raani lakshmeebaai

raani lakshmi baai
(1835 - 1858)
Ranilaxmibai-1.JPG
upanaam : manikrnika, manu
janmasthal : Varanasi, uttar pradesh
mrutyusthal: gvaaliyr, madhya pradesh
aandolan: bhaarateeya svatantrata sangraam

raani lakshmeebaai (janm: 19 November 1835[1]mrutyu: 17 June 1858) maraatha shaasit jhaaainsi raajya ki raani aur 1857 ke pratham bhaarateeya svatantrata sangraam ki veeraangana theen jinhonne maatr 23 varsh ki aayu mein british saamraajya ki sena se sangraam kiya aur ranakshetr mein veeragati praapt ki kintu jeete ji angrejon ko apni jhaaainsi par kabja naheen karne diya.

anukram

sankshipt jeevani

raani lakshmeebaai ka ekamaatr chitr jise ek angrej photographer John ston end hautamain ne san 1850 mein kheencha tha.

lakshmeebaai ka janm Varanasi jile ke bhadaini naamak nagar mein 19 November 1835 ko hua tha. uske bachapan ka naam manikrnika tha parantu pyaar se use manu kaha jaata tha. manu ki maaain ka naam bhaageeratheebaai tatha pita ka naam moropant taanbe tha. moropant ek maraathi the aur maraatha baajeeraav ki seva mein the. maata bhaageeratheebaai ek susanskrut, buddhimaan evam dhaarmik mahila theen. manu jab chaar varsh ki thi tab unki maaain ki mrutyu ho gayi. chooainki ghar mein manu ki dekhbhaal ke liye koi naheen tha isliye pita manu ko apne saath baajeeraav ke darbaar mein le gaye jahaaain chanchal evam sundar manu ne sabka man moh liya. log use pyaar se "chhabeeli" kehkar bulaane lage. manu ne bachapan mein shaastron ki shiksha ke saath shastron ki shiksha bhi li.[2] san 1842 mein unka vivaah jhaaainsi ke maraatha shaasit raaja gangaadhar Rao nimbaalakar ke saath hua aur ve jhaaainsi ki raani bani. vivaah ke baad unka naam lakshmeebaai rakha gaya. san 1851 mein raani lakshmeebaai ne ek putr ko janm diya par chaar maheene ki aayu mein hi usaki mrutyu ho gayi. san 1853 mein raaja gangaadhar Rao ka svaasthya bahut adhik bigad jaane par unhein dattak putr lene ki salaah di gayi. putr god lene ke baad 21 November 1853 ko raaja gangaadhar Rao ki mrutyu ho gayi. dattak putr ka naam Damodar Rao rakha gaya.

british raaj ne baalak Damodar radaalat mein mukadama daayar kar diya. yadyapi mukadame mein bahut bahas hui parantu ise khaarij kar diya gaya. britaani adhikaariyon ne raajya ka khajaana jbt kar liya aur unke pati ke karj ko raani ke saalaana kharch mein se kaatne ka farmaan jaari kar diya. iske parinaamasvaroop raani ko jhaaainsi ka kila chhod kar jhaaainsi ke raaneemahal mein jaana pada. par raani lakshmeebaai ne himmat naheen haari aur unhonein har haal mein jhaaainsi raajya ki raksha karne ka nishchaya kiya.

jhaaainsi ka yuddh

1857 ke bhaarateeya svatantrata sangraam ke shaheedon ko samarpit Bhaarat ka daakatikt jismein lakshmeebaai ka chitr hai.

jhaaainsi 1857 ke sangraam ka ek pramukh kendra ban gaya jahaaain hinsa bhadak uthi. raani lakshmeebaai ne jhaaainsi ki suraksha ko sudrudh karna shuroo kar diya aur ek swayamsevak sena ka gathan praarambh kiya. is sena mein mahilaaon ki bharti ki gayi aur unhein yuddh ka prashikshan diya gaya. saadhaaran janta ne bhi is sangraam mein sahayog diya. jhalakaari baai jo lakshmeebaai ki hamashakl thi ko usane apni sena mein pramukh sthaan diya.

1857 ke sitmbar tatha October maah mein padosi raajya orachha tatha datiya ke raajaaon ne jhaaainsi par aakraman kar diya. raani ne safalta poorvak ise vifal kar diya. 1858 ke January maah mein britaani sena ne jhaaainsi ki or badhna shuroo kar diya aur March ke maheene mein shahar ko gher liya. do hafton ki ladaai ke baad britaani sena ne shahar par kabja kar liya. parantu raani Damodar Rao ke saath angrejon se bach kar bhaag nikalne mein safal ho gayi. raani jhaaainsi se bhaag kar kaalapi pahuainchi aur taatya tope se mili.

taatya tope aur raani ki sanyukt senaaon ne gvaaliyr ke vidrohi sainikon ki madad se gvaaliyr ke ek kile par kabja kar liya. 17 June 1858 ko gvaaliyr ke paas kota ki saraaya mein british sena se ladte-ladte raani lakshmeebaai ne veeragati praapt ki. ladaai ki report mein british general hyooroj ne tippani ki ki raani lakshmeebaai apni sundarata, chaalaaki aur drudhta ke liye ullekhaneeya to thi hi, vidrohi netaaon mein sabse adhik khatarnaak bhi thi.[3]

sandarbh

  1. Jhansi Ki Rani Lakshmibai Biography ke anusaar raani lakshmeebaai ki janmatithi 19 November 1835 hai
  2. "kaashi ki vibhootiyaaain" (echateeem). teedil. http://tdil.mit.gov.in/coilnet/ignca/kbhu_v06.htm. abhigman tithi: 2009.
  3. ^ David, Saul (2003), The Indian Mutiny: 1857, Penguin, London p367

inhein bhi dekhein

baahari kadiyaaain

  • kavita jhaaainsi ki raani - abhi umr kul teis ki thi, manuj naheen avataari thi; hamako jeevit karne aayi, ban svatantrata naari thi.