  1. Ohly, Julius (1910). "Rubidium". Analysis, detection and commercial value of the rare metals. Mining Science Pub. Co.