raajaneetik darshan

raajaneetik darshan (Political philosophy) ke antargat raajaneeti, svatantrata, nyaaya, sampatti, adhikaar, kaanoon tatha satta dvaara kaanoon ko laagoo karne aadi vishyon se sambandhit prashnon par chintan kiya jaata hai : ye kya hain, unki aavashyakta kyon hain, kaun si vastu sarkaar ko 'vaidh' banaati hai, kin adhikaaron aur svatantrataaon ki raksha karna sarkaar ka kartavya hai, vidhi kya hai, kisi vaidh sarkaar ke prati naagrikon ke kya karttavya hain, kab kisi sarkaar ko ukaad feinkana vaidh hai aadi.

praacheen kaal mein saara vyavasthit chintan darshan ke antargat hota tha, at: saari vidyaaen darshan ke vichaar kshetr mein aati thi. raajaneeti siddhaant ke antargat raajaneeti ke bhinn bhinn pakshon ka adhyayan kiya jaata hain. raajaneeti ka sambandh manushyon ke saarvajanik jeevan se hain. paramparaagat adhyayan mein chintan moolak paddhati ki pradhaanata thi jismein sabhi tatvon ka nireekshan to naheen kiya jaata hain, parantu tark shakti ke aadhaar par uske saare sambhaavit pakshon, paraspar sambandhon prabhaavon aur parinaamon par vichaar kiya jaata hain.

'siddhaant' ka arth hai tarkapoorn dhang se sanchit aur vishleshit gyaan ka samooh. raajaneeti ka sarokaar bahut-si cheejon se hai, jinmein vyaktiyon aur samoohon tatha vargon aur raajya ke beech ke sambandh aur nyaayapaalika, naukarashaahi aadi jaisi raajya ki sansthaaeain shaamil hain.

raajaneetik siddhaant ki paribhaasha karte hue David veld kehte hain-

raajaneetik jeevan ke baare mein aisi avadhaaranaaon aur saamaanyeekaranon ka ek taana-baana hai 'jinka sambandh sarkaar, raajya aur samaaj ke svaroop, prayojan aur mukhya visheshataaon se tatha maanav praaniyon ki raajaneetik kshamataaon se sambandhit vichaaron, maanyataaon evam abhikthanon se hai.

endroo haikar ki paribhaasha ke anusaar raajaneetik siddhaant-

ek or achhe raajya aur achhe samaaj ke siddhaanton ki tatasth talaash aur doosari or raajaneetik tatha saamaajik yathaarth ki tatasth khoj ka sanyog hai.

guld aur kolb ne raajaneetik siddhaant ki ek vyaapak paribhaasha karte hue kaha hai ki 'raajaneetik siddhaant raajaneeti vigyaan ka ek up-kshetr' hai, 'jismein nimnalikhit ka samaavesh hai:

• raajaneetik darshan - raajaneeti ka ek naitik siddhaant aur raajaneetik vichaaron ka ek aitihaasik adhyayan,
• ek vaigyaanik maapdand,
• raajaneetik vichaaron ka bhaashaai vishleshan aur
• raajaneetik vyavahaar ke baare mein saamaanyeekaranon ki khoj aur unka vyavasthit vikaas.

ham yeh nishkarsh nikaal sakte hain ki buniyaadi taur par raajaneetik siddhaant ka sambandh daarshanik tatha aanubhavik donon drushtiyon se raajya ki sanghatana se hai. raajya tatha raajaneetik sansthaaon ke baare mein spashteekaran dene, unka varnan karne aur unke sambandh mein shreyaskar sujhaav dene ki koshish ki jaati hai. ni:sandeh, naitik daarshanik prayojan ka adhyayan to usamein antarnihit rahata hi hai. chintak vaainstaain ne gaagar mein saagar bharate hue kaha tha ki raajaneetik siddhaant mukhyat: ek aisi sankriya hai jismein prashn poochhe jaate hain, un prashnon ke uttaron ka vikaas kiya jaata hai aur maanav praaniyon ke saarvajanik jeevan ke sambandh mein kaalpanik pariprekshyon ki rachana ki jaati hai. jo prashn poochhe jaate hain ve kuchh is tarah ke hote hain: raajya ka svaroop aur prayojan kya hai? raajaneetik sangathan ke saadhyon, lakshyon aur paddhatiyon ke baare mein ham kaise nirnaya karein? raajya aur vyakti ke beech sambandh kya hai aur kya hona chaahiye? itihaas ke poore daur mein raajaneetik siddhaant in prashnon ke uttar deta raha hai. ise isliye mahattvapoorn maana gaya hai kyonki manushya ka bhaagya is baat par nirbhar hota hai ki shaasakon aur shaasiton ko kis prakaar ki pranaali praapt ho paati hai aur jo pranaali praapt hoti hai uske falasvaroop kya saamaanya bhalaai ke liye sanyukt kaaryavaahi ki jaati hai.

