punarvasu
yeh lekh rishi ke baare mein hai. anya prayog hetu, punarvasu (bahuviklpi) dekhein.
punarvasu maatreyasanhita ke rachayita evam aayurvedaachaarya the. atri rishi ke putr hone ke kaaran inhein punarvasu aatreya kaha jaata hai. atri rishi swayam aayurvedaachaarya the. ashvaghosh ke anusaar, aayurved-chikitsaatantr ka jo bhaag atri rishi poora naheen kar sake the use inhonne poorn kiya tha. charakasanhita ke mool granth agniveshatantr ke rachayita agnivesh ke ye guru evam bharadvaaj rishi ke samakaaleen the. inhonne apne pita evam bharadvaaj rishi se aayurved ki shiksha praapt ki thi. inke rahane ka koi sthaan nishchit naheen tha. paryatan karte hue ye aayurved ka upadesh dete the. aatreya ke naam par lagbhag tees aayurvedeeya yog upalabdh hain. inmein balatail evam amrutaadya tail ka nirdesh charakasanhita mein praapt hai.