raasaleela

raasaleela ya krushnaleela mein yuva aur baalak Krishna ki gatividhiyon ka manchan hota hai. Krishna ki manamohak adaaon par gopiyaan yaani brujabaalaaen lattoo theen. kaanha ki murali ka jaadoo aisa tha ki gopiyaan apni sutabut ganva baithati theen. gopiyon ke madahosh hote hi shuroo hoti thi kaanha ke mitron ki sharaaratein. maakhan churaana, mataki fodna, gopiyon ke vastr churaana, jaanvaron ko charane ke liye gaanv se door-door chhod kar aana hi pramukh sharaaratein thi, jin par poora vrundaavan mohit tha. janmaashtami ke mauke par kaanha ki in saari athakheliyon ko ek dhaage mein pirokar yaani unako naatakeeya roop dekar raasaleela ya Krishna leela kheli jaati hai. iseeliye janmaashtami ki taiyaariyon mein shreekrushn ki raasaleela ka aanand Mathura, vrundaavan tak seemit na rah kar poore desh mein chha jaata hai. jagah-jagah raasaleelaaon ka manchan hota hai, jinmein saje-dhaje shri Krishna ko alag-alag roop rakhakar raadha ke prati apne prem ko vyakt karte dikhaaya jaata hai. in raas-leelaaon ko dekh darshakon ko aisa lagta hai maano ve asaliyt mein shreekrushn ke yug mein pahunch gaye hon.

inhein bhi dekhein