darshan mein satya aur gyaan ki khoj mein kisi bhi vishay par kiye gaye samast chintan ka samaavesh hai. jab vah khoj raajaneetik vishyon par hoti hai tab use ham raajaneetik darshan kehte hain. isliye jaroori naheen ki usamein koi siddhaant prastaavit kiya jaae aur raajaneetik darshan tatha raajaneetik siddhaant mein yahi antar hai. is prakaar raajaneetik siddhaant raajaneetik darshan ka hissa hai, lekin raajaneetik darshan adhikaanshat: kaafi adhik vyaapak hota hai aur aavashyak naheen ki usamein koi siddhaant shaamil ho.

is prakaar ham kah sakte hain ki raajaneetik darshan raajya, sarkaar, raajaneeti, svatantrata, nyaaya, sampatti, adhikaaron, kaanoon aur kisi bhi praadhikran dvaara kaanooni sanhita ko laagoo karaane aadi se sambandhit prashnon arthaat ve kya hain? unki jaroorat agar hai to kyon hai? kaun-si baatein kisi sarkaar ko vaidh banaati hain, use kin adhikaaron aur kin svatantrataaon ki raksha karni chaahiye aur use kyon aur kaun-sa roop grahan karna chaahiye aur kaanoon kyon hai aur kya hai aur vaidh sarkaar ke prati naagrikon ke kartavya yadi hain to kya hain aur kab kisi sarkaar ko apadasth kar dena vaidh hoga ya naheen hoga aadi prashnon ka adhyayan hai. 'raajaneetik darshan' se bahudha hamaara taatparya raajaneeti ke prati saamaanya drushtikon ya uske sambandh mein vishisht naitikta athva vishvaas ya rukh se hota hai aur yeh sab jaroori taur par darshan ke sampoorn takaneeki vishay ke antargat naheen aata hai.

raajaneetik darshan ka sarokaar aksar samakaaleen prashnon se naheen, balki manushya ke raajaneetik jeevan ke adhik saarvabhaum prashnon se hota hai. lekin raajaneetik siddhaantakaar ki drushti mukhya roop se samakaaleen raajaneetik jeevan par hoti hai aur yadyapi raajya ke svaroop aur prayojan aur isi prakaar ke saamaanya prashnon ki vyaakhya karne mein vah dilchaspi leta hai tathaapi vah raajaneetik vyavahaar, raajya tatha naagrikon ke beech ke vaastavik sambandh aur samaaj mein shakti ki bhoomika ke yathaarthon ka varnan karne aur unhein samajhne ki bhi koshish kar raha hota hai. raajaneeti vigyaan ka adhyayan karte hue hamein yeh mahasoos hota hai ki raajaneetik siddhaant ki anupoorti hamein raajaneetik darshan ke adhyayan se karni chaahiye anyatha vah banjar aur apraasangik prateet hote hain.

raajaneetik siddhaant ko kabhi-kabhi raajaneetik chintan ke paryaaya ke roop mein dekha jaata hai, lekin yeh samajh lena jaroori hai ki unka arth aavashyak roop se ek hi naheen hota. raajaneetik chintan ek saamaanyeekrut muhaavara hai, jismein raajya tatha raajya se sambandhit prashnon par kisi vyakti ya vyaktiyon ke samooh ya samudaaya ke sabhi chintanon, siddhaanton aur moolyon ka samaavesh hota hai. jab koi vyaktiµachaahe vah professor, patrakaar, lekhak, kavi, upanyaasakaar aadi jo bhi ho ya beshak vah raajaneetijnya hi hoµaaaise vichaar vyakt karta hai jinka hamaare jeevan se sarokaar hai aur jo vichaar raajya aur shaasan tatha inse sambandhit prashnon ke baare mein hain tab vah vastut: raajaneetik chintan kar raha hota hai. uske vichaaron mein siddhaant ka samaavesh ho bhi sakta hai aur naheen bhi ho sakta hai. un vichaaron mein tab koi siddhaant nihit naheen hoga jab un mein raajya aur shaasan aadi ke raajaneetik niyam se sambandhit aitihaasik tatha raajaneetik sanghatana ki vyaakhya karne ke liye prastut ki gayi koi vyavasthit aur tarkasammat praakkalpana na ho. is prakaar raajaneetik chintan hamesha kisi vyakti ya samooh ka raajaneeti-vishyak saamaanya vichaar hota hai, jabki raajaneetik siddhaant apne-aap mein poorn aur apne bal-boote khadi aisi vyaakhya ya vichaar athva siddhaant hota hai jismein prashnon ke uttar dene, itihaas ki vyaakhya karne aur bhavishya ki sambhaavit ghatnaaon ke baare mein poorvaanumaan lagaane ka prayatn kiya jaata hai. beshak, yeh siddhaant hamesha kisi ek chintak vyakti ki srushti hota hai. baarkar ne kaha tha ki raajaneetik chintan kisi poore yug ka antarvarti darshan hota hai, lekin raajaneetik siddhaant kisi ek vyakti ka chintan hota hai.

