raaj Kumar

raaj Kumar
janm 8 October 1926
mrutyu July 3, 1996(1996-07-03) (umr 69)
vyavasaaya abhineta

raaj Kumar (janm: 8 October, 1926 nidhan: 3 July, 1996)[1] hindi filmon ke ek abhineta the.

anukram

vyaktigat jeevan

Rajkumar ka janm Pakistan ke baloochistaan praant mein aath October 1926 ko ek madhyam vargeeya Kashmiri braahman parivaar mein hua tha. snaatak ki padhaai poori karne ke baad Rajkumar Mumbai ke maahim police station mein bataur sab inspector kaam karne lage.[1] Rajkumar Mumbai ke jis thaane mein kaaryarat the vahaan aksar film udyog se jude logon ka aana-jaana laga rahata tha. ek baar police station mein film nirmaata kuchh jaroori kaam ke liye aae hue the aur vah Rajkumar ke baatcheet karne ke andaaj se kaafi prabhaavit hue. unhonne Rajkumar ko yeh salaah di ki agar aap film abhineta banane ki or kadam rakhe to usamein kaafi safal ho sakte hai. Rajkumar ko film nirmaata ki baat kaafi achhi lagi. iske kuchh samay baad Rajkumar ne apni naukri chhod di aur filmon mein bataur abhineta banane ki or apna rukh kar liya.

kairiyr

varsh 1952 mein pradarshit film rangeeli mein sabse pehle bataur abhineta Rajkumar ko kaam karne ka mauka mila. varsh 1952 se varsh 1957 tak Rajkumar film industry mein apni jagah banaane ke liye sangharsh karte rahe. film rangeeli ke baad unhein jo bhi bhoomika mili vah use sveekaar karte chale gaye. is beech unhonne anmol sahaara- 1952, avsar- 1953, ghamand- 1955, neelamani- 1957, Krishna sudaama- 1957 jaisi kai filmon mein abhinay kiya lekin inmein se koi bhi film box office par safal naheen hui.

varsh 1957 mein pradarshit mahaboob Khan ki film madar India mein Rajkumar gaaainv ke ek kisaan ki chhoti si bhoomika mein dikhaai diye. haalaanki yeh film poori tarah abhinetri naragis par kendrit thi fir bhi Rajkumar apni chhoti si bhoomika mein apne abhinay ki chhaap chhodne mein kaamayaab rahe. is film mein unke damadaar abhinay ke liye unhein antarraashtreeya khyaati bhi mili aur film ki safalta ke baad Rajkumar bataur abhineta film industry mein sthaapit ho gaye. varsh 1959 mein pradarshit film paigaam mein unke saamane hindi film jagat ke abhinay samraat dileep Kumar the lekin Rajkumar ne yahaan bhi apni sashakt bhoomika ke jariye darshakon ki vaahavaahi lootane mein safal rahe. iske baad Rajkumar dil apna aur preet paraai-1960, gharaana- 1961, godaan- 1963, dil ek mandir- 1964, dooj ka chaaaind- 1964 jaisi filmon mein mili kaamayaabi ke jariye raaj Kumar darshakon ke beech apne abhinay ki dhaak jamaate hue aisi sthiti mein pahunch gaye jahaan vah film mein apni bhoomika swayam chun sakte the. varsh 1965 mein pradarshit film kaajal ki jabardast kaamayaabi ke baad Rajkumar bataur abhineta apni alag pehchaan bana li. varsh 1965 bee॰ aara॰ Chopra ki film vakt mein apne laajavaab abhinay se vah ek baar fir se apni or darshak ka dhyaan aakarshit karne mein safal rahe. film vakt mein Rajkumar ka bola gaya ek samvaad chinaaya seth jinke ghar sheeshe ke bane hote hai vo doosaron pe patthar naheen feinka karte ya fir chinaaya seth ye chhuri bachchon ke khelne ki cheej naheen haath kat jaaye to khoon nikal aata hai darshakon ke beech kaafi lokapriya hua. film vakt ki kaamayaabi se raaj Kumar shoharat ki bunladiyon par ja pahunche. aisi sthiti jab kisi abhineta ke saamane aati hai to vah manamaani karne lagta hai aur frem dar feram chha jaane ki usaki pravruti badhti jaati hai aur jald hi vah kisi khaas imej mein bhi bandh jaata hai. lekin raaj Kumar kabhi bhi kisi khaas chhavi mein nahi bandhe isaliye apni in filmon ki kaamayaabi ke baad bhi unhonne hamaraaj- 1967, neelakamal- 1968, mere hoojoor- 1968, heer raanjha- 1970 aur paakeeja- 1971 mein roomaani bhoomika bhi sveekaar ki jo unke filmi charitra se mel naheen khaati thi baavajood iske Rajkumar yahaan bhi darshakon ka dil jeetne mein safal rahe.

