prataapagadh, Rajasthan

is lekh ko vikifaai karne ki aavashyakta ho sakti hai taaki yeh vikipeediya ke gunavatta maanakon par khara utar sake. krupaya praasangik aantarik kadiyaaain jodkar, ya lekh ka leaaut sudhaar kar sahaayata pradaan karein. adhik jaankaari ke liye daahini or [dikhaaeain] par klik karein. krupaya upayukt sthaanon par HTML markup ki jagah viki markup ka prayog karein. vyaakaran sambandhit trutiyon ko sudhaarein. vikilink jodein. uchit sthaanon par shabdon ke dono or [[ aur ]] daalkar anya lekhon ki kadiyaaain jodein. aise shabdon ki kadiyaaain na jodein jo adhiktar paathak jaante hon, jaise aam vyavasaayon ke naam aur rojmarra ki vastueain. adhik jaankaari ke liye svashiksha lein. bhoomika baaaindhein lekh ki bhoomika banaaeain athva sudhaarein. shaili maargadarshak ke anusaar bhaagon ko vyavasthit roop se lagaaeain. yadi upayukt ho to lekh mein jnyaaanasandook jodein. is sab ke pashchaat yeh taig hataaeain.

raajya	Rajasthan, Bhaarat
prashaasanik prabhaag	Udaipur sambhaag
mukhyaalaya	prataapagadh, Rajasthan
kshetrafal	4,117.36 kimi2 (1,589.72 varg meal)
janasankhya	8,68,231 (2011)
janasankhya ghanatv	133.6 /kimi2 (346 /varg meal)
shahari janasankhya	71,728
saaksharata	47.12 (2011 mein)
Loksabha nirvaachan kshetr	chittaudgadh
vidhaanasabha mein seatein	prataapagadh (san॰ 172) dhaariyaavaad (san॰ 157)
pramukh sadkein	enaech 113 (raashtreeya raajamaarg 113)
aadhikaarik jaalasthal

prataapagadh, kshetrafal mein Bhaarat ke sabse bade raajya ^[1] Rajasthan ke 33vein jile prataapagadh jile ka mukhyaalaya hai.^[2] praakrutik sanpada ka dhani kabhi ise 'kaanthal pradesh' kaha gaya. yeh naya jila apne kuchh praacheen aur pauraanik sandarbhon se jude sthaanon ke liye darshaneeya hai, yadyapi iske suvichaarit vikaas ke liye van vibhaag[2] aur paryatan vibhaag[3][4] ne koi bahut ullekhaneeya yogadaan ab tak naheen kiya hai.

Rajasthan ke dakshini hisse mein Udaipur sambhaag mein yeh jila 24°.02' uttar aur 74°.46' poorv ke beech avasthit hai. sanbhaag mukhyaalaya Udaipur se yeh 179 kilometer ya 111 meal door hai|^[3]

prataapagadh jila samudra tal se ausatan 1610 feet ya 580 meter ki ooainchaai par basa hai aur kaha yeh jaata hai ki ooainchaai ki drushti se Rajasthan mein maaunt Abu ke baad sarvaadhik ooainchaai wala yahi jila hai. na yahaan-pashchimi Rajasthan ke baadmer jaisa dahakata hua registaan hai, na chooru jaise shaharon si kadaake ki thand! sthaaneeya jalavaayu manabhaavan samasheetoshn hai. puraane prataapagadh raajya ke uttar mein gvaaliyr, dakshin mein ratalaam, pashchim mein mevaad (Udaipur) aur baansavaada) poorv mein jaavara/ mandasaur aur neemach ke raajya aur jile the.^[4]

bhaarateeya upamahaadveep ki sarvaadhik praacheen parvatamaala araavali aur maalava ke pathaar ki sandhi par avasthit Rajasthan ke is jile ke bhoogol mein araavali aur maalava donon ki hi bhaugolik-visheshataaeain ek saath pahachaani ja sakti hain.

peepalakhoont ka bhoodrushya : he. she.

puraane dastaavejon ke anusaar jaakham, Shiv, era, retam aur karamoi mukhya nadiyaaain theen. 30 graameen taalaabon ke alaava yahaaain 'tejasaagar' naamak pramukh taalaab tha.^[5] jaakham, maahi aur sivaana yahaaain ki teen mukhya nadiyaaain hain, chhoti-chhoti barasaati nadiyon ke alaava anya nadiyon mein som, era aur karamoi naamak nadiyaaain bhi hain, jo praay: greeshmakaal mein sookh jaati hain, par padausi jile baansavaada ke vikhyaat maahi baandh mein prataapagadh jile ki kai nadiyon aur praakrutik jaladhaaraaon ka paani shaamil hota hai.

jile ki ausat vaarshik-varsha 856 se 900 mileemeetar hai, par har varsh ismein har baras thode-bahut utaar-chadhaav dekhe jaate rahe hain. (udaaharan ke liye 2010 mein jile ki varsha ka saalaana ausat 799 mileemeetar hi raha tha. bhaugolik itihaas ke pariprekshya mein dekhein- to san 1893 mein yahaaain 64 inch baarish hui thi, to san 1899 mein mahaj 11 inch!)^[6] chittaudagadh ke jila gajetiyr ke anusaar "5 sitmbar 1955 ko 24 ghanton ke dauraan 279.9 mileemeetar varsha ka record prataapagadh ke mausam vibhaag mein darj hai".

yahaaain bhoomi aam taur par urvarak kaali mitti (Black Cotton Soil) hai, jo jvaalaamukhi-laava se nirmit hai. July 2011 mein prataapagadh ke ek gambhir shodhakarta madan vaishnav ne yeh daava kiya tha ki unhonne prataapagadh mein lagbhag 2,500 saal pehle hue ek jvaalaamukhi visfot ke thos sootr dhoondhe hain, "jiske laave ki vajah se hi bahut saare gaanvon ki mitti (bhoomi) kaali aur laal hai."

praacheen bhoo-abhilekh dastaavejon ke aadhaar par is jile mein kheti ki bhoomi kismein 'sinchit', 'asinchit-kaali-bhoomi, 'dhaamani', 'kankarot', 'adaan' aur 'banjar-kaali' theen.

chhoti saadadi ke alaava prataapagadh ke baaki chaar upakhand- prataapagadh, aranod, peepalakhoont aur dhariyaavad 'van-kshetr' ke antargat aarakshit hain, isliye jile mein bade ya madhyam-shreni ke udyogon ko shuroo karne ki sambhaavnaaen bahut kam hain. 'Rajasthan indastreej end investameint korporeshan (reeko) ne (prataapagadh shahar mein) ek alag audyogik-kshetr viksit kiya zaroor hai, par kal-kaarkhaane lagaane ke ichhuk udyogapatiyon ke abhaav mein ye aaj bhi sunasaan pada hua bhookhand hai.

khanan-kaarya ki yahaaain iseeliye anumati naheen hai ki jile ka jyaadaatar hissa van shreni mein vargeekrut hai, haalaaainki [chhoti saadadi]] ke alaava prataapagadh aur dhariyaavad tahaseel ke chuninda bhaagon mein kelsaait, dolomaait, red okar, sop ston, kvaartj, felsapar aadi ka khanij-utkhanan hota hai. yahaaain (kam maatra mein) sangamaramar, imaarati-patthar, choona-patthar (laaim-ston) aadi ke kuchh bhandaar bhi hain.[5]

khani-abhiyanta kaaryaalaya, prataapagadh se praapt aankadon ke anusaar "dhariyaavad mein 75, chhoti saaddi mein 30 aur prataapagadh mein 10 khaanon ko anujnyaaapatr diye gaye hain, jinke dvaara kramash: 1175 hekteyar, 1098 hekteyar aur 11 hekteyar mein sangamaramar, felsapar, red-okar aur anya khanij nikaale ja rahe hain."

prataapagadh jile ka kul bhaugolik kshetrafal 4,11,736 hektayar hai, jismein se 1,20,976 hektayar bhaag saghan vanon se aachhaadit bhoobhaag hai. ^[7] yeh raajya ke van-ausat se kaheen adhik hai. bhaugolik drushti se aarakshit van-kshetr aur kul upalabdh bhoomi ka tahaseelavaar kshetrafal is prakaar hai-

prataapagadh mein ek sudoor gaanv rohaniya ke stri-purush aur bachche

agar shahari aabaadi ke aankade dekhein to aitihaasik-pariprekshya mein neeche di ja rahi taalika se prataapagadh aur chhoti saadadi nagareeya janasainkhya par prakaash padta hai:

aitihaasik dastaavej batalaate hain ki 1881 mein 'parataabagadh' ki janasainkhya 79,569 hua karti thi. yeh aabaadi 1951 ki janaganana mein 1,10,530 ankit hai! 2001 ki janaganana ke aankadon ki baat karein to prataapagadh ki janasainkhya 2,06,965 thi, aranod ki 1,12,072, dhariyaavad ki 1,52,655, peepal khoont ki- 1,18,439 aur chhoti saadadi ki aabaadi 1,16,676 ankit ki gayi thi. Bhaarat ki janaganana 2011 ke aaranbhik aankadon ke anusaar prataapagadh jile ki kul aabaadi 8,68,231 hai, jismein se 4,37,941 purush aur 4,30,281 striyaan hain, jab ki 2001 ki gat janaganana mein yahaan 7,06,707 logon ki ginti ki gayi thi. jaisalamer jile ke baad raajya ki sabse kam aabaadi wala jila prataapagadh darj hua hai.

kram se pehle graameen, fir shahari

janasainkhya (%) 91.73 % 8.27 %

kul aabaadi 796,041 71,807| purush aabaadi 401,171 36,573| stri aabaadi 394,870 35,234| lingaanupaat 984 963| baal-lingaanupaat (0-6) 936 898| baal janasainkhya (0-6) 141,751 8,767| shishu ladke (0-6) 73,237 4,619| shishu ladkiyaan (0-6) 68,514 4,148| baal-pratishat (0-6) 17.81 % 12.21 %| baalakon ka pratishat 18.26 % 12.63 %| baalikaaon ka pratishat 17.35 % 11.77 %| saakshar 348,072 53,443| purush saaksharata 220,661 29,461| stri saaksharata 127,411 23,982| ausat saaksharata 53.20 % 84.78 %| purush saaksharata 67.29 % 92.20 %| stri saaksharata 39.04 % 77.15 %| [6]

sthaapana aur raajya-vistaar

suvikhyaat itihaasakaar mahaamahopaadhyaaya pandit gaureeshankar heeraachand ojha (1863–1947) ke anusaar "prataapagadh ka sooryavansheeya rajput raajaparivaar mevaad ke guhil vansh ki sisodiya shaakha se sambaddh raha hai".^[8]mahaaraana kumbha (1433-1468 isvi) chittaudagadh aur mahaaraana prataap bhi isi vansh ke prataapi shaasak the, kaha jaata hai ki unke chachere bhaai kshem Singh/kshemakarn se unka sampatti sambandhi koi paarivaarik vivaad kuchh itna badha ki naaraaj mahaaraana kumbha ne unhein apne raajya chittaudagadh se hi nirvaasit kar diya. kuchh ka maanana hai ki bhaai-bhaai mein talavaarein na khinchein, isliye kshemakarn swayam ghareloo-yuddh taalane ki garaj se chittaudagadh ko alvida kah aaye. un ka parivaar mevaad ke dakshini parvateeya ilaakon mein kuchh samay tak to lagbhag visthaapit sa raha, baad mein kshemakarn ne san 1437 isvi mein mevaad ke dakshini bhoobhaag, devaliya aadi gaanvon ko talavaar ke bal par 'jeet kar' apna naya raajya sthaapit kiya. [7]

devagadh mein puraana raajamahal : he. she.

