raajaaraam

chhatrapati raajaaraam (janm, 1670 : mrutyu 1700) maraatha samraat aur chhatrapati shivaaji ka vanshaj tha. shivaaji ka kanishth putr raajaaraam saadhaaran vyaktitv ka hote hue bhi, mugal sangharsh ki prushthabhami mein mahaaraashtreeya svatantrata tatha hindu-pad-paadashaahi ka prateek bana. usaki alp yogyata ki poorti uske medhaavi raajaneetijnyaon, raamachandr pant aur prahoolaad neeraaji, tatha pratibhaashaali senaanaayakon, santaaji ghorapade aur dhaanaaji jaadhav, dvaara hui. aurangajeb dvaara shambhaaji ki hatya ke baad vah raaja bana. uske netrutv mein maraathe poorab mein shaktishaali ho gaye the. 2 March 1700 ko unki mrutyu ho gayi.

shivaaji ki mrutyu par, jyeshth putr sanbhaaji ke dushcharitr ke kaaran ek paksh ne raajaaraam ko chhatrapapati ghoshit kiya (1680); kintu, vah turant hi sanbhaaji dvaara bandi bana liya gaya. sanbhaaji ki mrutyu par vaidharoopen usaka raajyabhishek hua (9 fravari 1689). mugal sena dvaara raayagadh mein ghere jaakar vah panhaala chala gaya; aur panhaala se jinji (15 November 1689). jinji ke patan par, usane pun: Maharashtra mein padaarpan kiya (1697). maraatha sena ke nirantar gurilla yuddh se mugal sena shithil ho chuki thi. kintu safalta ke kshanon mein hi raajaaraam ki mrutyu ho gayi (2 March 1700). raajaaraam ki teen patniyaaain theen, jinmein taaraabaai ne raajaaraam ki mrutyu ke baad Maharashtra ka naayakatv grahan kar mugalon se safal sangharsh kiya.

inhein bhi dekhein