richrd filips faainamen

Feynman at Los Alamos.jpg

richrd filips faainamen (11 May, 191815 February, 1988) beesavi shataabdi ke antim bhaag ke sabse charchit vaigyaanik the. ve 1966 me Nobel puruskaar se sammaanit hue.

beesaveen shataabdi ke beech me achhe vishvavidyaalayon me bhautik shaastr ko padhaaye jaane ke tareeke par vivaad chal raha tha.

  • kya bhautik shaastr me usi tarah se unhi vishyon ke saath padhaaya jaaya jaise abhi tak padhaaya ja raha tha; ya
  • fir naye tarah se naye vishyon ke saath padhaaya jaaya.

is vivaad ko faainamen jaisa hi vyakti anjaam de sakta tha. unka rutaba sab maanate the. unka sammaan isaliye naheen tha ki vah kail tech me the par kail tech duniya ka sabse achachha bhautik shaastr ka vishvavidyaalaya isaliye maana jaata tha kyonki faainamen vahaan the.

faainamen ne 1961-63 me kail-tech me snaatak ke vidyaarthiyon ko bhautik shaastr padhaaya. in teen saal ne bhautik shaastr ko padhaane ki nayi disha di aur bhautik shaastr nayi tarah se naye vishyon ke saath padhaaya jaane laga. in lekcharon ko teen kitaabon ne badla gaya. yeh laal baainding me theen aur 'Lectures on Physics by Richard P Feynman ke naam se mashahoor huin.

anukram

jeevan

richrd filips faainamen, ka janm 11 May 1918 mein hua tha aur mrutyu 1988 mein Cancer se ho gayi. chhutapan mein faainamen aksar socha karte the ki vah bade hokar kya banein: vidooshak ya vaigyaanik. bade hokar unhonne in dono bhoomikaaon ko ek saath baakhoobi nibhaaya. log kehte hain ki vah itne mashahoor kyon huye par unke baare mein vaigyaanik theek hi kehte hain:

' faainamen to aitihaasik vyakti hain unako jitna sammaan mila ve us sab ke adhikaari hain.'

faainamen ka bachapan

faainamen ke pita ka baaton ko bataane ka apna hi dhang tha. ek baar ka kissa hai ki pita aur putr park me ghoom rahe the pita ne ek chidiya ki taraf vah ishaara karke bataaya ki yeh chidiya duniya mein alag-alag naamo se jaani jaati hai. yeh jaroori naheen hai ki aap un sab naamo ko jaane, na hi mahatvapoorn hai. par mahatvapoorn yeh hai ki vah kya aur kaise karti hai. ve bachche ke man me jijnyaaasa jagaane ki koshish karte the yeh bataane ki jaroorat naheen hai ki faainamen bachapan se jijnyaaasu tatha kutuhali the.


shiksha

school mein vah ganit mein sabse achhe aur ganit team ke hero the. par unhonne ganit ko chhod diya. unhe laga ki ganit me uchch shiksha praapt karke ve doosaron ko ganit padhaane ke alaava aur kuchh naheen kar sakte. vah kuchh vyavahaarik karne ka soch kar, pehle ilektrikl injeeniyring ki taraf gaye par baad mein bhautik shaastr ki padhaai ki.

faainamen ne snaatak ki shiksha maisaachuset in‍aastityoot of teknoloji se poori ki. vah vaheen par shodh kaarya karna chaahate the par fir prinksatan me shodh kaarya karne ke liye chale gaye. baad mein ve kaha karte the,

'yeh theek hi tha. maine vahaan jaana ki duniya bahut badi hai aur kaam karne ke liye bahut si achhi jagahein hain.'

vheelar aur ghadi

prinksatan me yuva faainamen ko vheelar ke saath shodh karne ka mauka mila. us samay tak vheelar ko Nobel purooskaar to naheen mila tha par ve vah kaam kar chuke the jis par unhe baad me Nobel purooskaar mila. ve kuchh aadambar priya the kuchh apni ahamiyt bhi jataate the. unhonne faainamen ko saptaah mein ek din ka kuchh nishchit samay milne ka diya. pehle din mulaakaat ke samay vah soot pahane the unhonne apni jeb se apni sone ki viraam ghadi nikaal kar mej par rakh di taaki faainamen ko pata chal sake ki kab usaka samay samaapt ho gaya hai. faainamen us samay vidyaarthi the. unhonne ek baajaar se ek sasti viraam ghadi khareedi - unke paas manhagi ghadi khareedne ke liye paise naheen the. agali meeting par unhonne apni sasti ghadi us sone ki ghadi ke paas rakh di. vheelar ko bhi pata chalana chaahiye ki unka samay bhi mahatvapoorn hai. vheelar ko majaak samajh mein aaya aur dono dil khol kar hanse. donon ne ghadiyaan hata li. unka rishta aupachaarik naheen raha, ve mitr ban gaye, unki baatein hansi majaak mein badal gayeen aur hansi-majaak naye maulik vichaaron me.