kshemakarn ke putr (aur mahaaraana kumbha ke bhateeje) mahaaraana soorajamal ne 1514 isvi mein devagadh (ya devaliya) gram mein apna sthaai thikaana banaate hue 'nae raajya' ka vistaar kiya. baad mein soorajamal ke vanshaj mahaaraavat prataapasinh ne 1689-1699 mein devagadh se thodi door, ek naya nagar 'prataapagadh' basaaya |[8]

devagadh ya devaliya, jo jila-mukhyaalaya se lagbhag 12 kilometer ki doori par aaj prataapagadh ki up-tahaseel hai, jo praacheenatar gaanv ke roop mein apne bheetar itihaas aur puraatatv ke kai rahasya samete hue hai.

devaliya urf devagadh (prataapagadh) ke mandir mein moonchhon vaale Ram-Lakshman ki poojit pratimaaen : he. she.

yahaaain devaliya mein aaj bhi ek puraana raajamahal, bhootapoorv-raajagharaane ke smaarak (chhatariyaan), taalaab, baavadiyaaain, mandir aur kai anya aitihaasik avashesh vidyamaan hain. devagadh mein hi maatrushakti ke ek roop 'beejamaata' ka ek puraana mandir to hai hi, jainiyon ka Bhagwan mallinaath mandir aur Ram-darbaar mandir (raghunaathadvaara) bhi hain, jahaaain Ram aur Lakshman ko moortikaar ne badi-badi raajasthaani moonchhon mein dikhaaya hai. (moonchh vaale Ram-Lakshman ki moortiyaan kam hain, kaun jaane shaayad sirf yaheen hon!) isi mandir ki chhat par soorya ke prakaash ki sahaayata se samay bataane waali sangamaramar ki dhoop ghadi bhi hai.

bhootapoorv shaasakon ka vanshavruksh

kaalakramaanusaar prataapagadh ke bhootapoorv shaasakon ka vanshavruksh [9] kuchh is tarah milta hai:

itihaas ki kitaabon mein 'parataabagadh-raaj' ki pandrahaveen sadi se praay: agale sau saalon tak ka koi lamba-chauda vivran naheen milta, par mahaaraavat prataap Singh, jinhonne prataapagadh ki sthaapana kaanthal raaj ki nayi rajdhani ke roop mein ki, ke vakt se yahaan ke itihaas par thodi bahut roshani zaroor daali ja sakti hai! (saalon tak is ka naam prataapagadh naheen, aadivaasi dhab dhang se 'parataabagadh' hi likha aur bola jaata tha.)

prataap Singh ke baad pruthvi Singh(1708-1718) sangraam Singh (1718-1719) ummed Singh (1719-1721) aur gopaal Singh ke san 1721 se 1756 tak shaasan ke baare mein jyaada saamagri itihaas ke sroton mein ankit naheen hai. haaain, itna sanket to zaroor milta hai ki ek shaahi farmaan dvaara mahaaraavat prataap Singh ke uttaraadhikaari pruthvi Singh ko shaah aalam (pratham) ne "basaad ke paragane ki aay ke alaava apni praja ke liye khud apne sikke dhaal sakane ka adhikaar" diya tha.

prataapagadh ke riyaasat banaane ke baad 1578 tak baaraavarada aur basaad ko chhod kar sabhi 548 chhote bade gaanvon par prataapagadh ka aadhiptya ho gaya 1586 me 17 aakraman ke baad baaraavarada va 1603 me 43 se jyaada aakraman ke baad kar sambandhi sandhi va sena me alag tukadi ki baat ke saath basaad bhi prataapagadh me shaamil ho gaya jiske baad basaaङ ko alag paragana banaaya gaya

yeh bhi ullekh itihaas ke dastaavejon mein milta hai ki gopaal Singh ke shaasan-kaal mein maraathe har taraf sar uthaane lage the aur ve baahubal ke aadhaar par desi riyaasaton par bakaayada sangathit hamle karte the, par gopaal Singh ne mevaad se apne achhe sambandhon ke chalte Udaipur ke mahaaraana se na keval dhariyaavad paragane ka shaasan praapt kiya tha, balki vah maraathon ki loot se bhi apne raajya ko bahut kuchh mahafooj rakh sake the.^[9]

mugl aur british kaal

mugl aur british kaal mein prataapagadh raajya 'baahari' hastakshepon se bahut kuchh achhoota raha, kuchh isliye bhi ki na keval yahaaain ke tatkaaleen raajaaon ne Delhi ke shaasakon ko 15,000 rupaye ki saalaana 'khiraaj' dene ka nishchaya kiya, balki saalim Singh (1756-1774) ne mugl-shaasak shaah aalam dviteeya se apne raajya ke liye nae 'saalimshaahi sikke' prachalit karne ki likhit sveekruti ka naveeneekaran karavaaya, jo 'parataabagadh' ki sthaaneeya-takasaal mein mein hi dhaale jaane vaale the.

1761 mein malhaararaav holakar ke senaapati tukoji Rao ne prataapagadh ki gheraabandi ki, par vah yahaan se koi dhanaraashi vasool kar paane mein naakaamayaab raha. haaain, do saal baad 1763 mein malhaararaav holakar ne Udaipur jaate vakt saalim Singh se (saalimshaahi rupayon ki) vasooli zaroor ki. tab sab taraf maraathon ka utpaat bada prabal tha.

saalim Singh, jinhonne prataapagadh ke paas 'saalamagadh' basaaya tha, ke putr saamant Singh ke raajakaal mein maraathon ne to prataapagadh par hamla aur lootpaat na karne ki evaj mein 72,720/- saalimshaahi rupayon ki saalaana 'khiraaj' tak bandhava li. maraathon ke aatank se aajij aa kar saamant Singh ne 1804 mein angrejon se sandhi ki aur jo vasooli maraatha kiya karte the, vahi raashi angrejon ko diye jaane ka karaar kiya gaya; par Lord kaurnavaalis ki nayi raajya-neetiyon ke chalte ye karaar bhi bahut samay tak laagoo na rah saka aur prataapagadh antat: aaingarej hukoomat ke seedhe niyantran mein aa gaya. 1818 mein ek dafa fir prataapagadh ki angreji sarkaar se 12 sootreeya sandhi hui, jiske anusaar pehle saal mein, 35,000 rupaye aur paanchavein saal mein 72,700/- rupaye angrejon ko 'khiraaj' mein dene ka ikaraar kiya gaya.^[10] unka smaarak prataapagadh mein is link par dekha ja sakta hai-[10]

saamant Singh ne prataapagadh ka shaasan apne putr deep Singh ko saunp diya, jisne kuchh samay tak to theekathaak kaam chalaaya, par uske hi raajya ke kuchh virodhiyon ko sthaaneeya star par deep Singh ka shaasan ghor asantoshajanak jaan pada aur shaasan ke prati vidroh ki ghatanaaeain tej hone lageen, lihaaja sar uthaane vaale vidrohiyon ko kuchalane ki garaj se deep Singh ne kuchh ki hatya tak karva di. angreji aakaaon ko deep Singh ki yeh kaaryavaahi naagavaar gujri aur unhonne deep Singh ko (prataapagadh se nishkaasit karte hue) use devagadh chale jaane aur vaheen rahane ka hukm de daala. kuchh vakt tak to devagadh mein deep Singh lagbhag najraband raha, par angreji raaj ka hukum taalate hue vah thode hi vakt baad prataapagadh laut aaya. angreji raaj ko ye hukumaudooli sahan na hui, lihaaja aaingarej fauj ki ek tukadi ne aamne-saamane ki ek ladaai mein deep Singh ko hara kar bandi bana liya aur (aranod ke paas) achanera-kile mein bhej diya, jahaaain 1826 mein ek kaidi ke roop mein is raaja ne antim saaains li. bhale deep Singh ke jeevan ke panne raajanaitik-oohaapoh aur uthal-puthal ki ghatnaaon se bhare hon, usaki prasiddhi prataapagadh shahar mein banavaae gaye deepeshvar mandir aur deepeshvar taalaab ke nirmaata hone ki vajah se aaj bhi hai.

is srot ke theek ulat, "Bhaarat mein angreji raaj"ke yashasvi lekhak pandit sundar laal ne deepasinh ko ek deshbhakt senaani kunvar deepasinh kraantikaari ke roop mein in shabdon mein yaad kiya hai-

" bhaaratavarsh mein sabse pehle Bengal mein hi aajaadi ka bigul baja. 'aanand math' giroh ke kuchh kraantikaari bhaag kar dakshini rajputana ya maalava-anchal mein aae. devaliya prataapagadh ka kunvar deepasinh bangaali kraantikaariyon ke sampark mein aaya. doosari or usaka sambandh holkar darbaar se tha kyonki usaki riyaasat mugalon ko holkar ke dvaara khiraaj bhejati thi. us samay jasavantaraav holkar mahaaprataapi Rajkumar tha aur uske man mein bhi angrejon ke virudgh vidroh ke jvaar lahara rahe the kyonki angrej maraathon ko aapas mein ladaate the aur is prakaar unhonne Maharashtra mandal ko nasht kar diya tha. deepasinh aur jasavant Rao holkar ne kraanti ki taiyaariyaan ki aur unka pehla kaam in sandhiyon ko na hone dena tha, jinhein chanbal ke kinaare padaav daal kar baitha Lord lek aur doosare angrej maalava aur raajapootaane ke deshi riyaasaton ke raajaaon se sampark kar rahe the. yeh kunvar deepasinh ka hi prayatn tha ki angrej san 1800 mein prataapagadh riyaasat se sandhiptr likhvaane mein asafal rahe. san 1802 mein pun: prayatn kiya gaya. Bengal se jo kraantikaari, riyaasat devaliya prataapagadh aae the, unamein raamakrushn das naamak nimbaark-sanpradaaya ka ek bees varsheeya naujavaan bhi tha. usane apni pratibha, vidvatta aur unase bhi adhik apni utkrusht raashtreeyata se, raajaparivaar ko itna prabhaavit kiya ki parivaar ne devaliya mein apne sabse bade niji mandir 'shri raghunaath dwaar' ka mahant raamakrushn das ko bana diya. isse kunvar deepasinh ki yeh chaal safal hui ki vah ek atithi sharanaagat kraantikaari ko uske pad, maryaada ke anuroop surakshit rakhane mein safal ho gaya. angrej jaasoos, aanand math ke giroh ke bikhre hue logon aur jasavant Rao holkar ke viplavavaadiyon ka suraag lagaate hue devaliya pahunche. unke sanket par Bengal paidal sena ki ek tukadi raamakrushn das aur kunvar deepasinh ko giraftaar karne ke liye devaliya se lagbhag gyaarah meal door maalava ki disha mein aa dati. lekin deepasinh jyaada chatur nikla aur uske sainikon ne Bengal paidal sena ke kaptaan John bauyali aur anya logon ko maut ke ghaat utaar diya. is par angrej bahut bigde. lekin jab tak riyaasat mein raaj-kaaj kunvar deepasinh ke haathon mein pradhaanamantri ke roop mein raha, angrej hastakshep na kar sake. keval unke guptacharon ke jariye samaachaar jaate rahe. kuchh varsh baad kunvar deepasinh ko tarabooj mein jahar de kar maar dene ka jaghanya kaarya angrejon ke inheen jrakhareed jaasooson ka tha, jinhein un dinon angrejon ke dhanyavaad-patra baraabar milte rahe.

