raheem

raheem madhyakaaleen saamantavaadi sanskruti ke kavi the. raheem ka vyaktitv bahumukhi pratibha-sampann tha. ve ek hi saath senaapati, prashaasak, aashrayadaata, daanaveer, kootneetigya, bahubhaashaavid, kalaapremi, kavi evam vidvaan the. raheem saampradaayik sadabhaav tatha sabhi sanpradaayon ke prati samaadar bhaav ke satyanishth saadhak the. ve bhaarateeya saamaasik sanskruti ke ananya aaraadhak the. raheem kalam aur talavaar ke dhani the aur maanav prem ke sootradhaar the.

anukram

jeevan parichay

navaab abdurraheem Khan khaana madhyakaaleen Bhaarat ke kushal raajaneetivetta, veer- bahaadur yoddha aur bhaarateeya saanskrutik samanvaya ka aadarsh prastut karne vaale marmi kavi maane jaate hain. unki ginti vigat chaar shataabdiyon se aitihaasik purush ke alaava Bhaarat maata ke sachche sapoot ke rup mein kiya jaata raha hai. aapke andar vah sab gun maujood the, jo mahaapurushon mein paaye jaate hain. aap aise sau bhaagyashaali vyaktiyon mein se the, jo apni ubhayavidya lokapriyta ka kaaran keval aitihaasik na hokar bhaarateeya janajeevan ke amit prushton par yash shareer se jeevit paaye jaate hain. aap ek musalmaan hote hue bhi hindu jeevan ke antarman mein baithakar aapne jo maarmik tathya ankit kiye the, unki vishaal hrudayata ka parichay deti hain. hindu devi- devataaon, pavaaç, dhaarmik maanyataaon aur paranparaaon ka jahaaain bhi aapke dvaara ullekh kiya gaya hai, poori jaankaari evam imaandaari ke saath kiya gaya hai. aap jeevan par hindu jeevan ko bhaarateeya jeevan ka yathaarth maanate rahe. raheem ne apne kaavya mein raamaayan, mahaabhaarat, puraan tatha geeta jaise granthon ke kathaanakon ko udaaharan ke liye chuna hai aur laukik jeevan vyavahaar paksh ko uske dvaara samajhaane ka prayatn kiya hai, jo saamaajik sauhaard evam bhaarateeya saanskruti ki var jhalak ko pesh karta hai, jismein vibhinnata mein bhi ekta ki baat ki gayi hai.

janm

abadurraraheem khaanakhaana ka janm sanvat 1613 E. (san 1553) mein itihaas prasiddh bairam khaaain ke ghar Lahore mein hua tha. sanyog se us samay samraat humaayooain sikandar soori ka aakraman ka pratirodh karne ke liye sainya ke saath Lahore mein maujood the. bairam khaaain ke ghar putr ki utpati ki khabar sunakar ve swayam vahaaain gaye aur us bachche ka naam “araheem' rakha.

raheem Akbar ke darbaar mein

humaayooain ne Yuvraj Akbar ki shiksha- diksha ke liye bairam khaaain ko chuna aur apne jeevan ke antim dinon mein raajya ka prabandh ki jimmedaari dekar Akbar ka abhibhaavak niyukt kiya tha. bairam khaaain ne kushal neeti se Akbar ke raajya ko majaboot banaane mein poora sahayog diya. kisi kaaranavash bairam khaaain aur Akbar ke beech matabhed ho gaya. Akbar ne bairam khaaain ke vidroh ko safalataapoorvak daba diya aur apne ustaad ki maan evam laaj rakhate hue use haj par jaane ki ichha jataai. parinaamasvarup bairam khaaain haj ke liye ravaana ho gaye. bairam khaaain haj ke liye jaate hue Gujarat ke paatan mein thahare aur paatan ke prasiddh sahasraling sarovar mein nauka- vihaar ke baad tat par baithe the ki bheint karne ki niyat se ek Afghan sardaar mubaarak khaaain aaya aur dhokhe se bairam khaaain ka baddh kar diya. yeh mubaarak khaaain ne apne pita ki mrutyu ka badla lene ke liye kiya. is ghatna ne bairam khaaain ke parivaar ko anaath bana diya. in dhokhebaajon ne sirf katl hi naheen kiya, balki kaafi lootpaat bhi machaaya. vidhva sultaana begam apne kuchh sevakon sahit bachakar Ahmedabad aa gayi. Akbar ko ghatna ke baare mein jaise hi maaloom hua, unhonne sultaana begam ko darbaar vaapas aane ka sandesh bhej diya. raaste mein sandesh paakar begam Akbar ke darbaar mein aa gayi. aise samay mein Akbar ne apne mahaanata ka saboot dete hue inko badi udaarata se sharan diya aur raheem ke liye kaha “aise sab prakaar se prasann rakho. ise yeh pata na chale ki inke pita Khan khaanaaain ka saaya sar se uth gaya hai. Baba jamboor ko kaha yeh hamaara beta hai. ise hamaari drushti ke saamane rakha karo. is prakaar Akbar ne raheem ka paalan- poshan ekdam dharm- putr ki bhaanti kiya. kuchh dinon ke pashchaat Akbar ne vidhva sultaana begam se vivaah kar liya. Akbar ne raheem ko shaahi khaanadaan ke anurup “amirja khaaain' ki upaadhi se sammaanit kiya. raheem ki shiksha- deeksha Akbar ki udaar dharm- nirpeksh neeti ke anukool hui. isi shiksha- diksha ke kaaran raheem ka kaavya aaj bhi hindooon ke gale ka kanthahaar bana hua hai. dinkar ji ke kathanaanusaar Akbar ne apne deen- ilaahi mein hindootv ko jo sthaan diya hoga, usase kai guna jyaada sthaan raheem ne apni kavitaaon mein diya. raheem ke baare mein yeh kaha jaata hai ki vah dharm se musalmaan aur sanskruti se shuddh bhaarateeya the.

