raaja ravi varma

raaja ravi varma
janm 29 April 1848[1]
kilimaanoor, traavanakor
mrutyu 2 October 1906 (aged 58)
kilimaanoor, traavanakor
vyavasaaya chitrakaar
hastaakshar
raaja ravi varma ki kalaakruti- gvaalin

raaja ravi varma (1848 - 1906) Bhaarat ke vikhyaat chitrakaar the. unhonne bhaarateeya saahitya aur sanskruti ke paatron ka chitran kiya. unke chitron ki sabse badi visheshata hindu mahaakaavyon aur dharmagranthon par banaae gaye chitr hain. hindu mithkon ka bahut hi prabhaavashaali is‍aatemaal unke chitron mein dikhta hain. vadodara (Gujarat) sthit lakshmeevilaas pailes ke sangrahaalaya mein unke chitron ka bahut bada sangrah hai.

anukram

jeevan parichay

raaja ravi varma ka janm 29 April 1848 ko Kerala ke ek chhote se shahar kilimaanoor mein hua. paaainch varsh ki chhoti si aayu mein hi unhonne apne ghar ki deevaaron ko dainik jeevan ki ghatnaaon se chitrit karna praarambh kar diya tha. unke chaacha kalaakaar raaja raaja varma ne unki pratibha ko pahachaana aur kala ki praarambhik shiksha di. chaudah varsh ki aayu mein ve unhein tiruvanantapuram le gaye jahaaain raajamahal mein unki tail chitran ki shiksha hui. baad mein chitrakala ke vibhinn aayaamon mein dakshata ke liye unhonne Mysore, Baroda aur desh ke anya bhaagon ki yaatra ki. raaja ravi varma ki safalta ka shreya unki suvyavasthit kala shiksha ko jaata hai. unhonne pehle paaramparik tanjaur kala mein mahaarat praapt ki aur fir Europeeya kala ka adhyayan kiya.

daaktar aanand kumaarasvaami ne unke chitron ka moolyaankan kar kalaajagat mein unhein supratishthit kiya. 57 varsh ki umr mein 1905 mein unka dehaant hua.

kalaakrutiyaaain

chitrakala ki shiksha unhonne madurai ke chitrakaar alaagri Naidu tatha videshi chitrakaar shri thiyodor jeinsan se, jo bhramanaarth Bhaarat aaye the, paayi thi. donon Europeeya shaili ke kalaakaar the. shri varma ki chitrakala mein donon shailiyon ka sammishran drushtigochar hota hai. unhonne lagbhag 30 varsh bhaarateeya chitrakala ki saadhana mein lagaae. Mumbai mein leethograaf press kholkar unhonne apne chitron ka prakaashan kiya tha. unke chitr vividh vishay ke hain kintu unamein pauraanik vishyon ke aur raajaaon ke vyakti chitron ka aadhikya hai. videshon mein unki krutiyon ka svaagat hua, unka sammaan badha aur padak puraskaar mile. pauraanik veshabhoosha ke sachche svaroop ke adhyayan ke liye unhonne deshaatan kiya tha.

unki kalaakrutiyon ko teen pramukh shreniyon mein baaainta gaya hai.

1- pratikruti ya portret,
2- maanaveeya aakrutiyon vaale chitr tatha
3- itihaas va puraan ki ghatnaaon se sambandhit chitr.

yadyapi janasaadhaaran mein raaja ravi varma ki lokapriyta itihaas puraan va devi devataaon ke chitron ke kaaran hui lekin tail maadhyam mein bani apni pratikrutiyon ke kaaran ve vishv mein sarvotkrusht chitrakaar ke roop mein jaane gaye. aaj tak tailarangon mein unki jaisi sajeev pratikrutiyaaain banaane wala kalaakaar doosra naheen hua. unka dehaant 2 October 1906 ko hua.

rochak tathya

  • October 2007 mein unke dvaara banaai gayi ek aitihaasik kalaakruti, jo Bhaarat mein british raaj ke dauraan britaani raaj ke ek uchch adhikaari aur mahaaraaja ki mulaakaat ko chitrit karti hai, 1.24 million dollar mein biki. is peinting mein traavanakor ke mahaaraaj aur unke bhaai ko Madras ke Governor general richrd tempal grenavile ko svaagat karte hue dikhaaya gaya hai. grenavile 1880 mein aadhikaarik yaatra par traavanakor gaye the jo ab Kerala raajya mein hai.
  • film nirmaata ketan Mehta ne raaja ravi varma ke jeevan par film banaayi. Mehta ki film mein raaja ravi varma ki bhoomika nibhaayi abhineta Randeep hudda ne. film ki abhinetri hai nandana sen. is film ki khaas baat yeh hai ki ise hindi aur angreji donon bhaashaaon mein ek saath banaaya gaya hai. angreji mein is film ka naam hai kalar of paishans vaheen hindi mein ise rang rasiya naam diya gaya.
  • vishv ki sabse mahaingi saadi raaja ravi varma ke chitron ki nakal se susajjit hai. beshakeemati 12 ratnon va dhaatuon se jadi, 40 lakh rupaye ki saadi ko duniya ki sabse mahaingi saadi ke taur par limka book of world rekaard mein shaamil kiya gaya.

mukhya krutiyaaain

  • khedyaatil kumaari
  • vichaaramagn yuvati
  • damayanti-hansa sanbhaashan
  • sangeet sabha
  • arjun va subhadra
  • fal lene ja rahi stri
  • virhavyaakul yuvati
  • tantuvaadyavaadak stri
  • shakuntala
  • krushnashishtaai
  • raavan dvaara raamabhakt jataayu ka vadh
  • indrajit-vijay
  • bhikhaari kutunb
  • stri tantuvaadya vaajavataana
  • stri devalaat daan detaanna
  • Ram ki varun-vijay
  • Nair jaati ki stri
  • pranayarat jode
  • draupadi kichk-bhetees ghaabarat asataana
  • shantanu va matsyagandha
  • shakuntala raaja dushyantaas prem-patra liheetaana
  • kanv rishi ke aashram ki rishiknya

sandarbh

  1. Joshi, Om Prakash (1985). Sociology of Indian art. Rawat Publications. pa॰ 40.

baahari kadiyaaain