un dinon bishp haibar naam ka ek bada paadari Bhaarat ki yaatra par aaya tha. usane maalava aur devaliya prataapagadh ki bhi yaatra ki. usane apne yaatra varnanon mein kunvar deepasinh ka kaafi ullekh kiya hai. yeh nirvivaad satya hai ki yadi jasavantaraav holkar, kunvar deepasinh aur Bengal ke saathiyon ko desh ke anya shaasakon aur janta ka sahayog mil jaata, to san 1857 ki kraanti kam se kam chaalees-pachaas varsh poorv ho jaati aur safal bhi ho jaati kyonki un chaalees-pachaas varshon mein angrejon ko bhaarateeya saamaajik, raashtreeya aur aarthik jeevan mein foot daalne ka jo mauka mila, vah na milta. bhaarateeya udyog-dhanghon aur aatm nirbharata ko nasht karne ka mauka na milta....."(uddharan samaapt)

deep Singh ki achanera kaid (aranod mein) hui mrutyu ke baad saamant Singh ne (deep Singh ke putr) aur apne pote dalapat Singh ko raajya ka shaasan sonpa, jo 1844 mein un ka uttaraadhikaari bana, par agale hi saal 1825 mein khud dalapat Singh doongarapur raaja ke god chale gaye, jinhonne angreji hukoomat ke nirnaya ke aalok mein apne dattak putr udaya Singh ko to apni jagah doongarapur mahaaraaval ghoshit kiya aur khud prataapadh ke raaja bane. 1862 mein unhein bhi angreji hukoomat se is mansha ki sanad mil gayi ki unhein tatha unke uttaraadhikaariyon ko (khud ke koi putr na hone ki dasha mein) dattak-putr god lene ka adhikaar rahega.

sudhaaron ki bayaar

1865 mein jab udaya Singh gaddeenasheen hue to prataapagadh ke din sachmuch bahut kuchh fire. udaya Singh ne raajakaaj mein kai sudhaar kiye, deevaani adaalatein kaayam keen, kuchh kar maaf kiye gaye, uchit moolya ki sarkaari dukaanein kholeen aur 1876-1878 ke kukhyaat durbhiksh 'chhappaniya-kaal' ke dauraan praja ke liye kai raahat kaarya shuroo kiye. udaya Singh ne prataapagadh mein apne liye kuchh british tarj par ek alag mahal bhi banavaaya aur raajya mein prashaasanik sudhaaron par gambheerta se dhyaan keindrit kiya.

1867 mein yahaan pehli ayurvedik dispeinsari kholi gayi aur muft aadivaasi shikshaarth 1875 mein state primary school samet kuchh paathashaalaaen. 1875 isvi mein hi 'bandobast mahakame' ka gathan hua. do anubhavi haakimon ke alaava bandobast ke nae mahakame mein sadar-munsarim, patavaari, bandobast-ameen niyukt kiye gaye. pehle-pahal saakathali, hathooniya aur magara gaanvon samet 114 gaanvon ka bandobast kiya gaya tha.

1884 mein angrejon ki krupa se daak va taar vibhaag astitv mein aaya. 1890 mein udaya Singh ka dehaant hua, par choonki unka swayam ka koi putr na tha, unki vidhva raani ne apne pati ke chachere bhaai (aranod thikaane ke) raghunaath Singh ko god le liya, jinhein 1891 mein angreji shaasan ne (1862 ki sanad ke anuroop) divangat udayasinh ka uttaraadhikaari sveekaar kar liya.

isi saal 1893-94 mein 'sadar aspataal' bana, chungi-mahakame (custom office) ke alaava kuchh ek daakaghar bhi khule aur sabse upayogi nirmaan kaarya- gram raajapuriya se hote hue ek pakka sadak maarg, prataapagadh se mandasaur banaaya gaya, jo rel se prataapagadh ke baashindon ka pehla sampark-maarg bhi tha.

1894 isvi mein 'mahakama khaas' ka gathan hua. is vibhaag jo pramukh likhit 'kartavya' nirdhaarit kiye gaye, ve the- bhoo-raajasv (lagaan) ki vasooliyaaain karna, deevaani aur faujadaari maamalaat ka faisala, raajya ke raajasv rekord ka sandhaaran, 'bandobast-haakim' ki gair maujoodagi mein uske saare kaamkaaj dekhna, jan-sunavaai, daure aur nireekshan karna aur gaanvon mein lambaradaar aur patavaariyon ki niyukti karna vagairah. tab isi mahakame ke adheen haakim-maal naam ka tahaseeladaar ki tarah ka koi pad bhi hua karta tha, jiske adheen naayab-tahaseeladaar, sadar kaanoonago, patavaari, maafeedaar, ahalamad, ahalakaar, jama-kharch-navees, naayab-ahalakaar jaise kai pad hote the.

san 1904 mein pehli motor car

raajya ke aadhunikeekaran ki shuruaat bhi tabhi se hui. 1901 mein prataapagadh mein myunispal committee ya 'nagarapaalika' ka gathan kiya gaya, 1903 mein 'pinhe nobals school' khola gaya, 1904 mein logon ko, ek aashcharya ki tarah sadak par ghode ya haathi ki chir-parichit savaari ki jagah pehli baar pehli motor car dekhne ko mili.

raghunaath Singh ke kaaryakaal mein 1904 mein shaahi-takasaal band kar di gayi, kyonki 'saalimshaahi' sikke ki bajaay angreji-mudra ko hi prataapagadh raajya mein 'raajya-mudra' ke roop mein sveekaar kar liya gaya. raghunaath Singh ke shaasan mein hi 1912 mein 'distrikt-police-kaptaan' (S pi) ka naya pad banaaya gaya. state police-mahakame ka punargathan hua aur 'khaalasa gaanvon' mein bhi bhoo-prabandh laagoo kiya gaya.

us vakt kulami, kumhaar, aanjana aur maali pramukh krushak jaatiyon mein shumaar the, jinke paas ausatan 24 beegha krushi-bhoomi hua karti thi. tab bhi afeem ki dhatooriya kism behad mashakoor thi. sinchaai, kuon se charas dvaara paani kheench kar hoti thi. prataapagadh shahar mein, jise 'parataabagadh ' likha aur bola jaata tha, krushi-vyaapaar ke liye badi mandi laga karti thi. isi tarah ki kai sthaaneeya krushi mandiyaan aranod, kanora, motadi, Raipur aur saalamagadh mein bhi theen. 'parataabagadh' raajya ki vaarshik aamdani 1907 mein kareeb 6 lakh thi. aaj jile ka bhoo-raajasv kareeb 20 lakh + aur sinchaai-kar 30 lakh+ hai- jo raajyakosh ko jaata hai.

mahaaraavat raghunaath Singh ka uttaraadhikaar Ram Singh (1929-1940) ne grahan kiya. unke shaasan kaal mein shiksha, chikitsa, sthaaneeya shaasan adi kai kshetron mein kaam hua.1936 mein alag 15 rogi-shaiyaaon wala alag 'jnaana aspataal' nirmit kiya gaya, 1938 mein gram panchaayaton ka gathan kiya gaya aur nagarapaalika, prataapagadh mein naamaankit sadasyon ke alaava chun kar kuchh pratinidhi (nirvaachit) membar bhi aane lage. sabse ullekhaneeya baat thi - prataapagadh mein 1938 mein High Court ki sthaapana. Ram Singh ko angrejon ne 'sar' ki maanad sanad (upaadhi) bhi di thi.

tab ka prataapagadh

prataap Singh mahaaraavat ne san 1699 mein jis gaaainv ke aage ja kar prataapagadh ka nirmaan karavaaya tha, us gaaainv ka naam tha-doderiya ka kheda jo aaj bhi vidyamaan hai. tab yahaan aranod, dhamottar, baradiya, bajarangagadh, sakathali, suhaagapura, puniya khedi, jaanjali, kulathaana, paarasola, moongaana jaise kai bade gaanv the. yahaan ka doosra mahatvapoorn ksba ya thikaana- tha dhariyaavad, mahaaraana prataap ke pote sahasamal ne 16veen shataabdi ke madhya basaaya tha. (2008 se pehle tak dhariyaavad, Udaipur jile ki tahaseel thi, baad mein prataapagadh ka bhaag bani). kehte hain, puraane jmaane mein devagadh-prataapagadh ka saamraajya kareeb 889 vargameel ki paridhi mein faila hua tha. tab ise "kaanthal-raaj" ke roop mein jaana jaata tha.^[11] 'kaanthal' ka shaabdik maayana hai- 'kanth-pradesh' ya kinaare ka bhoobhaag!

saalim Singh ne apne shahar ki suraksha ke liye chaaron or ek parakota bhi nirmit karavaaya tha, jiske do chhote dwaar- 'taalaab baari' aur 'kila baari' aur chaar bade pravesh dwaar 'soorajapol', 'bhaatapura baari', 'devaliya daravaaja' aur 'dhamottar darvaaja' the. sooraj doobne ke saath hi ye sab ke sab nagar-dwaar band kar diye jaate the, baahar se aane vaalon ko sooryodaya tak shahar ke baahar hi raat bitaani padti thi.

ab ka prataapagadh

dhvast ho chuke prataapagadh-kile mein puraana raajamahal ab jiska maalik ek kabaadi hai! : he. she.

vah puraana 'parataabagadh'ab kahaaain ? samay-chakr ki raftaar ne parakota, puraani shaklosoorat ke nagaradvaar aur baavadiyaaain vilupt kar di hain aur raajaashaahi ke dinon ka puraana vaibhav ujad chala hai. prataapagadh aur devagadh ke donon mahal kisi kabaadi ne aune-paune daamon mein khareed liye the, usi ek kabaadi se khareed kar Jodhpur ke ek private vyavasaai, aitihaasik devagadh mahal ke 'maalik' hain. prataapagadh ka mahal ab bhi usi kabaadi ke paas hai jiski taraf na bhootapoorv raajaparivaar vaale jhaankate hain, na paryatan vibhaag ke aaka! mahaaraaja udaya Singh ka mahal ab unke chaukeedaaron ka aashiyaana hai. badle hue raajaneetik paridrushya ke nae 'raaja' janta dvaara nirvaachit lokatantr ke jan-pratinidhign ko na prataapagadh ke itihaas ka gyaan hai, na paramparaagat sanpadaaon ki raksha se koi sarokaar! sahasamal ke vartamaan vanshajon ke paas dhariyaavad mein paanch sadi puraana gadh ab bhi hai, par gaanv dhariyaavaad ke is 'raavale' ko marammat aur nayi saajasajja ke baad aajkal 'dhariyaavad heritej hotel' ka naya sa roop de diya gaya hai! dhariyaavad thikaane ki vartamaan peedhi ab paryatan se arth-praapti karne, ek angreji meediym- primary school chalaane ya raajaneeti ke akhaade mein lag gayi hai. prataapagadh ka bhootapoorv raajaparivaar Pune mein sthaai taur par nivaas kar raha hai.[11], yahaan ke bhootapoorv raajaparivaar se sambaddh shreemati ratna Singh[12] [13] prataapagadh (uttar pradesh) mein vivaahoparaant vaheen se ek baar Congress se Loksabha-saansad rahi hain.

jaanaagadh, khapradak (khairot) avaleshvar, basaad, shaivana, dhamottar, ghotaavarshika (ghotaarasi), sidheriya, gandharvapur (gandher), 'maad-hukalo' sahit prataapagadh jile mein kai sthaanon par faile aitihaasik aur puraataatvik mahatva ke avashesh, apni durdasha par aansoo bahaate aaj bhi dekhe ja sakte hain.

lagta ye hai raajya ke puraatatv aur sangrahaalaya vibhaag ne is praacheen kshetr ka koi vistrut ya 'gambhir' sarvekshan naheen karavaaya hai, isliye durbhaagya se yahaaain ki aitihaasik-sanpada mein se ek bhi sthal 'sanrakshit smaarak' shreni mein vargeekrut naheen hai, yadyapi lambe arase se iski maang sthaaneeya prashaasan ke alaava kai itihaasapremi bhi baraabar uthaate aa rahe hain!

yon puraatatv vibhaag dvaara yahaaain ke mahatvapoorn puraasthaanon ki soochi is link par drashtavya hai- [14] kuchh jaanadaar, kintu ab kacharaaghar ban chukeen 14 puraani baavadiyon ke jeernoddhaar ke prastaav jila prashaasan ne bheje hain. baavadiyon ki safaai ke kuchh achhe prayaas logon ne niji taur par kiye hain [15] koi naheen jaanta, praacheen sanpada ki raksha aur sanrakshan ka sapana kya dhanaabhaav mein kabhi poora hoga?

