raaja balavant Singh

shri balavant Singh san 1740 se 1770 tak kaashi raajya ke naresh rahe. manasaaraam ne bhavanon ke ksheen hote saamraajya ke antim kaal mein jaan-maal loot lene vaale kroor dasyuon se apni raajaneetik soojhaboojh evam ran-kaushal dvaara praja ki suraksha ki aur in araajak tatvon ki gatividhiyon par poorn ankush lagaakar chhinn-bhinn shaasan ko sudrudh karte hue navi raajavansh ki sthaapana ka shreya praapt kiya. manasaaraam ki nandakumaari naayak patni se balavant minh (baribnd Singh) ka janm hua, jinhonne apni shooraveerata se jeete hue bhookhandon ka pita se bhi adhik vistaar karte hue gangaapur se hatkar raamanagar ko apni rajdhani banaaya aur man 1740 E. ke aas-paas ek vishaal durg ka nirmaan karaaya. durg mein pashchim or Shiv mandir ka nirmaan kara kar usamein Shiv ling ki sthaapana ki aur suyogya santaan hone ki pratishtha praapt ki. is mandir ke dwaar par ankit shlokon se mahaaraaj ki vansh parampara tathaaa shaasan kshetr ka sanket milta hai. kaashi naresh pustakaalaya mein upalabdh urdoo granth, 'balavant naama' se raaja balavant Singh ka jeevan-parichay evam shaasanakaal ka vistrut vivran praapt hota hai. aapke darbaar ke falit jyotish ke prakaand vidvaan pan॰ paramaanand paathak ne raamanagar durg ke muhoort-shodhan ka kaarya sampann karaaya tha. falit jyotish ke utkrusht granth 'prathnamaanikya-maala' ke rachayita pan॰ paramaanand paathak hi the. mahaaraaja balavant Singh shaurya sampann shaasak ke saath-saath dharmanishth, sanskrutyanuraagi raajapurush the. aapki gun-graahakata se raaj darbaar mein sarasvati, putron ke poorn aadar evam sammaan praapt tha, jisse pan॰ paramaanand paathak evam anek kavi tatha vidvaanon mein suprasiddh kavi raghunaath ityaadi aapke darbaar mein suprasiddh kavi raghunaath ityaadi aapke darbaar ki shobha badhaate the, jinke dvaara rachit 'kaavyakalaadhar', 'rasik mohan', 'ishk mahotsav' aadi krutiyon ki tha. Shiv Singh 'sarej' ne mukt kanth se prashansa ki hai. kaashi-raaj, parivaar pratyek kshetr ke vidvaanon ko aadar evam aashray dene mein agrani raha.

mahaaraaja balavant Singh ki pratham 'pratipraan' naamak patni se do putr chetasinh aur sujaan Singh evam dviteeya patni se ekamaatr kanya ka janm hua, jo darabhanga ke narahan state ke naresh ko byaahi gayi thi.

mahaaraaja balavant Singh ne apne aashrit kavi raghunaath ko ganga kinaare sthit chaura naamak gram daan mein diya tha. aapke samay mein faaras ke prasiddh fakeer shekh Ali haji naadirshaah ki kroorata se bhayabheet evam khinn hokar Delhi aaye, kintu jald hi Delhi ke ashaantimya vaataavaran se oob kar kaashi aae. mahaaraaj balavant Singh ne unhein aashram evam aadar sahit uchit sthaan pradaan kiya. kaashi ka shaantimya vaataavaran shekhasaaheb ko atyant raas aaya aur yaheen rahate hue unhonne kaashi nagari ki prashansa mein faarasi mein sher likha hai. mahaaraaj unhein bharpoor aadar dete the. shekh saahab ki majaar aaj bhi kaashi mein vidyamaan hai. sanaatanadharmi hokar bhi sabhi dharmon ke prati poorn aadar rakhane vaale mahaaraaj balavant Singh ji vilkshan shaasak the. mahaaraaj balavant Singh ke raaj darbaar mein chaturavihaari mishr, jagaraaj sukul, khushahaal khaaain jaise sangeet kalaavant darbaar ki shobha badhaate the.