rishikesh

city
jila deharaadoon
janasankhya 59,671 (2001 tak )
kshetrafal
ooainchaai (AMSL)

• 532 meter (1,745 fee॰)

Erioll world.svgnirdeshaank: 30°a07′aN 78°a19′aE / 30.12°aN 78.32°aE / 30.12; 78.32

rishikesh (sanskrut : hrusheekesh) uttaraakhand ke deharaadoon jile ka ek nagar, hindu teerthasthal, nagarapaalika tatha tahaseel hai. yeh gadhvaal himaalaya ka praveshdvaar evam yog ki vaishvik rajdhani hai. rishikesh, haridvaar se 25 kimi uttar mein tatha deharaadoon se 43 kimi dakshin-poorv mein sthit hai.

himaalaya ka pravesh dwaar, rishikesh jahaaain pahuainchakar ganga parvatamaalaaon ko peechhe chhod samatal dharaatal ki taraf aage badh jaati hai. rishikesh ka shaant vaataavaran kai vikhyaat aashramon ka ghar hai. uttaraakhand mein samudra tal se 1360 feet ki oonchaai par sthit rishikesh Bhaarat ke sabse pavitra teerthasthalon mein ek hai. himaalaya ki nichli pahaadiyon aur praakrutik sundarata se ghire is dhaarmik sthaan se bahti ganga nadi ise atulya banaati hai. rishikesh ko kedaaranaath, badreenaath, gangotri aur yamunotri ka praveshadvaar maana jaata hai. kaha jaata hai ki is sthaan par dhyaan lagaane se moksh praapt hota hai. har saal yahaaain ke aashramon ke badi sankhya mein teerthayaatri dhyaan lagaane aur man ki shaanti ke liye aate hain. videshi paryatak bhi yahaaain aadhyaatmik sukh ki chaah mein niyamit roop se aate rahate hain.

anukram

prachalit kathaaeain

rishikesh se sambandhit anek dhaarmik kathaaeain prachalit hain. kaha jaata hai ki samudra manthan ke dauraan nikla vish Shiv ne isi sthaan par piya tha. vish peene ke baad unka gala neela pad gaya aur unhein neelakanth ke naam se jaana gaya. ek anya anushruti ke anusaar Bhagwan Ram ne vanavaas ke dauraan yahaaain ke jangalon mein apna samay vyateet kiya tha. rassi se bana Lakshman jhoola iska pramaan maana jaata hai. 1939 i0 mein Lakshman jhoole ka punarnirmaan kiya gaya. yeh bhi kaha jaata hai ki rishi raabhya ne yahaaain ishvar ke darshan ke liye kathor tapasya ki thi. unki tapasya se prasann hokar Bhagwan rishikesh ke avataar mein prakat hue. tab se is sthaan ko rishikesh naam se jaana jaata hai.

aakarshan

ऋषिकेश का विहंगम दृश्य
Lakshman jhoola

ganga nadi ke ek kinaar ko doosar kinaar se jodta yeh jhoola nagar ki vishisht ki pehchaan hai. ise 1939 mein banavaaya gaya tha. kaha jaata hai ki ganga nadi ko paar karne ke liye Lakshman ne is sthaan par joot ka jhoola banavaaya tha. jhoole ke beech mein pahunchane par vah hilta hua prateet hota hai. 450 feet lambe is jhoole ke sameep hi Lakshman aur raghunaath mandir hain. jhoole par khade hokar aaspaas ke khoobsoorat najaaron ka aanand liya ja sakta hai. Lakshman jhoola ke samaan Ram jhoola bhi najadeek hi sthit hai. yeh jhoola shivaanand aur svarg aashram ke beech bana hai. isliye ise shivaanand jhoola ke naam se bhi jaana jaata hai. rishikesh main gangaaji ke kinaare ki reet badi hi narm aur mulaayam hai, is par baithane se yeh maaain ki god jaisi snehamayi aur mamataapoorn lagti hai, yahaaain baithakar darshan karne maatr se hradaya main aseem shaanti aur raamatv ka udaya hone lagta hai...

triveni ghaat

rishikesh mein snaan karne ka yeh pramukh ghaat hai jahaan praat: kaal mein anek shraddhaalu pavitra ganga nadi mein dubaki lagaate hain. kaha jaata hai ki is sthaan par hindu dharm ki teen pramukh nadiyon ganga, yamuna aur sarasvati ka sangam hota hai. isi sthaan se ganga nadi daayeen or mud jaati hai. shaam ko hone waali yahaan ki aarti ka najaara behad aakarshak hota hai.