raajaneeti vigyaan adhyayan ka ek vistrut vishay ya kshetr hai aur raajaneetik siddhaant usaka ek up -kshetr bhar hai. raajaneeti vigyaan mein ye tamaam baatein shaamil hain: raajaneetik chintan, raajaneetik siddhaant, raajaneetik darshan, raajaneetik vichaaradhaara, sansthaagat ya sanrachanaagat dhaancha, tulanaatmak raajaneeti, lok prashaasan, antarraashtreeya kaanoon aur sangathan aadi. kuchh chintakon ne raajaneeti vigyaan ke vigyaan paksh par bal diya hai. unka kehna hai ki jab raajaneeti vigyaan ka adhyayan ek vigyaan ke roop mein vaigyaanik paddhatiyon se kiya jaata hai tab raajaneetik siddhaant jis had tak raajaneetik darshan ka hissa hai us had tak vah raajaneeti vigyaan naheen maana ja sakta, kyonki raajaneeti vigyaan mein to amoortt aur ant:prerana se udbhoot nishkarshon ya chintanon ke liye koi sthaan naheen hai lekin raajaneetik darshan theek inheen ayathaarth paddhatiyon par bharosa karke chalta hai. raajaneetik siddhaant na to shuddh chintan hai, na shuddh darshan aur na shuddh vigyaan.

• (1) koi raajaneetik siddhaant saamaanyat: kisi ek vyakti ki srushti hota hai, jo uske naitik aur bauddhik rukh par aadhaarit hota hai aur jab vah apne siddhaant ka pratipaadan kar raha hota hai tab vah saamaanyat: maanav jaati ke raajaneetik jeevan ki ghatnaaon, sanghatanaaon aur rahasyon ki vyaakhya karne ki koshish kar raha hota hai. us siddhaant ko sach maana ya na maana ja sakta hai, lekin use ek siddhaant ke roop mein hamesha maanya kiya ja sakta hai. aamtaur par ham dekhte hain ki kisi chintak ka raajaneetik siddhaant kisi-kisi maanak kruti mein prastut kiya jaata hai, jaise afalaatoon ne ripblikmein ya raul ne A thiori of jastismein prastut kiya.

• (2) raajaneetik siddhaant saamaanyat: maanav jaati, uske dvaara sangathit samaajon aur itihaas tatha aitihaasik ghatnaaon se sambandhit prashnon ke uttar dene ka prayatn karta hai. vah vibhedon ko mitaane ke tareeke bhi sujhaata hai aur kabhi-kabhi kraantiyon ki himaayat karta hai. bahudha bhavishya ke baare mein poorvaanumaan bhi diye jaate hain.

• (3) raajaneetik siddhaant saamaanyat: vidya ki kisi-na-kisi shaakha par aadhaarit hota hai aur yadyapi adhyayan ka vishay vahi rahata hai, tathaapi siddhaantakaar koi daarshanik, arthashaastri, dharmatatvajnya ya samaajashaastri aadi ho sakta hai.

• (4) is prakaar raajaneetik siddhaant keval vyaakhyaaeain evam poorvaanumaan hi naheen prastut karta hai balki kabhi-kabhi vah aitihaasik ghatnaaon ko prabhaavit aur unamein bhaageedaari bhi karta hai, khaas kar tab jab vah kisi khaas dhang ki raajaneetik kaaryavaahi prastaavit karta hai aur jis dhang ki kaaryavaai vah sujhaata hai use vyaapak sveekruti praapt hoti hai. mahaan sakaaraatmak udaaravaadi chintak herauld laaski ne kaha tha ki raajaneetik siddhaantakaar ka kaam keval varnanakarana naheen balki jo hona chaahiye usaka sujhaav dena bhi hai.

