rocket

Apollo 15 antariksh yaan ka prakshepan

rocket ek prakaar ka vaahan hai jiske udne ka siddhaant nyootan ke gati ke teesare niyam kriya tatha baraabar evam vipreet pratikriya par aadhaarit hai.[1] tej gati se garm vaayu ko peechhe ki or feinkane par rocket ko aage ki disha me samaan anupaat ka bal milta hai. isi siddhaant par kaarya karne vaale jet vimaan, antariksh yaan evam prakshepaastr vibhinn prakaar ke raaketon ke udaaharan hain. rocket ke bheetar ek kaksh mein thos ya taral indhan ko aakseejan ki upasthiti mein jalaaya jaata hai jisse uchch daab par gas utpann hoti hai. yeh gas peechhe ki or ek sankare muainh se atyant veg ke saath baahar niklati hai. iske falasvaroop jo pratikriya utpann hoti hai vah rocket ko teevr veg se aage ki or le jaati hai.

antariksh yaanon ko vaayumandal se oopar udna hota hai isliye ve apna indhan evam aakseejan lekar udte hain. jet vimaan mein keval iaindhan rahata hai. jab vimaan chalana praarambh karta hai to vimaan ke sire par bane chhidr se baahar ki vaayu engine mein pravesh karti hai. vaayu ke aakseejan ke saath milkar iaindhan atyadhik dabaav par jalata hai. jalne se utpann gas ka daab bahut adhik hota hai. yeh gas vaayu ke saath milkar peechhe ki or ke jet se teevr veg se baahar niklati hai. yadyapi gas ka dravyamaan bahut kam hota hai kintu teevr veg ke kaaran sanveg aur pratikriya bal bahut adhik hota hai.[2] isliye jet vimaan aage ki or teevr veg se gatimaan hota hai.

rocket ka itihaas 13vi sadi se praarambh hota hai. cheen mein raaket vidya ka vikaas bahut teji se hua aur jaldi hi iska prayog astr ke roop mein kiya jaane laga.[3] mangol ladaakon ke dvaara rocket takaneek Europe pahuainchi aur fir vibhinn shaasakon dvaara Europe aur Asia ke anya bhaagon me prachalit hui. san 1792 mein Mysore ke shaasak teepoo sultaan ne angrej sena ke viruddh lohe ke bane rauketon ka prayog kiya. is yuddh ke baad angrej sena ne rocket ke mahattv ko samjha aur iski takaneek ko viksit kar vishv bhar mein iska prachaar kiya.[4]

chitr deergha

sandarbh

  1. prasaad, chandramohan (July 2004). bhautik evam rasaayan vigyaan. Kolkata: bhaarati sadan. pa॰ 43.
  2. gupt, taarakanaath (November 2004). bhautiki evam rasaayan shaastr. Kolkata: bhaarati pustak mandir,. pa॰ 63.
  3. krausabaaya, alfred dablyu (2002). throving fire: projektaail technology throo history. kaimbrij: kaimbrij yunivrsiti press. pp. 100-103. aai॰aऍsa॰abee॰aऍna॰ 0521791588.
  4. teepoo ki jeevani, Mysore ka itihaas