svarg aashram
Ram jhoola pul
paramaarth niketan ghaat

svaami vishuddhaanand dvaara sthaapit yeh aashram rishikesh ka sabse praacheen aashram hai. svaami ji ko 'kaali kamali vaale' naam se bhi jaana jaata tha. is sthaan par bahut se sundar mandir bane hue hain. yahaan khaane peene ke anek rastaraan hain jahaan keval shaakaahaari bhojan hi parosa jaata hai. aashram ki aaspaas hastashilp ke saamaan ki bahut si dukaanein hain.

neelakanth mahaadev mandir

lagbhag 5500 feet ki oonchaai par svarg aashram ki pahaadi ki choti par neelakanth mahaadev mandir sthit hai. kaha jaata hai ki Bhagwan Shiv ne isi sthaan par samudra manthan se nikla vish grahan kiya gaya tha. vishpaan ke baad vish ke prabhaav ke se unka gala neela pad gaya tha aur unhein neelakanth naam se jaana gaya tha. mandir parisar mein paani ka ek jharana hai jahaan bhaktagan mandir ke darshan karne se pehle sthaan karte hain.

bharat mandir

yeh rishikesh ka sabse praacheen mandir hai jise 12 shataabdi mein aadi guroo shankaraachaarya ne banavaaya tha. Bhagwan Ram ke chhote bhaai bharat ko samarpit yeh mandir triveni ghaat ke nikat old taaun mein sthit hai. mandir ka mool roop 1398 mein taimoor aakraman ke dauraan kshatigrast kar diya gaya tha. haalaanki mandir ki bahut si mahatvapoorn cheejon ko us hamle ke baad aaj tak sanrakshit rakha gaya hai. mandir ke androoni garbhagruh mein Bhagwan vishnu ki pratima ekal shaaleegraam patthar par ukeri gayi hai. aadi guroo shankaraachaarya dvaara rakha gaya shreeyantr bhi yahaan dekha ja sakta hai.

Kailash niketan mandir

Lakshman jhoole ko paar karte hi Kailash niketan mandir hai. 12 khandon mein bana yeh vishaal mandir rishikesh ke anya mandiron se bhinn hai. is mandir mein sabhi devi devataaon ki moortiyaan sthaapit hain.

vashishth gufa

rishikesh se 22 kimi. ki doori par 3000 saal puraani vashishth gufa badreenaath-kedaaranaath maarg par sthit hai. is sthaan par bahut se saadhuon vishraam aur dhyaan lagaae dekhe ja sakte hain. kaha jaata hai yeh sthaan Bhagwan Ram aur bahut se raajaaon ke purohit vashishth ka nivaas sthal tha. vashishth gufa mein saadhuon ko dhyaanamagn mudra mein dekha ja sakta hai. gufa ke bheetar ek shivling bhi sthaapit hai.

geeta bhavan

Ram jhoola paar karte hi geeta bhavan hai jise 1950 E. mein shri jayadayaal goyandakaaji ne banavaaya gaya tha. yeh apni darshaneeya deevaaron ke liye prasiddh hai. yahaan raamaayan aur mahaabhaarat ke chitron se saji deevaarein is sthaan ko aakarshan banaati hain. yahaan ek ayurvedik dispensari aur geetaapres Gorakhpur ki ek shaakha bhi hai. pravachan aur keertan mandir ki niyamit kriyaaen hain. shaam ko yahaan bhakti sangeet ki aanand liya ja sakta hai. teerthayaatriyon ke thaharane ke liye yahaan saikadon kamre hain.

kaise jaaen

vaayumaarg-

rishikesh se 18 kimi. ki doori par deharaadoon ke nikat jauli graant airport najadeeki airport hai. air India, jet evam spaaisajet ki flaaitein is airport ko Delhi se jodti hai.

relamaarg-

rishikesh ka najadeeki ralave station rishikesh hai jo shahar se 5 kimi. door hai. rishikesh desh ke pramukh railway stationon se juda hua hai.

sadak maarg

- Delhi ke Kashmiri gate se rishikesh ke liye deelaks aur niji bason ki vyavastha hai. raajya parivhan nigam ki basein niyamit roop se Delhi aur uttaraakhand ke anek shaharon se rishikesh ke liye chalti hain.

khareedadaari

rishikesh mein hastashilp ka saamaan anek chhoti dukaanon se khareeda ja sakta hai. yahaan anek dukaanein hain jahaan se saadiyon, bed kavar, haindaloom febarik, kautan febarik aadi ki khareedadaari ki ja sakti hai. rishikesh mein sarkaari maanyata praapt haindaloom shaup, khaadi bhandaar, gadhvaal vool aur kraaft ki bahut si dukaanein hain jahaan se uchchakoti ka saamaan khareeda ja sakta hai.