rasakhaan

rasakhaan
naam rasakhaan
janm san 1590 E.
janm sthaan pihaani, Bhaarat
dharm hindu, muslim
kavita sangrah rasakhaan rachanaavali

rasakhaan (janm: 1548 E) Krishna bhakt muslim kavi the. hindi ke Krishna bhakt tatha reetikaaleen reetimukt kaviyon mein rasakhaan ka atyant mahatvapoorn sthaan hai. rasakhaan ko 'ras ki Khan' kaha gaya hai. inke kaavya mein bhakti, shrungaar ras donon pradhaanata se milte hain. rasakhaan Krishna bhakt hain aur unke sagun aur nirgun niraakaar roop donon ke prati shraddhaavanat hain. rasakhaan ke sagun Krishna ve saari leelaaen karte hain, jo Krishna leela mein prachalit rahi hain. yatha- baalaleela, raasaleela, faagaleela, kunjaleela aadi. unhonne apne kaavya ki seemit paridhi mein in aseemit leelaaon ko bakhoobi baaaindha hai. Mathura mein inki samaadhi hai.

bhaaratendu harishchandr ne jin muslim haribhkton ke liye kaha tha, "in musalmaan harijnan par kotin hindu vaariye" unamein rasakhaan ka naam sarvopari hai. bodha aur aalam bhi isi parampara mein aate hain. sayyad ibraaheem "rasakhaan" ka janm antarjaal par upalabdh sroton ke anusaar san 1533 se 1558 ke beech kabhi hua tha. kai vidvaanon ke anusaar inka janm san 1590 E. mein hua tha. chooainki Akbar ka raajyakaal 1556-1605 hai, ye lagbhag Akbar ke samakaaleen hain. inka janm sthaan pihaani jo kuchh logon ke mataanusaar Delhi ke sameep hai. kuchh aur logon ke mataanusaar yeh pihaani uttarapradesh ke haradoi jile mein hai. mrutyu ke baare mein koi jaankaari naheen mil pai. yeh bhi bataaya jaata hai ki rasakhaan ne Bhagwat ka anuvaad faarasi mein kiya.

parichay

rasakhaan ke janm ke sambandh mein vidvaanon mein matabhed paaya jaata hai. anek vidvaanon inka janm sanvat 1615 E. maana hai aur kuchh ne 1630 E. maana hai. rasakhaan ke anusaar gadar ke kaaran Delhi shmashaan ban chuki thi, tab Delhi chhodkar vah braj (Mathura) chale gaye. aitihaasik saakshya ke aadhaar par pata chalta hai ki uparyukt gadar san 1613 E. mein hua tha. unki baat se aisa prateet hota hai ki vah us samay vayask ho chuke the.

rasakhaan ka janm sanvat 1590 E. maanana adhik sameecheen prateet hota hai. bhavaani shankar yaajnyaik ka bhi yahi maanana hai. anek tathyon ke aadhaar par unhonne apne mat ki pushti bhi ki hai. aitihaasik granthon ke aadhaar par bhi yahi tathya saamane aata hai. yeh maanana adhik prabhaavashaali prateet hota hai ki rasakhaan ka janm san 1590 E. mein hua tha.

rasakhaan ke janm sthaan ke vishay mein bhi kai matabhed hai. kai vidvaan unka janm sthal pihaani athva Delhi ko maanate hai. shivsinh saroj tatha hindi saahitya ke pratham itihaas tatha aitihaasik tathyon ke aadhaar par rasakhaan ka janm sthaan pihaani jila haradoi maana jaae.

rasakhaan arthaat ras ke Khan, parantu unka asli naam Sayyed Ibrahim tha aur unhonne apna naam keval is kaaran rakha taaki ve iska prayog apni rachanaaon par kar sakein.

kaavya rachana

rasakhaan ek mahaan kavi the. unki adhikaansh rachanaayein Bhagwan Krishna ko samarpit hain. nimnalikhit savaiya mein rasakhaan ne agale janm ke liye braj ke aaspaas utpann hone ki kaamna ki hai-

maanush hon to vahi rasakhaan, basaun nit gokul gaaainv ke gvaaran.
jo pasu haun tau kaha Basu merau, charaun nit nand ki dhenu mainjhaaran..
paahan haun tau vahi giri kau judharyau kar chhatr purandar kaaran.
jo khag haun to baseraun nit, kaalindi-kool kadanb ki daaran..

baahari kadiyaaain