prushiya

prushiya apne charam par

prushiya, (jarman: Preußaen), ek uttar Europeeya aitihaasik raajya tha. iski rajdhani barlin thi. 18 veen aur 19 veen shataabdiyon mein yeh raajya apne charam par tha.

itihaas

prasha ki aitihaasik unnati evam avanati ki kahaani hoऍtsaalarn (Hohenzollern) parivaar se sambandhit hai. isi parivaar ka ek sadasya fredarik san 1415 E. mein breindanabarg ka maargrev (Margrave) bana aur do baras baad use elaiktar ov braindanabarg (Elector of Brandenburg) ki upaadhi se vibhooshit kiya gaya. san 1525 mein braindanavarg ke ailbart ne apne aapko prasha ka aanuvaanshik Duke ghoshit kiya. 1618 mein prasha par braindanabarg ke elektar ka adhikaar ho gaya. san 1701 E. mein fredarik pratham (Frederick I) prasha raajya ka sarvapratham raaja hua. san 1861 E. mein William pratham ke raajagaddi par aate hi is raajya ki unnati hone lagi aur 1871 mein prasha ka raaja jarman samraat ban gaya. prasha ka vistaaravaadi neeti ke falasvaroop hi pratham vishvayuddh ka sootrapaat hua. is vishvamahaayuddh mein Germany ki paraajaya hui tatha iski ek lamba bahut bada bhaag Poland ke haath laga jisse prasha poorvi aur pashchimi do bhaagon mein vibhkt ho gaya. is bhoobhaag ka naam polish kaureedor (Polish Corridor) rakha gaya. dviteeya vishvayuddh ki mahaagni ne prasha ko tahas nahas kar diya aur antat: raajya ke liye haanikaarak siddh hua. ismein roos ne poorvi prasha tatha stetin (Stattin) nagar ko apne adhikaar mein le liya. san 1947 E. mein elaaid control kaaunsil (Allied Control Council) ne prasha ka astitv hi samaapt kar diya. uske baad iska adhikaansh bhaag kamyoonist poorvi Germany, Poland tatha roos ne le liya.