raashiyaaain

raashiyaaain raashichkr ke un baaraah baraabar bhaagon ko kaha jaata hai jin par jyotishi aadhaarit hai. har raashi sooraj ke kraantivrutt (ऍkliptik) par aane vaale ek taaraamandal se sambandh rakhati hai aur un donon ka ek hi naam hota hai - jaise ki mithun raashi aur mithun taaraamandal. yeh baarah raashiyaan hain -

  1. mesh raashi
  2. vrush raashi
  3. mithun raashi
  4. kark raashi
  5. Singh raashi
  6. kanya raashi
  7. tula raashi
  8. vॄshchik raashi
  9. dhanu raashi
  10. makar raashi
  11. kumbh raashi
  12. meen raashi

in baarah taara samooh jyotish ke hisaab se mahatvapoorn hain. yadi pruthvi, sooraj ke kendra aur pruthvi ki parikrama ke tal ko chaaro taraf bramhaand mein failaayein, to yeh bramhaand mein ek tarah ki peti si bana lega. is peti ko ham 12 baraabar bhaagon mein baantein to ham dekheinge ki in 12 bhaagon mein koi na koi taara samooh aata hai. hamaari pruthvi aur grah, sooraj ke chaaron taraf ghoomate hain ya isko is tarah se kahein ki sooraj aur saare grah pruthvi ke saapeksh in 12 taara samoohon se gujarte hain. yeh kisi anya taara samooh ke saath naheen hota hai isaliye yeh 12 mahatvapoorn ho gaye hain. is taara samooh ko hamaare poorvajon ne koi na koi aakruti de di aur inhe raashiyaan kaha jaane laga.

yadi aap kisi aakhabaar ya TV par raashichkr ko dekhein ya sune to paayeingein ki ve sab mesh se shuroo hote hain, yeh April-May ka samay hai. yeh vishuv ayan (precession of equinoxes) ke kaaran hai.

inhein bhi dekhein

srotr

baahari kadi