pruthveeraaj chauhaan

Ajmer sthit pruthveeraaj chauhaan ki moorti.

pruthveeraaj chauhaan (san 1149-1192) chauhaan vansh ke hindu kshatriya raaja the[1][2] jo uttari Bhaarat mein 12 veen sadi ke uttaraardh ke dauraan Ajmer aur Delhi par raajya karte the. pruthveeraaj ko 'rai pithaura' bhi kaha jaata hai. vah chauhaan raajavansh ka prasiddh raaja the. pruthveeraaj chauhaan ka janm Ajmer raajya ke rajput raaja somashvar ke yahaaain hua tha.[3][4][5][6][7]

unki maata ka naam kapoori devi tha jinheain poore baarah varsh ke baad putr ki praapti hui thi. pruthveeraaj ke janm se raajya mein raajaneetik khalabali mach gayi unheain bachapan meain hi maarane ke kai prayatऩ kiye gaye par ve bachate gaye. chandabaradaai aur pruthveeraaj chauhaan bachapan se hi achhe mitr aur bhaai samaan the. vah tomar vansh ke raaja anang paal ka dauhitr (beti ka beta) tha aur uske baad Delhi ka raaja hua. uske adhikaar mein Delhi se lekar Ajmer tak ka vistrut bhoobhaag tha. pruthveeraaj ne apni rajdhani Delhi ka navanirmaan kiya. tomar naresh ne ek gadh ke nirmaan ka shubhaaranbh kiya tha, jise pruthveeraaj ne sabse pehle ise vishaal roop dekar poora kiya. vah unke naam par pithauraagadh kahalaata hai aur Delhi ke puraane kile ke naam se jeernaavastha mein vidyamaan hai.

anukram

pruthveeraaj chauhaan ka janm

san 1100 i0 mein Delhi mein mahaaraaja anangapaal tomar ka shaasan tha. usaki ekalauti santaan usaki putri karpoori devi thi. usako koi putr naheen tha. karpoori devi ka vivaah Ajmer ke mahaaraaj rajput raaja someshvar chauhaan ke saath hua tha. Ajmer ke raaja someshvar aur raani karpoori devi ke yahaaain san 1149 mein ek putr paida hua. jo aage chalakar bhaarateeya itihaas mein mahaan hindu samraat pruthveeraaj chauhaan ke naam se prasiddh hua. use Delhi ke antim hindu shaasak ke roop me bhi jaana jaata hai. itihaas me pruthveeraaj ke mahobe ke chandelon se sangharsh ko aalha kaavya me varnit kiya gaya hai. ‌ usaka kannauj ke shaasak jayachand ke saath bhi mukaabala hua baad me isi dushmani ki vajah se muhammad gori ke saath huyi doosari ladaai me usaki bhaari kshati huyi evam paraajaya huyi.

inka raajya Rajasthan aur Haryana tak tha. aur usane muslim aakramanon ke khilaaf raajapooton ko ekeekrut kiya.

pruthvi raaj ne pratham yuddh mein san 1191 mein muslim shaasak sultaan muhammad shahaabuddeen Gauri ko haraaya. Gauri ne agale saal doosari baar hamla kiya aur pruthvi raaj ko haraaya aur san 1192 mein taraain ke dviteeya yuddh mein kabja kar liya. ab Delhi musalmaan shaasakon ke niyantran mein aa gayi. Delhi mein kila rai pithaura bhi pithauraagadh ke roop mein pruthveeraaj dvaara hi banaaya hua hai.

Delhi ka uttaraadhikaar

mahaaraaja anangapaal ke yahaaain koi putr naheen tha iski chinta unhein din raat rahati ki unke baad Delhi ka uttaraadhikaar kaun sanbhaalega. yahi vichaar kar unhonne apni putri ke samaksh pruthveeraaj ko Delhi ka Yuvraj banaane ki baat kahi. fir unhonne apne daamaad Ajmer ke mahaaraaja someshvar se bhi is baare mein vichaar-vimarsh kiya. raaja someshvar aur raani karpoori devi ne iske liye apni sahamati pradaan kar di jiske falasavaroop pruthveeraaj ko Delhi ka Yuvraj ghoshit kar diya gaya. 1166 i0 mein dilleepati mahaaraaj anangapaal ki mrutyu ke baad pruthveeraaj ko vidhi poorvak Delhi ka uttaradaayitv saunp diya gaya.

