raajanayik unmuk‍aati

raajanayik pratinidhi apne kaarya evam daayitvon ko sampann kar sakein, isliye unhein anek visheshaadhikaar tatha unmuktiyaan (immunities) pradaan ki jaati hain. ye visheshaadhikaar rivaaji evam abhismayaatmak kaanoonon par aadhaarit hote hain. raajadooton ke svatantr kaarya sanchaalan ke liye aisi vyavastha ki jaati hai taaki ve apna pattr-vyavahaar gupt rakh sakein aur un par kisi prakaar ke bhaya tatha dabaav ka prayog naheen kiya ja sake. unhein svaagatakarta raajya ke nyaayaalayon ke kshetraadhikaar se mukti pradaan ki jaati hai. antarraashtreeya kaanoon ke mukhya vichaarak open hom ke kathanaanusaar ,

raajanayik pratinidhi raajyon ka pratinidhitv karte hain aur unka gaurav hota hai. ve apne kaaryon ko poori tarah tabhi sampann kar sakeinge jab unhein visheshaadhikaar saunpe jaayein.

aajkal saamaanyat: nimnalikhit visheshaadhikaaron evam unmuktiyon ko uchit maana jaata hai :-

anukram

vyaktigat anatikramyata (Personal Inviolability)

raajanayik abhikrttaaon ko utana hi pavitra maana jaata hai jitna ki raajya ka adhyaksh. at: unako apne shareer ki bhi raksha ki vishesh suvidha di jaati hai tatha svaagatakartta raajya ke kaaneni kshetraadhikaar se alag rakha jaata hai. raajadoot par kiya gaya aakraman unke raajya par kiya gaya aakraman hai jo yuddh ka kaaran ban jaata hai. at: use visheshaadhikaar saunpe jaate hain . raajadoot ko di gayi suraksha anshat: athva poorn naheen hoti. yadi raajanayajnya koi gair-kaanooni kaarya kare to svaagatakartta raajya aatm-raksha ke liye kadam utha sakta hai.

praacheen bhaarateeya vichaarakon ne doot ko shaareerik kshati pahuchaanna, maarana athva bandhan mein rakhana nindaneeya kaarya bataaya hai. kautilya ke anusaar doot chaandaal hone par bhi avadhya hai. mahaabhaarat ke shaantiprv mein bheeshm nein yudhishthir ko bataaya ki doot ko maarane wala narak gaami aur bhroon hatya ke paap ka bhaagi hota hai. aajkal antarraashtreeya kaanoon aur nyaayaalaya ke nirnayon dvaara yeh susthaapit ho chuka hai ki kisi raajadoot ko bandi banaana tatha usaka maal jabt karna avaidh hai. yahaan tak ki shatraaraajya ke doot ko haani pahunchaana bhi uchit naheen hai. yadi uttejana mein kisi dootaavaas ko haani pahuainchaai jaati hai to sambandhit raajya ko iska muaavaja diya jaana chaahiye.

spasht hai ki doot ki avadhyata ka arth use poorn suraksha pradaan karna hai. yeh anatikramyata hai. iske anusaar doot ka shareer itna pavitra maana jaata hai ki koi vyakti hinsa ya upadrav dvaara usaki kshati naheen kar sakta. nyaayaalaya us par mukaddama chalaakar dandit naheen kar sakte. doot ke sahayogi vyaktiyon aur vastuon ko suraksha pradaan ki jaati hai. usaka parivaar, anuchar-varg, gaadiyaan, patra-vyavahaar aadi anatikramya samajhe jaate hain. desh ka dand vidhaan us par laagoo naheen hota. is sandarbh mein raajadoot ka yeh karttavya ho jaata hai ki vah aatmaniyntraan se kaam le aur svaagatakartta desh ke kaanoon ka aadar kare. laard mehon ke kathanaanusaar ”ayadi koi doot svaagatakartta raajya ki sarkaar ke viruddh shadayantra karta hai to vah antarraashtreeya kaanoon ka ullanghan karta hai. uske visheshaadhikaaron ki shart yeh hai ki vah apne kartavyon ki seema ka ullanghan naheen kare. yadi usane aisa kiya to svaagatakartta raajya apni suraksha ke liye aavashyak kaaryavaahi kar sakta hai. yadi koi raajadoot swayam hi aag mein kood pade to anatikramyata ka daava naheen kar sakta. yadi vah aniyantrit bheed mein apne ko daal de to uske adhikaaron ki raksha naheen ki ja sakti.

