raamaraajya

hindu sanskruti mein Ram dvaara kiya gaya aadarth shaasan raamaraajya ke naam se prasiddh hai. vartamaan samay mein raamaraajya ka prayog sarvotkrusht shaasan ya aadarsh shaasan ke roopak (prateek) ke room mein kiya jaata hai.

raamaraajya, lokatantr ka parimaarjit roop maana ja sakta hai. vaishvik star par raamaraajya ki sthaapana Gandhiji ki chaah thi. Gandhiji ne Bhaarat mein angreji shaasan se mukti ke baad gram Swaraj ke roop mein raamaraajya ki kalpana ki thi.

hindu granthon mein raamaraajya

raamacharitmaanas mein tulaseedaasaji ne raamaraajya par paryaapt prakaash daala hai. maryaada purushottam shri Ram ke sinhaasan par aaseen hote hi sarvatr harsh vyaapt ho gaya, saare bhaya–shok door ho gaye evam daihik, daivik aur bhautik taapon se mukti mil gayi. koi bhi alpamrutyu, rog–peeda se grast naheen tha, sabhi svasth, buddhimaan, saakshar, gunajnya, gyaani tatha krutajnya the.

Ram raaj baithe trailoka. harashit bhae gaye sab soka..
bayaru na kar kaahoo san koi. Ram prataap vishmata khoi..
daihik daivik bhautik taapa. Ram raaj nahin kaahuhi byaapa..
alpamrutyu nahin kavaniu peera. sab sundar sab biruj sareera..
nahin daridr kou dukhi na deena. nahin kou abudh na lachhan heena..
sab gunagya pandit sab gyaani. sab krutagya nahin kapat sayaani..
Ram raaj nabhages sunu sacharaachar jag maahin.
kaal karm subhaav gun krut dukh kaahuhi naahin..
(raa•acha•amaa• 7. 20. 7–8; 21. 1¸ 5–6¸ 8; 21)

vaalmeeki raamaayan mein bharat ji raamaraajya ke vilkshan prabhaav ka ullekh karte hue kehte hain, "raaghav! aapke raajya par abhishikt hue ek maas se adhik samay ho gaya. tab se sabhi log nirog dikhaai dete hain. boodhe praaniyon ke paas bhi mrutyu naheen fatakati hai. striyaan bina kasht ke prasav karti hain. sabhi manushyon ke shareer hrusht–pusht dikhaai dete hain. raajan! puravaasiyon mein bada harsh chha raha hai. megh amrut ke samaan jal giraate hue samay par varsha karte hain. hava aisi chalti hai ki iska sparsh sheetal evam sukhad jaan padta hai. raajan nagar tatha janapad ke log is puri mein kehte hain ki hamaare liye chirkaal tak aise hi prabhaavashaali raaja rahein."

inhein bhi dekhein

baahari kadiyaaain