pruthveeraaj chauhaan aur sanyogita ki premakatha

pruthveeraaj chauhaan aur sanyogita ki premakatha Rajasthan ke itihaas mein svarn se ankit hai. veer rajput javaan pruthveeraaj chauhaan ko uske naana ne god liya tha. varshon Delhi ka shaasan suchaaru roop se chalaane vaale pruthveeraaj ko kannauj ke mahaaraaj jayachand ki putri sanyogita bha gayi. pehli hi najar mein sanyogita ne bhi apna sarvasv pruthveeraaj ko de diya, parantu donon ka milan itna sahaj na tha. mahaaraaj jayachand aur pruthveeraaj chauhaan mein kattar dushmani thi.

Rajkumari sanyogita ka svayanvar aayojit kiya gaya, jismein pruthveeraaj chauhaan ko naheen bulaaya gaya tatha usaka apamaan karne hetu darabaan ke sthaan par usaki pratima lagaai gayi. theek vakt par pahuainchakar sanyogita ki sahamati se mahaaraaj pruthveeraaj ne usaka apaharan kar liya aur meelon ka safar ek hi ghode par tay kar apni rajdhani pahuainchakar vivaah kar liya. jayachand ke sipaahi usaka baal bhi baaainka naheen kar paae.

mohammad gauri dvaara paraajit hone par use bandi bana kar gauri apne saath le gaya tatha unki aaainkhein garam salaakhon se jala di gain. gauri ne pruthveeraaj se antim ich‍aachha poochhi to chandabaradaayi dvaara, jo ki pruthveeraaj ka abhinn sakha tha, pruthveeraaj shabd bhedi baan chhodne mein maahir soorama hai is baare mein bataaya evam gauri tak iski is kala ke pradarshan ki baat pahuainchaai. gauri ne manjoori de di. pradarshan ke dauraan gauri ke shaabaas lafj ke udghosh ke saath hi bhari mehfil mein tha, us samay chand baradaayi ne chaar baaains chaubees gaj angul ash‍aath pramaan, ta oopar sultaan hai, mat chooko re chauhaan dohe dvaara pruthveeraaj ko sanket diya jis par andhe pruthveeraaj ne gauri ko shabdabhedi baan se maar giraaya tatha iske pashchaat apni durgati se bachane ke liye donon ne ek-doosare ka vadh kar diya.

amar premika sanyogita ko jab iski jaankaari mili to vah bhi veeraangana ki bhaaainti sati ho gayi. donon ki daastaan premagranth mein amit aksharon se likhi gayi.

raajanaitik neeti

pruthveeraaj ne apne samay ke videshi aakramanakaari muhammad Gauri ko kai baar paraajit kiya. yuva pruthveeraaj ne aarambh se hi saamraajya vistaar ki neeti apnaai. pehle apne sage-sambandhiyon ke virodh ko samaapt kar usane Rajasthan ke kai chhote raajyon ko apne kbje mein kar liya. fir usane bundelakhand par chadhaai ki tatha mahoba ke nikat ek yuddh mein chadelon ko paraajit kiya. isi yuddh mein prasiddh bhaaiyon, aalha aur oodal ne mahoba ko bachaane ke liye apni jaan de di. pruthveeraaj ne unhein paraajit karne ke baavajood unke raajya ko naheen hadpa. iske baad usane Gujarat par aakraman kiya, par Gujarat ke shaasak 'bheem dviteeya' ne, jo pehle muijjuddeen muhammad ko paraajit kar chuka tha, pruthveeraaj ko maat di. is paraajaya se baadhya hokar pruthveeraaj ko Punjab tatha ganga ghaati ki or mudna pada.

jayachandr ka vidvesh

kannauj ka raaja jayachandr pruthveeraaj ki vruddhi ke kaaran usase irshya karne laga tha. vah usaka vidveshi ho gaya tha. un yuddhon se pahile pruthveeraaj kai hindu raajaaon se ladaaiyaaain kar chuka tha. chandel raajaaon ko paraajit karne mein use apne kai vikhyaat senaanaayakon aur veeron ko khona pada tha. jayachandr ke saath hone vaale sangharsh mein bhi uske bahut se veeron ki haani hui thi. fir un dinon pruthveeraaj apne vruddh mantri par raajya bhaar chhod kar swayam sanyogita ke saath vilaas kreeda mein laga hua tha. un sab kaaranon se usaki sainya shakti adhik prabhaavashaalini naheen thi, fir bhi usane Gauri ke daaaint khatte kar diye the.

