raikhik beejaganit

raikhik beejaganit (Linear algebra) ganit ki ek shaakha hai jo sadish aakaash (vektar space) tatha un aakaashon ke beech raikhik pratichitran se sambandhit hai.

raikhik beejaganit ka aarambh anekon agyaat raashiyon vaale yugapat sameekaranon ke hal se hua. aise sameekaran praay: maitriks aur sadishon ka upayog karke niroopit kiye jaate hain.

shuddh ganit aur anuprayukt ganit- donon mein hi raikhik beejaganit ki kendreeya bhoomika hai. kailakulas aur raikhik ganit ke sammilit prayog se raikhik avakal sameekaran hal kiye jaate hain. raikhik beejaganit ki takaneekein (vidhiyaaain) vaishleshik jyaamiti, injeeniyri, bhautiki, praakrutik vigyaan, sanganak vigyaan, kampyootar enimeshan aur saamaajik vigyaan (mukhayat: arthashaastr) mein prayukt hoti hain. raikhik beejaganit ke siddhaant aur vidhiyaaain atyant viksit hain. isi liye araikhik ganiteeya modelon ko bhi kabhi-kabhi sannikt raikhik modelon se niroopit kar diya jaata hai jisse unhein hal karne mein suvidha ho jaati hai.