ramesh chandr jha

Nuvola apps ksig.png
Ramesh Chandra Jha
rameshachandr jha
janm 08 May 1928
motihaari, Bihar
mrutyu 07 April 1994
motihaari,Bihar
upajeevika svatantrata senaani, kavi, kathaakaar, patrakaar
bhaasha hindi, angreji bhaasha, Bhojpuri, maithili, sanskrut
raashtreeyata bhaarateeya
avadhi 50's, 60's, 70's
jeevan sangi Suryamukhi Devi
santaan Vinayak Jha, Reeta Jha
rishtedaar Sanjeev K Jha (Grand children)

hastaakshar

rameshachandr jha (8 May 1928 - 7 April 1994) bhaarateeya svaadheenata sangraam mein sakriya kraantikaari the jinhonne baad mein saahitya ke kshetr mein bhi ullekhaneeya bhoomika nibhaai. ve Bihar ke ek svatantrata senaani hone ke saath saath hindi ke kavi, upanyaasakaar aur patrakaar bhi the. Bihar raajya ke champaaran jile ka fulavariya gaaainv unki janmasthali hai. unki kavitaaon, kahaaniyon aur gjlon mein jahaaain ek taraf deshbhakti aur raashtreeyata ka svar hai, vaheen dusari taraf maanav moolyon aur jeevan ke sangharshon ki bhi abhivyakti hai. aam logon ke jeevan ka sangharsh, unke sapane aur unki ummeedein ramesh chandr jha kavitaaon ka mukhya svar hai.

"apne aur sapane: champaaran ki saahitya yaatra" naam ke ek shodh-parak pustak mein unhonne champaaran ki samruddh saahityik viraasat ko bhi bakhoobi saheja hai. yeh pustak na keval poorvajon ke saahityik kaaryon ko ujaagar karta hai balki aane vaale sanbhaavi saahityik peedhi ki bhi charcha karti hai.[1]

anukram

bachapan

inka janm Champaran, (Bihar) jile ke sugauli sthit fulavariya gaaainv mein 8 May 1928 ko hua tha. inke pita lakshmi Narayan jha jaane-maane desh-bhakt aur svatantrata senaani the jinhonne svaadheenata sangraam mein angreji hukoomat se jamkar ladaai ki aur is vajah se kai baar girftaar bhi hue. yahaaain tak ki champaaran satyaagrah aandolan ke samay 15 April 1917 ko jis din mahaatma Gandhi champaaran aaye, theek usi din ve angrejo dvaara girftaar kar liye gaye.

apne pita aur taatkaalik parivesh se prabhaavit hokar ramesh chandr jha bachapan mein hi baagi ban gaye aur sirf 14 saal ki umr mein unapar angreji police chauki lootane ka sangeen aarop laga.

jeevan parichay

akhil bhaarateeya raashtreeya kavi sammalen ke manch par ramesh chandr jha apne samakaaleen bhavaani prasaad mishr, jaanakeevallabh shaastri evam anya kaviyon ke saath
raaneeganj, pashchim Bengal mein puraskaar praapt karte ramesh chandr jha (sabse daaen)
ramesh chandr jha (sabse baaen) apne kraantikaari doston ke saath
bhaarateeya svaadheenata sangraam mein agrani bhoomika nibhaane ke liye indira Gandhi dvaara diya gaya taamr patra
"svaadheenata samar mein sugauli" pustak vimochan 2016

ramesh chandr jha ka samay asahayog aandolan ke baad aur namak satyaagrah ke pehle ka hai, jo bhaarateeya svaadheenata ke mahaasamar ki aadhaarashila bhi kahi jaati hai. in par aise jvalant samay ka prabhaav pade bina naheen rah saka aur sirf 14 varsh ki umr mein hi ye svatantrata sangraam ki ladaai mein kood pade. 1942 ke Bhaarat chhodo aandolan mein inhonne badh chadh kar hissa liya. Champaran ke sugauli sthit police station mein inke naam par kai mukadame darj kiye gaye jinmein thaana dakaiti kaand sabse jyaada charchit raha. tab ve raksaul ke hajaareemal uchch vidyaalaya ke chhaatr the.[2] Bhaarat chhodo aandolan mein mahatvapoorn bhoomika nibhaane ke liye inhein 15 August 1972 ko tatkaaleen pradhaanamantri shreemati indira gaaaindhi dvaara taamr-patra dekar puraskrut kiya gaya tha.