san. 1191 mein jab pruthveeraaj se muhammad Gauri ki vishaal sena ka saamana hua, tab rajput veeron ki vikt maar se musalmaan sainikon ke pair ukhad gaye. swayam Gauri bhi pruthveeraaj ke anuj ke prahaar se buri tarah ghaayal ho gaya tha. yadi usaka khilji sevak use ghode par daal kar yuddh bhoomi se bhagaakar na le jaata, to vaheen uske praan pakheroo ud jaate. us yuddh mein Gauri ki bhaari paraajaya hui thi aur use bheeshan haani uthaakar Bhaarat bhoomi se bhaagna pada tha. bhaarateeya raaja ke viruddh yuddh abhiyaan mein yeh usaki doosari badi paraajaya thi, jo anhilvaada ke yuddh ke baad sahani padi thi.

Gauri aur pruthveeraaj ka yuddh

kinvadantiyon ke anusaar Gauri ne 18 baar pruthveeraaj par aakraman kiya tha, jismein 17 baar use paraajit hona pada. kisi bhi itihaasakaar ko kinvadantiyon ke aadhaar par apna mat banaana kathin hota hai. is vishay mein itna nishchit hai ki Gauri aur pruthveeraaj mein kam se kam do bheeshan yuddh aavashyak hue the, jinmein pratham mein pruthveeraaj vijayi aur doosare mein paraajit hua tha. ve donon yuddh thaaneshvar ke niktavarti taraain ya taraavadi ke maidaan mein kramash: san. 1191 aur 1192 mein hue the.

pruthveeraaj ki sena

kaha jaata hai ki pruthveeraaj ki sena mein teen sau haathi tatha 3,00,000 sainik the, jinmein badi sankhya mein ghudsavaar bhi the. donon taraf ki senaaon ki shakti ke varnan mein atishyokti bhi ho sakti hai. sankhya ke hisaab se bhaarateeya sena badi ho sakti hai, par turk sena badi achhi tarah sangathit thi. vaastav mein yeh donon or ke ghudsavaaron ka yuddh tha. muijjuddeen ki jeet shreshth sangathan tatha Turkey ghudsavaaron ki teji aur dakshata ke kaaran hi hui. bhaarateeya sainik badi sankhya mein maare gaye. Turkey sena ne haansi, sarasvati tatha samaana ke kilon par kbja kar liya. iske baad unhonne Ajmer par chadhaai ki aur use jeeta. kuchh samay tak pruthveeraaj ko ek jaageeradaar ke roop mein raaj karne diya gaya kyonki hamein us kaal ke aise sikke mile hain jinki ek taraf 'pruthveeraaj' tatha doosari taraf 'shri muhammad saam' ka naam khuda hua hai. par iske sheegra hi baad shadyantr ke aparaadh mein pruthveeraaj ko maar daala gaya aur uske putr ko gaddi par baithaaya gaya. Delhi ke shaasakon ko bhi usaka raajya vaapas kar diya gaya, lekin is neeti ko sheegra hi badal diya gaya. Delhi ke shaasak ko gaddi se utaar diya aur Delhi ganga ghaati par turkon ke aakraman ke liye aadhaar sthaan ban gayi. pruthveeraaj ke kuchh bhootapoorv senaaniyon ke vidroh ke baad pruthveeraaj ke ladke ko bhi gaddi se utaar diya gaya aur usaki jagah Ajmer ka shaasan ek Turkey senaadhyaksh ko saunpa diya gaya. is prakaar Delhi ka kshetr aur poorvi Rajasthan turkon ke shaasan mein aa gaya.

