puraan

yeh sujhaav diya jaata hai ki upapuraan ka is lekh ya bhaag mein vilay kar diya jaae. (vaarta) May 2015 se prastaavit

is lekh mein satyaapan hetu atirikt sandarbh athva sroton ki aavashyakta hai. krupaya vishvasaneeya srot jodkar is lekh mein sudhaar karein. srotaheen saamagri ko chunauteedi ja sakti hai aur hataaya bhi ja sakta hai. (November 2014)

is sandook ko: dekhein • samvaad •
hindu dharm par ek shreni ka bhaag
itihaas · devata
sampradaaya · aagam
vishvaas aur darshanashaastr
punarjanm · moksh
karm · pooja · maaya
darshan · dharm
vedaant ·yog
shaakaahaar · aayurved
yug · sanskaar
bhakti {{hindu darshan}}
granth
vedasanhita · vedaang
braahmanagranth · aaranyak
upanishd · shreemadbhagavadgeeta
raamaayan · mahaabhaarat
sootr · puraan
shikshaapatri · vachanaamrut
sambandhit vishay
daivi dharm ·
vishv mein hindu dharm
guru · mandir devasthaan
yagya · mantr
shabdakosh · hindu parv
vigrah
praveshadvaar: hindu dharm
hindu maapan pranaali

puraan, hinduon ke dharmasanbandhi aakhyaanagranth hain jinmein srushti, laya, praacheen rishiyon, muniyon aur raajaaon ke vruttaat aadi hain. ye vaidik kaal ke kaafi baad ke granth hain, jo smruti vibhaag mein aate hain. bhaarateeya jeevan-dhaara mein jin granthon ka mahatvapoorn sthaan hai unamein puraan bhakti-granthon ke roop mein bahut mahatvapoorn maane jaate hain. athaarah puraanon mein alag-alag devi-devataaon ko kendra maankar paap aur punya, dharm aur adharm, karm aur akarm ki gaathaaeain kahi gayi hain. kuchh puraanon mein srushti ke aarambh se ant tak ka vivran kiya gaya hai. inmein hindu devi-devataaon ka aur pauraanik mithkon ka bahut achha varnan hai.

karmakaand (ved) se gyaan (upanishd) ki or aate hue bhaarateeya maanas mein puraanon ke maadhyam se bhakti ki avirl dhaara pravaahit hui hai. vikaas ki isi prakriya mein bahudevavaad aur nirgun brahm ki svaroopaatmak vyaakhya se dheere-dheere maanas avataaravaad ya sagun bhakti ki or prerit hua.

puraanon mein vaidik kaal se chale aate hue srushti aadi sambandhi vichaaron, praacheen raajaaon aur rishiyon ke paramparaagat vruttaanton tatha kahaaniyon aadi ke sangrah ke saath saath kalpit kathaaon ki vichitrata aur rochak varnanon dvaara saampradaayik ya saadhaaran upadesh bhi milte hain. puraan us prakaar pramaan granth naheen hain jis prakaar shruti, smruti aadi hain.

puraanon mein vishnu, vaayu, matsya aur Bhagwat mein aitihaasik vrutta— raajaaon ki vanshaavali aadi ke roop mein bahut kuchh milte hain. ye vanshaavaliyaaain yadyapi bahut sankshipt hain aur inmein paraspar kaheen kaheen virodh bhi hain par hain bade kaam ki. puraanon ki or aitihaasikon ne idhar vishesh roop se dhyaan diya hai aur ve in vanshaavaliyon ki chhaanabeen mein lage hain.

