radio

kuchh puraane radio (risivr)

24 December 1906 ki shaam Canadai vaigyaanik reginaald feseinden ne jab apna vauyalin bajaaya aur atalaantik mahaasaagar mein tair rahe tamaam jahaajon ke radio oparetaron ne us sangeet ko apne radio set par suna, vah duniya mein radio prasaaran ki shuruaat thi.

isse pehle jagadeesh chandr Basu ne Bhaarat mein tatha gulyelmo maarkoni ne san 1900 mein England se amareeka betaar sandesh bhejkar vyaktigat radio sandesh bhejane ki shuruaat kar di thi, par ek se adhik vyaktiyon ko ek saath sandesh bhejane ya braudakaasting ki shuruaat 1906 mein feseinden ke saath hui. li the forest aur Charles herauld jaise logon ne iske baad radio prasaaran ke prayog karne shuru kiye. tab tak radio ka prayog sirf nausena tak hi seemit tha. 1917 mein pratham vishv yuddh ki shuruaat ke baad kisi bhi gair fauji ke liye radio ka prayog nishiddh kar diya gaya.[1]

anukram

pehla radio station

vidyut sanket ka AM aur FM mauduleshan
  • 1918 mein li the forest ne new yaurk ke haaibrij ilaake mein duniya ka pehla radio station shuru kiya. par kuchh dinon baad hi police ko khabar lag gayi aur radio station band kara diya gaya.
  • ek saal baad li the forest ne 1919 mein sain frainsisko mein ek aur radio station shuru kar diya.
  • November 1920 mein nausena ke radio vibhaag mein kaam kar chuke Frank kaunaard ko duniya mein pehli baar kaanooni taur par radio station shuru karne ki anumati mili.
  • kuchh hi saalon mein dekhte hi dekhte duniya bhar mein saikadon radio stationon ne kaam karna shuru kar diya.
  • radio mein vigyaapan ki shuruaat 1923 mein hui. iske baad Britain mein BBC aur amareeka mein CBS aur enabeesi jaise sarkaari radio stationon ki shuruaat hui.
  • November 1941 ko subhaash chandra Bose ne radio Germany se bhaaratavaasiyon ko sambodhit kiya.

Bhaarat aur radio

  • 1927 tak Bhaarat mein bhi dheron radio clubon ki sthaapana ho chuki thi. 1936 mein Bhaarat mein sarkaari 'imperiyl radio of India' ki shuruaat hui jo aajaadi ke baad all India radio ya aakaashavaani ban gaya.
  • 1939 mein dviteeya vishvayuddh ki shuruaat hone par Bhaarat mein bhi radio ke saare license radd kar diye gaye aur traansameetaron ko sarkaar ke paas jama karne ke aadesh de diye gaye.
  • Nariman printar un dinon Bombay teknikl Institute baayakula ke principle the. unhonne radio engineering ki shiksha pai thi. license radd hone ki khabar sunate hi unhonne apne radio traansameetar ko khol diya aur uske purje alag-alag jagah par chhupa diye.
  • is beech Gandhi ji ne angrejon Bhaarat chhodo ka naara diya. Gandhi ji samet tamaam neta 9 August 1942 ko girftaar kar liye gaye aur press par paabandi laga di gayi.
  • Congress ke kuchh netaaon ke anurodh par Nariman printar ne apne traansameetar ke purje fir se ekajut kiya. Mike jaise kuchh saamaan ki kami thi jo Chicago radio ke maalik naanak motavaani ki dukaan se mil gayi aur Mumbai ke chaupaati ilaake ke si vyoo bilding se 27 August 1942 ko national Congress radio ka prasaaran shuru ho gaya.

pehla prasaaran

  • apne pehle prasaaran mein udghoshak usha Mehta ne kaha, “a41.78 meter par ek anjaan jagah se yeh national Congress radio hai.”
  • radio par vigyaapan ki shuruaat 1923 mein hui.
  • iske baad isi radio station ne Gandhi ji ka Bhaarat chhodo ka sandesh, Meerut mein 300 sainikon ke maare jaane ki khabar, kuchh mahilaaon ke saath angrejon ke duraachaar jaisi khabaron ka prasaaran kiya jise samaachaarapatron mein censor ke kaaran prakaashit naheen kiya gaya tha.
  • pehla traansameetar 10 kilovaat ka tha jise sheegra hi Nariman printar ne aur saamaan jodkar sau kilovaat ka kar diya. angrej police ki nazar se bachane ke liye traansameetar ko teen maheene ke bheetar hi saat alag alag sthaanon par le jaaya gaya.
  • 12 November 1942 ko Nariman printar aur usha Mehta ko girftaar kar liya gaya aur national Congress radio ki kahaani yaheen khtm ho gayi.
  • November 1941 mein radio Germany se netaaji subhaash chandra Bose ka bhaarateeyon ke naam sandesh Bhaarat mein radio ke itihaas mein ek aur prasiddh din raha jab netaaji ne kaha tha, “atum mujhe khoon do main tumhein aajaadi doonga.”
  • iske baad 1942 mein aajaad hind radio ki sthaapana hui jo pehle Germany se fir Singapore aur rangoon se bhaarateeyon ke liye samaachaar prasaarit karta raha.

svatantrata ke pashchaat

  • svatantrata ke pashchaat se 16 November 2006 tak radio keval sarkaar ke adhikaar ke tha. dheere-dheere aam naagrikon ke paas radio ki pahuainch ke saath iska vikaas hua.
  • sarkaari sanrakshan mein radio ka kaafi prasaar hua. 1947 mein aakaashavaani ke paas chhah radio station the aur usaki pahunch 11 pratishat logon tak hi thi. aaj aakaashavaani ke paas 223 radio station hain aur usaki pahunch 99.1 feesadi bhaarateeyon tak hai.
  • teleevijn ke aagaman ke baad shaharon mein radio ke shrota kam hote gaye, par efaem radio ke aagaman ke baad ab shaharon mein bhi radio ke shrota badhne lage hain. par gairsarkaari radio mein ab bhi samaachaar ya samasaamayik vishyon ki charcha par paabandi hai.
  • radio ka durupayog na ho isliye sarkaar ise chalaane ki anumati aam janta ko naheen dena chaahati thi. is beech aam janta ko radio station chalaane dene ki anumati ke liye sarkaar par dabaav badhta raha hai.
  • 1995 mein bhaarateeya sarvochch nyaayaalaya ne kaha ki radio tarangon par sarkaar ka ekaadhikaar naheen hai. varsh 2002 mein NDA sarkaar ne shikshan sansthaaon ko kainpas radio station kholne ki anumati di. 16 November 2006 ko UPA sarkaar ne swayamsevi sansthaaon ko radio station kholne ki ijaajt di hai.
  • in radio stationon mein bhi samaachaar ya samasaamayik vishyon ki charcha par paabandi hai, par ise radio jaise jan maadhyam ke lokatantreekaran ki disha mein ek mahatvapoorn kdam maana ja raha hai.

inhein bhi dekhein

sandarbh

  1. poore hue radio prasaaran ke sau saal BBC hindi par shubhraanshu chaudhari ka aalekh

baahari kadiyaaain