pruthveeraaj ka vijayi abhiyaan

Gujarat ke bheemadev ke saath yuddh

Gujarat mein us samay chaalukya vansh ke mahaaraaja bheemadev solanki ka raaj tha. usane pruthveeraaj ke kishor hone ka faayda uthaana chaahata tha. yahi vichaar kar usane naagaur par aakraman karne ka nishchaya kar liya. pruthveeraaj kishor avashya tha parantu usame saahas-sayam aur niti-nipunata ke bhaav koot-koot kar bhare huve the. jab pruthveeraaj ko pata chala ke chaalukya raaja ne naagaur par apna adhikaar karna chaahate hai to unhonne bhi apni sena ko yuddh ke liye taiyaar rahane ke liye kaha. bheemadev ne hi pruthveeraaj ke pita someshvar ko yuddh mein hara kar mrutyu ke ghaat utar diya tha. naugar ke kile ke baahar bheemadev ke putr jagadev ke saath pruthveeraaj ka bheeshan sangraam hua jisme antat: jagadev ki sena ne pruthveeraaj ki sena ke saamane ghutne tech diye. falasavaroop jagadev ne pruthveeraaj se sandhi kar li aur pruthveeraaj ne use jeevan daan de diya aur uske saath veerataapoorn vyavhaar kiya. jagadev ke saath sandhi karke usako akoot ghode, hathi aur dhan sampada praapt huyi. aas paas ke sabhi raajyon mein sabhi pruthveeraaj ki veerata, dheerata aur run koshal ka loha maanane lage. yaheen se pruthveeraaj chauhaan ka vijayi abhiyaan aage ki aur badhane laga.

pruthveeraaj aur sanyogita ka prem aur svayanvar

sanyongita kannauj ke raaja jayachand ki putri thi. vah badi hi sundar thi, usane bhi pruthveeraaj ki veerata ke anek kisse sune the. use pruthveeraaj devalok se utara koi devata hi prateet hota tha. vo apni saheliyon se bhi pruthveeraaj ke baare mein jaanakaariyaan leti rahati thi. ekabaar Delhi se pannaaraaya chitrakaar kannauj raajya mein aaya hua tha. uske paas Delhi ke saundarya aur raaja pruthveeraaj ke bhi kuchh durlabh chitr the. Rajkumari sanyongita ki saheliyon ne usako is baare mein jaankaari di. falasvaroop Rajkumari jaldi hi pruthveeraaj ka chitr dekhne ke liye utaavali ho gayi. usane chitrakaar ko apne paas bulaaya aur chitr dikhne ke liye kaha parantu chitrakaar usako keval Delhi ke chitr dikhta raha parantu Rajkumari ke man mein to pruthveeraaj jaisa yoddha basa hua tha. ant mein usane swayam chitrakaar pannaaraaya se mahaaraaj pruthveeraaj ka chitr dikhne ka aagrah kiya. pruthveeraaj ka chitr dekhkar vo kuchh pal ke liye mohit si ho gayi. usane chitrakaar se vah chitr dene ka anurodh kiya jise chitrakaar ne saharsh hi sveekaar liya. idhar Rajkumari ke man mein pruthveeraaj ke prati prem hilore le raha tha vaheen doosari taraf unke pita jayachand pruthveeraaj ki safalta se atyant bhayabheet the aur usase irshya bhaav rakhate the. chitrakaar pannaaraaya ne Rajkumari ka mohak chitr banaakar usako pruthveeraaj ke saamane prastut kiya. pruthveeraaj bhi Rajkumari sanyogita ka chitr dekhkar mohit ho gaye. chitrakaar ke dvaara unhein Rajkumari ke man ki baat pata chali to vo bhi Rajkumari ke darshan ko aatur ho pade. raaja jayachand hamesha pruthveeraaj ko nicha dikhne ka avsar khojata rahata tha. yeh avsar use jaldi praapt ho gaya usane sanyogita ka svayanvar rachaaya aur pruthveeraaj ko chhodkar bhaaratavarsh ke sabhi raajaaon ko nimantrit kiya aur usaka apamaan karne ke liye darbaar ke baahar pruthveeraaj ki moorti darabaan ke roop mein kadi kar di. is baat ka pata pruthveeraaj ko bhi lag chooka tha aur usane iska usi ke shabdon aur usi bhaasha mein javaab dene ka man bana liya. udhar svayanvar mein jab Rajkumari sanyogita varamaala haatho mein lekar raajaao ko paar karti ja rahi thi par usako uske man ka var nazar naheen aa raha tha. yeh raaja jayachand ki chinta bhi badh gayi. antat: sabhi raajaao ko paar karte hue vo jab antim chhor par pruthveeraaj ki moorti ke saamane se gujri to usane vahi apne priytam ke gale mein maala daal di. samast sabha mein haahaakaar mach gaya. raaja jayachand ne apni talavaar nikal li aur Rajkumari ko maarane ke liye dode par usi samay pruthveeraaj aage badh kar sanyogita ko thaam liya aur ghode par baithaakar nikal pada. vaastav mein pruthveeraaj swayam moorti ki jagah khada ho gaya tha. iske baad to raaja jayachand ke man mein pruthveeraaj ke prati kaafi katuta bhar gayi aur vo avsar ki tak mein rahane laga.