'puraan' ka shaabdik arth hai - 'praacheen aakhyaan' ya 'puraani katha' . 'pura' shabd ka arth hai - anaagat evam ateet. 'an' shabd ka arth hota hai -kehna ya batalaana. raghuvansh mein puraan shabd ka arth hai "puraan patraapag maagannataram" evam vaidik vaaङamaya mein "praacheen: vruttaant:" diya gaya hai.

saanskrutik arth se hindu sanskruti ke ve vishisht dharmagranth jinmein srushti se lekar pralaya tak ka itihaas-varnan shabdon se kiya gaya ho, puraan kahe jaate hai. puraan shabd ka ullekh vaidik yug ke ved sahit aaditm saahitya mein bhi paaya jaata hai at: ye sabse puraatan (puraan) maane ja sakte hain. atharvaved ke anusaar "rich: saamaani chhandaansi puraanan yajusha sah 11.7.2") arthaat puraanon ka aavirbhaav rik, saam, yajus aud chhand ke saath hi hua tha. shatapath braahman (14.3.3.13) mein to puraanavaagङaamaya ko ved hi kaha gaya hai. chhaandogya upanishd (itihaas puraanan panyacham vedaanaanvedam 7.1.2) ne bhi puraan ko ved kaha hai. bruhadaaranyakopanishd tatha mahaabhaarat mein kaha gaya hai ki "itihaas puraanaabhyaan vedaarth mupabarhayet" arthaat ved ka arthavistaar puraan ke dvaara karna chaahiye. inse yeh spasht hai ki vaidik kaal mein puraan tatha itihaas ko samaan star par rakha gaya hai.

amarakosh aadi praacheen koshon mein puraan ke paanch lakshan maane gaye hain : sarg (srushti), pratisrg (pralaya, punarjanm), vansh (devata va rishi soochiyaan), manvantar (chaudah manu ke kaal), aur vanshaanucharit (soorya chandraadi vansheeya charit) .

sargashch pratisrgashch vansho manvantaraani ch .

vanshaanucharitan chaiv puraanan panchalakshanam .

• (1) sarg – panchamahaabhoot, indriygan, buddhi aadi tattvon ki utpatti ka varnan,
• (2) pratisrg – brahmaadisthaavaraant sampoorn charaachar jagat ke nirmaan ka varnan,
• (3) vansh – sooryachandraadi vanshon ka varnan,
• (4) manvantar – manu, manuputr, Dave, saptarshi, Indra aur bhagavaan ke avataaron ka varnan,
• (5) vanshaanucharit – prati vansh ke prasiddh purushon ka varnan .

maana jaata hai ki srushti ke rachanaakarta brahmaaji ne sarvapratham jis praacheenatam dharmagranth ki rachana ki, use puraan ke naam se jaana jaata hai.

raktabeejaasur ke saath yuddh ke liye taiyaar durga, maarkandeyapuraan

praacheenakaal se puraan devataaon, rishiyon, manushyon - sabhi ka maargadarshan karte rahe hain. puraan manushya ko dharm evam neeti ke anusaar jeevan vyateet karne ki shiksha dete hain. puraan manushya ke karmon ka vishleshan kar unhein dushkarm karne se rokate hain. puraan vastut: vedon ka vistaar hain. ved bahut hi jatil tatha shushk bhaasha-shaili mein likhe gaye hain. vedavyaas ji ne puraanon ki rachana aur punarrachana ki. kaha jaata hai, ''poornaat puraan '' jiska arth hai, jo vedon ka poorak ho, arthaat puraan (jo vedon ki teeka hain). vedon ki jatil bhaasha mein kahi gayi baaton ko puraanon mein saral bhaasha mein samajhaaya gaya hain. puraan-saahitya mein avataaravaad ko pratishthit kiya gaya hai. nirgun niraakaar ki satta ko maanate hue sagun saakaar ki upaasana karna in granthon ka vishay hai. puraanon mein alag-alag devi-devataaon ko kendra mein rakhakar paap-punya, dharm-adharm aur karm-akarm ki kahaaniyaaain hain. prem, bhakti, tyaag, seva, sahanasheelata aise maanaveeya gun hain, jinke abhaav mein unnat samaaj ki kalpana naheen ki ja sakti. puraanon mein devi-devataaon ke anek svaroopon ko lekar ek vistrut vivran milta hai. puraanon mein satya ko pratishthit mein dushkarm ka vistrut chitran puraanakaaron ne kiya hai. puraanakaaron ne devataaon ki dushpravruttiyon ka vyaapak vivran kiya hai lekin mool uddeshya sadbhaavana ka vikaas aur satya ki pratishtha hi hai.

keval 5 matsya, vaayu, vishnu, braahman evam bhagavat puraanon mein hi raajaaon ki vanshaabali pai jaati hai.

puraan athaarah hain.