jail aur girftaari ke dinon mein ramesh chandr jha ne bhaarateeya saahitya ka adhyayan kiya aur aajaadi ke baad anya kaangresiyon ki tarah raajaneeti na chunakar kavi aur lekhak banana pasand kiya. apne ek kaavya sangrah mein unhonne likha hai- "bahut majabooriyon ke baad bhi jeeta chala aaya....sharaabi sa samoochi jindagi peeta chala aaya / hajaaron baar panaghat par palat di umr ki gaagar....magar ab vakt bhi kitna gaya beeta chala aaya..." isi tarah se ve ek jagah likhte hain- "jungle jhaad bhare khandahar mein soya paaainv pasaar / dalit gulaam desh ka maara haara thaka fraar"

svatantrata praapti ke baad ve hindi, Bhojpuri aur maithili ki praay: sabhi vidhaaon par lagaataar likhte rahe. deshbhar ke lagbhag sabhi mahatvapoorn prakaashan sansthaanon se inki pustakon ka prakaashan hua aur kai pratishthit patra-patrikaaon ke liye svatantr patrakaarita ki.[3]

raamavruksh beneepuri ne inke kaavya sangrah "muralika" ki bhoomika mein likha hai, "dinkar ke saath Bihar mein kaviyon ki jo nayi paudh jagi, usaka ajeeb hasr hua. aaainkhe khojati hain iske baad aane waali paudh kahaaain hain ? kabhi kabhi kuchh nae ankur jameen ki moti parat ko chhedakar jhaankate hue se dikhaai padte hain. ramesh ek aisa hi ankur hai. aur vah mere ghar ka hai, apna hai. apanaapan aur pakshapaat sunata hooain saath-saath chalte hain kintu to bhi apanaapan to toda naheen ja sakta aur mamatv ki jnjeer jo toda naheen ja sakta. pakshapaat hi sahi lekin bedhadk kahooainga ki ramesh ki cheejein mujhe bahut pasand aati rahi hain."

inke ek aur samakaaleen harivansh rai Bachchan prayaag se likhe gaye ek patra mein likhte hain, "shri rameshachandr jha ki rachanaaon se mera parichay “ahunkaara” naami Patna ke saaptaahik se hua. raachi kavi sammelan mein usane milne aur unke mukh se unki kavitaaon ko sunane ka suyog praapt hua. unki rachanaaon ka arth mere man mein aur gaharaaya. shri jha ji ne jahaan tak mujhe maaloom hai abhi tak geet hi likhe hain. in geeton mein unhonne apne man ki vibhinn bhaavanaaon ko abhivyakti di hai. apne man ki bhaavanaaon ke keval kala ka jheena paatamvar pahana kar jinse unka rup aur nikhr uthe na ki chhip jaae aadhunik hindi kaavya saahitya ki nai parampara hai. uske liye bade saahas aur sanyam ki aavashyakta hai. apne prati badi imaandaari us parampara ka praan hai. jha ji ke geeton mein hrrudaya bolata hai aur kala gaati hai.."

sammaan evam puraskaar

  • 2 October 1993 ko raaneeganj, pashchim Bengal mein aayojit akhil bhaarateeya Bhojpuri sammelan mein "Dr. udaya Narayan tivaari sammaan" se sammaanit

rameshachandr jha smruti sammaan

Ramesh Chandra Jha Smiriti Samman 2016 to Vibhuti Narain Rai
sugauli, Bihar mein varishth patrakaar evam star news ke raajaneetik salaahakaar aravind mohan dvaara pratham rameshachandr jha smruti sammaan praapt karte hue prasidd saahityakaar vibhooti Narayan rai