taraain ka pratham yuddh (Gauri ki paraajaya)

The last stan of Rajputs against Muhammadans.jpg

apne saamraajya ke vistaar aur suvyavastha par pruthveeraaj ki paini drushti hamesha jami rahati thi. ab unki ichha Punjab tak vistaar karne ki thi. kintu us samay Punjab par muhammad shaahabuddeen Gauri ka raaj tha. 1190 i0 tak sampoorn Punjab par muhammad Gauri ka adhikaar ho chuka tha. ab vah bhatinda se apna raajakaaj chalta tha. pruthveeraaj yeh baat bhali bhaanti janta tha ki muhammad Gauri se yuddh kiye bina Punjab mein chauhaan saamraajya sthaapit karna asambhav tha. yahi vichaar kar usane Gauri se nipatne ka nirnaya liya. apne is nirnaya ko moort roop dene ke liye pruthveeraaj ek vishaal sena lekar Punjab ki or ravaana ho gaya. teevr kaaryavaahi karte hue usane haansi, sarasvati aur sarahind ke kilo par apna adhikaar kar liya. isi beech use suchana mili ki anaheelavaada mein vidrohiyon ne unke viruddh vidroh kar diya hai. Punjab se vah anaheelavaada ki or chal pada. unke peeth peechhe Gauri ne aakraman karke sarahind ke kile ko pun: apne kabje mein le liya. pruthveeraaj ne sheegra hi anaheelavaada ke vidroh ko kuchal diya. ab usane Gauri se nirnaayak yuddh karne ka nirnaya liya. usane apni sena ko nae dhang se susajjit kiya aur yuddh ke liye chal diya. raavi nadi ke tat par pruthveeraaj ke senaapati samar Singh aur Gauri ki sena mein bhayankar yuddh hua parantu kuchh parinaam naheen nikla. yeh dekh kar pruthveeraaj Gauri ko sabak sikhaane ke liye aage badha. thaaneshvar se 14 meal door aur sarahind ke kile ke paas taraain naamak sthaan par yeh yuddh lada gaya. taraain ke is pehle yuddh mein raajapooto ne Gauri ki sena ke chhakke chhuda diye. Gauri ke sainik praan bacha kar bhaagane lage. jo bhaag gaya uske praan bach gaye, kintu jo saamane aaya use gaajar-muli ki tarah kaat daala gaya. sultaan muhammad Gauri yuddh mein buri tarah ghaayal hua. apne ooainche Turkey ghode se vah ghaayal avastha mein girne hi wala tha ki yuddh kar rahe ek uske sainik ki drushti us par padi. usane badi furti ke saath sultaan ke ghode ki kamaan sanbhal li aur kood kar Gauri ke ghode par chadh gaya aur ghaayal Gauri ko yuddh ke maidaan se nikaal kar le gaya. netrutv viheen sultaan ki sena mein khalabali mach chuki thi. turk senik rajput sena ke saamane bhaag khade hue. pruthveeraaj ki sena ne 80 meal tak in bhaagte turkon ka peechha kiya. par turk sena ne vaapas aane ki himmat naheen ki. is vijay se pruthveeraaj chauhaan ko 7 karod rupaye ki dhan sampada praapt huyi. is dhan sampada ko usane apne bahaadur sainiko mein baaaint diya. is vijay se sampoorn bhaaratavarsh mein pruthveeraaj ki dhaak jam gayi aur unki veerata, dheerata aur saahas ki kahaani sunaai jaane lagi.

