raag hansadhvani

raag hansadhvani kanaartak paddhati ka raag hai parantu aajkal iska uttar Bhaarat me bhi kaafi prachaar hai. iske thaat ke vishay mein do mat hain kuchh vidvaan ise bilaaval thaat to kuchh kalyaan thaat janya bhi maanate hain. is raag mein madhyam tatha dhaivat svar varjit hain at: iski jaati audav-audav maani jaati hai. sabhi shuddh svaron ke prayog ke saath hi pancham rishbh,rishbh nishaad evam shadaj pancham ki svar sangatiyaaain baar baar prayukt hoti hain. iske nikat ke raago mein raag shankara ka naam liya jaata hai. gaayan samay raatri ka dviteeya prahar hai.

aaroh-sa re, g p ni saan

avaroh-saan ni p g re, g re, ni (mandr) p (mandr) sa.

pakad-ni p g re, re g p re sa

• is raag ko sahi tareeke se jaanane ke liye agar ise suna jaaye to jyaada sahi hoga. is raag par hindi filmon mein kai gaane bane hain hain jinmein sabse mashahoor hai ja tose naaheen boloon kanhaiya. aap paarul ke chitthe par ustaad Rashid Khan saahab ki aavaaj mein ek bandish sun sakte hain. bandish ka mukhada hai laagi lagan pati sakhi sang paarul chaand pukharaaj ka.

shaastreeya sangeet, raag, bhaarateeya shaastreeya sangeet