prasooti


prasooti svayanbhuv manu aur shataroopa ki teen kanyaaon mein se truteeya kanya thi. prasooti ka vivaah daksh prajaapasti ke saath hua. daksh prajaapati ki patni prasooti ne solah kanyaaon ko janm diya jinmein se svaaha naamak ek kanya ka agni ka saathas svadha naamak ek kanya ka pitrugan ke saath, sati naamak ek kanya ka Bhagwan shankar ke saath aur shesh terah kanyaaon ka dharm ke saath vivaah hua. dharm ki patniyon ke naam the - shraddha, maitri, daya, shaanti, tushti, pushti, kriya, unnati, buddhi, medha, titiksha, dvi aur moorti. agnidev ki patni svaaha ke garbh se paavak, pavamaan tatha shuchi naam ke putr utpann huye. in teenon se paintaalees prakaar ke agni prakat huye. ve hi pita tatha pitaamah sahit unachaas agni kahalaaye. pitrugan ki patni sudha ke garbh se dhaarini tatha bayuna naam ki do kanyaaeain utpann huin jinka vansh aage naheen badha. Bhagwan shankar aur sati ki koi santaan naheen hui kyonki sati yuvaavastha mein hi apne pita daksh prajaapati ke yagya mein bhasm ho gain theen. dharm ki baarah patniyon ke garbh se kramash: shubh, prasaad, abhaya, sukh, mod, ahankaar, yog, darp, arth, smruti, kshem aur lajja naamak putr utpann huye. unki terahaveen patni moortidevi ke garbh se Bhagwan nar aur Narayan avateern huye. ve nar aur Narayan hi dushton ka sanhaar karne ke liye arjun aur Krishna ke roop mein avateern huye.[1]

sandarbh