resham

resham ki bani paramparaagat banaarasi saadi

resham (Silk) praakrutik proteen se bana resha hai. resham ke kuchh prakaar ke reshon se vastr banaae ja sakte hain. ye proteen reshon mein mukhyat: fibroin (fibroin) hota hai. ye reshe kuchh keedon ke laarva dvaara banaaya jaata hai. sabse uttam resham shahatoot ke patton par palane vaale keedon ke laarva dvaara banaaya jaata hai.

parichay

resham ek prakaar ka maheen chamakeela aur drudh tantu ya resha jisse kapde bune jaate hain. yeh tantu kosh mein rahanevaale ek prakaar ke keede taiyaar karte hain. resham ke keede 'pilloo' kahalaate hain aur bahut tarah ke hote hain. jaise,—avilaayati, madaraasi ya kanaari, cheeni, araakaani, aasaami, ityaadi. cheeni, booloo aur bade pilloo ka resham sabse achha hota hai. ye keede titli ki jaati ke hain. inke kai kaaryaakalp hote hain. anda footane par ye bade pilloo ke aakaar mein hote hain aur reingate hain. is avastha mein ye panttiyaaain bahut khaate hain. shahatoot ki patti inka sabse achha bhojan hai. ye pilloo badhkar ek prakaar ka kosh banaakar uske bheetar ho jaate hain. us samay inhein 'koya' kehte hain. kosh ke bheetar hi yeh keeda vah tantu nikaalata hai, jise resham kehte hain. kosh ke bheetar rahane ki avadhi jab poori ho jaati hai, tab keeda resham ko kaatata hua nikalkar ud jaata hai. isse keede paalanevaale nikalne ke pehle hi koyon ko garam paani mein daalkar keedon ko maar daalte hain aur tab oopar ka resham nikaalate hain.

inhein bhi dekhein

baahari kadiyaaain