puduchcheri

puduchcheri kendra shaasit pradesh
பaaுaaதaaுaaசaa்aaசaaேaaரaaி
Éatat de Poudouchéary
kendra shaasit pradesh
पुदुच्चेरी की एक सड़क
puduchcheri ki ek sadak
samay mandal: IST (UTC+5:30)
desh Flag of India.svg Bhaarat
jila 4
' 1 November 1954
rajdhani paundicheri
sabse bada nagar paundicheri
uparaajyapaal ikbaal Singh
mukhya mantri N. rangaasvaami
vidhaan sabha (seatein) ekasadaneeya (30)
janasankhya
ghanatv
9,73,829
• 1,979 /kimi2 (5,126 /varg meal)
aadhikaarik bhaasha(eain) tamil, fraanseesi, telugu, malayalam
kshetrafal 492 ki.mee² (190 varg meal)
ISO 3166-2 IN-PY
aadhikaarik jaalasthal: www.pondicherry.gov.in

Erioll world.svgnirdeshaank: 11°a56′aN 79°a50′aE / 11.93°aN 79.83°aE / 11.93; 79.83 puduchcheri, (pehle paundicheri), Bhaarat ganaraajya ka ek kendra shaasit pradesh hai. pehle puduchcheri ek fraanseesi upanivesh tha jisme 4 pruthak jilon ka samaavesh tha. puduchcheri ka naam paundichri iske sabse bade jile puduchcheri ke naam par pada tha. sitmbar 2006 me paundichri ka naam aadhikaarik roop se badalkar puduchcheri kar diya gaya jiska ki sthaaneeya tamil me arth naya gaaainv hota hai. Bhaarat ka yeh kshetr lagbhag 300 varshon tak fraanseesi adhikaar mein raha hai aur aaj bhi yahaan fraanseesi vaastushilp aur sanskruti dekhne ko mil jaati hai. puraane samay mein yeh France ke saath hone vaale vyaapaar ka mukhya kendra tha. aaj anek paryatak iske sundar samudra taton aur tatkaaleen sabhyata ki jhalak paane ke liye yahaan aate hain. keval paryatan ki drushti se hi naheen balki aadhyaatmik aur dhaarmik drushti se bhi yeh sthaan bahut mahatvapoorn hai. is kaaran prativrsh laakhon ki sankhya mein paryatak yahaan aate hain.

anukram

bhoogol

spot upagrah dvaara praapt chitr.

puduchcheri Bengal ki khaadi ke poorv mein sthit ek kendra shaasit pradesh hai. puduchcheri moolat: 4 pruthak (bina jude huye) jilon se milkar bana hai. ye jile hai:

puduchcheri aur karaaikal iname se sabse bade jile hain.

sarkaari bhaashaaen

tamil, telugu, malayalam aur fraanseesi yahaaain ki aadhikaarik bhaashaaeain hai. pratyek jile ke saath-saath har bhaasha ki sthiti bhinn hai. vibhinn jilon ke beech samvaad sthaapit karne ke liye aamtaur par angreji ka upayog kiya jaata hai.

  • tamil: is bhaasha ka upayog puduchcheri ke tamil bahul jilon aur karaaikal mein kiya jaata hai. yeh tamil naadu raajya ki bhi aadhikaarik bhaasha hai, saath hi yeh Sri Lanka tatha Singapore mein bhi ek sah-aadhikaarik bhaasha hai. Malaysia aur maureeshas mein bhi yeh bhaasha boli jaati hai.
  • telugu: puduchcheri ki ek anya aadhikaarik bhaasha, jo adhiktar yanam mein prayog hoti hai. isliye adhik sahi dhang se kahein to yeh puduchcheri mein kshetreeya aadhikaarik bhaasha hai, jabki yanam jile ki yeh aadhikaarik bhaasha hai. yeh Andhra pradesh raajya mein bhi aadhikaarik bhaasha hai. aur yeh puduchcheri aur karaaikal mein bhi vyaapak roop se boli jaati hai.
  • malayalam: puduchcheri ki ek anya aadhikaarik bhaasha, par maahe (malayalam jile) mein adhik upayog mein laai jaati hai. isliye adhik sahi dhang se kahein to yeh puduchcheri mein kshetreeya aadhikaarik bhaasha hai, jabki maahe jile ki aadhikaarik bhaasha. yeh Kerala raajya aur lakshadveep kendra shaasit pradesh mein bhi aadhikaarik bhaasha hai.
  • fraanseesi: puduchcheri ki ek anya aadhikaarik bhaasha. yeh fraanseesi India ki bhi aadhikaarik bhaasha thi (1673-1954) aur iska aadhikaarik darja 28 May 1958 ko Bhaarat aur France ke beech hui samarpan sandhi se sanrakshit raha.

