pushkar

pushkar
— nagar —
pushkar jheel ka vihangam drushya latd = 26.5
nirdeshaank: (nirdeshaank dhooaindhein)
samay mandal: IST (UTC+5:30)
desh	Bhaarat
raajya	Rajasthan
jila	Ajmer
janasankhya	14,789 (2001 tak [update])
kshetrafal • ooainchaai (AMSL)	• 510 meter (1,673 fee॰)

pushkar Rajasthan mein vikhyaat teerthasthaan hai jahaaain prativrsh prasiddh 'pushkar mela' lagta hai. yeh Rajasthan ke Ajmer jile mein hai. yahaaain brahma ka ek mandir hai. pushkar Ajmer shahar se 14 ki.mi doori par sthit hai.

Bhaarat ke Rajasthan raajya mein araavali shreni ki ghaati mein Ajmer nagar se paaainch meal pashchim Ajmer jile ka ek nagar tatha sthaaneeya mandi hai. iske niktavarti kshetr mein jvaar, baajara, makka, gehooain tatha ganne ki upaj hoti hai. kalaapoorn kuteer-vastr-udyog, kaashth chitrakala, tatha pashuon ke vyaapaar ke liye yeh vikhyaat hai. yahaaain pavitra pushkar jheel hai tatha sameep mein brahma ji ka pavitra mandir hai, jisse prati varsh anek teerthayaatri yahaaain aate hain. October, November ke maheenon mein yahaaain ek vishesh dhaarmik evam vyaapaarik mahatva ka mela lagta hai. iska dhaarmik mahatva adhik hai. yeh saagaratal se 2,389 foot ki ooainchaai par sthit hai. yahaaain kai prasiddh mandir hain, jo aurangajeb dvaara dhvast karne ke baad pun: nirmit kiye gaye hain.

pushkar ke udbhav ka varnan padmapuraan mein milta hai. kaha jaata hai, brahma ne yahaaain aakar yagya kiya tha. hinduon ke pramukh teerthasthaanon mein pushkar hi ek aisi jagah hai jahaaain brahma ka mandir sthaapit hai. brahma ke mandir ke atirikt yahaaain saavitri, badareenaaraayan, vaaraah aur Shiv aatmeshvar ke mandir hai, kintu ve aadhunik hain. yahaaain ke praacheen mandiron ko mugal samraat aurangajeb ne nashtabhrasht kar diya tha. pushkar jheel ke tat par jagah-jagah pakke ghaat bane hain jo rajputana ke deshi raajyon ke dhaneemaani vyaktiyon dvaara banaae gaye hain.

pushkar ka ullekh raamaayan mein bhi hua hai. sarg 62 shlok 28 mein vishvaamitr ke yahaaain tap karne ki baat kahi gayi hai. sarg 63 shlok 15 ke anusaar menaka yahaaain ke paavan jal mein snaan ke liye I theen.

saaainchi stoop daanalekhon mein, jinka samay E. poo. doosari shataabadi hai, kai bauddh bhikshuon ke daan ka varnan milta hai jo pushkar mein nivaas karte the. paandulen gufa ke lekh mein, jo E. san 125 ka maana jaata hai, ushamadavatt ka naam aata hai. yeh vikhyaat raaja nahapaan ka daamaad tha aur isne pushkar aakar 3000 gaayon evam ek gaaainv ka daan kiya tha.

in lekhon se pata chalta hai ki E. san ke aarambh se ya uske pehle se pushkar teerthasthaan ke liye vikhyaat tha. swayam pushkar mein bhi kai praacheen lekh mile hai jinmein sabse praacheen lagbhag 925 E. san ka maana jaata hai. yeh lekh bhi pushkar se praapt hua tha aur iska samay 1010 E. san ke aaspaas maana jaata hai.

sarasvati mandir se dekhne par pushkar ka drushya

Ajmer se 11 ki॰mee॰ door hinduon ka prasiddh teerth sthal pushkar hai. yahaan par kaartik poornima ko pushkar mela lagta hai, jismein badi sankhya mein deshi-videshi paryatak bhi aate hain. hajaaron hindu log is mele mein aate hain. va apne ko pavitra karne ke liye pushkar jheel mein snaan karte hain. bhaktagan evam paryatak shri rang ji evam anya mandiron ke darshan kar aatmik laabh praapt karte hain.

raajya prashaasan bhi is mele ko vishesh mahatva deta hai. sthaaneeya prashaasan is mele ki vyavastha karta hai evam kala sanskruti tatha paryatan vibhaag is avsar par saanskrutik kaaryakramon ka aayaajan karte hain.

is samay yahaan par pashu mela bhi aayojit kiya jaata hai, jismein pashuon se sambandhit vibhinn kaaryakram bhi kiye jaate hain, jismein shreshth nasl ke pashuon ko puraskrut kiya jaata hai. is pashu mele ka mukhya aakarshan hota hai.