raajya kshetra baahyata (Extra Territoriality)

raajadooton evam unke parivaar ke sabhi sadasyon ko svaagatakartta raajya ke baahar rakha jaata hai. unhein sthaaneeya kshetraadhikaar se unmuktiyaan pradaan ki jaati hain. yeh adhikaar antarraashtreeya kaanoon ke kshetra mein ek naya vikaas hai, praacheen vichaarakon ke liye yeh agyaat tha. pehli baar ise greeshiys ki rachanaaon mein spasht kiya gaya. pro0 openahom ke mataanusaar raajya-kshetra baahyata ek kalpana maatra hai. kyonki raajanayajnya yathaarth mein svaagatakartta raajya ke pradesh mein rahata hai. vah raajya ke kaanooni daayitv se mukt naheen rahata. kinntu vahaan ke nyaayaalaya ke kshetraadhikaar se mukt rahata hai. anek maamalon mein yeh siddh ho chuka he ki raajya-kshetra baahyata keval saahityik arth mein mahatva rakhati hai. 1934 mein barlin sthit Afghan raajadoot ki hatya ho gayi. is maamale mein jarman nyaayaalaya ne yeh tark sveekaar naheen kiya ki Afghan dootaavaas mein ghatit yeh ghatna jarman pradesh se baahar hai.

nivaas sthaan ki unmukti (Immunity of Domicile)

raajadoot ko nivaas sthaan sambandhi unmuktiyaan pradaan ki jaati hain. raajya ki police, nyaayaalaya tatha nyaayaalaya ka koi karmachaari ismein pravesh naheen kar sakta. yadi is pradesh mein koi aparaadhi pravesh kar jaaye to dootaavaas ke adhikaariyon ka karttavya hai ki ve us raajya ko saunp dein. apne is visheshaadhikaar ka durupayog karke dootaavaas aparaadhiyon ke adde naheen ban sakte. aisa hone par raajya aavashyak kadam utha sakta hai. ghudsaal evam motor gairij ko nivaas-sthaan ka bhaag maana jaata hai. nivaas-sthaan mein raajya ke adhikaariyon ka pravesh dootaavaas ke adhikaari ki anumati se hi hota hai. anek baar dootaavaas sharan paane ke ichhuk aparaadhiyon ko sharanadaan deta hai. yadi raajya nyaayik kaaryavaahi ke liye us aparaadhi ki maang kare to dootaavaas ko use saunpane ka karttavya hai. yadi raajadoot aisa na kare to svaagatakartta raajya use shaareerik kshati pahunchaane ke atirikt koi bhi kadam utha sakta hai.

videshi dootaavaas mein sharanadaan (Asylum in Foreign Legations)

dootaavaas mein raajaneetik aparaadhiyon ko sharan dene ke sambandh meinn vibhinn deshon mein alag-alag vyavasthaayein hain. praarambh mein adhikaansh raajyon ke dootaavaason mein aise sharanadaan ki parampara thi. aajkal yeh keval dakshin America k raajyon mein hai. doosare raajyon mein dootaavaason ka yeh visheshaadhikaar naheen hai ki ve apni imaaraton mein raajaneetik aparaadhiyon ko sharan de sakein . yadi raajadoot aisa kare to sthaaneeya sarkaar shakti ka prayog karke aparaadhi ko pakad sakti hai. maanaveeya drushti se aise logon ko dootaavaas mein sharan di ja sakti hai jo uttejit bheed ya gair-kaanooni kaarya karne vaalon ke aakraman se bhayabheet ho.

faujadaari kshetraadhikaar se unmukti (Exemption from Criminal Jurisdiction)

raajaneetik abhikrttaaon ko svaagatakartta raajya ke faujadaari kshetraadhikaar se poorn unmukti pradaan ki jaati hai. kaanoon aur vyavastha ke naam par unako bandi naheen banaaya ja sakta. police dvaara inhein pakad kar mukadama naheen chalaaya ja sakta. inse yeh aasha ki jaati hai ki aparaadh na karein aur svaagatakartta raajya ke kaanoon ki svechha se paalan kare. aisa na karne par unhein preshak raajya ko vaapis bhejane tatha unke desh mein dand dene ki vyavastha ki ja sakti hai. raaja ya raajya ke viruddh shadyantra mein shaamil hone vaale dooton ko praay: svadesh vaapis jaane ke liye baadhya kiya ja sakta hai.

