rakshaasootr

raakhi ki ek dookaan

rakshaasootr ya raakhi ko rakshaabandhan ke avsar par bhaai ki kalaai mein baaaindha jaata hai. ise reshami dhaage aur kuchh sajaavat ki vastuon ko milaakar banaaya jaata hai. in raakhiyon ka moolya bhaarateeya baajaar mein 5 Ru. se lekar 1,500 Ru. ya usase adhik bhi ho sakta hai. aisa maana gaya hai ki shravan nakshatr mein baandha gaya rakshaasootr amarata, nidrata, svaabhimaan, keerti, utsaah evam sfoorti pradaan karne wala hota hai.[1]

anukram

rakshaasootr ka itihaas

jabalapur ke tilhari gaaainv mein apni maaain ko rakshaasootr baaaindhati ek ladki

praacheenakaal mein rakshaabandhan mukhyat: braahmanon ka, vijyadashami kshatriyon, deepaavali vaishyon aur holi shoodron ka tyauhaar maana jaata tha. prativrsh shraavan maas ki poornima ke din braahman apne yajamaanon ke daahine haath par ek sootr baandhate the, jise rakshaasootr kaha jaata tha. ise hi aage chalakar raakhi jaane laga. yeh bhi kaha jaata hai ki yagya mein jo yajnyaasootr baandha jaata tha use aage chalakar rakshaasootr kaha jaane laga.[2] rakshaabandhan ki saamaajik lokapriyta kab praarambh hui, yeh kehna kathin hai. kuchh pauraanik kathaaon mein iska jikr hai jiske anusaar Bhagwan vishnu ke vaamanaavataar ne bhi raaja bali ke rakshaasootr baandha tha aur uske baad hi unhein paataal jaane ka aadesh diya tha. aaj bhi rakshaasootr baandhate samay ek mantra bola jaata hai usamein isi ghatna ka jikr hota hai. paramparaagat maanyata ke anusaar rakshaabandhan ka sambandh ek pauraanik katha se maana jaata hai, jo Krishna va yudhishthir ke samvaad ke roop mein bhavishyottar puraan mein varnit bataai jaati hai. ismein raakshason se indralok ko bachaane ke liye guru bruhaspati ne indraani ko ek upaaya batalaaya tha jismein shraavan shukl poornima ko indraani ne Indra ke tilk lagaakar uske rakshaasootr baandha tha jisse Indra vijayi hue.[3] vartamaanakaal mein parivaar mein kisi ya sabhi poojya aur aadaraneeya logon ko rakshaasootr baaaindhane ki parampara bhi hai. vrukshon ki raksha ke liye vrukshon ko rakshaasootr tatha parivaar ki raksha ke liye maaain ko rakshaasootr baaaindhane ke drushtaant bhi milte hain.

rakshaasootr ka mantra aur uddeshya

rakshaasootr ka mantra hai- yen baddho bali raaja daanavendro mahaabal:. ten tvaamanubadhnaami rakshe ma chal ma chal..

is mantra ka saamaanyat: yeh arth liya jaata hai ki daanavon ke mahaabali raaja bali jisse baandhe gaye the, usi se tumhein baandhata hoon. he rakshe!(rakshaasootr) tum chalaayamaan na ho, chalaayamaan na ho. dharmashaastr ke vidvaanon ke anusaar iska arth yeh hai ki raksha sootr baandhate samay braahman ya purohat apne yajamaan ko kehta hai ki jis rakshaasootr se daanavon ke mahaaparaakrami raaja bali dharm ke bandhan mein baandhe gaye the arthaat dharm mein prayukt kiye gaye the, usi sootr se main tumhein baandhata hoon, yaani dharm ke liye pratibaddh karta hoon. iske baad purohit raksha sootr se kehta hai ki he rakshe tum sthir rahana, sthir rahana. is prakaar raksha sootr ka uddeshya braahmanon dvaara apne yajamaanon ko dharm ke liye prerit evam prayukt karna hai.

