proteen

maanav ke rudhirvarnika(heemoglobin) ki sanrachana- proteen ki dono upaikaaiyon ko laal env neele rang se tatha lauh bhaag ko hare rang se dikhaaya gaya hai.

proteen ya probhoojin ek jatil bhooyaati yukt kaarbanik padaarth hai jiska gathan kaarban, haaidrojan, aakseejan evam naaitrojan tatvon ke anuon se milkar hota hai. kuchh proteen mein in tatvon ke atirikt aanshik rup se gandhak, jasta, taaainba tatha faasforas bhi upasthit hota hai.[1] ye jeevadravya (protoplaajm) ke mukhya avayav hain evam shaareerik vruddhi tatha vibhinn jaivik kriyaaon ke liye aavashyak hain. raasaayanik gathan ke anusaar proteen ko saral proteen, sanyukt proteen tatha vyutpann proteen naamak teen shreniyon mein baanta gaya hai. saral proteen ka gathan keval ameeno aml dvaara hota hai evam sanyukt proteen ke gathan mein ameeno aml ke saath kuchh anya padaarthon ke anu bhi sanyukt rahate hain. vyutpann proteen ve proteen hain jo saral ya sanyukt proteen ke vightan se praapt hote hain. ameeno aml ke pauleemaraaijeshan se banane vaale is padaarth ki anu maatra 10,000 se adhik hoti hai. praathamik svaroop, dviteeyak svaroop, truteeyak svaroop aur chatushk svaroop proteen ke chaar pramukh svarup hai.

proteen tvacha, rakt, maansapeshiyon tatha haddiyon ki koshikaaon ke vikaas ke liye aavashyak hote hain. jantuon ke shareer ke liye kuchh aavashyak proteen enjaaim, haarmon, dhone wala proteen, sikudne wala proteen, sanrachanaatmak proteen evam surakshaatmak proteen hain.[2] proteen ka mukhya kaarya shareer ki aadhaarbhoot sanrachana ki sthaapana evam injaaim ke roop mein shareer ki jaivarasaayanik kriyaaon ka sanchaalan karna hai. aavashyakataanusaar isse oorja bhi milti hai. ek gram proteen ke prajaaran se shareer ko 4.1 kaileeri ooshma praapt hoti hai.[3] proteen dvaara hi pratijaivik (enteebaudeej) ka nirmaan hota hai jisse shareer pratirksha hoti hai. J. J. mooldar ne 1840 mein proteen ka naamakaran kiya. proteen banaane mein 20 ameeno aml bhaag lete hain. paudhe ye sabhi ameeno aml apne vibhinn bhaagon mein taiyaar kar sakte hain. jantuon ki kuchh koshikaaeain inmein se kuchh ameeno aml taiyaar kar sakti hai, lekin jinko yeh shareer koshikaaon mein sanshleshan naheen kar paate unhein jantu apne bhojan se praapt kar lete hain. is ameeno aml ko anivaarya ya aavashyak ameeno aml kehte hain. manushya ke anivaarya ameeno aml liuseen, aaisoliuseen, veleen, laaiseen, triptofen, fenilelaaneen, methioneen evam threoneen hain.[3]

srot

paudhe apni jaroorat ke ameeno aml ka sanshleshan swayam kar lete hain, parantu jantuon ko apni proteen ki jaroorat ko poora karne ke liye kuchh ameeno amlon ko baahar se khaadya ke roop mein lena padta hai. shaakaahaari sroton mein chana, matar, moong, masoor, udd, soyaabeen, raajama, lobhiya, gehooain, makka pramukh hain. maans, machhali, anda, doodh evam yakrut proteen ke achhe maansaahaari srot hain. paudhon se milnevaale khaadya padaarthon mein soyaabeen mein sabse adhik maatra mein proteen paaya jaata hai. ismein 40 pratishat se adhik proteen hota hai. solah se atthaarah varsh ke aayu vargavaale ladke, jinka vajan 57 kilogram hai, unke liye pratidin 78 gram proteen ki aavashyakta hoti hai. isi tarah samaan aayu varg waali ladkiyon ke liye, jinka vajan 50 kilogram hai, unke liye pratidin 63 gram proteen ka sevan jaroori hai. garbhavati mahilaaon ke liye 63 gram, jabki stanapaan karaanevaali mahilaaon ke liye (chhah maah tak) pratidin 75 gram proteen ka sevan aavashyak hai.[4]

sandarbh

  1. prasaad, chandramohan (July 2004). bhautik evam rasaayan vigyaan. Kolkata: bhaarati sadan. pa॰ 262.
  2. gupt, taarakanaath (November 2004). bhautiki evam rasaayan shaastr. Kolkata: bhaarati pustak mandir,. pa॰ 280.
  3. a aa Bannerjee, vivekaanand (November 2004). intar praanivijnyaaan. Patna: bhaarati bhavan,. pa॰ 280.
  4. poshaahaar, proteen : iska mahatva.(hindi). India davalapameint getave. svaasthya portal