deevaani kshetraadhikaar se unmukti (Exemption from Civil Juridiction)

dootaavaas ke sadasyon par koi deevaani kaaryavaahi naheen ki ja sakti. unhein rin na chukaane par bandi naheen banaaya ja sakta aur na hi unki gaadiyon, ghodon tatha saaj-saamaan ko jabt kiya ja sakta hai. groshiys ka kehna tha ki ”araajadoot ki vyaktigat sampatti nyaayaalaya ya samprabhu raaja ke aadeshon se rinon ki adaayagi ya suraksha ke liye jabt naheen ki ja sakti.“ yeh visheshaadhikaar raajadoot ko chintaamukt rahakar kaarya karne ke liye diya jaata hai. great-Britain mein 1708 mein ek kaanoon banaaya gaya jiske anusaar yadi raajadoot karj ada naheen karta to uske viruddh samman jaari naheen kiya ja sakta. sanyukt raajya America mein Congress ke kaanoon dvaara raajadoot ke viruddh ki gayi kaaryavaahi ko asamvaidhaanik ghoshit kiya gaya hai. deevaani kshetraadhikaar se mukti ke kuchh apavaad bhi hain.

gavaahi dene ke kaarya se unmukti

raajadoot ko kisi maamale mein gavaahi dene ke liye baadhya naheen kiya ja sakta hai. use gavaahi ke liye na to kisi nyaayaalaya mein bulaaya ja sakta hai aur na hi ghar jaakar koi adhikaari usaki gavaahi le sakta hai. yadi vah swayam gavaahi dene ke liye raaji jo to nyaayaalaya uske pramaan ka laabh utha sakte hain. 1881 mein ameriki raashtanpati gorafeeld ki hatya ke samay benejuela ka raajadoot vahaan upinsthat tha. vah apni sarkaar se anumati praapt karke gavaah ban gaya. raajadoot chaahe to gavaahi dene ki praarthana ko thukara sakta hai. 1856 mein haalaind ke raajadoot ne ek nar hatya ka kaand dekha tha kintu adaalat mein iski gavaahi dene se mana kar diya.

police se unmukti

raajadoot ko svaagatakartta raajya ki police se alag rakha jaata hai. vahaan ki police ke aadesh evam niyman us par ba dhyakaari naheen hote. doosari or jin vishyon par police niyantraan rakhati hai un par raajadoot manamaani naheen kar sakta. yeh aasha ki jaati hai ki raajadoot un sabhi aajnyaaaon evam niyamon ka paalan karega jo uske maarg mein baadhak naheen hain aur samaaj ki saamaanya suraksha evam vyavastha ke liye upayogi hai. yadi raajadoot aisa na kare to preshak sarkaar ko use vaapis bulaane ki praarthana ki ja sakti hai.

karon se unmukti

raajanayik visheshaadhikaar ka sabse utkrusht adhikaar karon se unmukti hai. preshit raajya ke adhyaksh ke pratinidhi hone ke aadhaar par raajanayik sabhi prakaar ke karon se mukt hota hai. theyar ka mat hai ki ”araajanayik adhikaaron mein sabse priya adhikaar karon se svatantrata hai.“ isi prakaar hall ka bhi mat hai ki ”araajanayik abhikrtta swayam, usaki vyaktigat vastuen tatha vah sampatti jo uske prabhu ke pratinidhi ke roop mein usaki hai, kar mukt hai.“ 1928 ke paan American kanvenshan ki dhaara 18 dvaara raajanayikon ko karon se unmukti di gayi hai. is dhaara ke anusaar, raajanayik adhikaareegan us raajya mein jahaan se pratyaapit hai, karon se mukt honge-

