raag basant
raag basant ya raag vasant shaastreeya sangeet ki hindustaani paddhati ka raag hai. vasant ka arth vasant ritu se hai, at: ise vishesh rup se vasant ritu mein gaaya bajaaya jaata hai. iske aaroh mein paaainch tatha avaroh mein saat svar hote hain. at: yeh audav-sampoorn jaati ka raag hai. vasant ritu mein gaaya jaane ke kaaran is raag mein holiyaaain bahut milti hain. yeh prasannata tatha utfullata ka raag hai. aisa maana jaata hai ki iske gaane va sunane se man prasann ho jaata hai. iska gaayan samay raat ka antim prahar hai kintu yeh din ya raat mein kisi samay bhi gaaya bajaaya ja sakta hai. raagamaala mein ise raag hindol ka putr maana gaya hai. yeh poorvi thaat ka raag hai. shaastron mein isse milte julate ek raag vasant hindol ka ullekh bhi milta hai. yeh ek atyant praacheen raag hai jiska ullekh anek praacheen granthon mein milta hai.
sankshipt parichay raag basant-
"do madhyam komal rishabh chadht na pancham keenh.
s-m vaadi sanvaadi te, yeh basant kah deenh.'
aaroh- sa g, m॑ dh॒ rein॒ saan, ni saan.
avaroh- rein॒ ni dh॒ p, m॑ g m॑ ऽ g, m॑ dh॒ g m॑ g, re॒ sa.
pakad- m॑ dh॒ rein॒ saan, ni dh॒ p, m॑ g m॑ ऽ g.
vaadi svar: sa
sanvaadee: m
thaat- poorvi (prachalit)
is raag ke baare mein kuchh matabhed bhi hain. pehle mataanusaar is raag mein keval teevr madhyam ka prayog hona chaahiye, magar doosare mataanusaar dono m ka prayog hona chaahiye jo ki aaj prachalan mein hai.
visheshata- uttaraang pradhaan raag hone ki vajah se ismein taar saptak ka sa khoob chamakata hai. shuddh m ka prayog keval aaroh mein ek vishesh tarah se hota hai- sa m, m g, m॑ dh॒ saan.
gaayan samay- raatri ka antim prahar (magar basant ritu mein ise har samay gaaya bajaaya ja sakta hai.
ise paraj raag se bachaane ke liye aaroh mein ni ka langhan karte hain-
sa g m॑ dh॒ saan
ya
sa g m॑ dh॒ rein॒ saan
vishesh svar sangatiyaaain-
1) p m॑ g, m॑ ऽ g
2) m॑ dh॒ rein saan
3) sa m ऽ m g, m॑ dh॒ rein॒ saan
sandarbh
Basant; Hath Ki Safai; Wadda Kar Le Saajna, Basant Bahar; Chhaya; Chham Chham Nachat Ayi Bahar