raamaanujaachaarya

raamaanujaachaarya

raamaanujaachaarya
janm Lakshman
1017 isavi san.
shreeperambadoor, tamil naadu, Bhaarat
mrutyu 1137 isavi san.
shreerangam, tamil naadu, Bhaarat
guru/shikshak yamunaachaarya
darshan vishishtaadvait
khitaab/sammaan shreevaishnavatattvashaastr ke aachaarya
saahityik kaarya vedaantasangraham, shreebhaashyam, geetaabhaashyam, vedaantadeepam, vedaantasaaram, sharanaagatigdyam, shreerangagadyam, shreevaikunthagadyam, nityagrantham

raamaanujaachaarya (angreji: Ramanuja janm: 1017 - mrutyu: 1137) vishishtaadvait vedaant ke pravartak the. vah aise vaishnav sant the jinka bhakti parampara par bahut gahra prabhaav raha.

vaishnav aachaaryon mein pramukh raamaanujaachaarya ki shishya parampara mein hi raamaanand hue jinke shishya kabeer aur sooradaas the. raamaanuj ne vedaant darshan par aadhaarit apna naya darshan vishisht advait vedaant likha tha.

raamaanujaachaarya ne vedaant ke alaava saataveen-dasveen shataabdi ke rahasyavaadi evam bhaktimaargi aalavaar santon ke bhakti-darshan tatha dakshin ke pancharaatr parampara ko apne vichaaron ka aadhaar banaaya.

anukram

sankshipt jeevani

1017 isavi san mein raamaanuj ka janm dakshin Bhaarat ke tamil naadu praant mein hua tha. bachapan mein unhonne kaanchi jaakar apne guroo Yadav prakaash se vedon ki shiksha li. raamaanujaachaarya aalavaar sant yamunaachaarya ke pradhaan shishya the. guru ki ichhaanusaar raamaanuj se teen vishesh kaam karne ka sankalp karaaya gaya tha - brahmasootr, vishnu sahasranaam aur divya prabandham ki teeka likhna. unhonne gruhasth aashram tyaag kar shreerangam ke yadiraaj naamak sanyaasi se sanyaas ki deeksha li.

Mysore ke shreerangam se chalakar raamaanuj shaaligraam naamak sthaan par rahane lage. raamaanuj ne us kshetr mein baarah varsh tak vaishnav dharm ka prachaar kiya. uske baad to unhonne vaishnav dharm ke prachaar ke liye poore bhaaratavarsh ka hi bhraman kiya. 1137 isavi san mein 120 varsh ki aayu paakar ve brahmaleen hue.

unhonne yooain to kai granthon ki rachana ki kintu brahmasootr ke bhaashya par likhe unke do mool granth sarvaadhik lokapriya hue - shreebhaashyam evam vedaant sangraham.

vishishtaadvait darshan

raamaanujaachaarya ke darshan mein satta ya paramasat ke sambandh mein teen star maane gaye hain - brahm arthaat ishvar, chit arthaat aatm tatv aur achit arthaat prakruti tatv.

vastut: ye chit arthaat aatm tattv tatha achit arthaat prakruti tattv brahm ya ishvar se pruthak naheen hai balki ye vishisht roop se brahm ke hi do svaroop hain evam brahm ya ishvar par hi aadhaarit hain. vastut: yahi raamanujaachaarya ka vishishtaadvait ka siddhaant hai.

jaise shareer evam aatma pruthak naheen hain tatha aatm ke uddeshya ki poorti ke liye shareer kaarya karta hai usi prakaar brahm ya ishvar se pruthak chit evam achit tattv ka koi astitv naheen hain. ve brahm ya ishvar ka shareer hain tatha brahm ya ishvar unki aatma sadrushya hain.

bhakti se taatparya

raamaanuj ke anusaar bhakti ka arth pooja-paath ya keertan-bhajan naheen balki dhyaan karna ya ishvar ki praarthana karna hai. saamaajik pariprekshya se raamaanujaachaarya ne bhakti ko jaati evam varg se pruthak tatha sabhi ke liye sambhav maana hai.

inhein bhi dekhein

baahari kadiyaaain