  • (1) sabhi vyaktigat kar, chaahe ve raashteeya hon ya sthaaneeya
  • (2) sabhi raajadootaavaas ki un imaaraton par laagoo hone vaale bhoomi kar, jo unki apni sarkaar ki sampatti ho, un vastuon par seema shulk jo raajadootaavaas mein sarkaari upayog mein athva raajanayik adhikaari se vyaktigat ya uske parivaar ke upayog mein aane waali hon. 1961 se 1963 ke viyaana sammelanon ki dhaara 34 aur dhaara 49 aur 50 mein bhi raajanayik abhikrttaaon ki karon se unmukti ka varnan hai.

saadhaaranat: raajanayik seema kar, motor kar, aayakar, sthaaneeya kar, radio shulk aadi se unmukti hoti hai. kuchh deshon mein raajanayikon ko nagarapaalika sambandhi kar-safaai, roshi, paani aadi-avashya dene padte hain. is prakaar raajanayik raashtreeya, praanteeya, kshetraaya athva sthaaneeya karon tatha seema karon se mukt hote hain. seema karon ke sambandh mein vaatal ka mat hai ki raajadoot ko isse kaai chhoot nahi honi chaahiye kyonki is kar ka uske kaarya bhaar se koi sambandh naheen hai, parantu vaatel is mat se sahamat hain ki raajadoot ko sabhi prakaar ke karon se nishchit hi svatantr hona chaahiye. seema karon se sambandhit ek apavaad yeh hai ki yadi seema adhikaari yeh anubhav kare ki raajadoot dvaara aayaatit vastuon mein koi aniyamitata hai to ve raajanayik adhikaaron aur unmuktiyon ko pare hataakar raajadoot ke samaan ka nireekshan kar sakte hain jaise ki 1905 mein sanyukt raajya America ke raajadoot hainari white ke saamaan ka aastinyan seema adhikaariyon ne nireekshan kiya tha.

dhaarmik adhikaar (Right of Chapel)

raajanayikon ko apne dharm ke maanane va pooja karne ki poorn svatantrata hai. is hetoo yadi ve chaahein to apne nivaas mein pooja gruh sthaapit kar sakte hain tatha dharm purohiton ko apne saath le ja sakte hain. in dharm purohiton ko bhi raajanayikon ki bhaanti sabhi unmuktiyaan evam adhikaar praapt hain. in pooja gruhon mein raajadoot ke desh ke anya nivaasi bhi pooja mein shaamil ho sakte hain. jahaaain dooton ko is prakaar ki dhaarmik svatantrata pradaan ki gayi hai, vahaan un par kuchh niyntraan bhi hain. aise sthaanon par girje ya mandir ke ghante naheen bajaaye ja sakte. dhaarmik sthaan baahar se aisa naheen dikhe ki vah pooja gruh hai tatha pooja ki bhaasha sveekaari desh ki hi ho. 1846 mein prasha ke pooja gruh ki bhaasha itaavali naheen hone par Pope ne ye nirdesh diya tha ki pooja ki bhaasha badli jaaye. dhaarmik svatantrata ke prayog par niyntraan ka ek udaaharan us samay ka hai jab Phillip dviteeya ne raani ailijaabeth ke legeshanavaasiyon ko dhaarmik svatantrata ka yeh adhikaar naheen diya tha. anyatha madhya yug se raajadoot, uske parivaar, uske karmachaariyo tatha uske deshvaasiyon ko dootaavaas mein dharm tatha pooja ke poorn adhikaar praapt hain.

patraachaar ki svatantrata (Freedom of Communication)