04-05 March 2016 ko sugauli sandhi ke do sau saal pure hone ke avsar par Bihar ki saamaajik sanstha "bhor" aur press club dvaara aayojit sugauli sandhi samaaroh mein rameshachandr jha dvaara likhit "svaadheenata samar mein : sugauli" pustak ka punarprakaashan aur vimochan kiya gaya.[4]

On 4 March 2016 varishth patrakaar aur star news ke raajaneetik salaahakaar aravind mohan dvaara prasidd saahityakaar evam vardha antarraashtreeya hindi vishvavidyaalaya ke poorv kulapati vibhooti Narayan rai ko rameshachandr jha smruti sammaan se puraskrut kiya gaya.[5]

saahityakaaron ke vichaar

ramesh chandr jha ke samakaaleen kathaakaaron aur kaviyon ne un par alag alag vichaar prakat kiye hain, jinmein se kuchh is tarah hain:-

shri rameshachandr jha ki rachanaaon se mera parichay “ahunkaara” naami Patna ke saaptaahik se hua. raachi kavi sammelan mein usane milne aur unke mukh se unki kavitaaon ko sunane ka suyog praapt hua. unki rachanaaon ka arth mere man mein aur gaharaaya. shri jha ji ne jahaan tak mujhe maaloom hai abhi tak geet hi likhe hain. in geeton mein unhonne apne man ki vibhinn bhaavanaaon ko abhivyakti di hai. apne man ki bhaavanaaon ke keval kala ka jheena paatamvar pahana kar jinse unka rup aur nikhr uthe na ki chhip jaae aadhunik hindi kaavya saahitya ki nai parampara hai. uske liye bade saahas aur sanyam ki aavashyakta hai. apne prati badi imaandaari us parampara ka praan hai. jha ji ke geeton mein hrrudaya bolata hai aur kala gaati hai.

satat saadhana aur nirantar srujan ki prerana koi rameshachandr jha ji se le aur unase hi poochhe ki aanevaali peedhiyon ka koi daayitv bhi hai ? jha ji ne champaaran ka jo saahityik itihaas taiyaar kiya hai, vah bade mahatva ka kaam hai. saath hi uttaradaayitv ka bhi hai. yadi pratyek jile ke adhikaari vyakti aisa kaam uthaavein to samast praant ka saahityik itihaas anaayaas taiyaar ho jaaye. main ishvar se praarthana karta hooain ki aap jo bhi kaam uthaavein vah sab tarah se safal ho.

  • kanhaiyaalaal mishr

Bihar ki saahityik tarunaai ka ek taaja fool rameshachandr jha, jismein saundarya aur surabhi donon ka vaas ! duniya use dikhaai deti hai aur dikhaai diya uske dil mein utarata hai aur dimaag mein khalabali machaata hai...usane dekha, mahasoos kiya aur socha...masti mein hua to chhand goonje aur mastishk mein hua to gadd ki ladiyaaain bikhr gain- yaheen usaka saahitya hai...to bina meen, mesh, mithoon vah unamein hai ki padaav jinhein badhaava diya karte hain aur manjil jinka intajaar kiya karti hai.

ramesh ji ke vyaktitv aur krutitv se desh ka kona kona bhali-bhaanti parichit hai...inke liye to yahi kehna adhik sameecheen hoga ki apni upama ve swayam hi hain...hindi saahitya ko kai abhootapoorv granth unhonne diye hain...saahitya ki shaayad hi koi aisi vidha ho jismein ramesh ji ne naheen likha hoga...bina kisi shor-sharaabe ke unhonne lagaataar likhkar saahitya-saadhana ke kshetr mein ek sarvatha naya keertimaan sthaapit kiya hai...!