​a​amadvayan bhadvayan chaiv bratrayan vachatushtayam .

​a​aanaapalingakooskaani puraanaani prachakshate .

m-2, bh-2, br-3, va-4 .​
a-1,na-1, p-1, lin-1, g-1, koo-1, sk-1 .
vishnu puraan ke anusaar unke naam ye hain—avishnu, padm, brahm, vaayu(Shiv), Bhagwat, naarad, maarkandeya, agni, brahmavaivart, ling, vaaraah, skand, vaaman, koorm, matsya, garud, brahmaand aur bhavishya.

1. brahm puraan
2. padm puraan
3. vishnu puraan
4. vaayu puraan -- (Shiv puraan)
5. Bhagwat puraan -- (deveebhaagavat puraan)
6. naarad puraan
7. maarkandeya puraan
8. agni puraan
9. bhavishya puraan
10. brahm vaivart puraan
11. liङag puraan
12. vaaraah puraan
13. skand puraan
14. vaaman puraan
15. koorm puraan
16. matsya puraan
17. garud puraan
18. brahmaand puraan

puraanon mein ek vichitrata yeh hai ki pratyek puraan mein athaaraho puraanon ke naam aur unakeeshlokasankhya hai. naam aur shlokasankhya praay: sabki milti hai, kaheen kaheen bhed hai. jaise koorm puraan mein agni ke sthaan mein vaayupuraan; maarkandeya puraan mein lingapuraan ke sthaan mein nrusinhapuraan; deveebhaagavat mein Shiv puraan ke sthaan mein naarad puraan aur matsya mein vaayupuraan hai. Bhagwat ke naam se aajkal do puraan milte hain—aek shreemadbhaagavat, doosra deveebhaagavat. kaun vaastav mein puraan hai ispar jhagada raha hai. raamaashram svaami ne 'durjanamukhachapetika' mein siddh kiya hai ki shreemadbhaagavat hi puraan hai. ispar kaasheenaath bhatt ne 'durjanamukhamahaachapetika' tatha ek aur pandit ne 'durjanamukhapadyapaaduka' deveebhaagavat ke paksh mein likhi thi.

1. ganesh puraan
2. shri narasinh puraan
3. kalki puraan
4. ekaamr puraan
5. Kapil puraan
6. datt puraan
7. shreevishnudharmauttar puraan
8. mudgagal puraan
9. sanatkumaar puraan
10. shivdharm puraan
11. aachaarya puraan
12. maanav puraan
13. ushna puraan
14. varun puraan
15. kaalika puraan
16. maheshvar puraan
17. saamb puraan
18. saur puraan
19. paraashar puraan
20. mareech puraan
21. bhaargav puraan

1. harivansh puraan
2. saurapuraan
3. mahaabhaarat
4. shreeraamacharitmaanas
5. raamaayan
6. shreemadbhagavadgeeta
7. garg sanhita
8. yogavaasishth
9. prajnyaa puraan

sukhasaagar ke anusaar:

1. brahmapuraan mein shlokon ki sankhya 14000 aur 246 addhayaaya hai|
2. padmapuraan mein shlokon ki sankhya 55000 hain.
3. vishnupuraan mein shlokon ki sankhya teis hajaar hain.
4. shivpuraan mein shlokon ki sankhya chaubees hajaar hain.
5. shreemadbhaavatapuraan mein shlokon ki sankhya athaarah hajaar hain.
6. naaradapuraan mein shlokon ki sankhya pachchees hajaar hain.
7. maarkandeyapuraan mein shlokon ki sankhya nau hajaar hain.
8. agnipuraan mein shlokon ki sankhya pandrah hajaar hain.
9. bhavishyapuraan mein shlokon ki sankhya chaudah hajaar paaainch sau hain.
10. brahmavaivartapuraan mein shlokon ki sankhya athaarah hajaar hain.
11. lingapuraan mein shlokon ki sankhya gyaarah hajaar hain.
12. vaaraahapuraan mein shlokon ki sankhya chaubees hajaar hain.
13. skandhapuraan mein shlokon ki sankhya ikyaasi hajaar ek sau hain.
14. vaamanapuraan mein shlokon ki sankhya das hajaar hain.
15. koormapuraan mein shlokon ki sankhya satrah hajaar hain.
16. matsayapuraan mein shlokon ki sankhya chaudah hajaar hain.
17. garudpuraan mein shlokon ki sankhya unnees hajaar hain.
18. brahmaandapuraan mein shlokon ki sankhya baarah hajaar hain.

puraanon mein sabse puraana vishnupuraan hi prateet hota hai. usamein saampradaayik kheenchtaan aur raagadvesh naheen hai. puraan ke paaaincho lakshan bhi usapar theek theek ghatate hain. usamein srushti ki utpatti aur laya, manvantaron, bharataadi khandon aur sooryaadi lokon, vedon ki shaakhaaon tatha vedavyaas dvaara unke vibhaag, soorya vansh, chandra vansh aadi ka varnan hai. kali ke raajaaon mein magadh ke maurya raajaaon tatha guptavansh ke raajaaon tak ka ullekh hai. shreekrushn ki leelaaon ka bhi varnan hai par bilkul us roop mein naheen jis roop mein Bhagwat mein hai.

kuchh logon ka kehna hai ki vaayupuraan hi shivpuraan hai kyonki aajkal jo shivpuraan naamak puraan ya upapuraan hai usaki shlok sankhya 24,000 naheen hai, keval 7,000 hi hai. vaayupuraan ke chaar paad hai jinmein srushti ki utpatti, kalpon or manvantaron, vaidik rishiyon ki gaathaaon, daksh prajaapati ki kanyaaon se bhinn bhinn jeevotpati, sooryavanshi aur chandravanshi raajaaon ki vanshaavali tatha kali ke raajaaon ka praay: vishnupuraan ke anusaar varnan hai.

matsyapuraan mein manvantaron aur raajavanshaavaliyon ke atirikt varnashram dharm ka bade vistaar ke saath varnan hai aur matsaayavataar ki poori katha hai. ismein maya aadik asuron ke sanhaar, maatrulok, pitrulok, moorti aur mandir banaane ki vidhi ka varnan vishesh dhang ka hai.

shreemadabhaagavat ka prachaar sabse adhik hai kyonki usamein bhakti ke maahaatmya aur shreekrushn ki leelaaon ka vistrut varnan hai. nau skandhon ke bheetar to jeevabrahm ki ekta, bhakti ka mahatva, srushtileela, kapildev ka janm aur apni maata ke prati vaishnav bhaavaanusaar saankhyashaastr ka upadesh, manvantar aur rishivanshaavali, avataar jismein rishabhadev ka bhi prasang hai, dhruv, venu, pruthu, prahlaad ityaadi ki katha, samudramathan aadi anek vishay hain. par sabse bada dasham skandh hai jismein Krishna ki leela ka vistaar se varnan hai. isi skandh ke aadhaar par shrungaar aur bhaktirs se poorn krushnacharit sambandhi sanskrut aur bhaasha ke anek granth bane hain. ekaadash skandh mein yaadavon ke naash aur baarahavein mein kaliyug ke raachaaon ke raajatv ka varnan hai. Bhagwat ki lekhanashaili aur puraanon se bhinn hai. iski bhaasha paandityapoorn aur saahitya sambandhi chamatkaaron se bhari hui hai, isse iski rachana kuchh peechhe ki maani jaati hai.