1931 mein prataapagadh mein svadeshi aandolan chala, jiske kaaryakarttaaon master raamalaal, raadhaavallabh somaani va ratanalaal ko bandi banaaya gaya. 1936 mein thakkar bagha ki prerana se raajya mein amrutalaal paayak ne harijn seva samiti ki sthaapana ki. paayak ne hi 1946 mein praja mandal ki sthaapana ki. desh ke aajaad hone ke baad prataapagadh mein lokapriya mantrimndal bana, jismein prajaamandal ke pratinidhi paayak mantri bane. April, 1948 mein prataapagadh sanyukt Rajasthan ka ang ban gaya.^[12] is tarah 1948 se 1952 ke beech prataapagadh ek svatantr jila raha tha, riyaasaton ke ekeekaran par seemaaon ke punargathan ke baad yeh pehle nimbaaheda aur baad mein chittaudagadh jile ka ek bhaag banaaya gaya. ganatantr diwas 2008 ko Rajasthan ki tatkaaleen mukhyamantri shreemati vasundhara raaje sindhiya dvaara vidhaan sabha bajat-satr mein ki gayi ghoshana ke baad ek baar fir ise svatantr jila banane ka mauka mila. [16][17]

prataapagadh paanch upakhandon/ panchaayat samitiyon se mil kar bana hai, jo hain- prataapagadh, chhoti saadadi, dhariyaavad[18], peepalakhoont aur aranod. (ye hi jile ki paanch tahaseelein/panchaayat samitiyaan bhi hain). prataapagadh tahaseel ki ekamaatr up tahaseel devagadh hai.

prataapagadh ke paas ke shaharon mein mandasaur (28 kilometer), chhoti saadadi (48), neemach (61), chittaudagadh(76) nimbaaheda(78), baaainsavaada(85), Udaipur (165) aadi hain.

prataapagadh jile ke apekshaakrut bade gaanvon mein dhamottar, siddhapura, rathaanjana, dhaulaapaani, devagadh, saalamagadh, paarasola, suhaagapura, ghantaali, aranod, gautameshvar, dalot, peepalakhoont, raajapuriya, bambori, bagavaas, gandher, asaavata, kulathaana, avaleshvar, mokhamapura, basera, vasaad, raajora, kuni, varamandal, bajarangagadh, raamapuriya, chiklaad, gyaasapur, baaraavarada, baradiya, thada, paanamodi aur jhaansadi aadi hain. jile ke samast gaaainvon ki soochi [19] [20] par dekhi ja sakti hai|

prataapagadh mein naya kalektret bhavan: he. she.

24 October 2010 se 13 August 1011 tak prataapagadh ke collector aur jila magistrate the hemant shesh, jo raajya sarkaar ki or se jila mukhyaalaya par vibhinn vibhaag/ kaaryaalaya kholne, kalektret, police line, nai civil line, sarkit house jaise nae sarkaari-bhavan nirmit karavaane aur prataapagadh jile ko railway line sahit naagrik suvidhaaeain upalabdh karne ke prayaason mein sanlagn rahe. [21] [22] [23] August 2011 se October 2012 ke beech kaaryarat jile ki pehli mahila collector Tina soni theen. 1 October 2012 se 16 April 2013 ke beech mohammad shafi kuraishi ko yeh padabhaar diya gaya, ratan laal laahoti is pad par 22 April 2013 se padasthaapit hain. yahaan is se pehle dau॰ pruthveeraaj saankhala (26/01/2008 se 01/01/2009) bhaanuprakaash etaroo (07/01/2009 se 16/04/2010) aur rohit gupta (19/04/2010 se 19/10/2010) bhi jila collector ke pad par rahe.[24]

vaagad, maalava aur mevaad ka sanskruti-sangam

praakrutik Sushma ka dhani prataapagadh jila baansavaada, chittaudagadh, neemach, ratalaam aur mandasaur jilon se mila hua hai, isliye yeh aakasmik naheen hai ki yahaaain ki aadivaasi-sanskruti aur parampara par na keval Rajasthan, balki Madhya Pradesh ki bhaasha, veshabhoosha, boliyon aur sanskruti ki bhi chhaap hai. madhya pradesh se prataapagadh ki sarahadein lambaai mein kareeb 60 pratishat hisse se milti hain aur bhaugolik dooriyon ke kam hone ke kaaran aaj bhi Rajasthan ke sudoor jilon mein bete-betiyon ka byaah karne ki bajaay rishte-naatedaari ke liye log padausi-raajya madhya pradesh ki taraf hi dekhte hain!

aadivaasi meena

seetaamaata mandir ke saamane ek meena aadivaasi: he. she.

haalaaainki prataapagadh mein sabhi dharmon, maton, vishvaason aur jaatiyon ke log sadbhaavanaapoorvak nivaas karte hain, par yahaaain ki janasainkhya ka mukhya ghatak- lagbhag 60 pratishat, meena aadivaasi hain, jo raajya mein 'anusoochit janajaati' ke roop mein vargeekrut hain. peepal khoont upakhand mein to 80 feesadi se jyaada aabaadi meena janajaati ki hi hai. jeevan-yaapan ke liye ye meena-parivaar moolat: krushi, majadoori, pashupaalan aur van-upaj par aashrit hain, jinki apni vishisht-sanskruti, boli aur veshabhoosha rahi hai.

anya jaatiyaan goojar, bheel, balaai, bhaanti, dholi, rajput, braahman, mahaajan, sunaar, luhaar, chamaar, naai, teli, tamboli, lakhera, rangarej, raibaari, gavaariya, dhobi, kumhaar, dhaakad, kulami, aanjana, paateedaar aur daangi aadi hain. sikh-sardaar is taraf dhooaindhane se bhi nazar naheen aate.

lok sanskruti

lok par haavi kathit aadhunikta

inke reeti-rivaaj, lokageet, lokanrutya, vaar-tyauhaar aur shaadi-byaah ke taur-tareeke bhi alabele hain, par teji se badh rahe shahareekaran ke prabhaav aadivaasi paramparon par bhi bahut mukhar hain. udaaharan ke liye, gaanv mein vivaah-utsav par ab baindabaaja bulavaaya jaane laga hai aur mehamaanon ke bhoj ka jimma 'ketarar'-halavaaiyon par hai ! bahut si jagah, maangalik-avsaron par kiye jaane vaale paaramparik lok-nrutyon tak mein filmi sangeet sama gaya hai. kai gaanvon mein saje-dhaje thelon waali lokal beind-paartiyaan bani hui hain.

mautaana

yahaan ki ek vichitr vishisht parampara hai- mautaana : jo poore Udaipur sanbhaag mein, khaas taur par aadivaasi baahulya jilon-prataapagadh, doongarapur aur baansavaada mein bahuprachalit hai [25]. durghatana mein ya apraakrutik paristhitiyon mein maut ho jaane par saari ki saari aadivaasi aabaadi 'doshi' ya aparaadhi ka tab tak gheraav rakhati hai, jab tak uske dvaara nakad muaavaje aur saare samudaaya ke liye desi-daaroo ka intajaam naheen kar diya jaata. is prakriya mein donon pakshon ki taraf se saudebaaji ya 'baargening' aam baat hai. kai baar to 'mautaana' ki rakam tay hone tak shav ka antim sanskaar tak naheen kiya jaata, bhale ismein kai kai ghante lag jaaeain ya kai din! [26] jurmaane ki rakam kuchh sau se kuchh lakh tak bhi ho sakti hai. kai baar is sthaaneeya police prashaasan ko is rasm ke kaaran kaanoon-vyavastha bhi banaani hoti hai. aadivaasiyon ki 'jaatigt-panchaayat' hi bahut baar chhote-mote aparaadhon ka faisala karti hai aur doshiyon par jurmaane thokati hai, police-kachahari ka number to baad mein tab aata hai, jab maamala jaati-panchaayat ke haath se nikal jaaye! is samasya ke niraakaran par idhar vichaar-vimarsh bhi chal raha hai [27]

aadatein aur khaanapaan

afeem ka bada utpaadak jila hone ke baavajood prataapagadh mein afeemachi ine-gine hi honge, vivaah aur anya avsaron par desi sharaab ka prachalan aam hai, yon pratidin sevan ke liye har aadivaasi-parivaar apne liye mahuaa ke foolon se bani (kaanoonan pratibndhit) sharaab zaroor banaata hai. shahar mein madiraapremiyon ke liye kuchh ek laaisensashuda maikhaane (baar-restaurant) hain. sharaab ki sarkaari dukaanon ke band hone ka vakt raat 8 baje hai.

sharaab banaane ke liye mahuaa[28] ke fool beenane vaale naasamajh aadivaasi kai baar pedon ke neeche jo aag laga dete hain, vah kai baar daavaanal ka roop le leti hai. mahuaa ke ped ko yahaan sanrakshit kiya jaata hai kyon ki ye unki 'dava-daaroo' ka ekamaatr srot jo hai!

reeti-rivaaj

shaadi ke mauke par koi bhi aadivaasi steel ki thaali aur gilaas kanyaadaan mein bheint mein dena naheen bhoolata. har shaadi ke baad bahut badi sankhya mein ladki vaalon ke yahaan steel ki thaaliyaaain aur gilaas/lote jama ho jaaya karte hain. jaati-biraadari ka sahabhoj 'mosar' har shaadi mein aayojit hota hai. pehli beevi ke jinda rahate hue bhi doosari, yahaan tak ki teesari shaadi karne ko bhi yahaaain saamaajik drushti se aadivaasi samaaj mein bura naheen maana jaata, isliye bahupatni vivaah paryaapt lokapriya hain. saubhaagya se baal vivaah ki kupratha yahaan utani prachalit naheen hai, agar ladkiyon ki shaadi 18 baras se kam umr mein kar bhi di jaati hai, to bhi praay: 'gaune' ki rasm, ladki ke rajasvala hone ke baad hi ki jaati hai. striyon mein pratidin nahaane-dhone ka rivaaj aashcharyajanak roop se kam hai, bas, khaas-khaas avsaron par hi graameen anchal ki auratein nahaaya karti hain.