shaastron mein kaha gaya hai - is din aparaanh mein rakshaasootr ka poojan kare aur uske uparaant rakshaabandhan ka vidhaan hai. yeh rakshaabandhan raaja ko purohit dvaara yajamaan ke braahman dvaara, bhaai ke bahin dvaara aur pati ke patni dvaara daahini kalaai par kiya jaata hai. sanskrut ki ukti ke anusaar

janen vidhina yastu rakshaabandhanamaacharet. s sarvadosh rahit, sukhi sanvatasare bhavet..

arthaat is prakaar vidhipoorvak jiske rakshaabandhan kiya jaata hai vah sampoorn doshon se door rahakar sampoorn varsh sukhi rahata hai. rakshaabandhan mein moolat: do bhaavanaaen kaam karti rahi hain. pratham jis vyakti ke rakshaabandhan kiya jaata hai usaki kalyaan kaamna aur doosare rakshaabandhan karne vaale ke prati sneh bhaavana. is prakaar rakshaabandhan vaastav mein sneh, shaanti aur raksha ka bandhan hai. ismein sabke sukh aur kalyaan ki bhaavana nihit hai.[2] sootr ka arth dhaaga bhi hota hai aur siddhaant ya mantra bhi. puraanon mein devataaon ya rishiyon dvaara jis rakshaasootr baandhane ki baat ki gayi hain vah dhaage ki bajaay koi mantra ya gupt sootr bhi ho sakta hai. dhaaga keval usaka prateek hai.[4] rakshaasootr baaaindhate samay ek shlok aur padha jaata hai jo is prakaar hai-

om yadaabadhnandaakshaayana hirnyan, shataaneekaaya sumanasyamaana:. tanmaSaabadhnaami shatashaaradaaya, aayushmaanjaradrushtiryathaasam..

tarah tarah ki raakhiyaaain

saadhaaran mauli ki raakhiyaaain bhi baajaar mein milti hain. chhote bachchon ke liye upahaar yukt raakhiyaan, jismein raushani vaale khilaune, tedi biyr, ilektraanik upakaran va chaakalet lagi raakhiyaaain bhi baajaar mein milti hain. badon ke liye chandan, keemati nagon, sindoor, chaaval tatha son va chaaaindi ke bresalet logon mein khoob lokapriya hain. iske atirikt rangeen dhaage, moti va chandan jadit dhaage daak se bheje jaane ke liye adhik pasand kiye jaate hain. anek rakshaasootron par Bhagwan ke bhi darshan hote hain. raakhiyon par sanpradaaya ke anuroop devi-devataaon ki pratima ukeri aur chitr chipkaae jaate hain. door-daraaj va videshon mein bhejane ke abhinandan patron ke saath bhi raakhiyaan bhi milti hain. ismein bhaaiyon ke liye raakhi ke saath shubhakaamana sandesh bhi hote hai. iske alaava sunaar aur aabhooshanon ki dookaanon par chaaaindi, daayamand, amareekan jreekan, rudraaksh se mandit raakhiyaaain vibhinn dijaainon evam rangon mein upalabdh hain.[5]

Bhaarat mein videshi raakhiyaaain bhi kaafi lokapriya hain. aamtaur par electronic saamaan ki nakal karne mein mashahoor cheen ab raakhi kaarobaar mein bhi fal-fool raha hai. in raakhiyon mein saatan ke dhaagon mein chhote-chhote khilaune, gaadiyaaain, football, tedibiyr, gudde-gudiya, suparamain aur rang-birange fool baindhe hue hain. yahaaain tak ki bachchon ke liye dhaagon par choohe ko bhi viraajamaan kar diya gaya hai.

bahanon ki vyastata ko dekhte hue Bhaarat ka daak vibhaag aise lifaafe bikri ke liye jaari karta hai, jin par bahan ko keval bhaai ka pata bhar likhna hota hai. inmein raakhi, roli va chaaval sahit sabhi saamagri pehle se hoti hai. iske alaava vaatar proof lifaafe bhi jaari kiye jaate hain. kuchh lifaafe aise bhi taiyaar karaae jaate hain jinmein raakhi sahit sabhi saamagri hoti hai. inki bikri anek mukhya ya pradhaan daakagharon dvaara ki jaati hai. daak chhaintaai ke dauraan raakhi daak ka vishesh dhyaan rakha jaata hai.

sandarbh