raaj Kapoor

raaj Kapoor
Raj Kapoor In Aah (1953).png
janm 14 December 1924
peshaavar, uttar pashchim seemaant praant, british Bhaarat
mrutyu 2 June 1988(1988-06-02) (umr 63)
mumbai, Maharashtra, Bhaarat
vyavasaaya abhineta, nirmaata,nirdeshak
kaaryakaal 1935- 1985

raaj Kapoor (1924-1988) prasiddh abhineta, nirmaata evam nirdeshak the.[1] neharoovaadi samaajavaad se prerit apni shurooaati filmon se lekar prem kahaaniyon ko maadak andaaj se parade par pesh karke unhonne hindi filmon ke liye jo raasta tay kiya, is par unke baad kai filmkaar chale. Bhaarat mein apne samay ke sabse bade 'shomain' the. soviyt sangh aur madhya-poorv mein raaj Kapoor ki lokapriyta dantakatha ban chuki hai. unki filmon khaaskar shri 420 mein Mumbai ki jo mool tasveer pesh ki gayi hai, vah film nirmaataaon ko abhi bhi aakarshit karti hai. raaj Kapoor ki filmon ki kahaaniyaan aamtaur par unke jeevan se judi hoti theen aur apni jyaadaatar filmon ke mukhya naayak ve khud hote the.

anukram

filmi safar

san 1935 mein, jab unki umr keval 11 varsh thi, film inkalaab mein abhinay kiya tha| ve baanbe taakeej studio mein sahaayak (helper) ka kaam karte the| baad mein ve kedaar sharma ke saath klaipar bvaaya ka kaarya karne lage| unke pita pruthveeraaj Kapoor ko vishvaas naheen tha ki raaj Kapoor kuchh vishesh kaarya kar paayega, iseeliye unhonne use sahaayak ya klaipar bvaaya jaise chhote kaam mein lagava diya tha| kedaar sharma ne raaj Kapoor ke bheetar ke abhinay kshamata aur lagan ko pahachaana aur unhonne raaj Kapoor ko san 1947 mein apni film neelakamal, jiski naayika (heroine) madhubaala thi, mein naayak (hero) ka kaam de diya| 24 saal ki umr mein hi arthaat san 1948 mein unhonne apni studio, aar.ke. films, ki sthaapana kar liya tha aur us samay ke sabse kam umr ke nirdeshak ban gaye the| san 1948 mein unhonne pehli baar film 'aag' ka nirdeshan kiya aur vah apne samay ki safalatam film rahi|

raaj Kapoor ne san 1948 se 1988 tak ki avadhi mein anekon safal filmon ka nirdeshan kiya jinmein adhiktam filmein box aafis par super hit raheen| apne dvaara nirdeshit adhiktar filmon mein raaj Kapoor ne swayam hero ka rol nibhaaya| raaj Kapoor aur nargis ki jodi safalatam filmi jodiyon se ek thi, unhonne film aah, barasaat, aavaara, shri 420, chori chori aadi mein ek saath kaam kiya tha|

mera naam jokar unki sarvaadhik mahatvaakaankshi film thi jo ki san 1970 mein pradarshit hui aur jiske nirmaan mein 6 varshon se bhi adhik samay laga| unki is film ke prati mahatvaakaanksha ka anumaan isi baat se lagaaya ja sakta hai ki san 1955 mein pradarshit unki film shri 420 mein nargis ke saamane ve apne rol mein kehte hain ki "kha gayi na tum bhi kapadon se dhokha" aur blek board par jokar ka chitr bana dete hain| shaayad 'jokar' (Joker, vidooshak) theem par film banaane ka unka vichaar san 1955 se hi tha par bana paaye ve san 1970 mein| par box aafis par unki yeh film tik naheen saki aur unhein atyant maayoosi hui| kisi prakaar se apni niraasha se mukti paakar raaj Kapoor ne film baubi ke nirmaan va nirdeshan mein jut gaye| baubi san 1973 mein pradarshit hui jo box aafis par super hit hui| apni is film mein unhonne apne bete rishi Kapoor aur nai kalaakaar dinpal kaapadiya ko mukhya rol diya aur donon hi baad mein super hit star saabit huye|

baubi film ki safalta ke baad raaj Kapoor ne apni agali film satyan shivan sundaran banaai jo ki fir ek baar hit hui| is film ke ke klaaimeks mein baadh ka drushya tha jise filmaane ke liye apne kharch se nadi par baandh banavaaya aur nadi mein bharpoor paani bhar jaane ke baad baandh ko tudva diya jisse ki baadh ka svaabhaavik drushya filmaaya ja sake| is drushya ke filmaankan ho jaane ke baad jab use raaj Kapoor ko dikhaaya gaya to drushya unhein pasand naheen aaya aur ek baar fir se laakhon rupaye kharch karke raaj Kapoor ne baandh banavaaya tatha us drushya ko fir se shoot kiya gaya|

satyan shivan sundaran ke baad raaj Kapoor ki agali safal film Ram teri ganga maili rahi| Ram teri ganga maili banaane ke baad ve hina ke nirmaan mein lage the jiski kahaani bhaarateeya yuvak aur Pakistani yuvati ke prem sambandh par aadhaarit thi| hina ke nirmaan ke dauraan raaj Kapoor ki mrutyu ho gayi aur us film ko unke bete ranadheer Kapoor ne poora kiya|

raaj Kapoor ko cine premi darshakon ke saath hi saath film aalochakon se bhi bharpoor prashansa mili| ve Charlie chaipalin ke prashansak the aur unke abhinay mein Charlie chaipalin ka poora poora prabhaav paaya jaata tha| raaj Kapoor ko bhaarateeya cinema ka Charlie chaipalin bhi kaha jaata hai| raaj Kapoor ki filmon ne soviyt roos, cheen, aafreeka aadi deshon mein bhi prasiddhi pai| roos mein to unki filmon ke hindi gaane bhi atyant lokapriya rahe hain visheshakar film aavaara aur shri 420 ke|

raaj Kapoor ko sangeet ki bahut achhi samajh thi| saath hi saath ve yeh bhi achhi tarah se jaante the ki kis tarah ke sangeet ko log pasand karte hain yahi kaaran hai ki aaj tak unke filmon ke gaane lokapriya hain| sangeetakaar shankar jayakishn, jo ki lagaataar 18 varshon tak number 1 sangeetakaar rah chuke hain, ko unhonne hi apni film barasaat mein pehli baar sangeet nirdeshan ka avsar diya tha| film barasaat se raaj Kapoor ne apni falmon ke geet sangeet ke liye ek prakaar se ek team bana liya tha jismein unke saath geetkaar shailendr tatha hasarat jayapuri, gaayak mukesh aur sangeetakaar shankar jayakishn shaamil the| ye sabhi ke ek doosare ke achhe mitr the aur lagbhag 18 varshon ke ek bahut lambe arase tak ek saath mil kar kaam karte rahe|

naamaankan aur puraskaar

pramukh filmein

yeh bhi dekhiye

sandarbh