loss elamaus

isi beech doosra mahaayuddh shuroo ho gaya. Germany me parmaanu bam banaane ka kaam ho raha tha, yadi pehle vahaan ban jaata to hitlar Ajay tha. America ki loss elamaus lebauretari me duniya ke vaigyaanik ikkatha hokar parmaanu bam banaane ke liye ekajut ho gaye. faainamen ko bhi vahaan bulaaya gaya aur unhone vahaan kaam kiya.

loss elamaus me suraksha ka jimma sena ka tha jinke apne niyam apne kaanoon the. yeh niyam faainamen ko aksar samajh me naheen aate the. faainamen taale kholne me maahir the. ve sena ke adhikaariyon ko tang karne ke liye ki leboretari ki tijoriyon khol kar usame kaagaj par guess who likh kar chhod dete the par tijoriyon se kuchh nikaalate naheen the. yeh vah keval, sena ke adhikaariyon ko bataane ke liye karte the ki unki suraksha pranaali kitni galat hai.


araleen

school ke dinon mein faainamen ka apni sahapaathini araleen se prem ho gaya. unhone shaadi tab karne ki sochi jab faainamen ko koi naukri mil jaaya. jab faainamen shodh kaarya kar rahe the tab araleen ko ti.bi. ho gayi uske paas keval chand saalon ka samay tha. un dinon ti.bi. ka koi ilaaj naheen tha. araleen ko ti.bi. ho jaane ke kaaran, faainamen use choom bhi naheen sakte the. unhe maalum tha ki araleen ke saath uske sambandh keval adhyaatmik (Platonic) hi rahegein. in sab ke baavajood, faainamen araleen se shaadi karna chaahate the. unke parivaar vaale aur mitr is shaadi ke khilaaf the. is baare me unki apne pita se anban bhi ho gayi. iske baavajood faainamen ne araleen ke saath shaadi ki.

faainamen, jab loss elamaus mein kaam kar rahe the to vahaan ke nideshak raubart openhaaimar ne araleen ko paas hi ke saineeteriym mein bharati karva diya taaki faainamen usase mil sake| faainamen ke loss elamaus rahane ke dauraan hi araleen ki mrutyu ho gayi. is ghatna chakr par ek pikchar bhi bani hai jiska naam infiniti (en:Infinity (film)) hai ise maithayoo bauradavik (en:Matthew Broderick) ne nirdeshit kiya hai.


kauranal vishvavidyaalaya

faainamen jeevant the aur aksar mauj masti ke liye kaam karte the. mauj masti me hi unhone us vishay par kaam kiya jis par unhe Nobel puruskaar mila. yeh bhi ek rochak kissa hai.

doosare mahaayuddh ke dauraan loss elamaus lebauretari mein faainamen ki mitrata beth se hui jinse unki kaafi patati thi. beth kauranal mein the, isaliye faainamen bhi kauranal chale gaye. ek din ve kauranal ke alpaahaar gruh mein baithe the. vahaan ek vidyaarthi ne ek plate ko feinka. plate safed rang ki thi aur usamein beech mein kauranal ka laal rang ka chinh tha. plate dagamaga bhi rahi thi aur ghoom bhi rahi thi. yeh ajeeb najaara tha. faainamen iske dagamagaane aur ghoomane aur ke beech mein sambandh dhoodhne lage. isame kaafi mushkil ganit ke sameekaran lagte the. isame unka bahut samay laga. unhonne paaya ki dono me 2:1 ka sambandh hai. unke saathiyon ne unase kaha ki vah isame samay kyon bekaar kar rahe hain. unka javaab tha,

'iska koi mahatva naheen hai main yeh sab mauj masti ke liye kar raha hoon.'

par vah iske mahatva ke baare me theek naheen the. ve jab elektraun ke ghoomane ke baare mein shodh karne lage to unhein kauranal ki dagamagaati aur ghoomti plate mein lagi ganit fir se yaad aane lagi. isi ne us siddhaant ko janm diya jiske kaaran unhein Nobel purooskaar mila. sach hai jeevan mein bahut kuchh vah bhi aavashyak hai jo keval mauj masti ke liye ho, chaahe usaka koi aur mahatva ho ya na ho - mauj masti hi apne aap me ek mahatva ki baat hai. yadi aap mauj masti mein hi apni jeevika dhoodh sake to kya baat hai, yadi yeh naheen ho sakta to shaayad jeevika mein hi mauj masti dhoodh paana doosari achhi baat hai.


kail-tech

faainamen na hi ek mahaan vaigyaanik the par ek mahaan adhyaapak bhi the. unhe maalum tha ki apni baat doosare tak kaise pahunchaayi jaaya. vyaakhyaanashaala unke liye rangashaala thi, jismein naatak bhi tha aur aatishbaaji bhi.