raheem ka vivaah

raheem ki shiksha samaapt hone ke pashchaat samraat Akbar ne apne pita humaayooain ki parampara ka nirvaah karte hue, raheem ka vivaah bairam khaaain ke virodhi mirja ajeej koka ki bahan maahabaanon se karva diya. is vivaah mein bhi Akbar ne vahi kiya, jo pehle karta raha tha ki vivaah ke sambandhon ke badaulat aapasi tanaav va puraani se puraani katuta ko samaapt kar diya karta tha. raheem ke vivaah se bairam khaaain aur mirja ke beech chali aa rahi puraani ranjish khatm ho gayi. raheem ka vivaah lagbhag solah saal ki umr mein kar diya gaya tha.

meer arj ka pad

Akbar ke darbaar ko pramukh padon mein se ek meer arj ka pad tha. yeh pad paakar koi bhi vyakti raaton raat ameer ho jaata tha, kyonki yeh pad aisa tha, jisse pahuainchakar hi janta ki fariyaad samraat tak pahuainchati thi aur samraat ke dvaara liye gaye faisale bhi isi pad ke jariye janta tak pahuainchaae jaate the. is pad par har do- teen dinon mein nae logon ko niyukt kiya jaata tha. samraat Akbar ne is pad ka kaam- kaaj suchaaru rup se chalaane ke liye apne sachche tatha vishvaas paatr ameer raheem ko mustakil meer arj niyukt kiya. yeh nirnaya sunakar saara darbaar sann rah gaya tha. is pad par aaseen hone ka matlab tha ki vah vyakti janta evam samraat donon mein saamaanya rup se vishvasaneeya hai.

raheem shahajaada saleem

kaafi minnaton tatha aasheervaad ke baad Akbar ko shekh saleem chishti ke aasheervaad se ek ladka praapt ho saka, jiska naam unhonne saleem rakha. shahajaada saleem maaain- baap aur doosare logon ke adhik dulaar ke kaaran shiksha ke prati udaaseen ho gaya tha. kai mahaan logon ko saleem ki shiksha ke liye Akbar ne lagavaaya. in mahaan logon mein sher Ahmad, meer kalaaain aur darabaari vidvaan abulafajal the. sabhi logon ki koshishon ke baavajood shahajaada saleem ko padhaai mein man na laga. Akbar ne sada ki tarah apna aakhiri hathiyaar raheem khaane khaana ko saleem ka ataaleek niyukt kiya. kaha jaata hai raheem khaaain yeh gaurav paakar bahut prasann the.

bhaasha shaili

raheem ne avadhi aur brajabhaasha donon mein hi kavita ki hai jo saral, svaabhaavik aur pravaahapoorn hai. unke kaavya mein shrrungaar, shaant tatha haasya ras milte hain tatha doha, soratha, baravai, kavitt aur savaiya unke priya chhand hain.

saahityak den

muslim dharm ke anuyaayi hote hue bhi raheem ne apni kaavya rachana dvaara hindi saahitya ki jo seva ki usaki misaal virle hi mil sakegi| raheem ji ki kai rachanaaeain prasiddh hain jinhein unhonne dohon ke roop mein likha| in doho mein neeti parak ka vishesh sthaan hai|

raheem ke grantho mein raheem dohaavali ya satasai, baravai, naayika bhed, shrrungaar, soratha, madanaashthk, raag panchaadhyaayi, nagar shobha, futakar baravai, futakar chhand tatha pad, futakar kavitv, savaiye, sanskrut kaavya sabhi prasiddh hain|

inhonne Turkey bhaasha mein likhi baabar ki aatmakatha "tujake baabari" ka faarasi mein anuvaad kiya| "maaasire raheemi" aur "aaine akabari" mein inhonne "khaanakhaana" va raheem naam se kavita ki hai|

raheem ji ka vyaktitv bahut prabhaavashaali tha| yeh musalmaan hokar bhi Krishna bhakt the| inhonne khud ko "rahimn" kehkar bhi sambodhit kiya hai| inke kaavya mein neeti, bhakti, prem aur shrrungaar ka sundar samaavesh milta hai|

raheem ji ne apne anubhavon ko ati saral va sahajata se jis shaili mein abhivyakt kiya hai vah vaastav mein adbhut hai| unki kavitaaon, chhandon, dohon mein poorvi avadhi, braj bhaasha tatha khadi boli ka prayog hua hai| par mukhya roop se braj bhaasha ka hi prayog hua hai| bhaasha ko saral, saras va madhur banaane ke liye inhonne tadabhav shabdon ka adhik prayog kiya hai|

pramukh rachanaaen

raheem dohaavali, baravai, naayika bhed, madanaashtak, raas panchaadhyaayi, nagar shobha aadi.

yeh bhi dekhein

baahari kadiyaaain