agnipuraan ek vilkshan puraan hai jismein raajavanshaavaliyon tatha sankshipt kathaaon ke atirikt dharmashaastr, raajaneeti, raaj- dharm, prajaadharm, aayurved, vyaakaran, ras, alankaar, shastr- vidya aadi anek vishay hain. ismein tantradeeksha ka bhi vistrut prakaran hai. kali ke raajaaon ki vanshaavali vikram tak I hai, avataar prasang bhi hai. isi prakaar aur puraanon mein bhi kathaaeain hain.

vishnupuraan ke atirikt aur puraan jo aajkal milte hain unke vishay mein sandeh hota hai ki ve asal puraanon ke na milne par peechhe se na banaae gaye hon. kai ek puraan to mat mataantaron aur sanpradaayon ke raag dvesh se bhare hain. koi kisi devata ki pradhaanata sthaapit karta hai, koi kisi devata ki pradhaanata sthaapit karta hai, koi kisi ki. brahmavaivart puraan ka jo parichay matsyapuraan mein diya gaya hai uske anusaar usamein rathantar kalp aur varaah avataar ki katha honi chaahiye par jo brahmavaivart aajkal milta hai usamein yeh katha naheen hai. Krishna ke vrundaavan ke raas se jin bhakton ki trupti naheen hui thi unke liye golok mein sada honevaale raas ka usamein varnan hai. aajkal ka yeh brahmavaivart musalmaanon ke aane ke kai sau varsh peechhe ka hai kyonki ismein 'julaaha' jaati ki utpatti ka bhi ullekh hai— 'mlechhaat kuvindakanyaayaan' jola jaatirbabhoov h' (10, 121). brahmapuraan mein teerthon aur unke maahaatmya ka varnan bahut adhik hain, anant vaasudev aur purushottam (jagannaath) maahaatmya tatha aur bahut se aise teerthon ke maahaatmya likhe gaye hain jo praacheen naheen kahe ja sakte. 'purushottamapraasaad' se avashya jagannaath ji ke vishaal mandir ki or hi ishaara hai jise gaangeya vansh ke rija chodganga (san 1077 i0) ne banavaaya tha. matsyapuraan mein diye hue lakshan aajkal ke padmapuraan mein bhi poore naheen milte hain. vaishnav saanpradaayikon ke dvesh ki ismein bahut si baatein hain. jaise, paashadilkshan, maayaavaadaninda, taamasashaastr, puraanavarnanaityaadi. vaisheshik, nyaaya, saankhya aur chaarvaak taamas shaastr kahe gaye hain aur yeh bhi bataaya gaya hai ki daityon ke vinaash ke liye buddh roopi vishnu ne asat bauddh shaastr kaha. isi prakaar matsya, koorm, ling, Shiv, skand aur agni taamas puraan kahe gaye hain. saaransh yeh ki adhikaansh puraanon ka vartamaan roop hajaar varsh ke bheetar ka hai. sabke sab puraan saampradaayik hai, ismein bhi koi sandeh naheen hai. kai puraan (jaise, vishnu) bahut kuchh apne praacheen roop mein milte hain par unamein bhi saanpradaayikon ne bahut si baatein badha di hain.

