raajasthaani sanskruti

Rajasthan mein mushkil se koi maheena aisa jaata hoga, jismein dhaarmik utsav na ho. sabse ullekhaneeya va vishisht utsav ganagaur hai, jismein mahaadev va paarvati ki mitti ki moortiyon ki pooja 15 din tak sabhi jaatiyon ki striyon ke dvaara ki jaati hai, aur baad mein unhein jal mein visrjit kar diya jaata hai. visrjan ki shobhaayaatra mein purohit va adhikaari bhi shaamil hote hain va baaje-gaaje ke saath shobhaayaatra niklati hai. hindu aur musalmaan, donon ek-doosare ke tyohaaron mein shaamil hote hain. in avsaron par utsaah va ullaas ka bolabaala rahata hai. ek anya pramukh utsav Ajmer ke nikat pushkar mein hota hai, jo dhaarmik utsav va pashu mele ka mishrit svaroop hai. yahaaain raajya bhar se kisaan apne ooaint va gaaya-bhains aadi lekar aate hain, evam teerthayaatri mukti ki khoj mein aate hain. Ajmer sthit soofi adhyaatmavaadi khvaaja muinuddeen chishti ki dargaah Bhaarat ki musalmaanon ki pavitratam daragaahon mein se ek hai. urs ke avsar par pratyek varsh lagbhag teen lakh shraddhaalu desh-videsh se dargaah par aate hain.

anukram

nrutya-naatika

Rajasthan ka vishisht nrutya ghoomar hai, jise utsavon ke avsar par keval mahilaaon dvaara kiya jaata hai. gher nrutya (mahilaaon aur purushon dvaara kiya jaane wala, panihaari (mahilaaon ka laalityapoorn nrutya), va kachchi ghodi (jismein purush nartak banaavati ghodi par baithe hote hain) bhi lokapriya hai. sabse prasiddh geet 'kurja' hai, jismein ek stri ki kahaani hai, jo apne pati ko kurja pakshi ke maadhyam se sandesh bhejana chaahati hai va usaki is seva ke badle use beshakeemati puraskaar ka vaayada karti hai. Rajasthan ne bhaarateeya kala mein apna yogadaan diya hai aur yahaaain saahityik parampara maujood hai. visheshakar bhaat kavita ki. chandabaradaai ka kaavya pruthveeraaj raaso ya chand raasa, vishesh ullekhaneeya hai, jiski praarambhik hastalipi 12veen shataabdi ki hai. manoranjan ka lokapriya maadhyam khyaal hai, jo ek nrutya-naatika hai aur jiske kaavya ki vishay-vastu utsav, itihaas ya pranaya prasangon par aadhaarit rahati hai. Rajasthan mein praacheen durlabh vastueain prachur maatra mein hain, jinmein bauddh shilaalekh, jain mandir, kile, shaanadaar riyaasati mahal aur masjid va gumbad shaamil hain.

tyohaar

Rajasthan melon aur utsavon ki dharati hai.

  1. holi, deepaavali, vijyadashami, christmas jaise pramakh raashtreeya tyohaaron ke alaava anek devi-devataaon, santo aur lokanaayakon tatha naayikaaon ke janmadin manaae jaate hain.
  2. yahaaain ke mahattvapoorn mele hain teej, ganagaur(Jaipur), Ajmer shareef aur galiyaakot ke vaarshik urs, beneshvar (doongarapur) ka janajaateeya Kumbh, shri mahaaveer ji (savaai maadhopur mela), raamadeura (jaisalamer), janbheshvar ji mela(mukaam-Bikaner), kaartik poornima aur pashu-mela (pushkar-Ajmer) aur shyaam ji mela (seekar) aadi.

toorijm festival

Rajasthan ko festival toorijm ka pramukh kendra kehna koi atishyokti naheen hogi. pushkar mela desh ke sabse bade aakarshanon mein se hai. har saal laakhon shraddhaalu pushkar aakar pavitra jheel mein doobaki lagaate hain. yahaan duniya ka sabse bada oonton ka mela bhi lagta hai jismein 50,000 ooaint hissa lete hain. January, 2010 mein is mele ne badi sankhya mein videshi paryatakon ko aakarshit kiya. Allahabad, haridvaar, ujjain aur Nasik mein har 12 saal par Kumbh hota hai jabki har chhah saal mein arddhakunbh ka aayojan haridvaar aur prayaag mein hota hai. inmein videshi paryatak bhaari taadaad mein aate hain.

sandarbh