kamaal amarohi film paakeeja poori tarah se meena kumaari par kendrit film thi baavajood iske Rajkumar ne apne sashakt abhinay se darshakon ki vaahavaahi lootane mein safal rahe. film paakeeja mein Rajkumar ka bola gaya ek samvaad aapke paanv dekhe bahut haseen hain inhein jameen par mat utaariyega maile ho jaayegein is kadar lokapriya hua ki log gaahe bagaahe Rajkumar ki aavaaj ki nakal karne lage. varsh 1978 mein pradarshit film karmayogi mein Rajkumar ke abhinay aur vividhta ke nae aayaam darshakon ko dekhne ko mile is film mein unhonne do alag-alag bhoomikaaon mein apne abhinay ki chhaap chhodi. abhinay mein ekarupata se bachane aur swayam ko charitra abhineta ke roop mein bhi sthaapit karne ke liye Rajkumar ne apne ko vibhinn bhoomikaaon mein pesh kiya. is kram mein varsh 1980 mein pradarshit film bulandi mein vah charitra bhoomika nibhaane se bhi nahi hichke aur is film ke jariye bhi unhonne darshako ka man mohe rakha. iske baad Rajkumar ne kudarat- 1981, dharmakaanta- 1982, sharaara- 1984, raajatilk- 1984, ek nayi paheli- 1984, marate dam tak- 1987, soorya- 1989, jangabaaj- 1989, police pablik- 1990 jaisi kai superhit filmon ke jariye darshako ke dil par raaj kiya. varsh 1991 mein pradarshit film saudaagar mein raaj Kumar ke abhinay ke naye aayaam dekhne ko mile. subhaash ghai ki nirmit film saudaagar rme dileep Kumar aur raaj Kumar varsh 1959 mein pradarshit paigaam ke baad doosari baar aamne saamane the. film mein dileep Kumar aur Rajkumar jaise abhinay ki duniya ke dono mahaarathi ka takaraav dekhne laayak tha. film saudaagar mein Rajkumar ka bola ek samvaad duniya jaanti hai ki raajeshvar Singh jab dosti nibhaata hai to afasaane ban jaate hain magar dushmani karta hai to itihaas likhe jaate hai aaj bhi cine premiyon ke dimaag mein goonjata rahata hai. nabbe ke dashak mein Rajkumar ne filmon me kaam karna kaafi kam kar diya. is dauraan Rajkumar ki tiranga- 1992, police aur mujarim insaaniyat ke devata- 1993, betaaj baadshah- 1994, javaab- 1995, gaud aur gan jaisi filmein pradarshit hui. nitaant akele rahane vaale Rajkumar ne shaayad yeh mahasoos kar liya tha ki maut unke kaafi kareeb hai iseeliye apne putr puroo Rajkumar ko unhone apne paas bula liya aur kaha dekho maut aur jindagi insaan ka niji maamala hota hai. meri maut ke baare mein mere mitr chetan aanand ke alaava aur kisi ko naheen bataana. mera antim sanskaar karne ke baad hi film udyog ko soochit karna.

apne sanjeeda abhinay se lagbhag chaar dashak tak darshakon ke dil par raaj karne vaale mahaan abhineta Rajkumar 3 July 1996 ko is duniya ko alvida kah gaye.

pramukh filmein

naamaankan aur puraskaar

sandarbh

  1. a aa "samvaad adaayagi ke betaaj baadshah the 'Rajkumar'". aaibeeen live. 3 July 2014. http://khabar.ibnlive.in.com/news/102458/6/23. abhigman tithi: 19 October 2014.

baahari kadiyaaain