yahaan ki ek anya moorkhataapoorn janajaateeya parampara 'vanadevi' poojan' hai- jin dampatiyon ke santaan naheen hoti, ve nissantaan, chhoti-moti pooja ke baad akele jungle mein ja kar jungle ke ek ped ko gupchup aag laga dete hain aur yeh maanate hain ki is 'agni' se vanadevi prasann ho kar unki god bhar deingi, par 'seetaamaata' mein is andhavishvaas ke chalte bade paimaane par vruksh kaal-kavalit hote rahe hain.[29] prataapagadh ke yuva filmkaar [pravesh paradesi] ne isi tarah ki kuchh sthaaneeya prathaaon par filmaankan se logon ka dhyaan kheencha hai|

ek theth aadivaasi ghar : saujanya: ghanashyaam sharma, prataapagadh

aadivaasi-aavaas

haalaanki peene ka paani neeche se oopar chadhaane mein aadivaasi striyon ko har din bahut mehnat-mashakkat karni padti hai, parantu gaanvon mein keloo ki chhaton vaale mein kachche makaan ya jhonpadiyaan pahaad ki oonchaai par banaane ka rivaaj is ilaake mein bada puraana hai, taaki neeche se oopar ki taraf aate ajanabiyon ko door se hi dekha ja sake. aagantuk mehamaanon ka dhol baja kar svaagat karne aur unhein naya saafa baandhane ki rasm bhi yahaan puraani hai. makaan kachche aur keloo ke khaparailon vaale hain, jo ghaas, baans, adhapaki inton, kaali mitti aur lakdi se banaaye jaate hain. kaaran agyaat hai, par praay: yahaan ke graameen gharon mein khidkiyaaain hi naheen hoteen!

pahanaava aur jevar

graameen anchalon ki auraton ka mukhya pahanaava sooti ghaaghara, chhapi hui gahari laal-bhoori odhani aur kabja (blaauj) hai, gahane praay: chaandi ke hi hote hain. shaadi mein bhi yathaashakti chaandi hi bheint mein di jaati hai. auratein paaainv, haath, gardan, kaan aur sir par vibhinn tarah ke gahane dhaaran karti hain, striyaan sir par 'bor' ya 'borala', paanvon mein 'kadi', baahon mein 'baajooband', baalon mein 'ladi-jhumaka', uaingaliyon mein angoothiyaan aur naak mein 'nath' ya 'long' dhaaran karti hain. aadmi aksar saafa, paag (pagadi) dhoti aur sooti kameej ya angarakha-kurta pahanate hain, par ve shareer par koi khaas aabhooshan naheen pahanate. kuchh khaas 2 jaatiyon mein mardon ke kaan mein 'muraki' zaroor dikhlaai deti hai. bohara musalmaan sir par saamaanyat: (kroshiye se buni kalaapoorn) topi lagaate hain.

vaar-tyauhaar aur mele-thele

prataapagadh jile mein ambaamaata, gupteshvar mahaadev, seetaamaata, gotameshvar, sholi hanumaan, bhanvar maata, deepeshvar aur kuchh anya mandiron aur teerthon par nirdhaarit tithiyon par graameen mele lagte hain aur kaaka saahab ki dargaah par saalaana urs.

saare pramukh hindu aur muslim tyauhaar yahaan manaaye jaate hain. divaali, govardhan pooja, holi, rang-teras, raakhi, mahaashivraatri, hanumaan jayanti aur dashahara unamein sarvapramukh tyauhaar hain. sharad navaraatr aur vasant navaraatri bhi yahaan lokapriya hain. holi par 'dhoondhotsav' manaaye jaane ka rivaaj hai. poore Hindustan ki tarah log 'dhuleindi' par rang naheen khelte, holi ke 13 din baad padne waali tithi 'rang-teras' ke din rang-gulaal lagaane ki pratha hai. 'dashaamaata utsav' ke dauraan gaanvon mein gair nrutya kiya jaata hai, 'bhaag-dashami teej' par Baba raamadev ki savaari niklati hai aur 'sheetala saptami' par jab gharon mein aksar choolha naheen jalaaya jaata, makai se bane ek din puraane (thande) dhokale khaae jaate hain. koi bhi shubh kaam karne pehle 'gangoj' aur raatri-jaagaran yahaan ke graameen anchalon mein hamesha aayojit hote hain, devara-poojan kar ke 'devare ki paati' bhi maangalik avsaron par aksar li jaati hai.

jile mein muslim janasainkhya bahutaayat mein na hone par bhi yahaaain Eid, muharram,baaraavafaat,22 rajjab, 14 shaberaat, jamaat-ul-vida aadi tyauhaar sthaaneeya muslim manaate hain. sindhi hindu parvon aur tyohaaron ke alaava ke alaava lohadi aur cheteechand jaise tyauhaar bhi manaate hain. sikkh aur isaai aabaadi lagbhag naganya hone se yahaaain gurudvaare aur church nazar naheen aate.

bhaasha, saahityakaar, teerth, hastakala-parampara aur nagar

bhaasha

kshetr ki sarvaprachalit bhaasha hindi hai, par 'kaanthali' sthaaneeya graameen boli hai, jismein mevaadi, maalavi, gujaraati aur vaagadi jaisi boliyon ke shabd hain.

jile ke saahityakaar

yahaan bhi har shahar ki tarah kai chhote-mote kavi aur shaayar hain, par poochhane par pramukh lekhak ke roop mein log 'paradeshi' (vaastavik naam : mannaalaal sharma (1923-1977) ka naam bade sammaan se lete hain, jinhonne apne chhote se jeevan-kaal mein 15 upanyaas, 16 kavita sangrah, 8 baal-saahitya pustakein, 3 naatak aur 14 anoodit kitaabein hindi mein prakaashit keen. unki smruti mein nagarapaalika prataapagadh ne ek chhota sa saarvajanik park bhi nirmit kiya hai. 'paradesi-parivaar' ki nayi peedhi patrakaarita aur film-nirmaan mein lagi hai.

jile ki pravaasi-aabaadi

prataapagadh shahar mein sthit 'kaaka saahab' ki dargaah : he. she.

prataapagadh ke anekaanek sampann muslim bohara parivaar madhya-poorv ke deshon mein rah kar vyaapaar mein sanlagn hain, par saal mein ekaadh baar pravaasi bohara vyavasaaiyon ko apne shahar ki yaad unhein prataapagadh kheench hi laati hai. par unke banavaae bahut se mahange, aadhunik sukh-suvidhaaon se yukt saal bhar khaali pade makaan, apne maalikon ke lautane ki baat johate se dikhte hain! yahaaain muslimon ka pramukh aakarshan hai- muslim sant saiyadi kaaka saahab ki dargaah, jiski idhar badi maanyata hai! khaas taur par saiyadi kaaka saahab ke urs par, jo har baras aayojit hota hai, duniya bhar ke bohara-musalmaan prataapagadh aate aur shraddhaapoorvak kaaka saahab, unki marahoom begam aur unke saahabajaade ki paas-paas bani teen majaaron par akeekat ke fool pesh karte hain.

prataapagadh jile ke kai maamooli chhote-mote gaaainvon ke fitr, planbar, kaareegar aur khaati tak madhya-poorvi deshon mein pravaasi bhaarateeyon ke bataur majadoor apna jeevan-yaapan kar rahe hain.

prataapagadh jile mein darshaneeya

aadivaasi-teerth–gautameshvar

puraanakaaleen mandaakini kund, gotameshvar, chauthi-paanchaveen sadi : he. she.

doosra aur bada 'aadivaasi-teerth' hai–gautameshvar, jo aranod se kuchh hi door ek suramya pahaadi ghaati ki talahati mein hai, jahaaain chauthi aur paanchavi shataabdi ke praacheen mandir hain. har baras yahaaain 'meena' samaaj ke janajaateeya shrruddhaaluon ka saalaana-mela bharta hai, jismein door-door tak ke hajaaron aadivaasi jor-shor se hissa lete hain. yahaaain ka mandaakini-kund Bhaarat ki sabse pavitra aur poojaneeya maani jaane waali nadi ganga ki si maanyata rakhata hai.

kaha jaata hai ki treta yug mein maharshi shrrung ne is sthal par rah kar kathor tapasya ki thi jinke prataap se yahaaain 'ganga' ki bhoomigat dhaara prakat hui. sthaaneeya logon ka vishvaas hai ki jaise rishivr Gautam ko gau-hatya ke paap se yahaan mandaakini-kund aa kar 'mukti' mili thi, usi tarah is kund mein snaan karne aur gautameshvar-mahaadev ke darshan se saare paap nasht ho jaate hain. haalat yahaan tak hai ki isi dhaarmik-sthal par bani hui aadivaasiyon ki puraani “akachaharee” fees le kar aupachaarik taur par chhapa hua aur mohar laga hua 'paapamukti-pramaanapatr' bhi jaari karti hai!

Rajasthan sarkaar ne paryatan vibhaag ke maadhyam se lagbhag 1 karod 20 lakh rupayon ke aarthik sahayog se is teerthasthaan ke 'punaruddhaar' ki yojana varsh 2011 ke liye sveekrut ki thi.

hinduon ke doosare lokapriya dhaarmik-sthaan

bhanvaramaata ke mandir ke aaspaas ka bhoogol aur kund mein snaanaarthi : he. she.

yon to har bhaarateeya shahar ki tarah yahaan bhi Shiv, hanumaan, amba, aadi ke anginat chhote-mote-mandir hain, kintu 'bhraamareedevi' ya 'bhanvaramaata' shaktipeeth (chhoti saadadi), 'ambaamaata', 'kamaleshvar mahaadev', 'gupteshvar' mandir aadi pramukh devasthaan hain, jin par niyamit roop se shraddhaalu aate hain.

chhoti saadadi se bas thodi hi door sthit bhanvaramaata mandir ka nirmaan aaj se lagbhag 1250 saal pehle 'maanvaayani-gotr' ke ek raaja Gauri ne karavaaya tha, jaisi ki uske tatkaaleen raajakavi som dvaara utkeern karavaae gaye mandir ke bheetar sthaapit ek bahut hi puraane shilaalekh se jaankaari milti hai. 'bhanvaramaata' shaktipeeth ka bhoogol bhi rochak hai, oonchi-oonchi kathor chattaanon ke beech, khaas taur par barasaat ki ritu mein lagbhag sattar-assi foot ki oonchaai se girne vaale ek praakrutik jharane ke kaaran, jo sirf varshaakaal mein jeevit rahata hai.

jaakham baaaindh

sinchaai ke liye nirmit yeh baaaindh ^[13] ek lokapriya paryatak sthaan hai.

prataapagadh jile ki hastakala

theva aabhooshan-ek maulik parampara

prataapagadh ke lokapriya theva-aabhooshan : he. she.

prataapagadh ki ek suprasiddh hastakala hai- kaanch par meenaakaari ke aabhooshan banaane ka hastashilp theva, jiske aavishkaar ka shreya puraane jmaane ke ek svarnakaar naathooji soni ko diya jaata hai. is hastashilp mein hare, laal, peele, neele aur hare kaanch ki parat par sone ki paramparaagat nakkaashi aur chitraankan kiya jaata hai. aabhooshanon ke alaava kai upayogi sajaavati vastuon ke roop mein bhi 'theva-kala' apna vistaar kar rahi hai.

