prakruti
anekon bhaarateeya darshanon mein prakruti ki charcha hui hai.
prakruti mool kaaran, svabhaav ya roop. saankhya darshan mein satkaaryavaad ke anusaar kaarya apne kaaran mein utpatti ke poorv bhi vartamaan rahata hai. kaaran sookshm kaarya hai tatha kaarya, kaaran ka sthool roop hai. tatvat: kaarya aur kaaran mein bhed naheen hai. kaaran ka parinaam hone se kaarya ki avastha aati hai. sansaar me jo kuchh chetanaaviheen padaarth hai vah sukh, du:kh ya moh ka kaaran hai. at: ye jad padaarth kisi aise ek kaaran ke parinaam hain jismein sukh, du:kh aur moh ko utpann karanevaale gun vartamaan hain. yeh kaaran sabka mool hoga aur iska doosra koi kaaran na hoga. yeh kaaran ek aur avibhaajya hoga. ismein teenon gun apni saamyaavastha mein sthit honge. ye teen gun kramash: satv, rajas or tamas kahe gaye hain. inki saamyaavastha hi mool prakruti kahi jaati hai. yeh kisi ka vikaar naheen hai par sabhi jad padaarth iske vikaar hain.
purush ki sannidhi se prakruti mein rajogun ka parispand hone se kriya utpann hoti hain. rajogun kriya ka mool hai parantu prakruti mein chetna na hone se yeh kriya svayanchaalit hai, kisi chetan dvaara chaalit naheen hai. gunon ki saamyaavastha mein vikshobh hone se buddhi ya mahat ki utpatti hoti hai. mahat se ahankaar ki, ahankaar se paaainch jnyaaaneindriyon, paaainch karmendriyon, man aur paaainch tanmaatraaon ki utpatti hoti hai. tanmaatron se panchabhooton ki utpatti maani gayi hai. yahi prakruti ka vistaar hai.
vyaakaran mein
vyaakaran mein prakruti vah mool shabd hai jisse pratyaya aadi jod kar nae shabdon ka nirmaan hota hai.