raamaanand saagar

raamaanand saagar (29 December 1917 – 12 December 2005) hindi filmon ke ek nirdeshak the. dooradarshan par raamaayan naamak ati lokapriya dhaaraavaahik ke kaaran ve bahut prasiddh hue.

anukram

jeevan-parichay

raamaanand saagar ka janm Lahore ke najadeek asal guru naamak sthaan par 29 December 1927 ko ek dhanaadhya parivaar mein hua tha. unhein apne maata pita ka pyaar naheen mila, kyonki unhein unki naani ne god le liya tha. pehle unka naam chandramauli tha lekin naani ne unka naam badalkar raamaanand rakh diya. 16 saal ki avastha mein unki gadya kavita shreenagar sthit prataap kaalej ki maigajeen mein prakaashit hone ke liye chuni gayi. yuva raamaanand ne dahej lene ka virodh kiya jiske kaaran unhein ghar se baahar kar diya gaya.

iske saath hi unka jeevan sangharsh aarambh ho gaya. unhonne padhaai jaari rakhane ke liye truck kleenar aur chaparaasi ki naukri ki. ve din mein kaam karte aur raat ko padhaai. medhaavi hone ke kaaran unhein Punjab vishvavidyaalaya [Pakistan] se svarn padak mila aur faarasi bhaasha mein nipunata ke liye unhein munshi fajl ke khitaab se navaaja gaya. iske baad saagar ek patrakaar ban gaye aur jald hi vah ek akhbaar mein samaachaar sampaadak ke pad tak pahunch gaye. iske saath hi unka lekhan kaarya bhi chalta raha.

bantavaare ke samay 1947 mein ve Bhaarat aa gaye. us samay unke paas sampatti ke roop mein mahaj paanch aane the. Bhaarat mein vah film kshetr se jude aur 1950 mein khud ki production company saagar Arts banaai jiski pehli film mehmaan thi. varsh 1985 mein vah chhote parade ki duniya mein utar gaye. unke dvaara nirmit sarvaadhik lokapriya dhaaraavaahik raamaayan ne logon ke dilon mein unki chhavi ek aadarsh vyakti ke roop mein bana di.

lekhan

unhonne 22 chhoti kahaaniyaan, teen vruhat laghu kahaani, do kramik kahaaniyaan aur do naatak likhe. unhonne inhein apne takhallus Chopra, bedi aur Kashmiri ke naam se likha lekin baad mein vah saagar takhallus ke saath hamesha ke liye raamaanand saagar ban gaye. baad mein unhonne anek filmon aur telivijn dhaaraavaahikon ke liye bhi patakathaaeain likhi.

nirdeshan aur nirmaan

unhonne kuchh filmon tatha kai telivijn kaaryakramon aur dhaaraavaahikon ka nirdeshan aur nirmaan kiya. unke dvaara banaae gaye prasiddh TV dhaaraavaahikon mein vikram betaal, daada-daadi ki kahaaniyaan, raamaayan, Krishna, alif laila aur jaya ganga maiya, aadi behad lokapriye dhaaraavaahik shaamil hai.

pramukh filmein

lekhak ke roop mein

varsh film tippani
1968 aaainkhein

nirdeshak ke roop mein

varsh film tippani
1982 Bhagwat
1979 prem bandhan
1976 charas
1968 aaainkhein
1960 ghoonghat

puraskaar/sammaan

sandarbh

baahari kadiyaaain