ab theva banaane vaale sthaaneeya sunaar-parivaar swayam ko 'raajasoni' likhte hain. unke baad ki peedhi ke kai svarnakaaron ne raajya-stareeya, raashtreeya, yahaan tak ki kai antararaashtreeya svarnaabhooshan pratispardhaaon mein shirkat karte hue apne liye mahatvapoorn purooskaar aur sammaan jeete hain. yahaan tak ki prataapagadh ki is vishisht hastakala 'theva' ka ullekh ensaiklopediya britaanika ke "pi" khand mein tak mein kiya ja chuka hai. is puraani kala-parampara mein design sambandhi aadhunik navaachaaron ki badi gunjaaish hai, par adhikaansh raajasoni ab bhi aabhooshanon ki design mein nayaapan laane ke prati anutsuk jaan padte hain! sanyog se poore raajya mein theva kala ka koi alag (eksakloosiv) emporiym naheen khula hai, jab ki is aabhooshan kala ke niryaat ki paryaapt sambhaavnaaen hain.

prataapagadh nagar

shahar banta hua kasba [30]

prataapagadh mein navanirmit sarkit-house : he. she.

puraane dhab ke shahar dekhne hon to prataapagadh bhooli-bisri nagar niyojan parampara ki kahaani aap kehta ksba hai, ise sahi maayanon mein 'shahar' kehna aapki udaarata hi kahi jaaegi! prataapagadh chaar sau saal puraani basaavat ka kasbaanuma shahar hai, iseeliye thasaathas base shahar ke puraane hisse mein ek-dooje se jude makaan hain, galiyaan tang aur androoni sadkein kaafi sankari hain, par shubh hai, pichhle kuchh ek saalon ke dauraan shahar ka vistaar teji se ho raha hai. jaise- bhavya sarkaari imaaraton mein nayi bani kalektri ka pehla charan (dekhein oopar chitr), haal mein nirmit 48 sarkaari bangalon waali civil line, navanirmit sarkit house,[31] naya politekneek bhavan, 102 makaanon ki police line aur sheegra poora hone vaale jila stadium aadi dhyaanaakarshak hain, to niji star par aadhunik-shaili ke kai bangale aur mahange makaan banavaaye gaye hain, (khaas taur par sampann bohara-muslim parivaaron dvaara) jo aksar baahar hi rahate hain.

prataapagadh shahar mein do-teen mandir apekshaakrut praacheen hain- 200 saal puraana 'deepeshvar mahaadev'(nirmaata mahaaraaj deep Singh), gupteshvar mahaadev, keshavaraaya mandir aur 'shankheshvar paarshvanaath', jiske baare mein kinvadanti ye hai ki yeh mandir sainkadon saal pehle jab aakaash-maarg se uda kar kaheen aur le jaaya jaaya raha tha, to mevaad-maalava kshetr ke tatkaaleen ek vikhyaat taantrik 'yati ji mahaaraaj' ne, jahaaain vah tapasyaarat the, apne yogabal se ise aakaash se beech hi mein dharati par utaar liya tha. kinvadantiyaaain bahudha itihaas se jyaada rochak hoti hain!

raaja deepasinh ke shaasan kaal mein nirmit 'deepeshvar mahaadev' ke kinaare prataapagadh ka ekamaatr bada taal, 'deepeshvar-taalaab' hai, jahaaain ab shahar ke dhobi, aaj nirbaadh maile kapde dhote hain.

yahaan ke baajaaron ka drushya niraashaajanak hai. aaj tak bhi koi aadhunik' mall' ya bada dipaartameintal store shahar mein naheen hai! iske liye kuchh log padausi mandasaur ya Udaipur ke baajaaron ka rukh bhi karte hain. aadhunik 'baajaar-sanskruti' aur yaataayaat-sanskaar (trefik sens) ke lihaaj se prataapagadh aaj bhi ek shahar naheen, ek arddh-shahari kasba hi nazar aata hai! pashuon ko khule aam sadakon par aavaara khule chhod dena yahaan ke pashupaalakon ke svabhaav mein shaamil hai. kachchi bastiyaan bhi yahaaain apni dasha sudhaare jaane ke intajaar mein hain |[32]

prataapagadh mein afeem ki kheti: adhiktam utpaadan ke liye puraskaar-vijeta krushak badreelaal paateedaar ka khet : he. she.

puraane jmaane mein khareef ki pramukh fasalein jvaar, makka, til, kodara, koori, saamali, maal, chaaval, moong, udd, chaulaai, arahar, san, kapaas theen, jab ki rabi ki fasalon mein geinhooain, jau, chana, afeem, sarason, alasi, ajavaain, raai, matar, masoor aur suaa aadi pramukh the.

aaj is kshetr ki pramukh fasalein geinhooain, makka, jau, moongafali, sarason aur pramukh dalahan-fasalein soyaabeen, chana, moong, udd , chaulaai aadi hain. Rajasthan ke kai hisson mein jyaadaatar ugaai jaane waali fasal baajara yahaaain lagbhag naheen hoti.[33]

haaain, prataapagadh ki sabse mahatvapoorn nagad-upaj hai– afeem, jise is taraf 'kaala sona' bhi kehte hain. jile mein afeem ugaane vaale 6781 kaashtakaar laaiseinsadhaarak hain. kendra sarkaar ke narcotics bureau ke anusaar varsh 2011 mein kareeb 15,85,373 kilo afeem ki sarkaari khareed hui thi. afeem utpaadan ki naveenatam sthiti yeh hai- [34]

yahaan ki krushi aadhaarit arthavyavastha ka doosra bada srot vanon se praapt upaj hai- jismein jalaaoo aur imaarati lakdi (saagavaan), gond, safed moosali, kattha, mahuaa, koyala, shahad, karonda, timru, teindoo-patta vagairah hain.[35]

solahaveen Loksabha mein chittaudgadh lok sabha nirvaachan kshetr sansadeeya kshetr se bhaarateeya janta party ke chandraprakaash Joshi vartamaan saansad hain. vidhaanasabha mein prataapagadh vidhaanasabha nirvaachan-kshetr ke 5 vidhaayak hain | [36] jila parishad (gathan varsh 2010) mein 17 sadasya hain. jile mein kul 152 gram panchaayatein hain jinke 1630 nirvaachit sadasya hain. prataapagadh nagar paalika ke 25 aur chhoti saadadi ke 20 sadasya nirvaachit hain. krushi upaj mandi prataapagadh ke nae chunaavon ki prakriya 2011 mein poori hui thi| naveenatam sthiti yeh hai-[37] is kshetr ke raajanaitik bhedabhaav ko le kar yahaaain ke jan pratinidhi aksar asuntusht rahe hain|[38]

prataapagadh-baansavaada sadak : he. she.

sadak-maarg

raashtreeya raajamaarg-113 (nimbaaheda se dahod) par avasthit prataapagadh sadak-maarg se Rajasthan ke alaava Gujarat aur madhya pradesh se juda hua hai. 12-A yahaan ki antararaajyeeya M.di.aar. (mukhya jila sadak) hai. Rajasthan parivhan nigam ki aur private basein pratidin sabhi pramukh gaanvon ke alaava kai shaharon- mandasaur(32) nimbaaheda (82)baansavaada (85) chittaudagadh (110) Udaipur (145) raajasamand (133) Ajmer(300), doongarapur (95) Jaipur (419) Jodhpur (435), dhaulapur(585), soorat (512) aur Delhi (705) ke beech chalti hain. jile mein 1879 kilometer lambi pakki sadkein aur 7,500 se jyaada (sabhi shreniyon ke) panjeekrut vaahan hain.

railway-line

'apekshaakrut ooainchaai par hone' se aur rel mantraalaya ki drushti mein 'kharcheela sauda' hone se abhi tak prataapagadh mein rel naheen aa pai hai, jiske liye yahaan ke prashaasak aur naagrik sanyukt roop se utsuk aur prayaasarat hain. jila collector hemant shesh, pehle charan mein, mandasaur (badi line)[39]se prataapagadh ko jode jaane ke liye gambhir koshishein kar rahe hain. apni prataapagadh-yaatra ke dauraan mukhyamantri shri ashok gahalot ne 18 May 2011 ko prataapagadh-prashaasan aur naagrikon ko aashvast kiya hai ki Rajasthan sarkaar bhi apni taraf se prataapagadh mein rel laane ke prayaason mein kabhi peechhe naheen rahegi|[40]

havaai-sanbaddhata

yahaaain ka niktatam havaaiadd 145 kilometer door, dabok, Udaipur mein hai. Mumbai aur Delhi ke havaai maarg ke lagbhag ekdam beech mein hone ki vajah se prataapagadh shahar ke najdeek dhariyaavad maarg par 'airport othoriti of India' ne ek 'vi O aar station' (vaayuyaan sanketak kendra) sthaapit kiya hai. Rajasthan sarkaar ne April 2011 mein lagbhag 2 kilometer lambi, bade jet vimaanon tak ke utarane laayak ek havaai patti gaanv varamandal mein (jo mukhyaalaya se 12 ki॰mee॰ door hai) manjoor ki hai, jiska lagbhag 9 karod ki laagat se nirmaan-kaarya shuroo ho gaya hai! yahi havaai patti 'bhavishya ka havaai-adda' hogi!

praveen Kumar sharma May 2011 se yahaan ke jila police adheekshak 2013 tak the, ab is pad par you N chhaanavaan hain. [41]

puraani police

agar itihaas ke pannon mein jaaeain to mahaaraaja raghunaath Singh ke jmaane mein 1912 mein distrikt police kaptaan (S pi) ka naya pad banaaya gaya tha jo ghudasavaar police, paidal sipaahiyon aur hathiyaarakhaane ki vyavasthaaen bhi dekhte the. us jmaane mein prataapagadh raajya mein bas teen thaane the, saat police naake, chaar police chaukiyaan aur nau anya 'nigraani sthal'. aapatkaal se nipatne ke liye tab ki police lohe ke bhaale, 'munjaal', 'seengal' topeedaar (baaroodi) bandookon aur ghudasavaar tukadiyon se lais thi. shahar ke alag alag nau naakon par tatkaaleen jaageeradaaron ki 'thikaana-fauj' ke sipaahi tainaat hua karte the.^[14]

police aaj

aaj jile mein 13 police thaane- prataapagadh, chhoti saadadi, dhariyaavad, aranod, peepalakhoont, dhaulaapaani, dhamottar, rathaanjana, saalamagadh, suhaagapura, devagadh, aur hathooniya mein aur in thaanon ke adheen vibhinn sthaanon par 16 police-chaukiyaan hain. jila mukhyaalaya par ek alag mahila-thaana khole jaane ki prakriya mein hai. cyber aparaadhiyon, dangaaiyon aur firauteekartaaon se nipatne ke liye aadhunik police suvidhaaon ke vistaar ki prakriya paaipalaain mein hai. afeem utpaadak jila hone aur Madhya Pradesh se seemaaon ke sangam ke kaaran sangathit maafiya girohon dvaara cyber tareekon se avaidh vasooli yahaaain ki ek jvalant kaanoon vyavastha samasya hai![42]