nithlle baithe sochate rahane vaale na samajhein par kavivr ramesh chandr jha jaante hain ki girdaabon se kaise bach nikla ja sakta hai...ek bhaav ko anek bhaavon ke ulajhaav, virodh ki bharamaar aur amar vallariyon ki hunkaar se kaise sahi salaamaat ubaara ja sakta hai...unhonne samakaaleen saahitya aur uske pratinidhi rachanaakaaron par itna adhik likha hai ki nai peedhi unhein prerana ka Akshay shrot maanati hai...!

dinkar ke saath Bihar mein kaviyon ki jo nayi paudh jagi, usaka ajeeb hasr hua...aakhein khojati hain iske baad aane waali paudh kahaaain hai...kabhi kabhi kuchh nae ankur jameen ki moti part ko chhed kar jhaankate hue se dikhaai padte hain... ramesh bhi ek ankur hai...aur vah mere ghar ka hai, apna hai...apanaapan aur pakshapaat, sunata hooain saath-saath chalte hain kintu to bhi apanaapan to chhoda naheen ja sakta, mamatv ki jnjeer ko toda naheen ja sakta ! pakshapaat hi sahi bedhadk kahoonga ki ramesh ki cheejein mujhe bahut pasand aati rahi hain...

krutiyaaain

shri ramesh chandr jha ki hindi ki lagbhag sabhi vidhaaon mein darjanon pustakein prakaashit hain. jinmein pramukh krutiyaaain hain -

kaavya-sangrah

  • muralika
  • priyanvada (khand kaavya)
  • svagaatika
  • megh-geet
  • aag-fool
  • Bhaarat desh hamaara
  • javaan jaagate raho
  • mareechika
  • jaya Bhaarat jaya Gandhi
  • jaya bolo Hindustan ki
  • priydarshani (shraddha kaavya)
  • deep chalta raha
  • chalo-Delhi
  • neel ke daag

aitihaasik upanyaas

  • durg ka ghera [pra0 va0- 1958,subhaash pustak mandal, banaaras]
  • majaar ka deeya [6] [pra0 va0- 1962, chaudhari end sons, banaaras]
  • mitti bol uthi [pra0 va0- 1962, chaudhari end sons, banaaras]
  • Rao hammeer [pra0 va0- 1963, subhaash pustak mandal, banaaras]
  • vats-raaj[7] [pra0 va0- 1956, chaudhari end sons, banaaras]
  • kunvar Singh
  • kaling ka lahoo

raashtreeya saahitya

  • yeh desh hai veer javaanon ka[8]
  • svaadheenata samar mein sugauli

saamaajik-raajaneetik upanyaas

  • dharati ki dhul
  • jeevan-daan [pra0 va0- 1955, chaudhari end sons, Calcutta]
  • kaaainte aur kaliyaaain) [subhaash pustak mandal, banaaras]
  • roop ki raakh
  • paas ki doori
  • meera naachi re

baal saahitya

  • sone ka kangan
  • chanda ka doot
  • bandar laala
  • kehte chalo sunate chalo
  • inse seekho inse jaano
  • kavita bhari kahaani
  • naya desh nai kahaani
  • gaata chal bajaata chal
  • kaisi rahi kahaani
  • aao suno kahaani
  • ek samay ki baat
  • aage kadam badhaao
  • bachcho suno kahaani
  • aao padhte jaao

aatmakathaatmak upanyaas

  • vidyaapati
  • Bhaarat-putri

shodh kaarya

  • champaaran ki saahitya saadhana
  • apne aur sapane : champaaran ki saahitya yaatra
  • champaaran: saahitya aur saahityakaar

Bhojpuri upanyaas

  • surama sagun bichaare na (Bhojpuri ka pehla dhaaraavaahik upanyaas)

sandarbh

baahari kadiyaaain

inhein bhi dekhein