yadyapi aajkal jo puraan milte hain unamein se adhiktar peechhe se bane hue ya prakshipt vishyon se bhare hue hain tathaapi puraan bahut praacheen kaal se prachalit the. bruhadaaranyak aur shatapath braahman mein likha hai ki geeli lakdi se jaise dhuaaain alag alag niklata hai vaise hi mahaan bhoot ke ni:shvaas se rigved, yajurved saamaved, atharvaangirs, itihaas, puraanavidya, upanishd, shlok, sootr, vyaakhyaan aur anuvyaakhyaan hue. chhaandogya upanishd mein bhi likha hai ki itihaas puraan vedon mein paaainchavaaain ved hai. atyant praacheen kaal mein vedon ke saath puraan bhi prachalit the jo yagya aadi ke avsaron par kahe jaate the. kai baatein jo puraan ke lakshanon mein hain, vedon mein bhi hain. jaise, pehle asat tha aur kuchh naheen tha yeh sarg ya srushtittv hai; devaasur sangraam, urvashi puroorava samvaad itihaas hai. mahaabhaarat ke aadi parv mein (1. 233) bhi anek raajaaon ke naam aur kuchh vishay ginaakar kaha gaya hai ki inke vruttaant vidvaan satkaviyon dvaara puraan mein kahe gaye hain. isse kaha ja sakta hai ki mahaabhaarat ke rachanaakaal mein bhi puraan the. manusmruti mein bhi likha hai ki pitrukaaryon mein ved, dharmashaastr, itihaas, puraan aadi sunaane chaahiye.

ab prashn yeh hota hai ki puraan hain kiske banaae. shivpuraan ke antargat reva maahaatmya mein likha hai ki athaarahon puraanon ke vakta matyavateesut vyaas hain. yahi baat jan saadhaaran mein prachalit hai. par matsyapuraan mein spasht likha hai ki pehle puraan ek hi tha, usi se 18 puraan hue (53. 4). braahmaand puraan mein likha hai ki vedavyaas ne ek puraanasanhita ka sankalan kiya tha. iske aage ki baat ka pata vishnu puraan se lagta hai. usamein likha hai ki vyaas ka ek lomaharshan naam ka shishya tha jo sooti jaati ka tha. vyaas ji ne apni puraan sanhita usi ke haath mein di. lomaharshan ke chhah shishya the— sumati, agnivrcha, mitrayu, shaanshapaayan, akrutavran aur saavarni. inmein se akrut- vran, saavarni aur shaanshapaayan ne lomaharshan se padhi hui puraanasanhita ke aadhaar par aur ek ek sanhita banaai. vedavyaas ne jis prakaar mantron ka sangrahakar un ka sanhitaaon mein vibhaag kiya usi prakaar puraan ke naam se chale aate hue vrutton ka sangrah kar puraanasanhita ka sankalan kiya. usi ek sanhita ko lekar sut ke chelon ke teen aur sanheetaaeain banaai. inheen sanhitaaon ke aadhaar par athaarah puraan bane honge. matsya, vishnu, brahmaand aadi sab puraanon mein brahmapuraan pehla kaha gaya hai. par jo brahmapuraan aajkal prachalit hai vah kaisa hai yeh pehle kaha ja chuka hai. jo kuchh ho, yeh to oopar likhe pramaan se siddh hai ki athaarah puraan vedavyaas ke banaae naheen hain. jo puraan aajkal milte hain unamein vishnupuraan aur brahmaandapuraan ki rachana auron se praacheen jaan padti hai. vishnupuraan mein 'bhavishya raajavansh' ke antargat guptavansh ke raajaaon tak ka ullekh hai isse vah prakaran isa ki chhathi shataabdi ke pehle ka naheen ho sakta. jaava ke aage jo baali taapoo hai vahaaain ke hinduon ke paas brahmaandapuraan mila hai. in hinduon ke poorvaj isa ki paaainchavi shataabdi mein bhaaratavarsh mein poorv ke dveepon mein jaakar base the. baaleevaale brahmaadapuraan mein 'bhavishya raajavansh prakaran' naheen hai usamein janamejaya ke prapautr adhiseemakrushn tak ka naam paaya jaata hai. yeh baat dhyaan dene ki hai. isse prakat hota hai ki puraanon mein jo bhavishya raajavansh hai vah peechhe se joda hua hai. yahaaain par brahmaandapuraan ki jo praacheen pratiyaaain milti hain dekhna chaahiye ki unamein bhoot aur vartamaanakaalik kriya ka prayog kahaaain tak hai. 'bhavishyaraajavansh varnan' ke poorv unamein ye shlok milte hain— tasya putr: shataaneeko balabaan satyavikram:. tat: surt shataaneekan vipraastamabhyashechayan.. putroshvamedhadatto/?/bhoot shataaneekasya veeryavaan. putro/?/shvamedhadattaadvai jaat: parapurajay:.. adhiseemakrushno dharmaatma saampatoyan mahaayashaa:. yasmin prashaasati maheen yushmaabhiridmaahrutam.. duraapan deerghasatran vai treeni darshaani pushkaram varshadvayan kurukshetre drushadvatyaan dvijottamaa:.. arthaat— unke putr balavaan aur satyavikram shataaneek hue. peechhe shataaneek ke putr ko braahmanon ne abhishikt kiya. shataaneek ke ashvamedhadatt naam ka ek veeryavaan putr utpann hua. ashvamedhadatt ke putr parapuranjaya dharmaatma adhiseemakrushn hain. ye hi mahaayasha aajkal pruthvi ka shaasan karte hain. inheen ke samay mein aap logon ne pushkar mein teen varsh ka aur drushadvati ke kinaare kurukshetr mein do varsh tak ka yagya kiya hai. ukt ansh se prakat hai ki aadi brahmaandapuraan adhiseemakrushn ke samay mein bana. isi prakaar vishnupuraan, matsyapuraan aadi ki pareeksha karne se pata chalta hai ki aadi vishnupuraan pareekshit ke samay mein aur aadi matsyapuraan janamejaya ke prapautr adhiseemakrushn ke samay mein sankalit hua.