aparaadh

varsh 2010 mein is jile mein bhaarateeya dand sanhita aur anya kaanoonon ke tahat 2256 sanjnyaeya aparaadh aur 6535 jmaanati aparaadh darj kiye gaye the. guptachar vibhaag ki aparaadh shaakha dvaara August 2011 mein jaari aankadon ke anusaar gat 6 maahon (January se July 2011 tak) ki avadhi mein aparaadh ke aankadon mein 22 pratishat ki vruddhi darj ki gayi, jo raajya mein aparaadh-vruddhi ki sarvaadhik dar hai! (khabar : 'Rajasthan patrika' 4 August 2011) aparaadhon ki naveenatam sthiti ke liye dekhein : [43]

jail

jila kaaraagaar,prataapagadh

prataapagadh mukhyaalaya par jila kaaraagruh aur chhoti saadadi mein ek up-kaaraagruh hai [44] jinmein vichaaraadheen kaidi rakhe jaate hain. prataapagadh jail bahut puraani hai, itni puraani ki July 2011 ki varsha ke dauraan jail ki mukhya deevaar 100 foot tak ki lambaai mein ekaaek dharaashaai ho gayi thi, jise raaton raat theek karavaana pada. aaingarej shaasan ke dauraan 1912 mein british resideint 'major' dvaara is jail ke ek muaayane ke baad likha gaya ek aitihaasik 'inspekshan not' aaj bhi jail record ke abhilekhaagaar mein surakshit hai.[45]

prataapagadh raajya mein nyaaya vyavastha ka itihaas

puraane samooche prataapagadh raajya mein mahaaraavat, kaamadaar aur 11 doosare saradaaron ki madad se nyaayik maamale dekhe jaane ki vyavastha thi. baad mein jab tatkaaleen prataapagadh raajya ne nae paanch jile- prataapagadh, kanaura, bajarangagadh, sakathali aur mangara banaaye, to un par 'jila-haakimon' ki tainaati ki gayi. aaj ke jila collector ki hi tarah ve jila-haakim raajasv ke alaava nyaaya kaarya bhi niptaaya karte the. in jila haakimon ke aadeshon ki apeelein khud raaja (mahaaraavat) sunate the. mahaaraavat ke aadesh ki kaheen appeal naheen ho sakti thi. Supreme court ke baraabar tab ki 'Rajyasabha' thi, jiski 'ijalaas-khaas' mein mahaaraavat anya sadasyon ki salaah se nirnaya lete the. raajasabha ko mrutyu dand (saja-A-maut) dene ki shakti tak thi. prataapagadh ke puraane gadh-parisar mein kshat-vikshat faanseeghar ke avashesh aaj bhi dekhe ja sakte hain. 'ijalaas shaakha' ke saare faisalon ki appeal mahaaraaj khud suna karte the. jaageeradaaron ki appeal session-judge ke nyaayaalaya mein hoti thi.^[15]

raajya ke doosare pramukh thikaanon mein nyaaya vyavastha laagoo karte hue dhamottar, jhaantala, baradiya, Raipur, kalyaanapur, aabeeraama, achalaavada, aranod aur saalamagadh ke thikaanon ko kuchh deevaani aur kuchh faujadaari adhikaar hi diye the. 1938 ke baad 'nai nyaaya vyavastha' ke tahat High Court ko 'session-judge' aur neeche ki adaalaton ki apeelein sunane ke adhikaar mil gaye.^[16]

prataapagadh mein varsh 1944 mein svaadheenata se poorv 'High Court' ke roop mein aaj ka jila evam satr nyaayaadheesh court sthaapit kiya gaya tha, jiske baad 1980 mein chhoti saadadi mein upper mukhya nyaayik magistrate, 1983 mein nyaayik magistrate (kanishth-varg), 1989 mein upper mukhya nyaayik magistrate, 1992 mein anusoochit-jaati-janajaati atyaachaar nivaaran nyaayaalaya, 1994 mein maadak padaarthon se sambaddh aparaadhon ki rokathaam ke liye nyaayaalaya, 2008 mein jila upabhokta manch, aranod aur dhariyaavad mein do upper mukhya nyaayik magistrate court aur 2010 mein ek jila stareeya graameen nyaayaalaya khole gaye hain. raajasv adhikaariyon ke yahaan 13 doosare nyaayaalaya bhi hain jo raajasv appeal praadhikaari, collector, atirikt collector, upakhand adhikaari (5) aur tahaseeladaaron (5) ke hain.

prataapagadh ka riyaasatakaaleen jnaana aspataal : he. she.

riyaasat kaal mein san 1894 isvi mein khola gaya sadar aspataal [46] aur 1936 mein bana jnaana aspataal puraani chikitsa ikaaiyaan hain. jahaaain jila mukhyaalaya par 277 rogi-shaiyyaaon ka ek jila aspataal hai, vaheen 7 saamudaayik svaasthya kendra, 53 ayurvedik aur homyopaithi aspataal/davaakhaane, 23 praathamik svaasthya kendra, 2 elopathik dispeinsariyaan aur 153 svaasthya up-kendra (A.N.em. center) bhi kaaryarat hain.[47]

'108 aapatakaaleen embuleins seva suvidha" bhi aarambh mein keval prataapagadh, chhoti saadadi aur dhariyaavad mein upalabdh thi-kaalaantar mein jile ke anya do upakhandon mein bhi ye 108 seva June 2011 mein aa gayi hai. aadhunik medical suvidhaaon se yukt ek medical mobile unit bhi jile mein hai![48]

2 October 2011 se prataapagadh jile ke pratyek chikitsa kendra par Rajasthan sarkaar 350 jenerik davaaen har rogi ko muft dene ki yojana laai hai|[49] anek private klinik to yahaaain hain hi|[50]

jile mein 8 post office hein jo prataapagadh, prataapagadh-kachahari, chhoti saadadi, aranod, dalot, rathaanjana, dhariyaavad, peepalakhoont hain. bambori aur dhamottar mein daak vibhaag ke shaakha-daakakhaane hain. speed post seva sirf prataapagadh tak seemit hai.[51]

jile mein vyaavasaayik bankon ki 27 shaakhaaen hain, [52] vaheen 12 aanchalik bank, 4 sahakaari bank, 2 bhoomi vikaas bank bhi kaam kar rahe hain. jile mein vyaavasaayik bankon ke 12 se jyaada A.ti.M bhi hain jinmein se 9 prataapagadh shahar mein aur 3 anyatr- dhariyaavad, peepalakhoont aur chhoti saadadi mein hain. ab inki sankhya vikaas par hai| 'bank of Baroda' is jile ka agrani bank naamaankit hai.[53][54][55]

snaatakottar star ka sahashiksha sarkaari mahaavidyaalaya yahaan varsh 1966 mein sthaapit hua tha. [56][57] aaj saamaanya shiksha ke 3 college, vyaavasaayik prashikshan ke liye 4 aur doosare 6 bahusankaaya (malti fekalti) mahaavidyaalaya bhi hain. uchch takaneeki shiksha ki shurooaat bhi idhar ke saalon mein hui hai. jahaaain ek private injeeniyring kaalej prataapagadh se kareeb 8 kilometer door sthit dhamottar gram mein 2008 se chal raha hai, vaheen '80 ke dashak se ek sarkaari pauliteknik prataapagadh shahar mein.[58] beeseee aur beebeee paathyakram bhi niji kshetr ki mahaavidyaalaya stareeya kakshaaon mein padhaaye jaate hain! haalaaainki snaatak star ka ek niji mahila college pehle se prataapagadh shahar mein chal raha hai par janta ki maang par niji kshetr mein sarkaar se sahakaar kar 'you ji si'(vishvavidyaalaya anudaan aayog) ke maanadandon ke aadhaar par ek svatantr mahila college khulavaane ke liye vartamaan jila prashaasan ke prayaas jaari hain. sthaaneeya collegeon ki soochi ke liye dekhein-[59]

ek graamya-school: he. she.

prataapagadh jile mein 1980 ke dashak ke baad se shiksha aur saaksharata ka star kuchh ooncha hua hai par bahut kuchh karna baaki hai. ab sudoor gaanvon ke aadivaasi-parivaar bhi apne bachchon ko schoolon mein bhejane ke liye utsuk dikhlaai dete hain. shahar mein sabse pehla angreji maadhyam school tha- 'seint pauls school' jo 1989 mein khola gaya tha. uske baad to ab anek private[60][61] aur sarkaari school[62] jile mein jagah-jagah khule hain, tathaakathit angreji maadhyam bhi. maah January 2011 mein yahaaain 33,771 baalak baalikaayein naamaankit the. yahaan 929 primary (5 veen tak ke) 325 middle (9 veen tak) 154 sekendari (10 veen tak) aur 45 senior haayar sekendari (12veen tak) ke liye sarkaari hindi maadhyam school hain, jinmein ni:shulk shiksha aur 471 schoolon mein ni:shulk 'mid de meels' [63]ka praavadhaan [64] bhi hai. [65] janajaateeya kshetreeya vibhaag ke adheen ni:shulk bhojan, chhaatraavaas suvidha samet aadivaasi chhaatron ke liye jile mein sarkaari star par kai kalyaanakaari yojanaaen sanchaalit ki jaati hain. janajaateeya chhaatron ki uchch shiksha ke liye muft niyamit coaching ke alaava aarthik sahaayata bhi di jaati hai, janajaati schooli-baalikaaon ko board ke imtahaan mein 65 % se jyaada ank laane waali chhaatron ko ek-ek skooti aur saaikilein muft baaainti gayi hain.

vartamaan kul aabaadi mein se 4, 05,100 vyakti saakshar hain; jinmein 2,52,986 purush aur 1,52,110 striyaan hain. agar aayuvaar aankadon ko dekha jaaye to is jile mein 0 se 6 varsh tak ke bachchon ki aabaadi 1,48,753 hai. 2001 ki janaganana mein purushon ki saaksharata 63.45% thi to striyon ki 30.46%.

15veen janaganana ke praarambhik aankadon ke anusaar Bhaarat ki saaksharata dar 9.2 pratishat badh kar 74.04 ho gayi hai, us maanadand se abhi yeh jila peechhe zaroor hai, par Rajasthan sarkaar ke vartamaan sarvashiksha abhiyaan ke antargat varsh 2011 mein kareeb 21 hajaar nae schooli naamaankanon ka lakshya nirdhaarit kiya gaya hai, jiske 80 pratishat se jyaada lakshya July 2011 tak praapt kiye ja chuke hain.

uchit moolya ki dukaanein aur naagrik aapoorti vyavastha

jile mein graameen kshetron mein 262 aur shahari ilaakon mein 25 sarkaari 'uchit moolya ki dukaanein' hain jin par gareebi ki seema-rekha se neeche rah rahe parivaaron ko 2/- kilo ki dar se 25 kilo geinhooain muhaiyya karaaya jaata hai. cheeni aur kirosin bhi saste daamon par in dukaanon ke jriye vitrit hota hai. krushi upaj mandi ('a' shreni) prataapagadh mein kaam kar rahi hai.[66] sahakaarita vibhaag ke antargat jile mein bahuuddesheeya kraya-vikraya sahakaari samitiyaan bhi kaaryarat hain jo kisaanon ko khaad beej aur doosari cheejein upayukt daamon par bechati hain.

kasbe ki dukaanein, prataapagadh : he.she.

prataapagadh jile mein 3 L.pi.ji. gas-agencyan aur 19 petrol pamp (7 shahari aur 12 graameen kshetron mein) hain – jinke alaava deejl-aapoorti ke liye sudoor 4 'beral point' bhi deejl bikri ka kaam kar rahe hain.

