raasaayanik abhikriya

lakdi ka jalana ek raasaayanik abhikriya hai.
ek beekar mein haaidrojan kloraaid ki vaashp mein parakhanali se amoniya ki vaashp milaane se ek naya padaarth amoniym kloraaid bante hue

raasaayanik abhikriya mein ek ya adhik padaarth aapas mein antarkriya (intaraikshan) karke parivrtit hote hain aur ek ya adhik bhinn raasaayanik gun vaale padaarth bante hain. kisi raasaayanik abhikriya mein bhaag lene vaale padaarthon ko abhikaarak (riyektaints) kehte hain. abhikriya ke falasvaroop utpann padaarthon ko utpaad (prodakts) kehte hain. laivaasiye ke samay se hi gyaat hai ki raasaayanik abhikriya bina kisi maapane yogya dravyamaan parivartan ke hoti hai. (dravyamaan parivartan atyant kam hota hai jise maapana kathin hai). isi ko dravyamaan sanrakshan ka niyam kehte hain. arthaat kisi raasaayanik abhikriya mein na to dravyamaan nasht hota hai na hi banta hai; keval padaarthon ka parivartan hota hai.

paramparaagat roop se un abhikriyaaon ko hi raasaayanik abhikriya kehte hain jinmein raasaayanik bandhon ko todane ya banaane mein elektraanon ki gati jimmedaar hoti hai.

anukram

raasaayanik abhikriyaaon ke kuchh udaaharan

chaaradeevaari par lagi jang

aam jeevan mein drushtigochar hone waali kuchh pramukh raasaayanik abhikriyaaen is prakaar hai:

  • lakadi ka jalana
  • shvasan
  • doodh se dahi banana
  • lohe par jang (ya morcha) lagana
  • khaana pakaana
  • jal jaana
  • prakaash sanshleshan
  • baitariyon dvaara vidyut urja ka utpaadan
  • kachche tel (krood aayal) se plastic ka nirmaan
  • sirka banaana, sharaab banaana
  • photo kheenchna (digital camere se naheen)

bhinn-bhinn prakaar ki abhikriyaaeain

  • sanshleshan (Direct combination / synthesis)
N2 + 3 H2 → 2 NH3
  • raasaayanik vightan ya vishleshan (Chemical decomposition or analysis)
2 H2O → 2 H2 + O2
  • ekal pratisthaapan (substitution)
2 Na(s) + 2 HCl(aq) → 2 NaCl(aq) + H2(g)
  • dohara pratisthaapan (Double displacement reaction)
NaCl(aq) + AgNO3(aq) → NaNO3(aq) + AgCl(s)
  • aml-kshaar abhikriya (Acid-base reactions)
HA + BOH ---> H2O + BA
  • redauks abhikriya (Redox reactions)
2 S2O32−(aq) + I2(aq) → S4O62−(aq) + 2 I(aq)
  • jvalan (Combustion)
C10H8+ 12 O2 → 10 CO2 + 4 H2O
CH2S + 6 F2 → CF4 + 2 HF + SF6

raasaayanik gatiki

kisi abhikriya ki gati ka arth yeh hai ki us abhikriya ke parinaamasvaroop usamein sammilit padaarthon ki saandrata ya daab kis gati ke badal raha hai. vibhinn abhikriyaaon ki gati mein bahut antar dekha ja sakta hai. kuchh abhikriyaaen bahut teevr gati se hoti hain jabki kuchh abhikriyaaen bahut dheemi gati se hoti hain. abhikriyaaon ki gati ka adhyayan bahut hi mahatvapoorn hai. raasaayanik praudyogiki ki drushti se kriya ki gati adhik hone par koi utpaad kam samay mein banaaya ja sakta hai.

raasaayanik abhikriyaaon ki gati mukhyat: abhikaarakon ki saandrata, prusht kshetrafal, daab, aiktiveshan urja, taap evam utprerak ki upasthiti/anupasthiti aadi par nirbhar karta hai.

inhein bhi dekhein

baahari kadiyaaain