raani durgaavati

raani durgaavati ka chitr

raani durgaavati (5 October, 1524 – 24 June, 1564)) Bhaarat ki ek veeraangana theen jinhone apne vivaah ke chaar varsh baad apne pati dalapat shaah ki asamaya mrutyu ke baad apne putr veeranaaraayan ko sinhaasan par baithaakar uske sanrakshak ke roop mein swayam shaasan karna praarambh kiya. inke shaasan mein raajya ki bahut unnati hui. durgaavati ko teer tatha bandook chalaane ka achha abhyaas tha. cheete ke shikaar mein inki vishesh ruchi thi. unke raajya ka naam gadhmandala tha jiska kendra jabalapur tha. ve Allahabad ke mugal shaasak aasaf Khan se loha lene ke liye prasiddh hain.

parichay

mahaaraani durgaavati kaalinjar ke raaja keertisinh chandel ki ekamaatr santaan theen. baanda jile ke kaalinjar kile mein 1524 isavi ki durgaashtami par janm ke kaaran unka naamadurgaavati rakha gaya. naam ke anuroop hi tej, saahas, shaurya aur sundarata ke kaaran inki prasiddhi sab or fail gayi. durgaavati ke maayake aur sasuraal paksh ki jaati bhinn thi lekin fir bhi durgaavati ki prasiddhi se prabhaavit hokar raaja sangraam shaah ne apne putr dalapat shaah se vivaah karke, use apni putravadhoo banaaya tha.

durbhaagyavash vivaah ke chaar varsh baad hi raaja dalapatashaah ka nidhan ho gaya. us samay durgaavati ki god mein teen varsheeya Narayan hi tha. at: raani ne swayam hi gadhmandala ka shaasan sanbhaal liya. unhonne anek mandir, math, kuen, baavadi tatha dharmashaalaaen banavaain. vartamaan jabalapur unke raajya ka kendra tha. unhonne apni daasi ke naam par chereetaal, apne naam par raaneetaal tatha apne vishvast deevaan aadhaarasinh ke naam par aadhaarataal banavaaya.

raani durgaavati ka yeh sukhi aur sampann raajya par maalava ke musalmaan shaasak baajabahaadur ne kai baar hamla kiya, par har baar vah paraajit hua. tathaakathit mahaan mugal shaasak Akbar bhi raajya ko jeetkar raani ko apne haram mein daalna chaahata tha. usane vivaad praarambh karne hetu raani ke priya safed haathi (saraman) aur unke vishvast vajeer aadhaarasinh ko bheint ke roop mein apne paas bhejane ko kaha. raani ne yeh maang thukara di.

is par Akbar ne apne ek rishtedaar aasaf Khan ke netrutv mein gondavaana par hamla kar diya. ek baar to aasaf Khan paraajit hua, par agali baar usane dugani sena aur taiyaari ke saath hamla bola. durgaavati ke paas us samay bahut kam sainik the. unhonne jabalapur ke paas narai naale ke kinaare morcha lagaaya tatha swayam purush vesh mein yuddh ka netrutv kiya. is yuddh mein 3,000 mugal sainik maare gaye lekin raani ki bhi apaar kshati hui thi.

agale din 24 June 1564 ko mugal sena ne fir hamla bola. aaj raani ka paksh durbal tha, at: raani ne apne putr Narayan ko surakshit sthaan par bhej diya. tabhi ek teer unki bhuja mein laga, raani ne use nikaal feinka. doosare teer ne unki aankh ko bedh diya, raani ne ise bhi nikaala par usaki nok aankh mein hi rah gayi. tabhi teesara teer unki gardan mein aakar dhans gaya.

raani ne ant samay nikat jaanakar vajeer aadhaarasinh se aagrah kiya ki vah apni talavaar se unki gardan kaat de, par vah iske liye taiyaar naheen hua. at: raani apni kataar swayam hi apne seene mein bhonkakar aatm balidaan ke path par badh gayeen. mahaaraani durgaavati ne Akbar ke senaapati aasaf Khan se ladkar apni jaan ganvaane se pehle pandrah varshon tak shaasan kiya tha.

jabalapur ke paas jahaan yeh aitihaasik yuddh hua tha, us sthaan ka naam barela hai, jo mandala road par sthit hai, vahi raani ki samaadhi bani hai, jahaan deshapremi jaakar apne shraddhaasuman arpit karte hain. jabalapur me sthit raani durgaavati vishvavidyaalaya bhi inhi raani ke naam par bani hui hai.

inhein bhi dekhein

  • raani durgaavati vishvavidyaalaya, jabalapur
  • chandel
  • vidyaadhar (chandel)

baahari kadiyaaain

  • pustak: yashasvini raani durgaavati, aaiesabeeen: 81-7011-808-5, prakaashak: si.bi.ti. prakaashan, lekhika: kamala sharma.
  • pustak: 606 raani durgaavati, aaiesabeeen : 81-7508-473-1, prakaashak : India book house limited, lekhak: anant pai.