kuchh ek gaanvon mein aaj bhi paaramparik 'saaptaahik haat' lagti hai, jahaaain graamavaasi na keval khareed-farokht karte hain balki saamaajik-melajol aur samvaad ke mauke bhi in ganvaai haaton mein khoob hote hain, kuchh aadivaasi ladke-ladkiyaan to inheen haaton mein aa kar apne jeevan-saathi bhi pasand karte hain! par sudoor gaanv ke log shaadi byaah ke liye 'badi' khareed prataapagadh ke baajaaron se hi karte hain.

prataapagadh jile mein 5 cinema-hall hain jin mein se 3 to shahar mein hi hain- 'archana', 'prataap' aur 'samata'. 'prataap theatre' san 1945 mein bana tha aur yeh tab poore Udaipur sanbhaag ka akela sinemaahaul hua karta tha. ek aur sinemaahaul 'darpan' bhi yahaan nirmit hua tha, par ab us par taale lag chuke hain! dhariyaavad aur chhoti saadadi mein bhi ek-ek cinema hall hai. yahaan lagne waali filmein dekh kar bhale maja na aaye, par cinemagharon ki jo haalat hai, use dekh kar khoob manoranjan ho jaata hai!

prataapagadh jile se prakaashit hone vaale kuchh chhote mote dainik akhbaaron- 'dainik kaanthal-jot', 'kuber' aur 'jaya-kaanthal'ke alaava Rajasthan patrika [67] dainik bhaaskar [68] aur dainik navajyoti [69] raajya stareeya dainik samaachaar patra prataapagadh ki khabaron aur feature par pratidin 3 se 4 prushth prakaashit kar rahe hain. [ April 2011 mein yahaan ek ilektronik samaachaar channel 'raaj news' bhi shuroo hua hai. vaise kai raashtreeya samaachaar channelon- sahaara samay, ZEE NEWS, ZEE MARUDHARA (ZEE RAJASTHAN NEWS), jan TV, E-ti vi, [70] sudarshan aur dooradarshan aadi ke liye samvaadadaata kaam karte hain. ZEE NEWS ke bureau cheef savaandadaata pravesh paradeshi jile ke TV channel patrakaar hain jo peeriyodikl press of India ke jilaadhyaksh hain. inke pita anupam paradeshi bhi yahaaain ke jaane-maane patrakaar hain jinhonne kshetr mein sarvapratham 'dainik bhaaskar' ka shubhaaranbh kiya tha. anupam paradeshi vartamaan mein ABP news ke patrakaar hain jinhonne Jaipur mein pratham film akhbaar "film baala saaptaahik" shuroo kiya. vartamaan mein filmi jagat se jude hain aur kai filmon ka nirdeshan kar rahe hain. dainik navajyoti ke sthaaneeya bureau pramukh Rakesh soni [71] bhi yahaaain ke sakriya patrakaar hain jo prataapagadh-jile ki duniya ko kai maadhyamon se bhi prachaarit kar rahe hain|

jila prashaasan ne varsh 2011 mein patrakaaron aur aamajan ke liye vaachanaalaya aur pustakaalaya ki suvidhaaon se yukt ek 'soochana kendra' bhavan sveekrut karavaaya, jiska nirmaan kaarya varsh 2011-12 mein hi poora kar liya jaana prastaavit tha. isi bhavan ke parisar mein ek 'aadivaasi kala-deergha' ka nirmaan bhi ho- aisi yojana tatkaaleen collector hemant shesh ne nirmit ki thi.

prataapagadh jile mein 'postaped mobile seva' dene waali keval ek company hai bi S N L, jiske graameen ilaake mein 9492 aur shahari kshetr mein 4010 (kul 13,502) upabhokta hein. alabatta Airtel, Aircell,vodaafon, idea, tata indikaum aur Reliance aadi 'pre ped' suvidha mobile graahakon ko dete aa rahe hain. shahar mein do private kebal oparetar bhi hain- 'prataap' aur 'raaj'.

raashtreeya soochana vigyaan kendra (national informetiks center)Bhaarat sarkaar aur Rajasthan ke vigyaan aur praudyogiki vibhaag ke sampoorn sahayog se prataapagadh jila mukhyaalaya mein August 2008 se national informetiks center (N I si) sthaapit hai- jo na keval vibhinn staron par prashikshan kaaryakram aayojit kar raha hai, balki sarkaari kaamkaaj mein computer ke istemaal ko badhaava dene ke liye raajasv, bhoo abhilekh, jila koshaalaya aur anya vibhaagon ke 'hastalikhit data' ko 'ilektronik data' mein badalne ke liye bhi safal hua hai. video kaanfreinsing suvidha collector aur sachivaalaya (rajdhani Jaipur) ke beech pehle se hai hi, ab jila star se paaainchon upakhandon ko video kaanfreinsing suvidha se jode jaane ki yojana par kaam chal raha hai. janta ki shikaayatein seedhe 'on-line' darj ki ja rahi hain, poore jile mein bijli paani telephone ke bill bhi 'E-mitr' suvidha ke sahaare bhi jama kiye jaate hain. [72]

Bhaarat nirmaan Rajiv Gandhi seva kendra

25 lakh ki laagat se nirmit tahaseel mukhyaalayon par 5 aur gram panchaayat star par 10 lakh ki laagat se nirmaanaadheen 152 mahatvaakaankshi Bhaarat nirmaan Rajiv Gandhi seva kendron ke poore ho jaane ke baad ab samooche jile mein ilektronik-cyber kraanti dastak de rahi hai. saur oorja se sanchaalit in kendron mein na keval manarega ka daftar hoga, balki is yojana ke tahat majadoori chaahane vaalon ke jaub card bhi banegein, havaai-yaatra, railway aur rodavej bas aarakshan ki kampyootareekrut ticket suvidha milegi, jaati, nivaas, aay aur mool nivaas sambandhi pramaanapatr mileinge, gaavon mein panchaayaton ke kaamon ka poora byaura paaradarshi dhang se upalabdh hoga, chaahane vaalon ke raashan-card banaae jaaenge, bijli-paani-telephone ke bill jama honge, kisaanon ko jamaabandi ki nakalein praapt hongi, jan-shikaayatein darj hongi, in kendron par cyber kaife, rin ke liye mini-bank, pareeksha ke 'on line' form bharne sambandhi anekaanek aadhunik suvidhaaen bhi ni:shulk di jaaengi.

pavan oorja sanyantron se 45 kilovaat bijli ka utpaadan sambhav hua hai|[73]

abhayaaranya mein sthit praacheen seeta kund: he. she.

seetaamaata vanyajeev abhayaaranya mein 'sadaaneera' jaakham nadi: he. she.

udn gilhari mahuaa ped ke apne kotar mein : he. she.

seetaamaata vanyajeev abhayaaranya[74]

yeh abhayaaranya [75] 422.95 vargakilomeetar mein faila hai, jo jila mukhyaalaya se keval 26 kilometer, Udaipur se 100 aur chittaudagadh se kareeb 60 kilometer door hai. yeh adviteeya abhayaaranya prataapagadh jile mein, Rajasthan ke dakshin-pashchim kshetr mein avasthit hai, jahaaain Bhaarat ki teen parvatamaalaaen- araavali, vindhyaachal aur maalava ka pathaar aapas mein mil kar oonche saagavaan (Tectona grandis) ke vanon ki uttar-pashchimi seema banaate hain. [76] aakarshak jaakham nadi, jiska paani garmiyon mein bhi naheen sookhata, is van ki jeevan-rekha hai.

prataapagadh itihaas ke aarambh se hi prakruti ki naayaab sanpada se dhani kshetr raha hai. is ke uttar-pashchimi hisse mein moolyavaan saagavaan ke bade saghan jungle the, isliye angreji shaasan ke daur mein is van-sanpada ke vyavasthit dekharekh ki garaj se ek alag mahakama-jangalaat, 1828 isvi mein kaayam kiya gaya.^[17] yaheen aise sthaan bhi the, jahaaain sooraj ki kiran aaj tak jameen par naheen padi!

sthaaneeya logon ki maanyata hai ki treta yug (raamaayan kaal) mein, Ram dvaara bahishkrut kar diye jaane ke baad seeta ne yaheen avasthit maharshi vaalmeeki ke aashram mein na keval nivaas kiya tha, balki uske donon putron- love aur kush ka janm bhi yaheen vaalmeeki aashram mein hua tha.[77] yahaan tak ki seeta antat: jahaaain bhoogarbh mein sama gayi thi, vah sthal bhi isi abhayaaranya mein sthit hai!^[18]

seinkadon saalon se seeta se prataapagadh ke rishton ke sambandh mein itni prabal lok-maanyataaon ke chalte yeh svaabhaavik hi tha ki abhayaaranya ka naamakaran seeta ke naam par kiya jaata.[78]

yahaan ki sabse jyaada mahatvapoorn vanyajeev prajaatiyon mein udn gilhari aur chaar seeng wala chausingha hiran(four Horned Antelope) ullekhaneeya hain.^[19] yahaan stanadhaari jeevon ki 50, ubhayacharon ki 40 aur pakshiyon ki 300 se jyaada prajaatiyaan pai jaati hain. Bhaarat ke kai bhaagon se kai prajaatiyon ke pakshi prajanan ke liye yahaan aate hain.

vrukshon, ghaason, lataaon aur jhaadiyon ki beshumaar prajaatiyaan is abhayaaranya ki visheshata hain, vaheen anekaanek durlabh aushadhi vruksh aur anginat jadi-bootiyaaain anusandhaanakartaaon ke liye shodh ka vishay hain. vanon ke ujadne, kheteebaadi aur maahi baandh ke shramikon dvaara atikraman kar lene se ab vanyajeevon ki sankhya aur van kshetr mein kami aati ja rahi hai.^[20]

aaj bhi yeh prataapagadh ka sarvaadhik mahatvapoorn paryatak sthal hai - prakruti-premiyon ke beech vanaspatiyon aur pashu-pakshiyon ki vividhta ke lihaaj se uttar Bhaarat ke anokhe abhayaaranya ke roop mein lokapriya ho sakane ki anginat sambhaavnaaon se bharpoor, kintu apekshit paryatak-suvidhaaon ke surgeon aur vistaar ke liye yeh saghan van-kshetr ab bhi paryatan aur van vibhaagon ki pahal ki baat joh raha hai! prakruti ki is naayaab nidhi ko andhaadhundh atikraman, ksharan aur manushyon ke anaavashyak hastakshep se bachaane ke liye ise raashtreeya udyaan banavaane ke liye jila prashaasan aur van vibhaag ke sanyukt prayaas kiye ja rahe hain.[79] [80]

prataapagadh ke praacheen gaaainv basaad mein bahut hi puraani dattaatreya ki ek pratima hai, jo isi gaaainv mein kabhi khudaai ke dauraan nikli thi. lagbhag 5 fit lambi yeh aitihaasik pratima bhi darshaneeya hai, lekin prataapagadh mein paryatan aur puraatatv-sanpada ki anadekhi ke chalte iska bhi samuchit sanrakshan naheen ho paaya hai. jaanaagadh isi tarah ka upekshit durg hai|

dhariyaavad, chhoti saadadi, aranod, peepal khoont.

• prataapagadh jile ke kuchh darshaneeya sthalon ke chhaayaachitr Photos Pratapgarh (Rajasthan)
• prataapagadh jile ke collector aur jila magistrate Administrative Setup
• prataapagadh jile ke kuchh darshaneeya sthalon ke aur chhaayaachitr [81]