roshan Singh

roshan Singh (janm:1892-mrutyu:1927)

thaakur roshan Singh (1892 - 1927) Bhaarat ke svatantrata sangraam ke ek kraantikaari the.

asahayog aandolan ke dauraan uttar pradesh ke bareli jile mein hue goli-kaand mein saja kaatkar jaise hi shaantipoorn jeevan bitaane ghar vaapas aaye ki Hindustan Republican aisosiyeshan mein shaamil ho gaye. yadyapi thaakur saahab ne kaakori kaand mein pratyaksh roop se bhaag naheen liya tha fir bhi aapke aakarshak va raubeele vyaktitv ko dekhkar kaakori kaand ke sootradhaar pandit Ram prasaad bismil va unke sahakaari Ashfaq ulla khaaain ke saath 19 December 1927 ko faaainsi de di gayi. ye teenon hi kraantikaari uttar pradesh ke shaheedagadh kahe jaane vaale janapad shaahajahaaainpur ke rahane vaale the. inmein thaakur saahab aayu ke lihaaj se sabse bade, anubhavi, daksh va achook nishaanebaaj the.

anukram

sankshipt jeevan parichay

kaantikaari thaakur roshan Singh ka janm uttar pradesh ke shaahajahaaainpur janapad mein fatehaganj se 10 kilometer door sthit gaaainv nabaada mein 22 January 1892 ko hua tha. aapki maata ji ka naam kaushalya devi evam pita ji ka thaakur jangi Singh tha. poora parivaar aarya samaaj se anupraanit tha. aap paaainch bhaai-bahanon mein sabse bade the. asahayog aandolan mein uttar pradesh ke shaahajahaaainpur aur bareli jile ke graameen kshetr mein aapne adbhut yogadaan diya tha. yahi naheen, bareli mein hue goli-kaand mein ek police vaale ki raayafal chheenakar jabardast firing shuroo kar di thi jiske kaaran hamlaavar police ko ulte paaainv bhaagna pada. mukadama chala aur thaakur roshan Singh ko sentral jail bareli mein do saal vaamashakkat kaid (Rigorous Imprisonment) ki saja kaatani padi thi.

bismil ke sampark mein

bareli goli-kaand mein sajaayaafta roshan Singh ki bheint sentral jail bareli mein Kanpur nivaasi pandit raamadulaare trivedi se hui jo un dinon peeleebheet mein shuroo kiye gaye asahayog aandolan ke falasvaroop 6 maheene ki saja bhugatne bareli sentral jail mein rakhe gaye the. gaandhi ji dvaara san 1922 mein hue chauri chaura kaand ke virodh svaroop asahayog aandolan vaapas le liye jaane par poore Hindustan mein jo pratikriya hui uske kaaran thaakur saahab ne bhi Rajendra naath laahidee, raamadulaare trivedi va sureshachandr Bhattacharya aadi ke saath shaahajahaaainpur shahar ke aarya samaaj pahuainch kar Ram prasaad bismil se gambheer mantrana ki jismein raashtreeya star par astr-shastr se susajjit koi bahut badi kraantikaari party banaane ki rananeeti tay hui. isi rananeeti ke tahat thaakur roshanasinh ko party mein shaamil kiya gaya tha. thaakur saahab pakke nishaanebaaj (Clay Pigeon Shooting Expert) the yahaaain tak ki udati hui chidiya ko khel-khel mein hi maar giraate the.

bamarauli dakaiti

1922 ki gaya Congress mein jab party do faad ho gayi aur Motilal Nehru evam deshabandhu chitranjan das ne apni alag se Swaraj party bana li. ye sabhi log paise vaale the jabki kraantikaari party ke paas samvidhaan, vichaar-dhaara va drushti ke saath-saath utsaahi navayuvakon ka bahut bada sangathan tha. hain, agar koi kami thi to vah kami paise ki thi. is kami ko door karne ke liye aayaralaind ke kraantikaariyon ka raasta apnaaya gaya aur vah raasta tha dakaiti ka. is kaarya ko party ki or se aikshan naam diya gaya. aikshan ke naam par pehli dakaiti peeleebheet jile ke ek gaaainv bamarauli mein 25 December 1924 ko krismas ke din ek khandasaari (shakkar ke nirmaata) va soodakhor (byaaj par rupaye udhaar dene vaale) baldev prasaad ke yahaaain daali gayi. is pehli dakaiti mein 4000 rupaye aur kuchh sone-chaaaindi ke jevaraat kraantikaariyon ke haath lage. parantu mohanalaal pahalavaan naam ka ek aadmi, jisne dakaiton ko lalkaara tha, thaakur roshan Singh ki raayafal se nikli ek hi goli mein dher ho gaya. sirf mohanalaal ki maut hi thaakur roshan Singh ki faaainsi ki saja ka kaaran bani.

