raajamahal

Jodhpur ka ummed bhavan

mahal ya praasaad bhavya gruh ko kehte hain. kintu vishesh roop se raaja ya raajya ke sarvochch sattaadheesh ke gruh ko mahal kaha jaata hai. bahut se aitihaasik mahalon ka upayog aajkal sansad, sangrahaalaya, hotel ya kaaryaalaya ke roop mein kiya ja raha hai.

Bhaarat ki praacheen vaastuvidya ke anusaar 'praasaad' lamba, chauda, ooaincha aur kai bhoomiyon ka pakka ya patthar ka ghar ko kehte hain jismein anek shrung, shrunkhala, andakaadi hon tatha anek dvaaron aur gavaakshon se yukt trikosh, chatushkon, aayat, vrutt shaalaaeain hon.

puraanon mein keval raajaaon aur devataaon ke gruh ko praasaad kaha hai. aakruti ke bhed se puraanon mein praasaad ke paaainch bhed kiye gaye hain— chaturasr, chaturaayat, vrutt, pruttaaya aur ashtaasr. inka naam kram se vairaaj, pushpak, kailaas, maalak aur trivishtap hai. bhoomi, andak, shikhraadi ki nyoonaadhikta ke kaaran in paaainchon ke nau nau bhed maane gaye hain. jaise, veraaj ke meru, mandar, vimaan, bhadrak, sarvatobhadr, ruchak, nandan, nandivrdhan aur shreevats; pushpak ke valabhi, gruharaaj, shaalaagruh, mandir, vimaan, brahmamandir, bhavan, uttanbh aur shivikaaveshm; kailaas ke valaya, dundubhi, padm, mahaapadm, bhadrak sarvatobhadr; ruchak, nandan, guvaaksh ya guvaavrutt; maalav ke gaj, vrushabh, hans, garud, Singh, bhoomukh, bhoovar, shreejaya aur pruthiveedhar aur trivishtap ke vajr, chakr, mushtik ya vabhru, vakr, svastik, khadg, gada, shreevruksh aur vijay.

inhein bhi dekhein

  • raajamahalon ki soochi
  • kila