anuchhed 28 ke anusaar fraanseesi puduchcheri ke vaidhaanik aadhikaarik bhaasha hai aur samarpan sandhi ke anusaar,

  • Le françaaais restera langue officielle des Éaatablissements aussi longtemps que les repréaasentants éaalus de la population n'auront pas pris une déacision difféaarente (fraanseesi sanskaran)
  • fraanseesi bhaasha tab tak pratishthaanon ki aadhikaarik bhaasha rahegi jab tak ki janta ke nirvaachit pratinidhiyon dvaara anyatha bhinn nirnaya naheen liya jaata hai. (hindi sanskaran)

janasaankhyaki

paundichri kshetr ka maanachitr, kendra shaasit pradesh paundichri, Bhaarat.

mukhya aakarshan

vidhaan sabha.

puducheri mein bhaarateeya aur French sanskruti ki ek saath darshan hote hain. yahaan ke smaarak itihaas se roobaroo karaate hain to vaheen mandir man ko shraddha se bhar dete hain.

aadhyaatm ki bhoomi

jeevan ki bhaagadaud se thak chuke log jo shaanti va aadhyaatm ki talaash mein hain, unke liye puducheri bilkul sahi jagah hai. praacheen kaal se hi puducheri vaidik sanskruti ka kendra raha hai. yeh mahaan rishi agastya ki bhoomi hai. puducheri ki aadhyaatmik shakti 12veen shataabdi mein aur badhi, jab yahaan aravidon aashram ki sthaapana hui. prativrsh saikadon log sukoon ki talaash mein yahaan aate hain.

peraadaaij beech

yeh beech shahar se 8 kimi. door kuddalor main road ke paas sthit hai. is beech ke ek or chhoti khaadi hai. yahaan keval naav dvaara hi jaaya ja sakta hai. naav par jaate samay paani mein daulfin ke karatab dekhna ek sukhad anubhav hai. yahaan ka vaataavaran dekhkar iske naam ki saarthakata ka ehsaas hota hai. yeh vaastav mein svarg ke samaan hai.

oroville beech

oirovile.

jaisa ki naam se hi jaahir hai yeh beech oroville ke paas sthit hai. puducheri se 12 kimi. door is tat ka paani adhik gahra naheen hai. isliye paani mein tairane ke shaukeenon ke liye yeh bilkul sahi jagah hai. saptaahaant mein yahaan samay bitaana logon ko bahut bhaata hai. us dauraan yahaan bahut bheed rahati hai. baaki din yahaan jyaada bheedbhaad naheen hoti.

park smaarak

(aayi mandapam) puducheri ke beechon beech sthit yeh sarkaari park yahaan ka sabse khoobsoorat saarvajanik sthaan hai. yahaan ka mukhya aakarshan park ke kendra mein bana aayi mandapam hai. is safed imaarat ka nirmaan nepoliyn truteeya ke shaasan kaal mein kiya gaya tha. yeh greek-roman vaastu shilp ka utkrusht namoona hai. is jagah ka naam mahal mein kaam karne waali ek mahila ke naam par rakha gaya tha. us mahila ne apne ghar ke sthaan par ek jalakund banaaya tha. kabhi nepoliyn ne yahaan ka paani peekar apni pyaas bujhaai thi aur vah isse khush hokar smaarak ka naam aayi mandapam rakha.

