rit

rit praacheen vaidik dharm mein sahi sanaatan praakrutik vyavastha aur santulan ke siddhaant ko kehte hain, yaani vah tatv jo poore sansaar aur brahmaand ko dhaarmik sthiti mein rakhe ya laae. vaidik sanskrut mein iska arth 'theek se juda hua, satya, sahi ya suvyavasthit' hota hai. yeh hindu dharm ka ek mool-siddhaant hai. kaha gaya hai ki 'rit rigved ke sabse aham dhaarmik siddhaanton mein se ek hai' aur 'hindu dharm ki shuruaat isi siddhaant ki shuruaat ke saath judi hui hai'. iska zikr aadhunik hindu samaaj mein pehle ki tulana mein kam hota hai lekin iska dharm aur karm ke siddhaanton se gahra sambandh hai.[1]

anukram

parichay

vaidik saahitya mein 'rit' shabd ka prayog srushti ke sarvamaanya niyam ke liye hua hai. sansaar ke sabhi padaarth parivrtanasheel hain kintu parivartan ka niyam aparivrtaneeya niyam ke kaaran soorya-chandra gatisheel hain. sansaar mein jo kuchh bhi hai vah sab rit ke niyam se baindha hua hai. rit ko sabka mool kaaran maana gaya hai. ataev rigved mein marut ko rit se udbhoot maana hai. (4.21.3). vishnu ko 'rit ka garbh' maana gaya hai. dyau aur pruthvi rit par sthit hain (10.121.1). sambhav hain, rit shabd ka prayog pehle bhautik niyamon ke liye kiya gaya ho lekin baad mein rit ke arth mein aacharan sambandhi niyamon ka bhi samaavesh ho gaya. usha aur soorya ko rit ka paalan karanevaala kaha gaya hai. is rit ke niyam ka ullanghan karna asambhav hai. varun, jo pehle bhautik niyamon ke rakshak kahe jaate the, baad mein 'rit ke rakshak' (ritasya gopa) ke roop mein rigved mein prashansit hain. devataaon se praarthana ki jaati thi ki ve ham logon ko rit ke maarg par le chalein tatha anrut ke maarg se door rakhein (10.133.6). rit ko ved mein satya se pruthak maana gaya hai. rit vastut: 'satya ka niyam' hai. at: rit ke maadhyam se satya ki praapti sveekrut ki gayi hai. yeh rit tatv vedon ki daarshanik bhaavana ka mool roop hai. paravarti saahitya mein rit ka sthaan sambhavat: dharm ne le liya.

paarasi dharm mein

paarasi dharm mein bhi isi se milta-julata 'arta' ka siddhaant milta hai.[2]

inhein bhi dekhein

sandarbh

  1. The artful universe: an introduction to the Vedic religious imagination, William K. Mahony, SUNY Press, 1998, ISBN 978-0-7914-3579-3, ... Rta not only characterized reality and truth, Rta was the principle on which reality and truth were based ...
  2. Themis: A Study of the Social Origins of Greek Religion, Jane Ellen Harrison, Cambridge University Press, 2010, ISBN 978-1-108-00949-2, ... The Vedic rta is the same word as the Avestan asha (areta) and the Cuneiform Persian arta ...