raajyapaal (Bhaarat)

Bhaarat ka samvidhaan sanghaatmak hai. ismein sangh tatha raajyon ke shaasan ke sambandh mein praavadhaan kiya gaya hai. samvidhaan ke bhaag 6 mein raajya shaasan ke liye praavadhaan hai. yeh praavadhaan Jammu-Kashmir ko chhodkar sabhi raajyon ke liye laagoo hota hai. Jammu-Kashmir ki vishesh sthiti ke kaaran uske liye alag samvidhaan hai. sangh ki tarah raajya ki bhi shaasan paddhati sansadeeya hai.

raajya ki kaaryapaalika ka pramukh raajyapaal (Governor) hota hai, jo mantriprishd ki salaah ke anusaar kaarya karta hai. kuchh maamalon mein raajyapaal ko vivekaadhikaar diya gaya hai, aise maamale mein vah mantriprishd ki salaah ke bina bhi kaarya karta hai.

raajyapaal apne raajya ke sabhi vishvavidyaalayon ke kulaadhipti bhi hote hain. inki sthiti raajya mein vahi hoti hai jo kendra mein raashtrapati ki hoti hai. kendra shaasit pradeshon mein uparaajyapaal hote hain.

anukram

parichay

raajyapaal, raajya ka samvaidhaanik pramukh hota hai. vah mantriprishd ki salaah se kaarya karta hai parantu usaki samvaidhaanik sthiti mantriprishd ki tulana me bahut surakshit hai. vah raashtrapati ke samaan asahaaya naheen hai. raashtrapati ke paas maatr vivekaadheen shakti hi hai jiske alaava vah sadaiv prabhaav ka hi prayog karta hai kintu samvidhaan raajyapaal ko prabhaav tatha shakti donon deta hai. usaka pad jitna shobhaatmak hai, utana hi kaaryaatmak bhi hai.

anu 166[2] ke anrtagat yadi koi prashan uthata hai ki raajyapaal ki shakti vivekaadheen hai ya naheen to usi ka nirnaya antim maana jaata hai
anu 166[3] raajyapaal in shaktiyon ka prayog un niyamon ke nirmaan hetu kar sakta hai jinse raajyakaaryon ko sugamata poorvak sanchaalan ho saath hi vah mantriyon me kaarya vibhaajan bhi kar sakta hai
anu 200 ke adheen raajyapaal apni vivek shakti ka prayog raajya vidhaayika dvaara paarit bill ko raashtrapati ki sveekruti hetu surakshit rakh sakane me kar sakta hai
anu 356 ke adheen raajyapaal raashtrapati ko raaj ke prashaasan ko adhigrahit karne hetu nimantran de sakta hai yadi yeh samvidhaan ke praavadhaanon ke anuroop naheen chal sakta ho

vishesh vivekaadheen shakti
panrapara ke anusaar raajyapaal raashtrapati ko bheji jaane waali paakshik report ke sambandh me nirnaya le sakta hai kuchh raajyon ke raajyapaalon ko vishesh uttaradaayitvon ka nirvaah karna hota hai vishesh uttaradaayitv ka arth hai ki raajyapaal mantriprishd se salaah to le kintu ise maanane hetu vah baadhya na ho aur na hi use salaah lene ki jaroorat padti ho

raajyapaal ki yogyata

anuchhed 157 ke anusaar raajyapaal pad par niyukt kiye jaane vaale vyakti mein nimnalikhit yogyataaon ka hona anivaarya hai–

  • 1. vah Bhaarat ka naagrik ho,
  • 2. vah 35 varsh ki aayu poori kar chuka ho,
  • 3. vah raajya sarkaar ya kendra sarkaar ya in raajyon ke niyantran ke adheen kisi saarvajanik upakram mein laabh ke pad par na ho,
  • 4. vah raajya vidhaanasabha ka sadasya chune jaane ke yogya ho.

raajyapaal ki niyukti

samvidhaan ke anuchhed 155 ke anusaar- raajyapaal ki niyukti raashtrapati ke dvaara pratyaksh roop se ki jaaegi, kintu vaastav mein raajyapaal ki niyukti raashtrapati ke dvaara pradhaanamantri ki sifaarish par ki jaati hai. raajyapaal ki niyukti ke sambandh mein nimn do prakaar ki prathaaeain ban gayi theen-

  • 1. kisi vyakti ko us raajya ka raajyapaal naheen niyukt kiya jaaega, jiska vah nivaasi hai.
  • 2. raajyapaal ki niyukti se pehle sambandhit raajya ke mukhyamantri se vichaar vimarsh kiya jaaega.

yeh pratha 1950 se 1967 tak apanaayi gayi, lekin 1967 ke chunaavon mein jab kuchh raajyon mein gair Congressi sarkaaron ka gathan hua, tab doosari pratha ko samaapt kar diya gaya aur mukhyamantri se vichaar vimarsh kiye bina raajyapaal ki niyukti ki jaane lagi.

raajyapaal ki kaarya avadhi

raajyapaal raajya me kendra ka pratinidhi hota hai tatha raashtrapati ke prasaadaparyant pad par bana rahata hai. vah kabhi bhi pad se hataaya ja sakta hai.

yadyapi raajyapaal ki kaarya avadhi uske pad grahan ki tithi se paaainch varsh tak hoti hai, lekin is paaainch varsh ki avadhi ke samaapan ke baad vah tab tak apne pad par bana rahata hai, jab tak usaka uttaraadhikaari pad naheen grahan kar leta. jab raajyapaal paaainch varsh ki avadhi ki samaapti ke baad pad par rahata hai, tab vah pratidin ke vetan ke aadhaar par pad par bana rahata hai.

raajyapaal se sambandhit sarakaariya aayog ki sifaarisein

bhaarateeya raajaneeti mein raajyapaal ka pad tatha bhoomika deergh kaal se vivaad ka kaaran rahi hai jiske chalte kaafi vivaad hue hain. sarakaariya aayog ne apni report me is tarah ki sifaarish di thi
1. ek raajya ke raajyapaal ki niyukti raajya ke mukhyamantri ki salaah ke baad hi raashtrapati kare
2. vah jeevan ke kisi kshetr ka mahatvapoorn vyaktitv ho
3. vah raajya ke baahar ka rahane wala ho
4. vah raajanaitik roop se kam se kam pichhle 5 varsho se raashtreeya roop se sakriya na raha ho tatha niyukti vaale raajya me kabhi bhi sakriya na raha ho
5. use saamaanyat apne paaainch varsh ka kaaryakaal poora karne diya jaaye taaki vah nishpaksh roop se kaam kar sake
6. kendra par sattaaroodh raajanaitik gathabandhan ka sadsya aise raajya ka raajyapaal nahi banaaya jaaye jo vipaksh dvaara shaasit ho
7. raajyapaal dvaara paakshik report bhejane ki pratha jaari rahani chaahiye
8. yadi raajyapaal raashtrapati ko anu 356 ke adheen raashtrapati shaasan lagaane ki anushansa kare to use un kaaranau, sthitiyon ka varnan rikaard me rakhana chaahiye jinke aadhaar pe vah is nishkrsh pe pahuaincha ho

baahari kadiyaaain