• (5) raajaneetik siddhaant bahudha poori vichaaradhaara ka aadhaar bhi hota hai. udaaravaadi siddhaant udaaravaad ka aadhaar ban gaye aur maarks ka siddhaant maarks ki chhaap ki samaajavaadi vichaaradhaara ka kisi chintak dvaara prastaavit koi raajaneetik siddhaant saamaanyat: hamesha us chintak ki raajaneetik vichaaradhaara ko pratibinbit kar raha hota hai. yahi kaaran hai ki jab vichaaradhaaraaon ke beech vibhed hote hain to uske falasvaroop vichaaradhaaraaon mein antarnihit siddhaanton ke baare mein bahas chalti hai.

raajaneetik siddhaant mein jin prashnon ka mahattv raha hai ve samay ke saath-saath badalate rahe hain. klaasiki aur praarambhik raajaneetik siddhaant ka sarokaar naitik drushti se dosh-rahit raajaneetik vyavastha ki talaash se tha aur usane vishesh dhyaan raajya ke svaroop aur prayojan, raajaneetik satta ke upayog ke aadhaar aur raajaneetik avajnyaa ki samasya se prashnon par diya. aadhunik raashtra raajyon ke udaya aur aarthik sanrachana mein hue parivrtanon tatha audyogik kraanti ke falasvaroop nai praathamiktaaeain saamane aain aur dhyaan ka kendra vyaktivaad tatha vyakti ki svatantrata aur samaaj evam raajya ke saath usaka sambandh ban gaya. adhikaar, karttavya, svatantrata, samaanata aur sampatti jaise prashn adhik mahattvapoorn ho gaye. dheere-dheere ek avadhaarana ke saath doosaro ke sambandh ki vyaakhya jaise svatantrata aur samaanata, nyaaya aur svatantrata, ya samaanata aur sampatti ke beech ke sambandh ki vyaakhya : bhi mahattvapoorn ho gayi. dviteeya vishvayuddh ke baad ek nae prakaar ke aanubhavik raajaneetik siddhaant ka udaya hua. ismein manushya ke raajaneetik vyavahaar ka adhyayan karne aur uske aadhaar par saiddhaantik nishkarsh nikaalne ki koshish ki gayi. maanav-vyavahaaron ka adhyayan karne vaale vidvaanon ne adhyayan ke liye nae prashnon ko saamane rakha. ve bahudha vidha ki anya shaakhaaon se aise prashn udhaar lete the. inmein se kuchh prashn is prakaar hain-

raajaneetik sanskruti aur vaidhata, raajaneetik pranaali, abhijn, samooh, raajaneetik dal aadi.

vigat kuchh dashakon se kai aur bhi masale ubhare hain - jaise pehchaan, ling, paryaavaranavaad, paaristhitiki, samudaaya aadi. saath hi moolya-aadhaarit raajaneetik siddhaant ka bhi punarodaya hua hai, jismein svatantrata, samaanata aur nyaaya ke prashnon par nae dhang se jor diya gaya hai.

ham maanav gan saamaajik praaniyon ke roop mein saath-saath samaaj mein rahate hain, jismein ham sansaadhanon, rojagaaron aur puraskaaron mein saajhedaari karte hain. saath hi ham vyakti bhi hain, jis haisiyat mein hamein kuchh buniyaadi maanavaadhikaaron ki jaroorat hai. isliye mel-jol tatha khushahaali ko adhiktam seema tak le jaane ke khaatir aur vyaktigat aatm-siddhi ke liye anukool paristhitiyaaain sulabh karaane ke nimitt raajya tatha samaaj ke sangathan ki prakriya mahattvapoorn ho jaati hai. falat: maanav samaajon ki ekta aur akhandata ka ya samaaj ki saamoohik aavashyakataaon ki poorti ka maarg prashast karne ke liye raajaneetik siddhaant mahattvapoorn ho jaata hai, kyonki vah samasyaaon ka adhyayan karne aur us prakriya mein unka samaadhaan dhooaindhne ki koshish karta hai. raajaneetik siddhaant ki praasangikta raajya ke svaroop aur prayojan ke prati, raajaneetik satta ke aadhaar aur sarkaar ke sabse shreyaskar roop ke sambandh mein aur raajya tatha vyakti ke buniyaadi adhikaaron ke sandarbh mein un donon ke beech ke sambandhon ke baare mein vibhinn drushtikonon ka vikaas karne mein nihit hoti hai. iske atirikt, raajaneetik siddhaant raajaneetik raajya ki naitik gunavatta ki parakh ke liye naitik maapdand sthaapit karne tatha vaikalpik raajaneetik prabandhan aur vyavahaar sujhaane ka bhi prayatn karta hai. sankshep mein kahein to raajaneetik siddhaant ki praasangikta nimnalikhit baaton mein nihit hai:

• raajaneetik sanghatana ki vyaakhya aur varnan karna,

• kisi samudaaya ke liye shreyaskar raajaneetik lakshyon aur kaaryavaahiyon ka chunaav karne mein sahaayata dena aur

• naitikta ki parakh ke liye aadhaar prastut karne mein madad dena.

yeh bhi yaad rakhana chaahiye ki kam se kam vartamaan kaal mein raajya adhikaadhik parimaan mein gareebi, bhrashtaachaar, janaadhikya aur sanjaateeya tatha nasli tanaavon, paryaavaran pradooshan aadi ki chunautiyon ka saamana kar raha hai. inke alaava antarraashtreeya vibhedon aadi ki samasya to hai hi. raajaneetik siddhaant samaaj ke raajaneetik jeevan ki vartamaan tatha bhaavi samasyaaon ka adhyayan karne aur un samasyaaon ke samaadhaan ko sujhaane ka prayatn karta hai. David heldane kaha hai ki raajaneetik siddhaant ka kaarya apni jatiltaaon ke kaaran bahut guru-gambhir hai, kyonki vyavasthit adhyayan ke abhaav mein is baat ka khatra rahata hai ki raajaneeti ajnyaaan aur svaarthi logon ke haathon mein apni shakti ki bhookh mitaane ka saadhan bankar na rah jaae.

is prakaar yadi hamein saamaajaarthik yathaarth evam aadarshon tatha raajaneetik darshan ka dhyaan rakhate hue, raajya ke svaroop aur prayojan tatha shaasan ki samasyaaon par vyavasthit dhang se vichaar karna hai to hamein samasya ke saiddhaantik adhyayan ka raasta apanaana hoga. is prakaar raajaneetik siddhaant praasangik hai. saath hi vyaktigat star par raajaneetik siddhaant ka adhyayan karne se hamein apne adhikaaron tatha karttavyon ki jaankaari milti hai aur gareebi, hinsa, bhrashtaachaar aadi saamaajaarthik yathaarthon aur samasyaaon ko samajhne mein sahaayata milti hai. raajaneetik siddhaant isliye bhi mahattvapoorn hain ki vibhinn raajaneetik siddhaanton ko aadhaar bana kar 'aage badhte hue vah hamein samaaj ko badalne ke upaaya aur dishaaeain sujha sakta hai, taaki aadarsh samaaj sthaapit kiya ja sake. maarksavaadi siddhaant ek aise siddhaant ka udaaharan hai jo na keval disha sujhaata hai balki samataavaadi samaaj ki sthaapana ke liye kraanti ki himaayat karne ki had tak jaata hai. yadi koi raajaneetik siddhaant sahi hai to vah aam logon tak sanpreshit kiya ja sakta hai aur tab vah samaaj tatha maanav jaati ko pragati ke path par le jaane waali prabal shakti ban sakta hai.

jin sarvaadhik mahattvapoorn raajaneetik siddhaanton ki ahamiyt kaayam rahi hai aur jo kaal ki kasauti par khare utare hain, ve nimnalikhit hain:

1. klaasiki raajaneetik siddhaant
2. udaaravaadi raajaneetik siddhaant
3. maarksavaadi raajaneetik siddhaant
4. aanubhavik vaigyaanik raajaneetik siddhaant
5. samakaaleen raajaneetik siddhaannt

• chaanakya
• pleto
• plootaark
• mekiyaaveli
• taumas haubs
• John lauk
• maanteskyoo
• imaanuel can't
• rooso
• kaarl maarks
• kaarl paupar

• raajaneeti kosh (Google pustak)
• video lekchar (chaahiye adobi flaish): Introduction to Political Philosophy prastota yaale vishvavidyaalaya ke steven bi. smith upalabdhata akaidamik arth ke dvaara.