pralaya

is sandook ko: dekhein samvaad

hindu dharm
par ek shreni ka bhaag

Om
itihaas · devata
sampradaaya · aagam
vishvaas aur darshanashaastr
punarjanm · moksh
karm · pooja · maaya
darshan · dharm
vedaant ·yog
shaakaahaar · aayurved
yug · sanskaar
bhakti {{hindu darshan}}
granth
vedasanhita · vedaang
braahmanagranth · aaranyak
upanishd · shreemadbhagavadgeeta
raamaayan · mahaabhaarat
sootr · puraan
shikshaapatri · vachanaamrut
sambandhit vishay
daivi dharm ·
vishv mein hindu dharm
guru · mandir devasthaan
yagya · mantr
shabdakosh · hindu parv
vigrah
praveshadvaar: hindu dharm

HinduSwastika.svg

hindu maapan pranaali

pralaya ka arth hota hai sansaar ka apne mool kaaran prakruti mein sarvatha leen ho jaana, srushti ka sarvanaash, srushti ka jalamagn ho jaana.

puraanon mein kaal ko chaar yugon mein baaainta gaya hai. hindu maanyataaon ke anusaar jab chaar yug poore hote hain to pralaya hoti hai. is samay brahma so jaate hain aur jab jaagate hain to sansaar ka pun: nirmaan karte hain aur yug ka aarambh hota hai.

prakruti ka brahm mein leen (laya) ho jaana hi pralaya hai. sampoorn brahmaand hi prakruti kahi gayi hain jo sabse shaktishaali hai.[1]

anukram

kathaanak

vaivasvat manvantar mein jo abhi bhi chal raha hai, jab pralaya sameep aaya to pralaya se saat din pehle Bhagwan ne matsya avataar liya. isi samay brahma ne bhool se vedon ka gyaan nikaal diya jise Bhagwan matsya Narayan nein bachaaya. aur satyavrat jo ek mahaan raaja the use pralaya se avagat karaaya.

jab raaja subah snaan hetu ek nadi mein gaya to use ek asahaaya machhali ki pukaar sunaai di, vah kah rahi thi ki koi use surakshit kare. raaja nein use kamandal mein rakha, ghar tak pahuainchate hue vah machhali kamandal ke aakaar ki ho gayi tab raaja nein use ek paatr mein rakha. paatr bhi chhota padne laga, tab samudra mein chhonda aur samudra bhi us machhali ke liye chhota padne laga.

tabhi us machhali nein bola ki ki saat din pashchaat pralaya hoga, raaja! tum saptarshi tatha anya jeevon ko ikatthe karo aur mere bheje gaye naav par baith jaana. raaja nein esa hi kiyaaaur sab bach gaye.

sandarbh: matsya avataar

isse milti julati kathaaeain anya dharmon mein bhi milteen hain--

islaam

jab dharati par paap badha tab ishvar ne nooh naamak ek paiganbar ko dharati mein bheja jo logon ko achhe upadesh dete the. 1000 varsh baad kul bees purush tatha bees mahilaaeain unase prabhaavit hue aur baaainki unke dushman ho gaye. tab ]]nooh]] nein ishvar se duniya ko bachaane ki praarthana ki. Allah ne nooh ko ek kashti banaakar saat din baad apne saare shishya tatha jode pashu pakshiyon ke saath baithane ko kaha, nuh ne aisa hi kiya. uske baad pralaya suru hua tatha dharati paapiyon se pavitra ho gayi aur kab nae yug ki sthaapana hui.[2]

nooh ki kahaani

us vakt nooh ki umr chhah sau varsh thi jab yahova (ishvar) ne unase kaha ki too ek-jodi sabhi tarah ke praani samet apne saare gharaane ko lekar kashti par savaar ho ja, kyonki main pruthvi par jal pralaya laane wala hooain.

saat din ke uparaant pralaya ka jal pruthvi par aane laga. dheere-dheere jal pruthvi par atyant badh gaya. yahaaain tak ki saari dharati par jitne bade-bade pahaad the, sab doob gaye. doob gaye ve sabhi jo kashti se baahar rah gaye the, isliye ve sab pruthvi par se mit gaye. keval hajarat nooh aur jitne unke saath jahaaj mein the, ve hi bach gaye. jal ne pruthvi par ek sau pachaas din tak pahaad ko duboe rakha. fir dheere-dheere jal utara tab pun: dharati prakat hui aur kashti mein jo bach gaye the unhi se duniya pun: aabaad ho gayi.

nooh hi yahoodi, isaai aur islaam ke paiganbar hain. is par shodh bhi hue hain. jal pralaya ki aitihaasik ghatna sansaar ki sabhi sabh‍aayataaon mein pai jaati hai. badalti bhaasha aur lambe kaalakhand ke chalte is ghatna mein koi khaas raddobadal naheen hua hai.

aafreeka

ek bachchi gehooain pees rahi thi tabhi ek bakari aata khaane I jise bachchi nein bhaga diya. jab vah bakari doosari baar aata khaane I tab bachchi nein use naheen bhagaaya tab bakari nein bataaya ki aaj se saatavein din pralaya hoga, tum naav banaakar apne bhaai ke sang usamein baith jaana. bachchi ne aisa hi kiya aur pralaya se bach gaye. bahut samay tak donon bhaai bahan jeevanasaathi dhooaindhate rahe par koi naheen mila, tab vo bakari pun: I aur dono se kaha ki tum dono ek doosare se vivaah karke prajanan karo. dono ne prajanan kiya jiske santaanon ne nai duniya ki neev rakhi.

pralaya ke prakaar

hindu shaastron mein pralaya ke chaar prakaar bataae gaye hain- nitya, naimittik, dvipaarth aur praakrut. ek anya pauraanik ganana anusaar yeh kram hai nitya, naimittak aatyantik aur praakrutik pralaya.