puraan sanhitaaon se athaarah puraan bahut praacheen kaal mein hi ban gaye the iska pata lagta hai. aapastanbadharmasootr (2. 24. 5) mein bhavishyapuraan ka pramaan is prakaar udadhrut hai— aabhoot sanplavaatte svargajit:. pun: sarge beejeertha bhavateeti bhavishyatpuraane. yeh avashya hai ki aajkal puraan apne aadim roop mein naheen milte hain. bahut se puraan to asal puraanon ke na milne par fir se nae rache gaye hain, kuchh mein bahut si baatein jod di gayi hain. praay: sab puraan shaiv, vaishnav aur saur sanpradaayon mein se kisi na kisi ke poshak hain, ismein bhi koi sandeh naheen. vishnu, rudr, soorya aadi ki upaasana vaidik kaal se hi chali aati thi, fir dheere dheere kuchh log kisi ek devata ko pradhaanata dene lage, kuchh log doosare ko. is prakaar mahaabhaarat ke peechhe hi sanpradaayon ka sootrapaat ho chala. puraanasanhitaaeain usi samay mein bani. fir aage chalakar aadipuraan bane jinka bahut kuchh ansh aajkal paae jaanevaale kuchh puraanon ke bheetar hai. puraanon ka uddeshya puraane vrutton ka sangrah karna, kuchh praacheen aur kuchh kalpit kathaaon dvaara upadesh dena, devamahima tatha teerthamahima ke varnan dvaara janasaadhaaran mein dharmabudidh sthir rakhana di tha. isi se vyaas ne soot (bhaat ya kathakked) jaati ke ek purush ko apni sankalit aadipuraanasanhita prachaar karne ke liye di.

jain puraanon ka parichay : jain parampara mein 63 shalaaka-mahaapurush maane gaye hain. puraanon mein inki kathaaen tatha dharm ka varnan aadi hai. praakrut, sanskrut, apabhransh tatha anya deshi bhaashaaon mein anek puraanon ki rachana hui hai. donon sampradaayon ka puraan-saahitya vipul parimaan mein upalabdh hai. inmein bhaarateeya itihaas ki mahatvapoorn saamagri milti hai.