kaakori kaand ka mukadama

9 August 1925 ko kaakori station ke paas jo sarkaari khajaana loota gaya tha usamein thaakur roshan Singh shaamil naheen the, yeh hakeekat hai kintu inheen ki aayu (36 varsh) ke keshav chakravarti (chhadm naam), jaroor shaamil the jo Bengal ki anusheelan samiti ke sadasya the, fir bhi pakade bechaare roshan Singh gaye. chooki roshan Singh bamarauli dakaiti mein shaamil the hi aur inke khilaaf saare saakshya bhi mil gaye the at: police ne saari shakti thaakur roshan Singh ko faaainsi ki saja dilvaane mein hi laga di aur keshav chakravarti ko khojane ka koi prayaas hi naheen kiya. see0aai0dee0 ke kaptaan khaanabahaadur tasadduk husain Ram prasaad bismil par baar-baar yeh dabaav daalte rahe ki bismil kisi bhi tarah apne dal ka sambandh Bengal ke anusheelan dal ya roos ki bolshevik party se bata dein parantu bismil tas se mas na hue. aakhirkaar roshan Singh ko dafa 120 (bi) aur 121(A) ke tahat 5-5 varsh ki baamashakkat kaid aur 396 ke antargat sajaaye-maut arthaat faaainsi ki saja di gayi. is faisale ke khilaaf jaise anya sabhi ne uchch nyaayaalaya, vaayasaraaya va samraat ke yahaaain appeal ki thi vaise hi roshan Singh ne bhi appeal ki; parantu nateeja vahi nikla- dhaak ke teen paat.

faaainsi se poorv likha khat

thaakur saahab ne 6 December 1927 ko Allahabad sthit malaaka (naini) jail ki kaal-kothari se apne ek mitr ko patra mein likha tha:

"is saptaah ke bheetar hi faaainsi hogi. ishvar se praarthana hai ki vah aapko mohabbat ka badla de. aap mere liye ranj hargij na karein. meri maut khushi ka baais (kaaran) hogi. duniya mein paida hokar marana jaroor hai. duniya mein badafaili karke apne ko badnaam na kare aur marate vakt ishvar ki yaad rahe;yahi do baatein honi chaahiye aur ishvar ki krupa se mere saath ye donon baatein hain. isaliye meri maut kisi prakaar afsos ke laayak naheen hai. do saal se baal-bachchon se alag raha hooain. is beech ishvar bhajan ka khoob mauka mila. isse mera moh chhoot gaya aur koi vaasana baaki na rahi. mera poora vishvaas hai ki duniya ki kasht bhari yaatra samaapt karke main ab aaraam ki jindagi jeene ke liye ja raha hooain. hamaare shaastron mein likha hai ki jo aadmi dharm yuddh mein praan deta hai usaki vahi gati hoti hai jo jungle mein rahakar tapasya karne vaale rishi muniyon ki."

patra samaapt karne ke pashchaat uske ant mein unhonne apna yeh sher bhi likha tha:

jindagi jinda-dili ko jaan ai roshan!
varana kitne hi yahaaain roj fana hote hain.

faaainsi vaale din ke haalaat

thaakur roshan Singh ke antim darshan

faaainsi se pehli raat thaakur saahab kuchh ghante soye fir der raat se hi ishvar-bhajan karte rahe. praat:kaal shauchaadi se nivrutt ho yathaaniym snaan dhyaan kiya kuchh der geeta-paath mein lagaayi fir paharedaar se kaha-"chalo." vah hairat se dekhne laga yeh koi aadmi hai ya devata! thaakur saahab ne apni kaal-kothari ko pranaam kiya aur geeta haath mein lekar nirvikaar bhaav se faaainsi ghar ki or chal diye. faaainsi ke fande ko chooma fir jor se teen vaar vande maataram ka udghosh kiya aur ved-mantr - "o3m vishvaani Dave savitur duritaani paraasuv yad bhadram tannaasuv" - ka jaap karte hue fande se jhool gaye.

Allahabad mein naini sthit malaaka jail ke faatak par hajaaron ki sankhya mein stri-purush yuva baal-vruddh ekatr the thaakur saahab ke antim darshan karne va unki antyeshti mein shaamil hone ke liye. jaise hi unka shav jail karmachaari baahar laaye vahaaain upasthit sabhi logon ne naara lagaaya - "roshan Singh! amar rahein!!" bhaari juloos ki shakl mein shavayaatra nikli aur ganga yamuna ke sangam tat par jaakar ruki jahaaain vaidik reeti se unka antim sanskaar kiya gaya. faaainsi ke baad thaakur saahab ke chehare par ek adbhut shaanti drushtigochar ho rahi thi. mooainchhein vaisi ki vaisi hi theen balki garv se kuchh jyaada hi tani hui lag raheen theen jaisa ki is chitr mein bhi dikh raha hai. thaakur saahab ko marate dam tak bas ek hi malaal tha ki unhein faaainsi de di gayi, koi baat naheen. kyonki unhonne to jindagi ka saara sukh utha liya, parantu bismil, Ashfaq aur laahidi - jinhonne jeevan ka ek bhi aisho - aaraam naheen dekha unako is beraham barataaniya sarkaar ne faaainsi par kyaaain latakaaya? kya uske man jara bhi daya ka bhaav naheen aaya?

Allahabad mein moorti

Allahabad ki naini sthit malaaka jail ke faaainsi ghar ke saamane amar shaheed thaakur roshan Singh ki aavaksh pratima bhaarateeya svatantrata sangraam mein unke apratim yogadaan ka ullekh karte hue lagaayi gayi hai. vartamaan samay mein is sthaan par ab ek medical kaalej sthaapit ho chuka hai. moorti ke neeche thaakur saahab ki kahi gayi ye panktiyaaain bhi ankit hain -

jindagi jinda-dili ko jaan ai roshan!
varana kitne hi yahaaain roj fana hote hain.

sandarbh

inhein bhi dekhein

baahari kadiyaaain