Bhaarat mein kisi pauraanik sthal par aam taur par jis sankhya mein paryatak aate hain, pushkar mein aane vaale paryatakon ki sankhya usase kaheen jyaada hai. inmein badi sankhya videshi sailaaniyon ki hai, jinhein pushkar khaas taur par pasand hai. har saal kaartik maheene mein lagne vaale pushkar oont mele ne to is jagah ko duniya bhar mein alag hi pehchaan de di hai. mele ke samay pushkar mein kai sanskrutiyon ka milan sa dekhne ko milta hai. ek taraf to mela dekhne ke liye videshi sailaani padi sankhya mein pahunchate hain, to doosari taraf Rajasthan va aaspaas ke tamaam ilaakon se aadivaasi aur graameen log apne-apne pashuon ke saath mele mein shareek hone aate hain. mela ret ke vishaal maidaan mein lagaaya jaata hai. dher saari kataar ki kataar dukaanein, khaane-peene ke staal, sarkas, jhoole aur na jaane kya-kya. oont mela aur registaan ki najadeeki hai isliye oont to har taraf dekhne ko milte hi hain. lekin kaalaantar mein iska svaroop vishaal pashu mele ka ho gaya hai.

pushkar ka brahma mandir

pushkar ko teerthon ka mukh maana jaata hai. jis prakaar prayaag ko "teertharaaj" kaha jaata hai, usi prakaar se is teerth ko "pushkararaaj" kaha jaata hai. pushkar ki ganana panchateerthon va panch sarovaron mein ki jaati hai. pushkar sarovar teen hain -

• jyeshth (pradhaan) pushkar
• madhya (boodha) pushkar
• kanishk pushkar.

jyeshth pushkar ke devata brahmaaji, madhya pushkar ke devata Bhagwan vishnu aur kanishk pushkar ke devata rudr hain. pushkar ka mukhya mandir brahmaaji ka mandir hai. jo ki pushkar sarovar se thodi hi doori par sthit hai. mandir mein chaturmukh brahma ji ki daahini or saavitri evam baayeen or gaayatri ka mandir hai. paas mein hi ek aur sanakaadi ki moortiyaaain hain, to ek chhote se mandir mein naarad ji ki moorti. ek mandir mein haathi par baithe kuber tatha naarad ki moortiyaaain hain.

brahmavaivart puraan mein ullikhit hai ki apne maanas putr naarad dvaara srushtikrm karne se inkaar kiye jaane par brahma ne unhein roshapoorvak shaap de diya ki—"tumane meri aajnyaa ki avhelna ki hai, at: mere shaap se tumhaara gyaan nasht ho jaaega aur tum gandharv yoni ko praapt karke kaaminiyon ke vasheebhoot ho jaaoge." tab naarad ne bhi du:khi pita brahma ko shaap diya—"taat! aapne bina kisi kaaran ke soche - vichaare mujhe shaap diya hai. at: main bhi aapko shaap deta hooain ki teen kalpon tak lok mein aapki pooja naheen hogi aur aapke mantra, shlok kavach aadi ka lop ho jaaega." tabhi se brahma ji ki pooja naheen hoti hai. maatr pushkar kshetr mein hi varsh mein ek baar unki pooja–archana hoti hai.

poore Bhaarat mein keval ek yahi brahma ka mandir hai. is mandir ka nirmaan gvaaliyr ke mahaajan gokul praak ne Ajmer mein karavaaya tha. brahma mandir ki laat laal rang ki hai tatha ismein brahma ke vaahan hans ki aakrutiyaaain hain. chaturmukhi brahma devi gaayatri tatha saavitri yahaaain moortiroop mein vidyamaan hain. hinduon ke liye pushkar ek pavitra teerth va mahaan pavitra sthal hai.

vartamaan samay mein iski dekh–rekh ki vyavastha sarkaar ne sambhaal rakhi hai. at: teerthasthal ki svachhata banaae rakhane mein bhi kaafi madad mili hai. yaatriyon ki aavaas vyavastha ka vishesh dhyaan rakha jaata hai. har teerthayaatri, jo yahaaain aata hai, yahaaain ki pavitrata aur saundarya ki man mein ek yaad sanjoe jaata hai.

yahaan gaayatri devi ka mandir hai.

yahaan devi sati ki do pahunchiyaan giri theen. is kaaran yahaan shaktipeeth hai.

• teertharaaj pushkar : sab teerthon ka guru (vebaduniya)
• teerthon ka teerth pushkararaaj