mukhya puraan hain:- jinsen ka 'aadipuraan' aur jinsen (dvi.) ka 'arishtanemi' (harivansh) puraan, ravishen ka 'padmapuraan' aur gunabhadr ka 'uttarapuraan'. praakrut aur apabhransh bhaashaaon mein bhi ye puraan upalabdh hain. Bhaarat ki sanskruti, parampara, daarshanik vichaar, bhaasha, shaili aadi ki drushti se ye puraan bahut mahatvapoorn hain.

jain dharm mein bhi bahut se puraan bane hain. inmein se 24 puraan to teerthakaron ke naam par hain; aur bhi bahut se hain jinmein teerthakaron ke alaukik charitra, sab devataaon se unki shreshthata, jainadharm sambandhi tatvon ka vistaar se varnan, falastuti, maahaatmya aadi hain. alag padmapuraan aur harivansh (arishtanemi puraan) bhi hain.

samast aagam grantho ko chaar bhaago main baanta gaya hai

(1) prathamaanuyog

(2) karanaanuyog

(3) charanaanuyog

(4) dravyaanuyog.

anya granth

1.shatkhandaagam,

2.dhavala teeka,

3.mahaadhavala teeka,

4.kasaayapaahud,

5.jayadhavala teeka,

6.samayasaar,

7.yogasaar

8.pravachanasaar,

9.panyachaastikaayasaar,

10.baarasaanuvekkha

11.aaptameemaansa,

12.ashtashati teeka,

13.ashtasahasri teeka,

14.ratnakarand shraavakaachaar,

15.tattvaarthasootr,

16.tattvaartharaajavaartik teeka,

17.tattvaarthashlokavaartik teeka,

18.samaadhitntr,

19.ishtopadesh,

20.bhagavati aaraadhana,

21.moolaachaar,

22.gommatasaar,

23.dravyasangrah,

24.akalankagranthatrayi,

25.lagheeyastrayi,

26.nyaayakumudachandr teeka,

27.pramaanasangrah,

28.nyaayavinishchayavivran,

29.siddhivinishchayavivran,

30.pareekshaamukh,

31.prameyakamalamaartand teeka,

32.purushaarthasiddhyupaaya

33.bhadrabaahu sanhita

bauddh granthon mein kaheen puraanon ka ullekh naheen hai par Tibet aur Nepal ke bauddh 9 puraan maanate hain jinhein ve navadharm kehte hain —

• (1) prajnyaaapaaramita (nyaaya ka granth kehna chaahiye),
• (2) gandavyooh,
• (3) samaadhiraaj,
• (4) lankaavataar (raavan ka malayaagiri par jaana aur shaakyasinh ke upadesh se bodhijnyaaan laabh karna varnit hai),
• (5) tathaagataguhyak,
• (6) saddharmapundareek,
• (7) lalitvistar (buddh ka charitra),
• (8) suvarnaprabha (lakshmi, sarasvati, pruthvi aadi ki katha aur unka shaakyasinh ka poojan)
• (9) dashabhoomeeshvar

• vaidik puraan-katha-shaastr

• sukhasaagar ke saujanya se

• ved-puraan - yahaaain chaaron ved evam das se adhik puraan hindi arth sahit upalabdh hain. puraanon ko yahaaain suna bhi ja sakta hai.
• maharshi prabandhan vishvavidyaalaya - yahaaain sampoorn vaidik saahitya sanskrut mein upalabdh hai.
• jnyaaanaamrutam - ved, aranyak, upanishd aadi par samyak jaankaari
• ved evam vedaang - aarya samaaj, jaamanagar ke jaalaghar par sabhi ved evam unke bhaashya diye hue hain.
• jinka udeshya hai - ved prachaar
• ved-vidyaa_dauta_kaum
• shreemad Bhagwat puraan ki aarti
• vedapuraan - yahaaain sabhi puraanon ke pi di ef praaroop upalabdh hain.