faainamen ke dvaara bhautik shaastr par kail-tech ke lekcharon ka jikr maine is lekh ko shuroovaat me kiya hai. in lekcharon ko unhone sitmbar 1961-May 1963 me diya tha. yeh lekchar khaas the isaliye inhein hamesha ke liye surakshit rakha gaya aur baad me ye teen laal kitaabon ke roop mein chhaape gaye. faainamen saptaah mein keval do lekchar dete the baaki samay vah in lekcharon ko taiyaar karne mein lagaate the. lekchar ki har line, har majaak ko (jo vah lekcharon ke dauraan karte the) pehle se soch vichaar kar rakhate the. kabhi bhi unke saath lekchar ke notas naheen hote the. bas keval ek chhota sa kaagaj rahata tha jismein aage bataane ke liye kuchh khaas shabd keval sanket dene ke liye rahate the. yeh teen saal, sansaar me kisi bhi vishvavidyaalaya ke, kisi bhi vishay par ke lekcharon me adviteeya hain. na kabhi aise huye na shaayad fir kabhi honge. kyonki maalum naheen ki fir kabhi aisa vyakti aayega ki naheen.

faainamen ke liye angreji - bekaar aur darshan shaastr - tirskrut vishay tha. Religion se unka koi vaasta naheen tha. chakkaron par baat karna unki fija mein naheen tha. vah hamesha seedhi baat karte the. unka matlab vahi hota tha jo ve kehte the. ve is baat se bhramit ho jaate the yadi unki seedhi baat doosare ko pareshaan kar deti thi.


chaileinjar durghatana jaanch commission

faainamen ko log alag alag tarah se yaad rakhate hain - kuchh log,

  • us ladake ki tarah jo keval soch kar radio theek karta tha;
  • us vaigyaanik ki tarah se jo bhautik shaastr ki ganana taupales restaraaain mein karna pasand karta tha;
  • us chanchal yuva ke roop mein yaad rakhate hain jo laus elamaus ki lebauretari ke tijoriyon ko khol kar alag alag tarah ke not likhe kaagaj ko rakh kar, sena ke adhikaariyon ko tang karta tha;
  • unhein bongon bajaane vaale ki tarah yaad karte hain.

sambhavat: sabse jyaada log unhein us vyakti ki tarah se yaad karte hain jisne TV ke saamane saarvajanik roop se bataaya ki chaileinjar-durghatana kyon hui.

28 January 1986 mein chaileinjar spesaship ka visfot aakaash mein ho gaya tha, iski jaanch karne ke liye ek commission baitha. faainamen usamein vaigyaanik ki haisiyat se the. yeh visfot, spesaship mein kuchh ghatiya kism ka saamaan lagaane ke kaaran hua tha. naasa ka prashaasan (jis par sena ka jor hai) ise dabaana chaahata tha par vaigyaanik ise ujaagar karna chaahate the. commission ne apne nishkarsh ko TV ke saamane seedhe prasaaran me bataana shuroo kiya (ismein ghatiya kism ke saamaan lagaane ki baat spasht naheen thi). us samay TV par hi, sabke saamane faainamen ne ekdam thande paani ke andar ghatiya saamaan ko daal kar dikhaaya ki vaastav mein visfot kyon hua tha. yeh seedha prasaaran tha isaliye faainamen ka pradarshan roka naheen ja saka aur yeh do minute ki clip kuchh ghanto ke andar duniya ki TV par sabse jyaada dikhaayi jaane waali nyoos clip ban gayi.


taupales pariveshikaayein

faainamen paisaadeena mein aksar vaheen ke ek restaraaain me jaate the, jahaan par taupales pariveshikaayein (Waitress) rahati theen. us restaraaain mein ve uske maalik ko bhautik shaastr bataate the aur vah unhe chitrakaari. ek baar police vaalon ko laga ki us restaraaain mein kuchh gadbad- sadbad hota hai aur restaraaain ke maalik par ashleelta ka mukadama chalaaya. vaastav mein vahaan par is tarah ka koi kaarya naheen hota tha. us restaraaain mein kai pratishthit vyakti aate the restaraaain ke maalik ne un sabse gavaahi dene ki praarthana ki| sabne chuppe se kanni kaat li, par faainamen ne naheen. unhonne restaraaain maalik ke paksh mein gavaahi di aur agale din akhbaaron ke pehle panne par sabse mukhya khabar ke roop mein chhapi.

'Caltech's Feynman tells lewd case jury, he watched the girls while doing his equations'

faainamen par kitaabein

  1. Surely You're Joking, Mr. Feynman! by Richard Feynman & Ralph Leighton;
  2. What Do You Care What Other People Think? by Richard Feynman & Ralph Leighton;
  3. Richard Feynman-A life in Science' by John Gribbin & Mary Gribbin;
  4. Tuva or Bust! by Ralph Leighton;
  5. No Ordinary Genius: The Illustrated Richard Feynman; edited by Christopher Sykes;
  6. Most of the Good stuff; edited by Laurie Brown & John Rigden;
  7. Genius: Richard Feynman and Modern Physics by James Gleik;
  8. The Beat of The Different Drum; by Jagdish Mehra.

yeh sab padhne yo‍aagya hain.

srot

inhein bhi dekhein