taraain ka dviteeya yuddh (1192 i0) aur jayachand ka deshdroh

pruthveeraaj chauhaan dvaara Rajkumari sanyogita ka haran karke is prakaar kanauj se le jaana raja jayachand ko buri tarah kachot raha tha. uske hradaya mein apamaan ke teekhe teer se chubh rahe the. vah kisi bhi keemat par pruthveeraaj ka vidhvansh chaahata tha. bhale hi use kuchh bhi karna pade. vishvasaneeya sootron se use pata chala ki muhammad Gauri pruthveeraaj se apni paraajaya ka badla lena chaahata hai. bas fir kya tha jayachand ko maano apne man ki muraad mil gayi. usane Gauri ki sahaayata karke pruthveeraaj ko samaapt karne ka mab banaaya. jayachand akele pruthveeraaj se yuddh karne ka saahas naheen kar sakta tha. usane socha is tarah pruthveeraaj bhi samaapt ho jaayega aur Delhi ka raajya usako puraskaar savaroop de diya jaayega. raaja jayachand ke deshdroh ka parinaam yeh hua ki jo muhammad Gauri taraain ke yuddh mein apni haar ko bhula naheen paaya tha, vah fir pruthveeraaj ka mukaabala karne ke shadyantr karne laga. raaja jayachand ne doot bhejkar Gauri ko sainya sahaayata dene ka aashvaasan diya. deshdrohi jayachand ki sahaayata paakar Gauri turant pruthveeraaj se badla lene ke liye taiyaar ho gaya. jab pruthveeraaj ko ye suchana mili ki Gauri ek baar fir yuddh ki taiyaariyon mein juta hua to un par koi prabhaav naheen pada. muhammad Gauri ki sena se mukaabal karne ke liye pruthveeraaj ke mitr aur raaj kavi chandabaradaai ne anek rajput raajaao se sainya sahaayata ka anurodh kiya parantu sanyogita ke haran ke kaaran bahot se rajput raaja pruthveeraaj ke virodhi ban chuke the ve kannauj naresh ke sanket par Gauri ke paksh mein yuddh karne ke liye taiyaar ho gaye. 1192 i0 mein ek baar fir pruthveeraaj aur Gauri ki sena taraain ke kshetr mein yuddh ke liye aamne saamane khadi thi. donon or se bheeshan yuddh shuroo ho gaya. is yuddh mein pruthveeraaj ki aur se 3 lakh seniko ne bhaag liya tha jabki Gauri ke paas ek lakh bees hajaar sainik the. Gauri ki sena ki vishesh baat ye thi ki uske paas shaktishaali ghudsavaar dasta tha. pruthveeraaj ne badi hi aakraamakata se Gauri ki sena par aakraman kar kiya. us samay bhaarateeya sena mein haathi ke dvaara sainya prayog kiya jaata tha. Gauri ke ghudsavaaro ne aage badhakar rajput sena ke haathiyon ko gher liya aur unapar baan varsha shuroo kar di. ghaayal haathi na to aage badh paae aur na peechhe balki unhonne ghabara kar apni hi sena ko rondana shur kar diya. taraain ke dvitya yuddh ki sabse badi traasadi yeh thi ki deshdrohi jayachand ke sanket par rajput sainik apne rajput bhaaiyo ko maar rahe the. doosra pruthveeraaj ki sena raat ke samay aakraman naheen karti thi (yahi niyam mahaabhaarat ke yuddh mein bhi tha) lekin turk sainik raat ko bhi aakraman karke maarakaat macha rahe the. parinaamasvaroop is yuddh mein pruthveeraaj ki haar hui aur usako tatha raaj kavi chandabaradaai ko bandi bana liya gaya. deshdrohi jayachand ka isse bhi bura haal hua, usako maar kar kannauj par adhikaar kar liya gaya. pruthveeraaj ki haar se Gauri ka Delhi, kannauj, Ajmer, Punjab aur sampoorn bhaaratavarsh par adhikaar ho gaya. Bhaarat me islaami raajya sthaapit ho gaya. apne yogya senaapati kutubuddeen aibak ko Bhaarat ka Governor bana kar Gauri, pruthveeraaj aur chandabaradaai ko yuddhabandhi ke roop mein apne gruh raajya Gauri ki aur ravaana ho gaya.

chandabaradaai krut pruthveeraaj raaso

ant mein apne pramaad aur jayanchadr ke dvesh ke kaaran vah paraajit ho gaya aur usaki mrutyu ho gayi. usaka mrutyu kaal san. 1248 maana jaata hai. uske pashchaat muhammad Gauri ne kannauj naresh jayachandr ko bhi haraaya aur maar daala. aapasi dvesh ke kaaran un donon ki haar aur mrutyu hui. pruthveeraaj se sambandhit ghatnaaon ka kaavyaatmak varnan chandabaradaai krut pruthveeraaj raaso naamak granth mein hua hai.

baahari kadiyaaain

sandarbh