pushya
pushya ek nakshatr hai. pushya nakshatr ka svaami shani grah hota hai.
pushya nakshatr ki sthiti
raashi mein 3 degree 20 minute se 16 degree 40 minute tak hoti hai. yeh kraanti vrutt se 0 ansh 4 kala 37 vikla uttar tatha vishuvat vrutt se 18 ansh 9 kala 59 vikla uttar mein hai. is nakshatr mein teen taare teer ke aage ka tikon sareekhe jaan padte hain. baan ka sheersh bindu ya paini nonk ka taara pushya kraanti vrutt par padta hai.
pushya ko rigved mein tishya arthaat shubh ya maaaingalik taara bhi kehte hain. soorya July ke truteeya saptaah mein pushya nakshatr mein gochar karta hai. us samay yeh nakshatr poorv mein udaya hota hai. March maheene mein raatri 9 baje se 11 baje tak pushya nakshatr apne shirobindu par hota hai. paush maas ki poornima ko chandrama pushya nakshatr mein rahata hai. is nakshatr ka svaami grah shani hai.
pushya ka arth hai poshan karne wala, oorja va shakti pradaan karne wala. mataantar se pushya ko pushp ka bigdaa rup maanate hain. pushya ka praacheen naam tishya shubh, sundar tatha sukh sanpada dene vaalaahai. vidvaan is nakshatr ko bahut shubh aur kalyaanakaari maanate hain. vidvaan is nakshatr ka prateek chinh gaaya ka than maanate hain. unke vichaar se gaaya ka doodh pruthvi lok ka amrut hai. pushya nakshatr gaaya ke than se nikle taaje doodh sareekha poshanakaari, laabhaprad va deh aur man ko prasannata dene wala hota hai.
gaaya mein sabhi devataaon ka nivaas maana jaata hai. kark raashi ke svaami chandrama ko bhi maata ka prateek maana jaata hai. at: is nakshatr mein maatrutv ke sabhi gun maane jaate hain. pushya nakshatr utpaadan kshamata, utpaadakata, sanrakshanata, sanvardhan va samruddhi ka prateek maana jaata hai. kuchh vidvaan teen taaron mein chakr ki golaai dekhte hain. ve chakr ko pragati 'rath' ka chakka maanate hain.
Dave guru bruhaspati ko pushya nakshatr ka adhishthaata devata maana gaya hai. kisi bhi nakshatr par uske devata ka prabhaav nakshatrapati ki tulana mein adhik hota hai. isliye pushya nakshatr ka svaami grah shani hai parantu nakshatr ka grah bruhaspati hone se is nakshatr mein guru ke gun adhik dikhaai dete hain. pushya nakshatr ka vyavahaar praacheen rishiyon ne naari jaisa shaant, gambhir va satyanishth maana hai. is nakshatr ki jaati kshatriya jaati hai. pushya nakshatr ka sambandh raajaneeti va satta sukh se hone ke kaaran, ise kshatriya jaati maana gaya hai. devaguru bruhaspati raajaneeti va kootaneeti ke aachaarya hain isliye pushya nakshatr ka kshatriya hona sahi hai.
pushya nakshatr purush nakshatr hai. bhale hi ismein naareetv ke gun, sanvedanasheelata va mamata kuchh adhik maatra mein hon. is nakshatr ka adhishthaata devata guru purush devata hai. is nakshatr mein shareer ka mukh va chehara aata hai. chehare ke bhaavon ka pushya se vishesh sambandh hai. yeh nakshatr pitt prakruti ka hai. is nakshatr ki disha pashchim, pashchim-uttar tatha uttar disha hai. is baat ka bhi dhyaan rakhem ki kark raashi ki disha utttar to nakshatrapati shani ko pashchim disha ka svaami maana jaata hai.
pushya nakshatr ka svaami grah shani hine se vidvaanon ne ise tamogun pradhaan maana hai. at: yeh taamasik nakshatr hai. pushya jal tatv pradhaan nakshatr hai. yeh chandrama ki raashi kark mein sthit hai. chandrama va kark raashi donon hi jal tatv pradhaan hain. pun: nakshatr ka devata guru bhi sthool va kaf pradhaan hone se jal tatv ki pradhaanata ko darshaata hai. vidvaanon ne pushya nakshatr ko devagan maana hai.
pushya nakshatr urdhvamukhi hone se jaatak mahatvaakaankshi va pragatisheel hota hai. paush chandr maas ka uttaraardh, jo January maas mein padta hai, ko pushya nakshatr ka maas maana jaata hai. shukl va krushn paksh ki dashami ka sambandh pushya nakshatr se maana jaata hai. is nakshatr ka svaami grah shani va raashi svaami chandr hone se jaatak kartavyanishth, daayitv nirvaah mein kushal va parishrami hota hai. is nakshatr ko jan samudaaya ko prabhaavit karne wala ऩaaatr maana gaya hai.
pushya nakshatr ke pratham charan ka akshar 'hoo' hai. dviteeya charan ka akshar 'he' hai. truteeya charan ka akshar 'ho' hai. chaturth charan ka akshar 'd' hai. pushya nakshatr ki yoni mesh hai. pushya nakshatr ko rishi mareechi ka vanshaj maana gaya hai.