raajasthaani bhaasha

Rajasthan pradesh ki mukhya bhaasha hai. iski mukhya boliyaan hain maaravaadi aur mevaadi. raajasthaani Bhaarat ke atirikt Pakistan mein bhi Bhaarat se sate ilaakon mein boli jaati hai. Jodhpur aur Udaipur vishvavidyaalayon mein raajasthaani shikshan ki vyavastha hai. ise vartamaan mein devanaagari mein likha jaata hai.


raajasthaani bhaasha Bhaarat ke Rajasthan praant va maalava kshetr tatha Pakistan ke kuchh bhaagon mein karodon logon dvaara boli jaane waali bhaasha hai. is bhaasha ka itihaas bahut puraana hai. is bhaasha mein praacheen saahitya vipul maatra mein upalabdh hai. is bhaasha mein vipul maatra mein lok geet, sangeet, nrutya, naatak, katha, kahaani aadi upalabdh hain. is bhaasha ko sarkaari maanyata praapt naheen hai. is kaaran ise schoolon mein padhaaya naheen jaata hai. is kaaran shikshit varg dheere dheere is bhaasha ka upayog chhod raha hai, parinaamasvaroop, yeh bhaasha dheere dheere hraas ki aur agrasar hai. kuchh maatrubhaasha premi achhe vyakti is bhaasha ko sarkaari maanyata dilaane ke prayaas mein lage hue hain.

inhein bhi dekhein

baahari kadiyaaain