apne karttavya ki poorti hetu raajanayikon ko apne desh ki sarkaar ke saath patraachaar ki poorn svatantrata hai. saamaanyataya shaanti kaal mein is niyam ka atikraman naheen hota hai. raajanayik patraachaar ka seal band dootaavaas presh (Diplomatic Bag) khola naheen ja sakta. ve vyakti ho sandeshavaahak (messengers and couriers) ka kaam karte hain, kisi bhi prakaar ke sthaaneeya niyamon ke antargat naheen aate. kabhi-kabhi seal band dootaavaas press mein ghadi, camere aadi anya bahumoolya vastuen le jaakar patraachaar ki svatantrata ka durupayog bhi kiya jaata hai isliye sandeh hone par patraachaar ki svatantrata ke adhikaari ke viruddh sveekaari raajya dootaavaas presh ko khol lete hain. October, 1976 mein uttari Korea ki sarkaar ne apne raajadoot aur kai anya raajanayik abhikrttaaon ko pyonagyaang vaapis bula liya kyonki sveedan sarkaar ne un par aarop lagaaya tha ki unhonne dootaavaas presh ke jariye cheejein bhejane ka dhandha kar rakha tha. Denmark, naarve aur sveedan ki bhaanti, Finland ki sarkaar ne bhi chaar raajanayik abhikrttaaon ko desh chhodkar jaane ki aajnyaa di thi. 1977 mein keeniya uchchaayukt ke teen raajanayik abhikrttaaon ke saamaan ki jaanch hone par saat lakh se oopar ki ghadiyaan nikleen. raajanayik unmukti ke kaaran unhein chhod dena pada. baad mein unhein desh chhod kar jaana pada. chhote-bade sabhi raajya dootaavaas presh ka durupayog karte hain. is sambandh mein ( December, 1971 ko) ek goshthi mein yeh khulkar aarop lagaaya gaya tha ki raajadoot praay: dootaavaas presh mein puraani moortiyaan va chitra aadi ki chori kar apne desh bhejate hain. New York times ki ek report ke anusaar raashtreeya suraksha (National Security) ka bahaana banaakar do Amreeki sansthaaon (FBI tatha CIA) ne 1958 se lekar 1971 tak dootaavaas preshon ko kholkar roos tatha poorvi Europeeya saamyavaadi deshon ke patraachaar ka khula adhyayan kiya tha. aisa karne ke liye unke paas koi kaanooni aajnyaa naheen thi, parantu raashtreeya suraksha ke naam pa yeh sab kuchh hota raha. raukafelar commission ne bhi is mat ki pushti ki thi. is sandarbh mein Bhaarat sarkaar ne kuchh videshi raajadooton ko dootaavaas mein chori ka maal le jaane ke aarop mein pakada tatha Bhaarat ke kada virodh prakat karne par unhein desh chhodkar jaana pada. sanyukt raajya America ne apne aap hi dviteeya mahaayuddh ke chhid jaane par raajanayik patraachaar ke yuddh ke sandarbh mein kuchh niyamon ka nirmaan kiya tha jisse patraachaar ki svatantrata bani rahe.

vyaavasaayik kaarya (Business Activities)

kuchh lekhakon ke mataanusaar raajadooton ko vyaapaarik kaaryon ki unmukti naheen deni chaahiye. yadi raajadoot ke paas uske kaaryaalaya aur nivaas ke atirikt koi vaastavik sampatti hai to is par kar lagaaya ja sakta hai. ek raajadoot dvaara niji vyavasaaya kiye jaane par abhiyog chalaaya ja sakta hai. anek vichaarak is mat ka samarthan karte hain. kintu samasya yeh hai ki raajadoot ki vyaktigat sampatti aur unmukti se yukt sampatti ke beech antar kis prakaar kiya jaaye.

anuchar varg ke liye unmuktiyaan (Immunities for Retinue)

raajadoot ko jo visheshaadhikaar saunpe jaate hain ve ek seema tak uske anuchar varg ko bhi praapt hote hain. inmein dootaavaas mein kaam karne vaale karmachaari, doot ke vyaktigat sevak, uske paarivaarik-jan tatha naukar-chaakar shaamil hain. raajadoot dvaara apne anuchar-varg ki poori soochi svaagatakartta raajya ke videsh mantraalaya ko saunpi jaati hai. is soochi ke alaava kisi anya vyakti ko raajanayik visheshaadhikaar naheen diya jaata.

raajadoot ki patni ko ukt sabhi visheshaadhikaar praapt hote hain. yadi raajadoot chaahe to uske paarivaarik sadasyon ke visheshaadhikaaron ko hataaya bhi ja sakta hai. dootaavaas mein kaam karne vaale karmachaari, paraamarshadaata, sachiv tatha sahachaari ityaadi ko deevaani tatha faujadaari nyaayaalayon ke kshetraadhikaar se mukti pradaan ki jaati hai. raajadoot ke niji naukaron ke sambandh mein koi sunishchit niyam naheen hai kintu unhein praay: deevaani unmukti praapt hoti hai aur faujadaari unmukti seemit hai. raajadoot ke sandeshavaahakon ko poorn deevaani aur faujadaari unmukti pradaan ki jaati hai.

baahari kadiyaaain