nitya pralaya

veindaant ke anusaar jeevon ki nitya hoti rahane waali mrutyu ko nitya pralaya kehte hain. jo janm lete hain unki prati din ki mrutyu arthaat pratipl srushti mein janm aur mrutya ka chakr chalta rahata hai.[3]

aatyantik pralaya

aatyantik pralaya yogeejanon ke gyaan ke dvaara brahm mein leen ho jaane ko kehte hain. arthaat moksh praapt kar utpatti aur pralaya chakr se baahar nikal jaana hi aatyantik pralaya hai.[4]

naimittik pralaya

vedaant ke anusaar pratyek kalp ke ant mein hone wala teenon lokon ka kshaya ya poorn vinaash ho jaana naimittik pralaya kahalaata hai. puraanon anusaar jab brahma ka ek din samaapt hota hai, tab vishv ka naash ho jaata hai. chaar hajaar yugon ka ek kalp hota hai. ye brahma ka ek din maana jaata hai. isi pralaya mein dharati ya anya grahon se jeevan nasht ho jaata hai.

naimattik pralayakaal ke dauraan kalp ke ant mein aakaash se soorya ki aag barasati hai. inki bhayankar tapan se sampoorn jalaraashi sookh jaati hai. samast jagat jalakar nasht ho jaata hai. iske baad sanvartak naam ka megh anya meghon ke saath sau varshon tak barasata hai. vaayu atyant tej gati se sau varsh tak chalti hai.[5]

praakrut pralaya

braahmaand ke sabhi bhookhand ya brahmaand ka mit jaana, nasht ho jaana ya bhasmaroop ho jaana praakrut pralaya kahalaata hai. vedaant ke anusaar praakrut pralaya arthaat pralaya ka vah ugr roop jismein teenon lokon sahit mahatattv arthaat prakruti ke pehle aur mool vikaar tak ka vinaash ho jaata hai aur prakruti bhi brahm mein leen ho jaati hai arthaat sampoorn brahmaand shoonyaavastha mein ho jaata hai. na jal hota hai, na vaayu, na agni hoti hai aur na aakaash aur na anya kuchh.

puraanon anusaar praakrutik pralaya brahma ke sau varsh beetane par arthaat brahma ki aayu poorn hote hi sab jal mein laya ho jaata hai. kuchh bhi shesh naheen rahata. jeevon ko aadhaar dene waali ye dharati bhi us agaadh jalaraashi mein doobkar jalaroop ho jaati hai. us samay jal agni mein, agni vaayu mein, vaayu aakaash mein aur aakaash mahatatv mein pravisht ho jaata hai. mahatatv prakruti mein, prakruti purush mein leen ho jaati hai.[6]

ukt chaar pralayon mein se naimittik evam praakrutik mahaapralaya brahmaandon se sambandhit hote hain tatha shesh do pralaya dehadhaariyon se sambandhit hain.

adhik jaankaari hetu dekhein - vebaduniyaaain prushth

kalp

pratyek kalp ke ant mein mahaapralaya hota hai. hamaara ek kalp beet chuka hai jise brahm kalp kehte hain, vartamaan ke kalp ko vaaraah kalp kehte hain jiska vartamaan mein pratham charan hai tatha bhavishya ke (iske pashchaat ke) kalp ko padm kalp kehte hain. ek kalp ko chaar arab battees karod maanav varsho ke baraabar bataaya gaya hai yeh brahma ka ek diwas athva sahastr chaturyugon (chaar yugon ke samooh ko chaturyug kehte hain.) ke baraabar maana gaya hai. aadhunik vaigyaaniko ke anusaar brahmaand ki aayu anumaanat: 13 arab varsh hai, 4 arab varsh poorv jeevanotpatti maanate hai. do kalp = brahma ke 24 ghante = 259,200,000,000 maanaveeya varsh. brahma ke 50 varsh ko ek paraardh kehte hain, do paraardh ek brahma ki aayu hoti hai. brahma ke 15 varsh vyateet hone ke pashchaat ek naimittik pralaya hota hai. brahma ka ek kalp poora hone par prakruti, Shiv aur vishnu ki ek palak gir jaati hai. arthaat unka ek kshan poora hua, tab teesare pralaya dvipaarth mein mrutyulok mein pralaya shuroo ho jaata hai. fir jab prakruti, vishnu, Shiv aadi ki ek sahasrabaar palakein gir jaati hain tab ek dand poora maana gaya hai. aise sau dandon ka ek din 'prakruti' ka ek din maana jaata hai- tab chautha pralaya 'praakrut pralaya' hota hai- jab prakruti us ishvar (brahm) mein leen ho jaati hai. arthaat sampoorn brahmaand bhasm hokar pun: poorv ki avastha mein ho jaata hai, jabki sirf ishvar hi vidyamaan rah jaate hain. na grah hote hain, na nakshatr, na agni, na jal, na vaayu, na aakaash aur na jeevan. anant kaal ke baad pun: srushti praarambh hoti hai.

jo janma hai vah marega- ped, paudhe, praani, manushya, pitr aur devataaon ki aayu niyukt hai, usi tarah samooche brahmaand ki bhi aayu hai. is dharati, soorya, chandra sabhi ki aayu hai.

chhoti-moti pralaya aur utpatti to chalti hi rahati hai. kintu jab mahaapralaya hota hai to sampoorn brahmaand vaayu ki shakti se ek hi jagah khinchaakar ekatrit ho bhasmeebhoot ho jaata hai. tab prakruti anu waali ho jaati hai arthaat sookshmaatisookshm anuroop mein badal jaati hai.[7]


sandarbh