arikmedu

yeh aitihaasik jagah puducheri ke 4 kimi. dakshin mein sthit hai. yeh sthaaneeya logon ke roman kauloniyon ke saath vyaapaar ka prateek hai. yeh vyaapaar isa poorv doosari shataabdi mein hota tha. yahaan sthaaneeya vyaapaari vaain ka aayaat karte the aur iske badle mein kapda, bahumoolya ratn aur aabhooshan niryaat karte the. abhi bhi yahaan 18vi. shataabdi mein nirmit French jesoot mission house ke khandahar dekhe ja sakte hain. yeh house 1783 mein band kar diya gaya tha.

aanand ranga pillai mahal

jab yahaan fraanseesi shaasan tha, tab aanand ranga pillai puducheri ke raajyapaal the. unke dvaara likheen daayariyaan 18veen shataabdi ke France aur Bhaarat sambandhon ke baare mein jaankaari deti hain. yeh mahal dakshini bhaag par bachi hui kuchh praacheen imaaraton mein se ek hai. iska nirmaan 1738 mein kiya gaya tha. iska vaastushilp bhaarateeya aur French shaili ka anootha mishran hai.

dupleks ki pratima

freinkauis dupleks puducheri ke Governor the jo 1754 tak is pad par rahe. 1870 mein inke dvaara kiye gaye kaaryo ko dekhte hue inhein shraddhaanjali arpit karne ke uddeshya se do pratimaaon ki sthaapana ki gayi thi. ek France mein aur doosra puducheri mein hai. 2.88 mi. oonchi grenaait se nirmit yeh moorti gauvart evenyoo par sthit hai.

villannoor

shri gokilanbal tirukaameshvar mandir puducheri se 10 kimi. door hai. das divseeya brahmotsav ke dauraan yahaan hajaaron ki sankhya mein shraddhaalu yahaan aate hain. yeh brahmotsav May-June ke beech manaaya jaata hai. is utsav mein mandir ke 15 mi. oonche rath ko kheencha jaata hai. hajaaron bhakton dvaara rath kheenche jaane ka drushya adabhoot hota hai. puducheri ke uparaajyapaal bhi is yaatra mein bhaag lete hain. sarvadharm samabhaav ki prateek yeh yaatra French shaasan kaal ke dauraan bhi hoti thi. us samay Governor French swayam is rath ko kheenchate the. iske alaava yahaan 10 haikteyar mein faili osteri jheel hai jahaan pakshiyon ki durlabh prajaatiyaan pai jaati hain.

niktavarti darshaneeya sthal

shinji

puducheri ke uttar pashchim mein sthit villupuram jile mein is kshetr ka sabse sundar aur aakarshak kila shinji hai. 800 feet ooncha yeh vishaal kila teen pahaadiyon (raajagiri, krushnaagiri aur chandraayan durg) tak faila hai. kile ka mukhya hissa raajagiri pahaad par hai jo teenon pahaadon mein se sabse bada hai. kile ke andar annabhandaar gruh, shastraagaar, tank aur mandir hai. iska pravesh dwaar kalyaan mahal ke saamane hai. lagbhag 700 mi. ki oonchaai par ek pul hai jo kile ko anya imaaraton se jodta hai. itni oonchaai se neeche shinji nagar ko dekhna romaanchit kar deta hai. uchit shulk dekar aap is aitihaasik kile ko nikat se dekh sakte hain.

chidm‍aabaram

yeh jagah puducheri ke dakshin mein raashtreeya raajamaarg 45e par sthit hai. chidm‍aabaram Shiv mandir ke liye prasiddh hai. yahaan Shiv ki shubhanaayak nataraaj avataar ki pooja hoti hain. is mandir ka nimaarn 10veen se 14veen shataabdi ke beech hua tha. kaha jaata hai ki 10veen shataabdi mein chol raaja paraantaka pratham ne is mandir ko sone se dhak diya tha jiske baad sooraj ki roshani mein mandir jagamagaata rahata tha. mandir mein shivji ki aksh lingam roop mein bhi pooja ki jaati hai.

aavaagaman

vaayu maarg

najadeeki havaai adda chainnai hai jo Bhaarat aur duniya ke pramukh shaharon se juda hua hai.

rel maarg

niktatam rel jankshan villaapuram hai jo chennai aur madurai/triveindram se juda hai.

sadak maarg

raashtreeya raajamaarg 45 ke dvaara puducheri jaaya ja sakta hai.

sandarbh

baahari kadiyaaain